IPvE vLan 遊戲平台|網吧系統 - Powered by Discuz! Board

標題: [閒聊] 黑色星期五->懲人節 [打印本頁]

作者: cocacola_ 時間: 2009-2-14 11:02 標題: 黑色星期五->懲人節

認真,唔好亂吹水呢個post,我冇心情玩住

情人節vs黑色星期五
我都唔知究竟係因為懲人節,定係因為黑色星期五令我發呢個夢...

注意,非甜故,而且我文筆冇咁好

都好耐之前既事了,差唔多兩年前
本身都冇乜野,由細到大都對其他人冇乜興趣
直到y(前女友?應該算係...掛...)
約160高,中等偏瘦身材,長髮,樣唔算好好不過唔錯的了...
由於好多野我唔想比人知,此post冇相
y既出現,佢令我煩多左好多野

仲記得個時本身都冇話鐘意佢...
第一次見佢個陣(我fd個fd黎)唔記得咩原因了...
佢"籃"住我......
應該係我印像中第一次比人掂(冇錯,我同屋企關係不嬲差)
心入邊有種感覺怪怪的...好舒服,好暖,同埋...好不知所措
第一次有呢種感覺...麻麻地啦
可能我個人天生冷靜,個陣我一直係度諗...點解會有"不知所措"既感覺呢...
跟住y問我有咩感覺,我就直接咁答左佢:唔知點咁
說時遲那時快,她帶著不悅的神色突如其來的親吻了我
對,這都是第一次,只覺得好濕同好污糟...不過卻令人回味
在旁觀看的一對情人指住我恥笑...
算了,我真係唔識,咁都冇計...又唔會有人教我呢d,而且...更加冇可能0exp就自學成功吧...
我問佢兩個笑乜,佢問:你真係未試過嫁?
一邊失落咁慨嘆住香港細路既道德淪喪,一邊死死氣咁答嗯
此時y都好驚咁望住我,佢既眼神話比我知(白痴都知啦)佢都唔信...可惜係事實,我好乖的

大家都因我呢個"嗯"靜左一陣
y突然笑笑口咁同我講,唔緊要的,我教你囉
比人話馬後炮都要咁講...我的確好憎呢種女人的...哪有人這樣開放的...
不過古語有云,有食唔食,罪大惡極
不,係人不為己,天誅地滅
抱住學海無涯既心態我決定跟佢沉淪
我不入地獄誰入地獄呢...
省略數日

之後可能佢發覺我真係好靜...
或者...我真係唔識氹人,我唔識講大話!
我未識逆思考

唔知佢諗緊乜...
再加上我又要遠赴美國留學
在無聲無色之中就冇聯絡了
個一排有時都會好心痛...
不過係個邊讀書真係好悶...
過左幾個月我就冇野了

今次番左黎了
我依然同以往一樣係絕緣體...

比人話gay都唔多介意
一直咁過左差唔多半年
八月尾倒係西九龍撞番y....
雖然話佢變左,冇之前咁靚,我過去say左個hi,見佢同男友一齊...
我就走左
依然未有乜特別感覺
everything under control

不過唔知點解尋晚突然夢見佢...
怪怪的
個夢好清晰...
我夢見我係度睇佢sd過來d短訊...
我知道就算個陣係發緊夢,唔知點解我都好似有d心痛咁?
最莫名其妙的,故事重點要發生了
我聽番佢留比我個d錄音留言...
唔知點解我係度喊???????????????????????????????????????????????
最大問題係...我分唔倒我喊個陣...究竟係夢定係我真係喊緊......
唔通我鐘意左佢??

真到我肯定我醒左喇...回想夢中既感覺...只帶著傷感,卻不心痛...(唔通已經麻木左?)

我好驚話打比佢
1黎可能好酸
2黎可能拆散人...

而且我冇佢電話...要問番個fd先可能有...可能個fd都未必有
我打唔打個電話過去好....

定係等聽日先...

定係友佢唔理佢當夢算了...

唉...

作者: 小飛豬 時間: 2009-2-14 11:43

相信你是乖仔...恩...

尤其喜歡這句 "一邊失落咁慨嘆住香港細路既道德淪喪,一邊死死氣咁答嗯'

人係有感情..就算發生好耐..老海中仲有殘餘記憶..或者因為你見返 y .呼醒了.你老海中已經沉睡已舊的殘餘記憶...先會出現夢境

不要因為此覺得迷惑..不解...過去.就過去吧..

我是過來人..就算我有老婆...某時因為遇到某些事件.某些人..都會出現幾年或者10幾年的舊事夢境...

我好幸運.我老婆.係個乖乖女

就你所說 "比人話馬後炮都要咁講...我的確好憎呢種女人的...哪有人這樣開放的..."

你又何必再次沉輪...你又知道你離開左y..后..y.開放了幾多次 ?

向前望吧..少年

作者: cocacola_ 時間: 2009-2-14 11:53

引用:

原帖由 小飛豬 於 14-2-2009 11:43 發表
相信你是乖仔...恩...

尤其喜歡這句 "一邊失落咁慨嘆住香港細路既道德淪喪,一邊死死氣咁答嗯'

人係有感情..就算發生好耐..老海中仲有殘餘記憶..或者因為你見返 y .呼醒了.你老海中已經沉睡已舊的殘餘記憶...先 ...

yes,打緊呢篇野個陣我d正能量提升番了...
都諗住唔理佢比較好

飛豬我陣間會過vlan shop你會唔會係度

作者: 小飛豬 時間: 2009-2-14 11:56

恩..我是隱藏人..vLan搞大型活動..我先會出現..

呵呵..

作者: cocacola_ 時間: 2009-2-14 12:02

引用:

原帖由 小飛豬 於 14-2-2009 11:56 發表
恩..我是隱藏人..vLan搞大型活動..我先會出現..

呵呵..

令張紙就走人算
冇小飛豬

唔知點解對幾個特別有興趣
小飛豬,肥佬,kalse,W_a,殘劍飛星,kaka123,kai123
以上

作者: 殘劍飛星 時間: 2009-2-14 12:25

強烈要求版主加精
no 玩

作者: cocacola_ 時間: 2009-2-14 13:05

引用:

原帖由 殘劍飛星 於 14-2-2009 12:25 發表
強烈要求版主加精
no 玩

報仇??

雖然我心情好番

不過呢個點睇都認真過你之前個笑話好多

作者: 殘劍飛星 時間: 2009-2-14 13:07 標題: 回復 7# 的帖子

冇....
強烈要求加精
好認真

作者: 死肥老蕭 時間: 2009-2-14 15:25

真係好耐無人肯寫D似樣文章,真係有D感動...

作者: siu死亡影姬 時間: 2009-2-14 20:30

我都感動
我都想有咁好既遭遇呀龍哥

作者: 殘劍飛星 時間: 2009-2-14 21:09

都話可以加精
樓主仲話我玩野
得登加我msn sm我
我哭了

作者: 死肥老蕭 時間: 2009-2-14 21:35

引用:

原帖由 殘劍飛星 於 2009-2-14 21:09 發表
都話可以加精
樓主仲話我玩野
得登加我msn sm我
我哭了

你估你係誰,要加要扣都要你學人管...

作者: ●PinK_x森美 時間: 2009-2-14 23:35

睇完...
初頭都唔知係d乜黎

不過睇下睇下~~
突然對你所講既野有小小同感@@

而宜家你對y有無感覺已經唔重要...
最緊要係你有一段好既記憶留低左落黎

作者: 戰俘 時間: 2009-2-15 08:38

看完樓主的文章....
令我突然...想到蘇軾的江城子.....
還有少許無言獨上西樓的感覺...

最近看詩詞看得瘋了....

或者...這是樓主心中的一根刺....
也代表樓主不是個絕緣體 ...只是把你的感覺和這根刺一起藏到心深處而已..
換個角度想...這根刺..又帶來了樓主多少回憶和影響...

作者: 殘劍飛星 時間: 2009-2-15 11:10 標題: 回復 12# 的帖子

好文章要推介...
唔係話加就加

作者: siu死亡影姬 時間: 2009-2-15 11:45 標題: 回復 15# 的帖子

大把好文章你唔知姐
樣樣都加精咩

作者: 暗之夜影﹏ 時間: 2009-2-15 15:48 標題: 回復 1# 的帖子

龍哥,,呢個帖真係好....感人,好乖仔,好可愛c.c
靜到......比人話gay都唔介意,,,,
其實好多男仔都係呢類黎...(包括me)
差在佢地個樣,身型如何針ma

==....打打下呢堆野...岩岩諗到條問題想問你...之後又唔記得左係咩..

之前我玩過隻game都有人叫y 同yy 仲有個ii 不過ii係男..yy同y 仲有個pp都係女-ooo-|

[ 本帖最後由暗之夜影﹏於 2009-2-15 15:54 編輯 ]

作者: 暗之夜影﹏ 時間: 2009-2-15 15:52

其實我都未試過kiss,同比人攬住果種感覺0v0真係好想試下....
我都係乖仔黎嫁!_!| 不過我好似靜得制,,同埋矮dd 我14歲咋...

= =我仲未諗番想問你果條問題.....

多謝你既分享呀...呢段野好似幫左我咁 ahah
另一條問題: 果個女仔攬住左你..咁你有冇問佢點解攬住你-0-..just 佢太open?
我覺得係個女仔有唔開心or....??

作者: 暗之夜影﹏ 時間: 2009-2-15 15:57 標題: 回復 2# 的帖子

飛豬.....好似心理學家xDD

你尤其仲意佢果句....我都好仲意..
佢果句野...文筆well done = =|
龍哥仲話自己文筆冇咁好...-0-

呢段野睇到我傻左.....回左3個post- -

作者: cocacola_ 時間: 2009-2-15 16:57

引用:

原帖由 暗之夜影﹏ 於 15-2-2009 15:48 發表
龍哥,,呢個帖真係好....感人,好乖仔,好可愛c.c
靜到......比人話gay都唔介意,,,,
其實好多男仔都係呢類黎...(包括me)
差在佢地個樣,身型如何針ma

==....打打下呢堆野...岩岩諗到條問題想問你...之後又唔記得左係咩 ...

你點知我姓龍嫁

我所知只有某幾個知...

引用:

原帖由 死肥老蕭 於 14-2-2009 21:35 發表

你估你係誰,要加要扣都要你學人管...

其實一開波我只係以為佢玩野-_-
最近少寫野文筆的確差左

[ 本帖最後由 cocacola_ 於 2009-2-15 16:58 編輯 ]

作者: cocacola_ 時間: 2009-2-15 16:59

引用:

原帖由 暗之夜影﹏ 於 15-2-2009 15:48 發表
龍哥,,呢個帖真係好....感人,好乖仔,好可愛c.c
靜到......比人話gay都唔介意,,,,
其實好多男仔都係呢類黎...(包括me)
差在佢地個樣,身型如何針ma

==....打打下呢堆野...岩岩諗到條問題想問你...之後又唔記得左係咩 ...

仲有
y只係佢姓氏既縮寫

作者: 殘劍飛星 時間: 2009-2-15 22:21 標題: 回復 20# 的帖子

以家知你姓龍=全世界

作者: ｆa 時間: 2009-2-16 00:08

水區好奈無咁正既帖出黎LA..

多謝分享..

其實佢已有男友再找佢咪令自己更傷心..

放棄已死既愛情..去愛第2個啦 *3*"

作者: 神中龍Jack 時間: 2009-2-16 02:54

捨得很多人經常使用「捨得」這個詞，但從未深入地思考，仔細想想才明白，捨與得一起用，最有哲學味道。捨就是得，小捨小得，大捨大得，不捨不得。所以，人生的學問不是如何去得，而在於如何去捨，學會了捨才懂得了得。人們在捨去財富、名譽、地位時痛苦不堪，得到時又欣喜若狂，忘乎所以。其實，人世間的一切，沒有永遠的擁有者。捨得是一門學問，不是每個人捨棄了一些東西就會成功，捨需要選擇、需要勇氣、需要機遇。人要始終保持積極樂觀的精神、始終做到有理想、有責任心、有事業心，才能在捨而得的選擇中獲得成功。捨得是一種人生哲學，捨對於眼前說是放棄、是損失，要有勇氣承擔，有毅力堅持，不能遇到困難就中途而廢。捨得是一種本領，一種態度，一種境界。需要具備在複雜的事務中善於判斷、敢於決斷的能力，需要具備對長遠目標堅定不移的執著，需要具備高瞻遠矚的胸懷。而得應當是水到渠成、瓜熟蒂落的收穫，是對付出的豐厚回饋 — 無論是精神還是物質。人的一生很複雜，但有時又很簡單，得到與捨棄則需要巨大的勇氣。捨棄有時預示著昇華。(以上轉貼)

0.0樓主做的到就不會再當那天是什麼xd

作者: kai123 時間: 2009-2-16 18:01

e種性格既女仔

同佢一齊係預左唔長久

愛情真係令人麻目..而且令人耳聾..

歡迎光臨 IPvE vLan 遊戲平台|網吧系統 (https://www.ipve.com/bbs/)