Evewind

我知道普遍大眾玩家都討厭中離既玩家，即係大家成日講既走場狗。
係信長黎講我唔係話咩老玩家，我都只不過由紅色圖名未有優化既１１．２Ｂ玩到宜家既玩家，
以前都有玩開ＶＬＡＮ，不過以前既玩家真係好好多，
第一唔會亂鬧人亂串人先啦
其二真係勁既人都會專登哂時間分享玩既心得同技巧比新手學

我有兩個帳號既，一個係呢個啦，第二個就係ＷｉｎＫｅ（低ＬＶ帳）
點解我要開兩個帳？因為其實我都放低左信長好幾年，之前又要考公開試，宜家又要番工，知道自己技術大不如前，
與其入進階ＳＥＲＶＥＲ累輸隊友，不如我自己重新練過？所以我開左個新帳，入新手ＳＥＲＶＥＲ玩。

諗住大家技術差唔多，照計係好玩Ｄ既。
可惜原來好多唔知真新手定假新手，開個帳入新手ＳＥＲＶＥＲ玩，輸又對面賴ＭＨ，贏又話對面咁廢不如走場ＤＥＬ魔獸啦
同我講呢兩句既人就係ＩＤ叫Ａｖ何俊仁既玩家
又話自己係咩大團（ＬｏＳｅＲ）既人，又話挑三分咁樣
講真，唔係話想大家去聲討邊個，只係想各位係ｖＬａｎ玩既「同學」們反思下，
我地玩信長係為乜？為串人？我相信絕大部份都係為開心。

我從自己角度去諗去思考，我情願雙方五打五係一場不相上下既戰爭，總好過一面倒咁樣屠對面，贏完又互串，咁樣玩法係可以做網路英雄，但係為左咁去遊戲有咩意義？
贏輸對我真係唔係重要，我唔係扮乜扮物，只係我覺得贏得辛苦輸得抵死真係無所謂，咁樣令我更加有空間有目標咁去愈玩愈好，遊戲平台整出黎既本質都係咁架啦，
比較唔係話唔比，只係良性去比較，咁樣唔會仲好咩？
我玩十場入面，除左完全無人出聲之外，基本上十分之九玩到最後都係互罵收場，做完網英係唔係會爽Ｄ？錢係唔係會多左？
希望各位真係去諗下玩信長既意義係邊到，強得黎都要有番做人既氣度，弱得黎都要知衰。
我真係淨係想玩場正常五打五既信長，我唔想次次放工放假，開ｖｌａｎ玩信長唔夠兩場就比人串到無哂心情玩落去，點解以前由好既風氣變到宜家一定要贏串輸跳？

Evewind

我明白現實係咁，但事實上呢個只係遊戲，無必要做到咁盡呀嘛？

Evewind

反感在於Ｄ假新手，又要入新手ＳＥＲＶＥＲ玩，又要鬧隊友廢／串對面廢，大佬，新手ＳＥＲＶＥＲ緊係多新手架啦下話？
有小小本末倒置Feel

[ 本帖最後由 Evewind 於 2012-5-8 22:25 編輯 ]

Evewind

事情可以兩面睇
如果你睇完我成篇文章
你認為我係抽LoSeR水既話
Fine, 我道歉

I'm Sorry to LoSeR.