十小白十

　　相信睇到主題，我諗都有唔少人有共嗚。
　　Ｌ４Ｄ２出左唔夠半年，由４人，到宜家３２人，我估計主因都係因某些對４人模式感到厭倦既未足１８歲玩家，以及插件氾濫所做成。
　　先講講宜家既情況，當你入到一個１６或者３２人既伺服器，如果你既電腦配備較差，你第一時間會覺得好疾。唔理呢樣，你又會睇到一個個插件選單－主選單？購物選單？技能？經驗值？－好，設定完，你就會睇到你，一係死左，一係唔知係邊，一係係安全室－當你追到其他人，可能己經玩完；或者，你己經俾屍圍死左－一係，你可能係訓低左冇人救。好～你好彩唔係，或者玩下一關－走得慢，冇人等；訓低左，冇人理－可能有人話廢人咪俾人遺棄囉－咁當你俾１６人難度既屍潮圍住果陣，你勁俾我睇…（話哂Ｄ屍打邊個你唔知架）同埋，太少屍，打哂，Ｌ４Ｄ變左遠足ＧＡＭＥ。
　　有好多人睇到呢度會問，死人ＯＮ９仔ＵＰ完未丫，玩唔到係度吹咋。唔係，我係話，宜家既伺服，己經變左一Ｄ為左吸引人玩，哂功能既伺服。　ｎａｔｕｒａｌ　ｉｓ　ｔｈｅ　ｂｅｓｔ　隻ＧＡＭＥ原來係玩合作架。　可惜，我一入ＧＡＭＥ，列表全部都係多人ＳＥＲ，唔通４人模式真係咁悶？　　我希望大家諗諗，猶其事４人一般都做離隊狗死既。

　　希望不喜勿串，想串亦都慳番啖口水－「唔洗講架啦，我明架啦」