D-evil

我都出過巨魔教學,個人俾少少意見啦,我都係唔認同太早起巨魔屋,點解?
因為佢用既資源同埋錢太多啦,除非係你一直都搵唔到人打,
又或者你根本埋唔到去打,咁樣巨魔屋先係升既時候,
唔係的話你上裝打人仲化算,點解咁講呢,人人都知巨魔打人有錢收,
而收入係睇你既攻速同埋攻擊力而定的,你得閒可以數下,巨魔本身有8攻,
你將巨魔屋升到盡都係1秒8金,巨魔初期就已經係1秒左右打一下既攻速,
如果我將升巨魔屋既錢拎黎升攻速,我就算唔買武搵錢都多過你升屋
或者你會話,搵錢係兩邊搵,打人又可以搵錢,巨魔屋又係搵錢,升左巨魔屋雙管齊下先好,
但我想話俾你知你唔會夠精靈快,首先第一巨魔就要求快完場,搵人盡早打爆晒先係王道,
如果唔係到後期你得6個位,俾多多錢你都冇Q用,第二係肥得有幾快既問題,講真,一秒8蚊真係好少,
而且要晒咁多錢去升,一黎好唔值,二黎會令你肥既速度減慢,要知道精靈都識起箭塔的!!
你唔係前期精靈打你唔入果陣去打,唔通等佢升到終極合金先去打呀??

或者我咁講你都唔係好信,你大可以試下,你將D錢先拎去升攻速,到後期先升巨魔屋,
同埋先升巨魔屋,到後期先上裝既分別,我話你知你唔係遇著新手的話你果場唔洗指意羸

另外都有樣野係讚下既,就係盾,好多人都睇少左盾既威力而唔買盾,又或者係錯時間上盾,
但其實有盾隻巨魔真係硬好多,人地打你都冇咁痛,但又要考慮甚麼時候上盾先唔會拖慢自己搵錢速度,
基於太多原因同情況,所以都係自己判斷啦,我個人就係係有位,d錢又未夠我換另一件更高級既裝,
俾人打又好痛果陣上盾,但個人都係建議可以的話盡早上400%攻速先,保命方面以血為優先,回血為次要,
最後先係盾,原因係...精靈一開始其實冇咩精力出塔打你,就算係都唔大力得去邊,有回血同加血就已經夠

[ 本帖最後由 D-evil 於 2010-7-26 22:49 編輯 ]