davidkun123

咳咳，貓捉界應該冇人認得我了(另名 鬼乂血剎)，雖然都應該冇人玩貓捉了。

無聊黎番久違的魔獸睇下d貼，竟然比我發現貓捉，滿滿的回憶啊。

都半年有多冇玩魔獸了，唉，諗番起又真係仲有好多揮之不去的難忘時刻留係魔獸度。

難得一次番黎，就打下我一直的玩法同大家有興趣的人分享下啦。

首先，可能你地有d唔同，關於人數方面，如果我玩老鼠就任貓簡幾多老鼠敵對，而當我做貓就通常一個貓對四老鼠，又係除非老鼠有異議啦。

個人認為老鼠冇乜好玩，最多求求其其玩到噴火兵秒下貓，圍牆都冇乜好講架啦，快速禁bt再點位，貓出黎都封左大約兩個礦。

禁我玩貓啦，唉，講到貓又諗起偽裝貓，當偽裝貓仲係要打密碼先出黎的版本個時，嘩，諗諗下有少少傷感。

好啦，就講偽裝貓先啦，我玩大部分貓都係架啦，一出黎就a爆中間個舊物品先，再買加速藥水即用，去三礦中間位起主城，再去四角搵老鼠啦，貓如其名，偽裝貓就可以偽裝成老鼠，係佢的特色，咁就咁係唔好比佢fake左學e招啦，偽裝同起假柱對老手冇用，起碼我未比貓咁fake過，就學個招好似叫挑釁定咩，是旦啦，總之係吸鼠大法，前中後期都有用。

算啦，唔介紹其他啦，講番d經驗之談先。我就試過比場主威脅玩貓一打八(其實我都叫係自願)，咁當時我就係用開狩獵能手，狩獵係我第一時期，亦都係用得最耐的一隻貓，而都係幾要技術的貓黎，好少新手會用佢。一開波係加尖刺的，加速唔洗學，儲定d技能點第三lv用。後期係雙閃(大技加閃刀)屈機。

但個場我好記得，我到後期捉到得番紅，場主，佢係死過幾次的，不是有穩固的基礎。咁得番紅又點呢，佢就叫d人比錢佢啦，之後快速升上火槍，個陣時到後期得番紅我就好求其玩啦，好，悲劇黎啦，紅分晒控比其他人，一人用一隻火槍搞我基地，當時係紅係右下角兩礦，其他我起左三四個主城罷晒，但八隻以上有自我意識的火槍兵真係超煩(我玩貓從來唔起塔同兵仔，淨起主城同工人)，跟著就比人用幾隊火槍兵ko左我啦。一個貓死左就輸了，所以就輸了…

回憶完啦，講住咁多先。