Sak01

其實好簡單
我簡易教學點化下你呢個仲苦苦掙扎緊既基層
首先打街場呢就一定要出義龍
你問我點解？喂大佬呀，呢度香港黎架，下下都要講求競爭力，效率
打街場講求高效率高回報就緊係將街場當團戰咁打啦仲洗問咩
而出義龍就緊係要單路啦
你問我我打場街場咋喎！點解要單路呀，強者本來就係孤獨，冇經歷就冇來歷，想成功就必須單拖靠自己。
咁一開波就好簡單，例如電卷褲上陣，如果對線既對手係兩個人就淨電兩隻兵盡量保持七成生命魔法企線吸經，最好就連兵帶人電埋一份，留意自己果邊有冇兩隻兵係冇血，有就即刻拉遠個距離，做到唔俾人電到你就得，你夠系D可以兜去佢電到你就電唔到兵既位黎電下佢，基本上前期未有貨之前咁樣玩就包你廢極都穩定發展，最緊要穩定，唔心浮氣燥急進就得。

如果對路係單拖一條友咁就真係恭喜你，因為你可以專注好多，盡量避開佢可能電及到你既機會，你咁廢就唔洗壓佢線，食兵最後一下打落去或者電兩隻黎食就夠，咁樣夠你撐到有貨前。

跟住廢話唔多講，今集本神教你既係雷刀和泉，你問我點解？因為我淨係識玩雷刀和泉，如果你問其他人可能佢地都仲會建議你出雙電之類，不過真正既強者係唔需要洗兵，人手食兵先至係化境級既強者。

點技方面 黃22黃242跟住就有大點大 全黃全3全1

咁一開波諗都唔洗諗你就出粒回魔先跟手再生狗牌，空左個位就出住清酒先，如果俾人屠左兩三鋪就出魔水，或者對線英打法兇猛都可以出魔水，呢D野就要交由你充滿智慧既頭腦去諗，而唔係我幫你分析，OK？

咁然後你就合雷刀，再買魂石加侍徽，輕鬆解雷刀合和泉，然後再合返雷刀，梅花間竹，令對手防不聲防。

至於打線方面當你2技升至4級由至火候已大成所以2技+電再用拳頭去擊倒弓箭手係=1波兵
大技可以拎黎保命 條壓打得前自己又有五成以上魔量可以選擇開大繼續推壓包推塔

然後買閃戒，再合武士服，到左呢個moment你已經係一個合格既戰士，跟住落黎既路就要靠你自己行了

唔好問我點解唔教落去，因為跟住上唔上到91係你既命數
為師都幫你唔到
至於你想報答為師既話
係咁依買個vip黎就得

[ 本帖最後由 Sak01 於 2014-2-5 03:28 編輯 ]