[Open]
[Close]
肥起對方係我錯?
岩岩同FD玩完場信長
咁我地隊就係加仔.森仔(FD).瑞瓏.瀧川(FD)秀滿(我)
對面隊就淺井.道雪.大友.香宗.直江
咁一開波大家就各有各行
加仔就叫左CP,所以瀧川逼住要打路
咁因為我同森仔都係NEW
但森仔比我仲NEW,所以就瀧川同森仔一路
照下森仔等佢冇咁易死
咁我就單上
一開波對面隊上路係道雪
我都打得好好地既
但因為隻道雪太龜開實個盾
搞到我用唔到魔技一直要係到普攻
好難得咁佢俾我爆擊爆死左一次
但呢次之後,佢就好淆喇
打到一半佢就閃戒關盾轉頭走
所以我就變左做僵硬既局面
咁中路既森仔同瀧川就好似打到唔係幾好咁(因為森仔NEW爆)
森仔打到10分鐘都係食得10兵(之後仲話唔玩走埋)佢地對住淺井哥又打得好辛苦咁
咁我見中路好似俾人恰,我上路又殺唔到人
我咪同隊友講我去中
咁加仔就應我話佢去上路
而呢個時候下路既瑞瓏(應該係NEW爆)狂俾隻香宗殺
死左成6次都頂唔順走埋場(殺0死6)之後香宗都走埋唔玩
而上路既加仔又唔夠隻道雪做(佢自己講我唔夠道雪殺)
咁我地又冇咩理
咁大家又去番哂中路到再慢慢打
咁打到後期
本身我好地地(開場頭40分鐘)殺6死6
對一個好NEW既新手我覺得算唔錯喇-.-
但唔知點解黎左後期就開始殺唔到人,仲狂俾人圍殺(最尾係殺6死10完場)
可能因為我魔水用得唔夠好喇
咁對面隊就係道雪最惡,捉實4秒係到勁SM我地
呢個時候我FD(瀧川)就出聲話我肥起隻道雪
我就好無言喇
開左場15分鐘之後我都冇同道雪打,又關我事?
之後佢就係到同我嘈
講到我錯哂咁,我覺得我自己都冇肥佢地姐
佢地道雪肥起既原因得兩個
1.佢一開頭食左香宗D裝(香宗殺左6次瑞瓏=1800),1800係開頭算係好大筆錢*其實一定唔止1800加埋派錢起埋三千)
2.因為加仔殺唔到佢又冇人阻到佢食兵,所以佢肥起
原因根本就係以上兩個
我都唔知點解又關我事...
之後佢就同我嘈
仲話咩放上網一定係我俾人笑
話咩我傻仔係到狂鬧我
之後仲用全頻講野搞到好似係我引起罵戰先咁(係佢話我肥起人地先)
之後我咪話我俾我隻秀滿你用
佢又話你睇下人地咩裝你咩裝
咁我話我俾我D裝佢用佢黎殺對面
佢又話瀧川係輔英肥極有限
我咪話你拎你D裝放落我隻英到,你黎用咪得
佢就再重復以上既對白:「你睇下人地咩裝你咩裝」
之後我地係到嘈,嘈嘈下俾人GG埋都唔知...
咁我想問一下大家
到底係呢件事當中,係我錯定佢錯
請大家評下理
