借粟一燒._.

咁耐都唔入黎呢個post並唔係因為唔想講 而係講與唔講 問題唔會有所改變
呢個回覆只係為左澄清一啲事

首先管理一塊版並唔係你想像中咁易
更加遑論管理遊戲中嘅事
何謂有能力嘅版主 何謂冇能力嘅版主 先唔喺呢度討論
但有一樣客觀嘅事實就係 依家呢任比早前幾任受到更加多嘅挑戰
炸ser問題啦 外來server嘅問題啦 steam同nonsteam玩家嘅矛盾啦 "小學生"嘅問題啦 甚至係玩家流失嘅問題等等
我唔係唔知道以前都有呢啲問題 好耐以前我已經開始捧vLan場 但呢3年黎係前所未有嘅咁多
但到底呢個係咪版主嘅問題呢?

1.炸ser問題
以前根本好少甚至冇炸ser呢個問題 但近幾年黎突然出然左咁多炸ser嘅情況
到底係因為以前嘅版主好勁可以完全阻止呢個問題 定係依家嘅版主太無能搞到有人炸ser呢?
個人覺得兩樣都唔係 而係因為時代同潮流趨勢問題 而係因為近幾年嘅玩家對CS認識深左對電腦認識深左 網絡世界進步左唔同左 資訊發達左所以先會有呢個問題嘅出現
tony版主同小弟上任cs區以黎都一樣不斷努力希望改變炸ser嘅情況
開設炸ser舉報區,發佈防炸軟件,聲明,警告等等
而結果成效不幸地未如理想 但係到底係咪真係同版主有關? 外掛問題亦然
玩家嘅質素,版主控制唔到 玩家嘅心智,版主亦控制唔到
敢問樓主口中嘅"做一些事情"係一啲咩事咩措施呢?

2.外掛問題
wallhack
aimbot
speedhack
script
等等只要喺google打幾個關鍵字就有數之不盡嘅結果
強如sXe嘅反作弊軟件規模大如valve&nexon嘅團隊都冇辨法杜絕外掛
小弟上任vLan版主係2011年2月22日嘅事
但外掛問題已經唔係近幾年嘅事
早前幾任前輩在位時都一樣有咁嘅情況
依家嘅情況嚴重左 到底係咪真係我地做得唔好?

3.玩家流失
根據steam官方嘅統計三年前,2009年嘅今日,SteamCS嘅高峰上線人數係八萬幾但每年都喺度不斷減少 時至今日已經跌到四萬人

小弟做左少少資料搜集同整理數據 來源係steam官方
明顯地CS玩家減少係大趨勢
到底vLanCS人流流失係因為版主無能 定係因為時移勢易 CS嘅衰落玩家嘅口味有所改變呢?


到底係因為版主無能定係因為大勢所趨?
批評永遠都係最容易 但希望你明白 版主有版主難處 有啲事就算版主幾有能力都係解決唔到
睇住vLanCS區咁 我一樣咁心酸睇住CS1.6咁我一樣咁心酸
但係呢個係趨勢做任何事都挽救唔到
昔日戰友大都轉戰一啲即時戰略遊戲 或者係一啲畫面較細緻系統較像真 故事更緊湊嘅FPS game
或者係埋頭讀書 或者係埋頭工作
邊個都阻唔黎
人會變 時代會繼續向前行

而封禁問題
希望你明白版主做任何處分都係根據版規
如果會員嘅回覆冇違反版規版主 係絕對唔會作出處分 呢點已經講過不下一次
希望會員回覆或發帖前好好留意版規

最後,會員嘅意見版主係會虛心聆聽
我本人亦都非常歡迎
但最理想嘅喺會員有不滿時唔係一味指責 而係可以提出一啲實際啲嘅改善方法 可以理性啲去分析事情
管理員都曾經開過post收集CS區玩家意見
再者即使帖子被刪被封 唔代表版主唔睇唔聽 只係因為會員違反左版規
閣下嘅寶貴意見小弟早喺4個月前已經收到 但係希望你明白 版主能夠做到嘅野唔多 就算幾有能力都一樣
我唔係想推卸責任 依家CS區搞成咁樣我好對唔住廣大玩家
但希望你明白問題嘅所在喺邊一度

另外我承認最近大半年的確小左時間上黎vLan
原因係要應付今年嘅DSE (或者有人會認為我年紀尚小並未夠班去管理一塊版)
我知呢個係私人理由 因為呢個私人理由小左上vLan 因為呢個私人理由而冇盡自己版主嘅責任 係我嘅錯
借呢個機會喺呢度 我同管理員 同各位會員誠心道歉
同時 如果真係有人對我好不滿 想我離職嘅話 我無意見 任何結果 無論最後係留任 定係離任 我都會欣然接受,只要接任版主真係能夠搞番好vLan CS

以上嘅文字 無論對錯與否 都係小弟嘅真心話
如果有錯漏 還望大家指正

[ 本帖最後由 借粟一燒._. 於 2013-3-25 01:20 編輯 ]