玩樂係求開心呢點我相信每個人都係
但為玩樂而辛苦就係度開個post/reply去表達你地o既感受
又要玩,但連基本丁點兒o既付出都嫌麻煩辛苦
唔係唔得亦冇人會阻止,反正呢樣係他人o既自由
只係令人覺得矛盾
至於言語偏激閣下都可以稱之為惡意中傷
小弟中文真係太差,完全理解唔到
本topic作者於2月25號編寫此topic,對上一次進入本論壇日期為2月27號
而該作者由08年註冊至今只有出post/reply一次,亦即本文topic
閣下與本人之回覆均於2月26號凌晨時段開始,故有理由相信本topic作者已對其文章不予致評
當然可能貴人善忘或正在忙碌,即使再次進入論壇亦無暇留意及回覆其他正進行討論o既網友
你曲解我o既意思我唔會覺得辛苦同有難受為o既感覺個啵
不過既然閣下有誠意問本人問題o既,咁我咪回返個禮reply你囉
下載更新方法,安裝方法,解壓縮後取代舊有檔案方法都俾埋你
結果得到o既回應竟然係我冇答過
本人於第一頁#9引用閣下之回覆中
反問閣下"既然咁辛苦你o既,咁做乜仲玩?"一句
已表達「短時間內多更新對本人而言並無帶來任何"煩"o既感覺」
假設更新一事令本人有煩o既感覺,相信已冇必要將呢個反問o既問題去問任何一個人
但最後得到回應係,去到第"50個reply先表明立場"
假如閣下早早已質疑本人誤解其老翻/正版用家定義,如今則未經此事得到咎發而重蹈本人覆轍。
開唔開名去reply係本人o既自由,與閣下"選擇向製作人或網友討論"同出一轍
原來要開人地名先叫尊重? 唔係同你講o既野你又攬上身回應又係叫尊重?
主動對號入座都叫尊重我o既話,咁我真係好多謝你咁"尊重"我啵
如閣下批評本人誤解其"你用正版"一詞,與及其段多次澄清閣下於#6已表明確下為老翻用家的話
本人亦早於#7引用閣下#6之回覆中表達"本人並不認為多更新為煩"
做任何事都有好多方法可行,或者本人o既方法未算係最安全同快捷
既然有網絡上有不同方法供參考,雖然各有優缺及快慢,但總有方法比現有o既更好
或者於電腦應用上本人經驗未算豐富飽滿
但習以為常之應用方式以及懂得如何維護電腦硬件及軟件程式亦足以日常應用
故令本人認為"郁d就重裝軟件"乃十分傻之行徑
而未有任何付出而只求玩樂o既人更冇理由"為玩樂而埋怨"
為工作而埋怨好正常而合理,但冇付出金錢購買o既情況下為玩樂而埋怨實在有點兒老奉。
所有人都唔係一出世就識食飯呢點好多人都會明
任何人都會經歷無知o既階段
但我更深信一句說話「呢個世界冇蠢人,只有懶人同傻人」
懶人即係連搵資料方法都懶,只懂申手去問
傻人就係有一套解決方法及甘於現狀,但永遠唔會去尋找更好o既方法
或者作為一個傻人係會好有趣,但本人對此並無興趣 :)
有意見應該直接向製作人員提出,只有佢地先會有最佳o既解決方法
向其他網友討論會有結果? 還是呆呆的等某個製作人黎呢個topic度睇?
純粹抒發情感而冇將引致其困擾o既問題解決,如此o既討論實在令本人感到萬分無奈
討論目的為解決問題,純粹抒發情感大可以去抱怨區大彈更新次數過多
而安裝遊戲及更新出現o既問題則可利用"疑難雜症"一區去發問
當然最好都係先爬文睇下有冇類似topic或情況
如果有類似情況則可以將其他網友提供而成功解決問題o既方法嘗試一下
冇類似情況o既topic先開新post問,否則只會變成另一個申手黨
本人雖然唔算聰明,但都明白方法係自己去諗同去搵,直至無法可尋先去打擾他人
而自小就得到師長教誨,做人凡事都要用眼去睇耳去聽腦去諗,唔好人云亦云，
凡事多作嘗試及深入探討,用以尋找一個最可行最快o既處理方法,同時唔可以不擇手段。
經閣下刻意提醒後,令本人再次憶起呢番話,本人實在感激不盡。
唔駛講sorry o既,如果本人言論令閣下或其他網友做造成困擾或不便,實在抱歉。
至於本文用意只在於尊重網友而回覆,已不求回應
加上某網友根本留心本人作出之回應及本文目的原來只為發洩心中怨念而並非尋求解決方法
再者本人因臨近考試亦無暇如此費神於網絡上之討論,希望藉以將借來之討論空間還給其他論壇使用者。
