香腸

首先要搞清楚,閃避同抵擋係兩樣野黎,最容易分辨既方法就係閃避成功會有「失誤!」字眼,抵擋就無
之前睇到話閃避同抵擋2樣同時存在會取最高值
即係話真田幸村出左神甲都只係會有32%機會唔受物理傷,唔會變成44%
所以就做左d測試

測試1:抵擋係可以累積

呢個就好簡單可以試下,我搵隻無點過3技既真田,去買6件神甲
之後企係箭塔底下,支塔打10下你先扣2~3次血
如果神甲個抵擋係取最高值,即係20%,一定唔會擋得咁西利,應該10下有8下扣血,而唔係得2~3下扣



測試2:閃避不能累積

用返同一個實驗原理,今次點爆真田3技,之後再買6件掛甲出街
然後企塔底,座塔係「唔會」狂出現「失誤!」呢個字眼
條血扣得好快,唔駛一陣就死左
證明閃避係不能累積



測試3:閃避與抵擋並不相衝

照舊買6件神甲,不過今次將真田招3技點爆,即係有32%閃避,然後企係箭塔底
如果照我以前睇到既咁講,閃避同抵擋同時存在,會取最高值,即係32%,咁即係話真田點完3技再出6件甲都係得32%唔受傷
咁企塔底應該都好易受傷
但實驗結果顯示企左塔底勁耐,條血都係未郁過,而且碌塔周不時會出現「失誤!」字眼
如果真係得32%唔受傷,絕對唔會有咁既結果,而加佢唔失誤既時候就一定會扣血
證明左當閃避無發動時,抵擋依然有機會發動,令你唔受傷



測試4:閃避與抵擋並不相衝2
疑問:上一個測試,會唔會係因為6件神甲,令到抵擋高機率過閃避,所以最高值係抵擋,閃避效果其實係無左?
呢個諗法係正常,但係係錯既
1)如果閃避效果其實無左,6件神甲再加上閃避企塔底既時候,碌塔就唔會有時出現「失誤!」既字眼,顯然閃避效果依然存在
2)之後我再做左個測試,就係放得5件神甲,靜係用1件,即係抵擋得番20%,但係閃避仲係32%,如果兩者係不能共存既話,就唔會有抵擋呢回事。但之後我企埋塔底,逐支逐支箭去食,有「失誤!」字眼既時候,真田當然唔扣血,但亦都有時候係支塔無出現「失誤!」字眼,但係真田一樣無扣血,可以肯定呢個係抵擋造成既效果。



所以,以後本多肥起左既時候,出6件神甲吧,應該扑你唔死。

[ 本帖最後由 香腸 於 2012-3-12 19:08 編輯 ]