NAGASUMI

1, server數目減少或server容納人數只會令server擠塞問題更加嚴重,簡單d講就係由個別server變成全部server

2, 有心要掛機霸住server o既,好似你咁講自己做host,落埋password已經足夠

3, 如果我只係想同自己o既friend玩,完全唔想俾其他無關痛癢o既閒雜人等入黎我間房,更唔想因為我踢佢而上黎說三道四
借問聲有行左你呢條form之後有咩解決方法? 係間房度落pw即係咩人都唔駛入呢點好似仲未解決到

4, 通唔通報根本冇意思,既然唔俾開名搵仇家,又可以改名左避右避,講左即係等於冇講
假設今日我叫a君,聽日我叫b小姐,我死都唔開咪,入場剩係殺自己友,殺完就走咁你可以做到d乜?

5, 係度開個server俾人玩唔會有錢收,個場係好玩o既人地一定會記得,個場係唔好玩o既你點宣傳都冇用

成段野都好似冇咩建設性,唔好意思。

NAGASUMI

照咁講即係歧視係網吧玩又想用vlan o既用家
開80人?想個server爆到人人入唔到跟住個個上黎嘈?
先諗諗個個server都因為人數上限減少而造成o既問題,然後再講你所謂o既建議

減區係需要,但絕對唔會係依家人流仲算高o既情況之下去做
減區o既人數更加不設實際反而令server擠塞o既情況更嚴重
之前所謂o既分區,結果就係令某一兩個server變成你地所謂o既主server
原因就係因為一個coop"01"同vs"01"
一個二個剩係會揀01去入,結果係點應該唔駛我提
由分區提議個一刻,個個剩係考慮自己利益方向出發
又話戰役同對戰撈埋一齊又亂又乜又物
依家分左區又話01人多入唔到又要怨02,03冇人
依家將呢個冇蓋o既煲搵返個蓋,又整一大堆某程度上係不計結果o既建議

諗下實行後會點先提出建議啦 :-)

NAGASUMI

版本相唔相同與玩家能否參與會唔會係兩回事黎?
開80又係咁開,開240又係咁開
cut左160個位唔等於佢個server做少左野
既然你話俾一個區for網吧或者你所誚o既無限制區,咁點解要cut做80人上限?
無限制區依家已經有11-16(雖然好似有其中兩個長期都冇開只係掛個名)
已經好足夠,仲要開d咩呢?

唔好用現時總人數去決定所有server應存數目
人數一定有加有減,都係個個問題
你地又要分區,又要cut,cut同唔cut其實對你地係完全冇影響,cut黎做乜
cut左d少人o既,呢堆人就迫晒係多人o既server
變相令交通更插塞

既然你地已經揀左要分區去決定該區遊戲玩家
咁去實行呢d區玩法o既係咪應該由開場o既人去做呢
又行返以前o既問題,要個server搞咁多野去為乜

依家分晒區又話d人去晒01,全世界都迫晒係個度,但倒返轉要cut其他區
你地覺唔覺得有問題? cut區會解決到d人去晒01 o既問題????

你地呢d人氣高企o既場自己郁一郁去第個區,係咁e係度開個post講兩句d人就自自然會去搵你個場o家啦
你慌d玩家唔識自己搵咩,駛唔駛咁大費周章左搞右搞要勞動到個server
已經有vs同coop,剩返幾個唔分區o既係度,一陣cut走左就有班玩清道夫同寫實o既出黎嘈
你地又點解決? 又叫個server開返個區俾佢地? 定係cut走一個vs/coop俾佢地?

依家有咁多個區,你地d多人玩o既咪去返列明左o既區度開server囉
d普通場清就夫場寫實場/其他人自行開場唔想咁多三唔識七o既人入咪去d冇列明用途o既區度開場囉
唔係個個開場都想d三唔識七o既人入
有好多屋企打機用vlan o既用家只係想同自己班friend玩,完全唔想閒雜人等入場搞搞震
呢點你地有冇考慮過?
當然,如果個場落password o既問題解決左o既話,呢part好似又解決左
但又會有另一班人上黎嘈一個二個開個場落晒password想入都入唔到之類,呢d真係講多都嘥氣

講到尾,玩家係睇場而入
場係邊個server,佢地就會去邊個server
你地試下個vs01冇場睇下d玩家會唔會賴死唔走丫

大約係咁,內容有些少重複,時間唔太多懶得執

NAGASUMI

由分區個日開始,已經係一個冇蓋o既煲
依家為左呢個煲而去搵蓋,結果就整左更多冇蓋o既煲

老實講,唔整真係好過整
未分區之前個個server乜類型o既場都有,呢個server爆左,第個server都一樣有類似o既場
人流上打散左
一分區就出事,全部人都剩係去晒01
加上受歡迎o既場都開係01,最後01就迫爆
悲觀少少諗,受歡迎o既場好過唔好聽一人場主一個server都已經打散晒d人流
但個個都為左自己個場盡快full人而開係01
結果就係惡性循環一大個
分左區之後server已經盡左人士,之後就靠開場o既人自己搞掂
你個場開係邊,d人就會係邊,都係個句,個server冇場o既話,d玩家會賴死唔走咩 :-)
大不了咪讓個01俾d細場囉,01呢個server好重要咩? 唔開個度會死?

依家要諗o既除左係將玩家分流之外,仲有o既就係點樣唔影響其他玩家
要cut server人數o既,你倒不如cut server數目
但cut左唔好係度嘈唔夠server,又話server長爆

所謂無限制o既區一直都有,係呢度做手腳真係有點兒多餘
11-16既然冇落用途,個server滿左人自自然d玩家就會去第個
爆o既通常都係11同16,但呢兩個server一爆都已經食左480個人
所以根本冇必要理會呢個"無限制區域"

你地認為係重點要搞o既只係vs同coop,清道夫/寫實之類o既分類
諗下點樣拆開vs同coop o既人流對你地o既討論應該實際同有效得多
亦即係話,係唔搞server o既情況之下你地有乜野對策解決人流集中係兩個01 server
呢個先係你地最想/應該優先/值得考慮解決o既野

做vip?? 唔好玩啦~
要俾錢o既我買正版上steam個server玩好過啦
用得vlan玩肥皂就預左$1都唔會俾
ipve有幾多廣告收入呢點與我無關,但最少唔係義務運行

NAGASUMI

減左區就等於玩家唔會分散? 呢d係咩道理?
迫埋一齊就叫好? 係o既話就唔會有私家車o既出現啦,全香港都係巴士小巴咪得囉
乜野都迫埋就叫好o既香港政府就唔會因為中環塞車塞到爆面拆左天星同皇后碼頭起條路出黎疏導該區交通啦

減黎都唔知為乜,講到尾你地開場個班一個二個剩係去晒係01度開
結果就係乜水就搶住入,你地就賴三賴四話人地開係01,但永遠唔識諗下自己個場都係01度開
人地唔郁你就唔識郁? 有獎嗎?

減左區結果就係令"總可參與玩家人數"減少,之後會點唔該你地認真咁去諗下後果係乜