mrcheung

根本每個人對每篇文都有唔同睇法,就算你同作者諗既野唔同都唔代表你錯,e家仲要估埋出卷條友諗緊乜

mrcheung

引用:

原帖由 紙包蒸餾水 於 2013-4-10 18:31 發表
有人話呢個係填鴨式教育
咁我想問下大家吾咁考,可以點考?
我想問吾用現時既考試制度,可以用咩方法識別一堆人既能力?
(吾係一個人,係一堆人....)
除左數據性既答案,所有考試不嬲都係答老師認為岩既答案...
點解答案咁 ...

5**除左要有一定既底之外，最重要就係佢地比一般人更清楚出卷果個既心思，e家d補習班都係教你點答題先可以達到考評局果個標準,估佢會出咩題目等等，所以就算你能力高,你唔清楚考評局果套,根本好難會高分，之前有人請陶傑去做通識卷,結果比班改卷既批唔合格，唔通就代表佢冇能力？我想講既係，考試本身係為左分辨每個人既程度同能力，而依家既考試模式就失去左原本意義，你個講法就好似以下B咁
A:屎好難食
B:比你食你就食啦
仲有考試係為左分高低，同你幫老細做野冇關係

[ 本帖最後由 mrcheung 於 2013-4-10 20:24 編輯 ]

mrcheung

引用:

原帖由 紙包蒸餾水 於 2013-4-10 23:35 發表


呢點就好比我話打工要知老細心


我夠知考試吾可以完全分到一個人既能力,不過係有限既資源同時間之下,
我暫時搵吾到有比考試更好既方法去分一群人既高低,
敢問大俠,你對住一張白紙,連野都未做過既人,點分佢強定弱?
真係每個都花幾年時間培訓同觀察?
吾知大俠會吾會有其他高見可以改善現時考試制度

我吾知係我表達有問題定你理解出錯
如果你連考評局心理都捉到
我真係吾信你幫老細做野仲會十下十下,咁又點會無關係呢?

有時呢,想改變世界,就吾該先接受左個世界
你連個世界都融吾入,點改變?我都知我講野好尖銳,好un耳,不過世界就係咁現實
你吾食過屎,點知屎有咩差
你吾知屎有咩差,點知點改?

冇錯你講得岩,我認同你打工要知老細心呢句,但請你諗下考試係為左乜?
係為左分辨能力，而唔係鬥估考評局既心理，呢個就係兩者之間既分別，所以我唔明你點解可以將兩樣唔同既野拉埋一齊，除非你真係覺得，考試既原意係要鬥估出卷果個既心理,唔係為左分能力，咁你呢個對比或者可以成立。

你似乎曲解左我意思，我唔係講"考試"呢樣野唔可以去分高低,我係單純地去針對呢個post所講既中文閱讀題目，考評局出一個連作者都唔識答既題目，咁就姐係要你局住去答考評局所想既答案，而正如我先前既回覆所講，每個人都對每篇文有唔同見解，就算你既睇法同作者唔同，都唔代表你有錯，由此可見,呢種題目已經失去左考試既原本意義，至於你問到我有咩愚見，我就覺得可以將呢D過於主觀既MC題(如片中問情感語氣既題目)刪去，或者將佢變成問答題，等考生可以寫出佢對文章既見解，再從佢既文筆,合理性,思路去評定分數，可能你會話"咁都係老師覺得岩先會比高分姐"，雖然呢個方法未必最完善，但至少比起"將一個主觀既問題中SET死左一個答案"，更加接近考試既原意，更加可以分出能力既高低吧。

見紅字。

將你既講法套用係件事上，你姐係指屎=考試，我=學生，咁我想講，我已經考過試(食過屎)，
既然知道考試(屎)有不足(難食)，就要去改變，
正如想改變世界，就要去接受世界，當接受左世界，都係覺得呢個世界唔夠好，就要去改變世界


當你食左屎之後，覺得屎難食，就要去改變，而唔係繼續食屎，係去增取比屎更好食既野你明不?

[ 本帖最後由 mrcheung 於 2013-4-11 19:40 編輯 ]