reply #40
唔好意思,好耐冇reply過post,印像中好似有條例係話唔俾開game名,依家改返先
今晚我都有玩呢個場,真係搞事俾人踢o既有幾個
一個就係叫林_志,仲有一個就係ma_thew乜乜物物(有d標點符號之類,懶記)
另外仲有西蘭_、椰菜_
仲有幾個踢過o既,但都係因為有friend入
但理由係行為白痴o既,我真係唔記得
因為年中有n咁多個人都係因為行為白痴而被踢
包括個d毫無team work引致團滅,全村人入晒安全房仲要行返出去遊花園之類
太多不能盡錄
如果你係西蘭_、椰菜_o既,我話你知
你兩個team kill次數真係好多,呢樣我諗你自己都知
只係你認為係唔係一回事
如果你認為入人地場亂開鎗射中自己友sorry又冇,連最基本包返隊友都唔識o既
我認為你入一次俾人踢一次o既機會,絕對比你成功係呢個server度過到版o既次數為多
如果你係林_志o既,我話你知
第一次踢你,人地踢得你,梗有佢原因
發起投票o既人俾你射中,佢覺得你係亂team kill就有權發起投票
只要有多過全場半數人支持,你就被踢成功
但閣下唔夠10秒後再入黎o既時候,二話不說問候人地老母
已經有條道理踢你,再入場好聲好氣問一句點解踢你,應該都會有人答你點解要踢你
但第二次入黎又問候老母又乜又物,你乜水? 識你老鼠嗎?
覺得呢個場係膠o既,你又入第二次? 入得第二次即係認同左自己都係膠人,因為第一次知係膠都仲要入第二次
被踢第二次之後改個名入第三次先係最膠
你想引人笑你無知無聊喜好係派膠,其實唔駛特登reply開game名又唔開自己名咁有型丫
想話人地老屈你o既,拎d證據出黎反駁囉
有d野,自己有冇做到心照啦
如果你係ma_thew o既,唔好意思
我完全冇留意過你
甚至連你幾時入,幾時被踢我都唔清楚
敢開自己番入膠場睇戲o既名,又唔敢開自己玩緊名o既同時
又直指該server名稱,呢頭話好唔專業,但個頭又番兜呢個口中所講o既膠場坐花生位
既然閣下講得"唔專業"呢三個字,即係閣下應該非常專業啦
一班咁"唔專業"o既玩家竟然咁值得你呢位"咁專業"o既玩家去留意,真係辛苦晒
不過真係估唔到有人會樂意係一隻冇item賣、搵唔到錢、搵唔到食、純粹即時反應o既射擊遊戲上去專業
至於你#41提及個位"被趕走o既玩家"
我地從來都冇踢佢,只係有d野希望佢自己做返
講得出又做唔到,又要威又要帶頭盔咁不如靜靜地玩o既同時唔好入game打字尋求女性玩家
亦唔好嫌隊友行得慢o既同時自己縮係後面
自己做唔到俾人串多幾句就走,雖然我都覺得某人串佢咁耐係有d過份
而該玩家都幾有禮貌,有人同佢解釋過,但最後佢要走,真係有點可惜
總好過有d玩家全場唔開咪而因為某d行為被踢o既玩家,重新返入場之後第一句開咪就問候人地老母之後改個名再入黎坐花生位
同埋個d射中隊友冇句sorry,俾人還拖後殺全隊o既玩家好
之前有幾位玩家晏晝玩過覺得ok,夜晚再入過黎,玩到訓先話走
亦有玩家玩過覺得好玩,叫friend一齊入
又唔見人地咁講,又唔見人地被踢
一個場o既優劣係視乎有咩玩家o既ja,個d自以為是粗口爛舌得罪人多稱呼人少行為差劣o既,俾人踢好正常
個d以大局為重識幫隊友知係隻game入面要做d乜o既,俾人遨請做friend都好正常,當然受唔受係另一回事
有d野自己做過d乜自己最清楚o既
你話有咪諗下點解囉,你話冇咁咪繼續做自己野囉
唔好以為人地唔知你改左個名再入過去先得o家
好似你呢類o既玩家年中遇見唔少
而且呢個場由L4D1已經有,有邊類玩家係未見過?
有禮貌又有品o既極少,死左唔走場o既唔多,但認真地講,100個總會有一兩個 :-)
但真係少得好可憐...
入黎當自己係大佬o既唔少,入黎為殺自己友o既亦有,好似你咁三唔識七但又要生人霸死地o既都有
老實講呢d搞事o既玩家,唔會有server願意接收,莫講話進一步做朋友
同埋呢...唔好咁天真以為剩係場主先可以踢人o家
呢個場任何人都可以發起投票去踢任何人,你認為場主有問題o既,你發起投票踢佢都仲得
佢俾玩家踢完大不了就quit game留低個server係度自生自滅,error就熄左佢
有乜所謂,又唔係冇得玩呢隻game會冇飯開o既
反而我地都唔希望個d膠人自己走入黎受罪,有d野講得多都悶
跑到最前亂咁走,引完屍又唔殺,射到你又唔好意思,鬧你又無謂
一陣訓低又乜乜物物又話唔救又話點點點咁
好心呢d人自己開單人場玩啦 :-)
[ 本帖最後由 NAGASUMI 於 2010-7-23 04:39 編輯 ]
