F.yt

如有意外都會係最後一次了 大大話話都係vlan打滾左幾年 都冇乜做福人群 都係玩gag多 所以最後一次 黎真積返d陰德 vlan帶比我一班冇得代替既隊友 一班同我好夾既人 自從信6以後 我終於知點解我會玩信長 就係因為佢地我先會有今時今日既技術 佢地轉戰lol之後 我先知真係唔同的 缺少就係缺少 我技術雖然冇因佢地冇玩而變廢 但就係唔知點解要玩信長  我就始知左其實信長最重要既係隊友 唔係隨便夾夾 入勁團既新隊友 而係同自己夾到既隊友 因為大家可以共同分擔成功與失敗 才有當中價值

尾刀* 反應* 走位* 估位* 控場 會戰 指揮 攻防 抓人 防抓 連/接技

如果唔知點練既玩家,參考上面藍色的咁多重點應該會有清晰少少既方向的.因為上面果d重點其實算係信長入面大約需要既技術,至於有冇少左,可能會有,但如果自己知,就姐係比我識更多野,係好事.

尾刀練法:最簡單直接的單機練尾刀法,雖然係悶d.但唔辛苦點得世間財,肯付出先有成果的.我個人既練法係玩槍神唔出電卷唔出裝唔學技,下路尾刀以10lv尾(就升11lv)做一round 以60-85兵不等為標準,平均達到75-80兵其實算唔錯喇,可以挑戰高難度少少既尾刀,例如用1技尾刀,山王唔學技唔出裝尾刀,法c尾刀等等,我以前都係咁練.

反應:反應其實可以話係冇得練,但都可以話係唔洗練,要做到開抗準/快,最緊要係專心,當中有dd技巧.例如抗吹箭,有d人可能會認為抗吹係睇把吹飛果時黎得切反應就係抗吹了,但e種神經反射係好難做到,已經唔係技術既問題,係人本身既腦活運作問題了.
所以抗吹最好係以距離為準,雖然未必做到睇吹黎反,但係可以預算把吹幾時會出,係比人吹之前1-3秒就可以開定抗了,當中都有技巧,就係代入對面抓你的人是你自己,當你想閃吹果時,你按下抗就好易做到了,感覺就好似自篇自導的感覺,我個人唔係好執著令抗,只要唔死,佢準備黎緊果時就到我抗定先,都已經做到反應了.
正確黎講,反應既重點有幾個,預算同埋代入對手的動作之中.

走位:走位其實係一樣好空範既野,好難解釋的.但係往往走位就係技術既整體,尾刀,抓人,防抓,會戰,反應...等等既都會用到走位,雖然好難解釋,但都盡量會有d重點.[距離]控制好距離大約就係走位既重點,當人地想壓你想抓你果陣,靈活咁拉開距離,就已經係走位,當你想抓人果時,可以巧妙接近,就係好走位.

估位:最重要係多睇小地圖以及經驗同大膽,仲有代入人地隻英去估,當中都包含左心理,我都好難用言語解釋.

我退出既原因主要係因為隊友,曾經想留守係信長,等待信7再次合作.但我知應該唔會有機會了,所以我只好轉玩xxx,希望有再次合作既機會.e篇係我退出既最後一篇,唔長,可能有人會覺得係廢話,字海之類,但希望可以包容.因為有少數人想我教,但我唔識教咁多人,只好開返個post,一次過比人睇我會教既野就好.

好啦就咁,再見了信長......