寫左10幾篇Post，收左1XX多篇投訴，係時候反省下某D小事
(一) LOL的定位︰Support (輔助)
．首先要解釋下Support依個詞語的解釋(因為vLan有95%<的佳佳都唔識)︰
http://hk.dictionary.search.yahoo.com/search?p=support&fr2=dict
Support= Help some body= To help someone by being sympathetic and kind to them during a difficult time in their life
輔助= 幫助某人= 〔在困難時期〕幫助﹐支持
．咁所以好清楚知道，Support的工作係「幫助隊友」，無得再質疑，咁點先算係「幫助隊友」呢?
．Riot都講到明，要經常為隊友治療或者提升隊友傷害，其次係用強力控場製造戰鬥機會，咁所以只有完全符合以上2點的英雄，方為Support英。
．治療量越高/增益越強，輔助性能越優秀。
．另外唔講唔知，如果你成功「幫助隊友」，會+1分的，所以如果你隻英的技能係拎唔到「幫助隊友」1分的話，你隻英就唔適合玩Support。
．目前官方有10隻Support英︰Soraka、Taric、Sona、Zilean、Nunu、Janna、Lulu、Nami、Thresh，以及Braum。
．咁仲有咩英可以玩Support啊? 好簡單，任何英雄拎到「幫助隊友」的1分的話，果隻英就玩得Support，否則免談。
．有位小朋友炮嘴︰「笑死我咩? Leona坦過隻坦，仲有3控啊? 咁Q勁竟然比你扁到一文不值。人地S3高手玩Annie Support下，你又點解釋啊?」好簡單，佢地廢上加廢，連「幫助隊友」1分都拎唔到仲好意思去玩，心已傷。
．有位小朋友憤怒地問我︰「點解你會理解左Support係醫生架?」原因好簡單，因為醫生擁有豐富的治療量，即係優質的輔助性能，加上醫生可以拯救隊員，令隊員離開受傷的恐懼，所以醫生係所有Support先中最優秀的。
．題外話係，Support係醫生，ADC係射手，2者的組合馬上令我諗起星海的「陸戰兵+醫護兵」的完美組合，早期、便直、快速、高效率。
(二) Support的初期
．有小朋友開大技︰「罛人皆醉我毒醒，永遠都唔會有進步」不過我就不斷咁進步緊，仲要有升無跌。
觀念︰樓主vs小朋友
咩叫Support︰醫生 vs So妖坦克
帶咩Spell︰醫傷+CV vs 虛弱+閃現
企係邊到︰ADC後面 vs ADC前面
主要工作︰治療 vs 騷擾
插眼︰1人GPS vs 有插就得
食兵︰嚴禁 vs 歡迎
KS︰歡迎 vs 嚴禁
．有人問︰「樓主點解你的觀念咁特別的，同大眾的相差差咁遠的?」我簡單地回答︰「E個係Support最基本最原始的玩法。」答完後，他點頭同意「原來係咁。」
．首先講返第一季，即係LOL出世無幾耐果陣，Riot創立Support的原因，明顯係因為大部份的角色扮演遊戲都有Support依個定位，尤其係醫生，幾乎所有遊戲都有，加上醫生實在太好用，所以LOL一出世就創造左17隻英，其中1隻就係Soraka，全LOL第1隻Support英，也是全LOL第1位醫生，到目前為止醫傷份量最高的醫生，所以可想而之，「Support=醫生」並非只係樓主的觀念，而更加係Riot一手一腳製作出尼的。
．至於我玩Support成日帶的CV，Clairvoyance(偵察)，就係Riot製造出尼送比Support使用的，用尼睇草位、睇野怪、同埋睇敵將走位，詳情可查詢Wiki。
．咁邊個話比我聽，Support係唔食兵+大量插眼架? 我D師兄，就咁。第1季果陣官方都講到明的，但係而家第4季，已經無辦法查得返。
．至於點解Support唔可以食兵呢? 因為每食1隻兵都會影響ADC的成長，以及提升自己的貪婪，所以係唔容許的。
．插眼方面，其他定位有戰鬥能力，唯獨是Support無戰鬥能力，所以粗重野就要留返比Support做(做得Support就係做阿四)。
(三) Support的演變
第1季(S1)，玩家一定係玩Sup英尼玩Support，當中最多人玩的就係Soraka(必Ban英)，因為佢的醫傷份量實在太驚人啦︰
．有魔抗加成
．9秒醫80-300血
．只需80-160法力
．每1AP回多1點血
．9秒裝甲15至35點加成
．施法距離650
Support玩家一定係帶CV+閃現出街的，用尼偵察地形︰
．每55秒偵察2000範圍地形6-10秒(實際CD45-49秒)
．有Mastery就每50秒偵察1次(實際CD40-44秒)
去到戰場，玩家一定係企係ADC後面，絕對唔會企前，否則會比秒殺。
ADC講咩，Support都要服從，第1季的Support係唔會質疑或反對ADC的。
另外Support三大基本守則，都會好聽話遵守，絕無半點不滿。
第2季(S2)，小弟正式入行，不過當時Support已經開始崩潰，Sup玩家已經變得非常激進。
因為好多野都被改廢︰
．CV每70秒偵察1400範圍地形4-6秒(實際CD64-66秒)
．有Mastery就每60秒偵察1次(實際CD54-56秒)
．CV冷卻時間延長35%
Soraka醫傷︰
．每20秒醫70-350血(每10秒醫得35-175血)
->醫傷份量剩餘44-58%
．需要80-200法力
->法力消耗上升25%
．每1AP回多0.45點血
->醫傷份量剩餘45%
總醫傷份量剩餘45-52%
至於控場方面，Riot創造的英雄由第2季開始都一定有CC的，輕CC又好重CC又好，總知一定會有CC的，仲多過治療或增益，所以風氣已經由醫生轉變為控場專家。
Spell方面，由於控場已經變成主角，加上CV被改廢，所以玩家以後玩Support都只會帶Exhaust而唔會再帶CV，So sad。
咁點解玩家唔安守本份，企係後面支援，而係衝上前面騷擾人呢?
．最簡單的理由係刺激、痛快、有趣
．大部份玩家玩LOL，都係想全力發洩落隻Game裏面，尤其係係隻Game裏面不斷殺人搶錢等等，以獲得最高的快感，舒緩現實世界的疲勞
．LOL的5個定位之中，有4個定位都係要求玩家主動的，唯獨是Support要求玩家被動，依點對玩家尼講已經係自相矛盾的事，即係簡單D講，玩家每發洩4場遊戲就要冷靜1場，發洩的野當然係有咁盡去咁盡架啦，你居然叫人係發洩期間冷靜?
．LOL需要20%玩家玩Support，但係全世界玩Support的玩家就連10%都無，咁即係話會有10%左右的玩家根本唔願意去玩Support，迫玩家玩D唔想玩的定位，往往會變成Rager，發洩佢地的不滿
．加上，現實社會變得咩都要主動，就連女仔都唔放過，一句「主動D啦」個個小朋友拋開自己個身體去冒險，簡直十足全職獵人咁，所以Support依個定位已經開始暗藏著Harass的意思。
綜合以上5點，Support玩家不再被動，而係玩主動。甚至有部份玩家明明係玩緊Support，但係唔承認自己玩Support，玩Game時改行玩APC或者Tank，甚至四不像的定位。
S2最多人玩的係Sona，無論激進、治療、增益、同埋控場都非常優秀，所以唔Ban佢就實有人玩。
第3季(S3)，小弟首次經歷季節的突變，我睇著Support腐化成Harass。失去晒Support的原汁原味。
S2->S3的改動︰
．時間收入上升，所以有人聲稱唔再需要跳錢(但係實際上都要跳錢的，唔係的話D人都唔洗搵籍口搶兵啦)
．有眼石，令Support更方便插眼
隨著時間的腐蝕，越尼越多玩家唔鍾意Support，愛上Harass，玩親Support都玩D出晒軌的英，當中最多人玩的係Leona，其次係稻草人、石頭人、死妹，甚至Annie等等，我稱之他們為Harasser(騷擾者)。
Harasser有以下的特點︰
．搶兵，場上有兵就同你鬥搶，實行「我食唔到兵，你都唔洗指二食都兵啊!」
．拒絕插眼，打死都唔會插半隻眼，簡直同眼有仇咁，連探險眼或眼石都係一定唔會出的。
．全方位騷擾，主動衝上前騷擾你的食兵節奏，引誘敵將攻打ADC，然後英勇送頭。
．老世模式，忘記自己只係一位幫手的員工，大膽放肆命令自己的老世去做事(嘩! 現實生活做到咁就真係恐怖啦! 重金請你命令自己)
特別係當年的「進擊的巨人」實在太受歡迎，所以玩家已經全程投入激進心態當中，失晒控，無辦法再收放自如，玩親咩都要激進，BOOOOOOOOM!
(四) Support的總結
Riot聽左10%Harasser的意見，包括
．Support好悶啊
．好肚餓啊
．唔可以淨係我一個人插晒所有眼架，你地都有責任要插眼架
．我都想有返少少作為啊
經過Riot商量考慮之後，佢點頭同意，之後改改改改改改改，咁就廢左我地武功(Riot最鍾意就係將任何野改廢)︰
．加錢裝，要求玩家以新方法去搵錢，好處係你地一開波就可以買加錢裝，而且加錢份量比S3高，但壞處係你只可以買1件加錢裝(應該唔會有傻仔買「貪錢劍」掛)，變相限制左你輔助隊友的能力
-> S3的我既可以幫隊友加速，也可以將敵人減速；S4則不可
．食兵，Riot鼓勵肉盾型Support大膽KS ADC的小卒，尤其係大砲車；但係另一方面又謝絕騷擾型Sup食任何1隻小卒
．插眼數的限制，令Support的輔助性能降低87%
．AP加速，吸引騷擾型Support曲AP，以提升最大的加速效果
從加錢裝同埋食兵的角度去睇，可見Riot已經包容晒所有類型的Support，包括︰LOL成立初期最原始的醫生；深受大眾歡迎的騷擾專家；以及無所畏懼的肉盾敢死隊。
所以，樓主的觀念無錯，大眾也都無問題，3種玩法都係LOL所容許的。
[
本帖最後由 spiker 於 2014-7-22 18:32 編輯 ]
