IPvE vLan 遊戲平台|網吧系統 - Powered by Discuz! Board

標題: 黄子华栋笃笑之儿童不宜 [打印本頁]

作者: ERIC 時間: 2009-2-25 09:34 標題: 黄子华栋笃笑之儿童不宜

老板与员工-1

阿森哥曾经昭我入办公室,问我一个问题,好难答,我都希望你教下我点答,其问我:「阿子华,你可唔可以话我听,点解你可以做得咁差嘅?」...
你点答?你可唔可以老老实实咁答:「哦,小意思着,森哥,其实我可以做得差好多架,不过呢次有少少压力,你话如果毫无压力系差，呢一方面我系公司系揾唔到对手.」

老板与员工-2

(老板):「有边个认为自己做得好嘅,举一举手」...无人举手
如果阿森哥转一转嗰问题系问:「有边个认为自己应该加人工嘅,举一举手,我即刻加俾你」
300人600只手...做得好无人举手,加人工嗰嗰举手,
「我系知道我做得唔好,但我更加知道我应该加人工.」只系话系一个员工的心目中呢,表现同工资系应该脱勾嘅.无表现照出粮,有表现出4粮.咁公司米要拾笠? 唔紧要,攞赔偿.

老板与员工-3

各位老板你地明唔明,点解你要出粮俾我地?唔系因为我为公司做咗D乜,而系因为我为咗呢份工,我无为自己做咗D乜野.唔系因为公司得到D乜野,系因为我丧失咗D乜野.
周润发嗰金句系:「我唔见咗嘅野我要自己揾返」...一个打工仔嗰金句系:「我唔见咗嘅野边个帮我揾返」...
所以你每个月底俾我嗰份,唔系出粮,系赔偿.
有乜野分别?如果你出粮俾我,我应该多谢你.你赔偿俾我,你应该同我讲多声:对唔住.

老板与员工-4

D老板成日对员工讲:「挪个心出来会死啊?」
而D员工心里都有句:「挪块金出来使死啊?」

男女分手

最奇妙嘅就系,男性同女性点解可以合得埋呢?但更加奇妙噶就系当其地分开嘅时候.因为好多时候其地分开,对方唔系死俾你睇就系想你死俾其睇.呢个时候你先至发觉原来谈情说爱其实同绑票勒索系无分别的...
「只系你乖乖地留系度米无事咯...你做咩要逼我着?...我都唔想啊」

食物链

人的食物链简单好多,系分开三层嘅,最低层系无产,中层系中产,顶层系含家产....
绝无不敬成份嘅各位,因为啲顶层嘅人又真系其屋企唔系田产房产就系遗产,真系家都系财产.所以我地有时叫含家产叫乜野?...含家富贵!

读得书少

我反而好欣赏李小龙另外一句说话，对我影响就真系好大喇，喺精武门临死之前佢讲过一句说话佢就系话：我读得书少，（握拳伸出食指在面前划几下，一个李小龙的经典动作)你唔好呃我!
我细个最怕就系读得书少咖喇啊嘛，阿sir一问：你读过书未？嘿...读咗读咗，原来读得书少都可以咁有型咖？喔，以后就唔同啰，一到考试，“我读得书少，阿sir，你唔好考我!”
生活任何一方面都啱用嘅，“我读得书少，（握拳伸出食指在面前划几下，一个李小龙的经典动作)你唔好呃我!啲橙点卖啊？”
我亦都希望我哋嘅人大代表上去上面开会嘅时候，开开吓会突然间有个走上张台度话“我读得书少，（握拳伸出食指在面前划几下，一个李小龙的经典动作)你唔好呃我!一小撮人即系几多人啊？”

人寿保险从业员
　　
我唔知你地点，我每次见完呢D卖保险既人呢，我都会帮佢买份保险，好合作！
因为我每次见完佢地，我都真系觉得命都短几年嘎。因为佢地讲野呢唔系一般人果种逻辑嘎！
你同佢讲“喂，唔系呢，陈生，我呢几个月呢，呢几个月都完全无时间嘎！”
「哦，唔紧要，你今晚有无半个钟啊？」
「唔系啊，遮系我有朋友做保险嘎，我帮佢买左份保险嘎了」
「哦，唔紧要，我唔介意嘎～」　　
「你明唔明啊？我全屋都系做保险嘎，全家人都系卖保险嘎！」
「系啊，依家好多人做保险嘎！」
你冇办法讲得佢地明嘎！

结构性转型

我哋中国人素来有呢种傅统，每一个朝代大量人失业嘅时候.... 结构性转型....做太监。有好多後嚟做咗CEO架。
而事实上，太监系令人成熟得最快嘅行业嚟架啦，一刹那之前你仲系一个靓仔，一刹那之後，你就系公公啦！...

打交

由细到大我都真是好少同人打交……
因为我认为，你一睇果个人，你一睇距个样啊，就好打过你既，咁你无谓同距打丫；
而，一睇距个样都吾够你打既，距都仲要同你打……甘距肯定系有秘密武器啦！……

赶绝

细路仔都有性需要，但系唔会讲出嚟。
因为佢知道，性呢样嘢，唔可以讲！
因为佢知道，如果佢俾人叫做反斗星，顽皮仔，马骝仔，其实系变相咁俾人赞紧佢聪明仱俐。
但系如果你叫佢做咸湿仔，你就即系赶绝佢。
唔信可以番公司试下：「林小姐，我介绍位新同事你识呀，呢位咸湿仔。」

银行存款

一个银行存款得4位数字嘅人同一个患咗绝症嘅人系冇分别。大家都系得几个月命！
啲人话，吸烟危害健康，梗系啦，一包烟几廿皮，食十包，冇左几旧水，唔短几日命？
根本乜嘢都危害健康。睇戏又危害健康，KARAOKE又危害健康...
Shopping？唔好啦，上年shop过一次，差啲过唔到年丫！

读书

我读咁多年书，从来冇一个老师话过俾我听，读书系为乜。但系我自己识谂，我终於想通：读书系为咗升班。
但系後来有个阿SIR同我哋班同学讲咗句嘢，又令我再谂过。
有一日，佢同我地讲：「你地成班都唔掂，不如你地成班申请留班读好啲书啦！」
我读书系为咗升班，依家留班系为左读好Ｄ书....？

智慧

我个人认为我本人是智慧型的。
你不信啊？咁我就说D你中意的。

作者: Jorange 時間: 2009-2-25 22:32

额.....看不懂......

作者: wangdl_100a 時間: 2009-7-1 21:29

lz写的不是普通话，确实看不懂……

歡迎光臨 IPvE vLan 遊戲平台|網吧系統 (https://www.ipve.com/bbs/)