囧之小子

我都好憎依d人..入去掛機又唔係玩,咁入去霸住個位置做咩?
d人要買vip都係因為佢地依d人累事,真係唔明點解要我地用錢去遷就掛機人士?

一個假設:一間店舖要排隊一個一個入去買減價貨,點知有班黑心人士專登玩野排哂隊,排到最後跟住話唔買,而你就係好後面白白等左咁耐,就係因為班黑心人士係度玩野。

將心比己..比著班掛機友係正常玩家,見到成堆掛機係度霸住哂都唔會開心啦,跟住又要用現金買vip黎遷就佢地,我地d現金係咁樣浪費架咩?

囧之小子

首先,我係有比錢買vip,只係我唔服氣點解因為佢地掛係入面但完全冇玩就要我比錢讓佢地
就等於一隻online game因為一大堆外掛洗幣商塞住個ser搞到滿哂入唔到同樣道理
另外就係佢地得閒冇野做就可以一早入ser跟住開住部機掛係度唔郁姐
咁我地依d因為唔同理由而要夜d先可以入ser既人就唔應該抱怨太多掛機?
1.掛機既人一朝早咩都唔洗做,想幾時入都得
2.返工返學既人就要等到返到屋企先可以玩
咁樣就要2既人有耐性或者用錢去遷就返1既人?
定係你想話為左早d入ser,2既人就要辭職/退學咁咪可以唔洗撞ser囉,係咪咁講?

另外補充:
就算你話入第二個ser咁又點?我想玩既伺服全部固定開係coop01,難道有人有辦法叫佢地開係其他ser?

[ 本帖最後由 囧之小子 於 2013-5-24 16:54 編輯 ]