[Open]
[Close]
我的中學回憶(派午膳)
又係1D中學既回憶，不喜請按X
我地學校，初中規定學生要留係課室食Lunch，你可以帶飯返學校食，又或者訂飯食，故事就係到開始。
初中放Lunch，唔係放左就即刻可以食飯(就算你自己帶飯都一樣)，要派晒所有學生既飯盒先可以食得飯，E個規矩應該大部份中小學都係咁。
我果間得20分鐘Lunch Time，老師通常都玩多2,3分鐘先落堂(當然有D更加離譜)，加埋派飯時間，又通常玩左2,3個字(當然有D比夠15分鐘都未搞店LA)，搞到食飯時間5分鐘都冇。
另外1提，派飯盒的重任唔係老師做的，而係指定學生做的，E個先係故事重點，事關我經歷過1年9個月，D學生派飯既速度實在慢到爆炸，我出左去(已經係行出去)洗手間，洗埋手先慢條C理行返入課室，入到課室佢地都仲未派完，擺埋水樽汁埋書包佢地仲有成條手尾未搞店，搞到要我發呆N分鐘，最後先開餐。
食飯時間連5分鐘都冇？有時1分鐘都冇Tim！岩岩打完招呼，隻匙斤都未渣好咁就響鐘，次次都發生D咁既事，令我忍唔住問候佢地。
我都留意過幾次佢地，真係太慢，尤其係D女仔，抬大飯箱慢、搬飯盒出尼慢都算數(女仔體力始終比唔上男仔)，重點係佢地居然連同學食咩都唔知，搞錯啊？張名單寫好晒咩人食咩餐，居然唔抽時間去記？餐餐因為咁搞到得返唔夠5分鐘食飯，咁都係小事，更大件事既係，因為佢地唔記人食咩餐，所以派錯餐，仲要唔止一次，1個月起碼10幾次，有次我覺得好奇怪，我明明無簡過咖哩飯(我怕食辣的)，佢地比左盒咖哩飯我，我一睇就知佢地派錯飯，不過冇多餘飯盒，佢地而且搵唔到我盒飯比左WHO，所以冇得食返自己盒飯。
另外，有好幾次都係唔夠餐具，搞到唔係走落小食部拎，就係去隔離班借，浪費晒D時間(起碼1分鐘)，E個問題又係冇人理。
派飯太慢，仲要派錯飯，又要冇餐具，三大嚴重問題令我無法容忍，睇見佢地E3個問題成日出現，我真係好想飛出去「表現」
就係咁，中二最後1個月班主任比左個機會我，係舞台上發揮所長。
我上台前一刻，我同其他同學發誓，我每日一定係「3分鐘」之內，完成所有派飯程序，當然，一定唔會派錯飯同冇餐具LA
中二果年，我只係得10日機會……唔係，我有10大日機會，比我實現夢想，
有人問我，你點做到架？我就話︰一早要背定咩同學食咩餐，仲要記底佢地坐咩位，派飯果下，鎖定目標，渣住個飯盒，就飛出去，飛………啊(當然係你個人啦)！放低個飯盒就飛返入尼。咁就得架LA。
另外，派飯盒之前永遠要數餐，未數完千其唔好派，否則死路一條。
結果︰我有2日可以係3分鐘之內，有5日可以係5分鐘之內完成，冇1日要用多過10分鐘。另外，只有1日派錯飯，但係最後成功幫佢換返正確的飯盒。(果陣我渣住張表，逐行逐行search搵到)
講住咁多先，有意請回復。
