Reeve.

我覺得呢個情況唔係風唔風度問題
呢個係屋企人, 唔係外人, 唔洗咁多門面野
就算今次lz真係忍左啖氣都唔代表問題解決左

其實我覺得個對與錯唔係重點, 佢追名牌, 懶 唔番學呢啲其實已經真係屋企人理唔到
一個大左既仔女(我覺得大過15)係要比外人教, 問心咁多位邊個15歲仲會聽屋企人既道理?
我覺得個重點係尊重, 你口中妹妹種種言行中有種"做慣公主"既感覺
不如你同你試下直接開門見山同你妹講你唔滿意佢既態度, 希望佢改;
依家刀口唔方便既, 同父母反映下, 希望佢地幫你轉達事情既導火線到底出自邊到
同時都希望lz本人自己回想番: 其實自己心底本身有無因為佢既唔生性而令自己都有少少唔夠尊重對方, 言行過左火

我唔敢扮咩看透世事, 我咁講因為早幾年我同我細佬都有同你完全一致既問題
我諗你妹未必有心想去到咁盡, 試下拎啲心底話出黎講; 同時唔係有道理就得, 要照顧埋對方感受先稱得上叫"尊重"