IPvE vLan 遊戲平台|網吧系統 - Powered by Discuz! Board

標題: [轉帖] 最強刑具　阿媽眼淚 [打印本頁]

作者: 死肥老蕭 時間: 2008-3-5 09:36 標題: 最強刑具　阿媽眼淚

(轉自蘋果)

回憶不一定是美好的，小時候被父母體罰的經歷，留下的只有慘痛回憶，

當年各式各樣的「刑具」：藤條、雞毛掃、間尺、衣架等常用的刑具，

恐怕大家仍歷歷在目。

「幻

菊廁狼」說：「間尺，動武指數 no.1 ，又輕巧又好

，多數用

打手板；

衣架，咪以為唔痛，其實膠包鐵，痛到入心入肺，多數用

亂咁打；藤條，

避冇可避，專攻手臂大髀，諗起都心寒，每次用完，手腳必定有痕。」

除了常見刑具外，還有些不似刑具的刑具，「汝無名」有「跪綠豆，

當時覺得受苦

程度僅次於跪玻璃」。「 2tovs 」則有「書，都是 A3 開的書，

而且起碼有 2CM 厚，一捲起來威力很大，不能輕視」。

不過要數最犀利的，就是阿媽的眼淚，「路人丙」說：「細個真係好曳好曳，

中學時誤入歧途俾人拉

上差館，老母冇打冇鬧，只係望住我喊，未見過佢喊，

原來老母最大最強

武器就係對我

愛。」

我睇完好有感慨,面對依家D細路,真係哭笑不得,不能打(會比人拉),不能駡(會怕佢自殺),為人父母又要為口奔馳,

做少D都唔夠用,仲要比錢佢地花,佢地依家要乜都好易得到,唔懂珍惜,睇住咁辛苦揾番黎既錢,一下子就去如流水,

孩子永遠不懂體諒父母,覺得所有嘢都係應份,父母管得嚴就係父母既錯,有時真係好無耐...

作者: 斷玉 時間: 2008-3-5 09:46

流眼淚都至少仲叫有希望
連眼流都無果陣......

作者: 生神仙 時間: 2008-3-5 09:49

唉....
E家D細路好好好難教...

作者: 小利 時間: 2008-3-5 10:58

可能我太細個了, 我既事代多數只用藤條 .. 頂籠用埋拖鞋 ..
呀媽冇試過用衣架同間尺 ..

我記得細個次次比呀媽打 .. 我都會哭 ...
但佢因為我做錯野打我時, 傷心到喊就好似未試過 ..
我自己都幾驚人喊 ..
所以通常呀媽喊果時 ..
即使我未必可以做到佢要求 .. 都會答左好先

費時佢傷心 ..

[ 本帖最後由小利於 2008-3-5 10:59 編輯 ]

作者: 死肥老蕭 時間: 2008-3-5 11:03

大家睇番D 舊POST 覺得父母變態大有人在,有時在想,點解咁辛苦仲要做呢...

作者: 小利 時間: 2008-3-5 11:04

另外 ..
回憶不一定是美好的，小時候被父母體罰的經歷，留下的只有慘痛回憶

其實我唔多認同 ..
雖然當時黎講, 的確係慘痛
但而家諗返轉頭 .. 自己已經大了父母冇足夠力量打自己了

當年發生既事, 雖然好痛 .. 但都幾美好 ...
起碼 .. 你大個之後 .. 唔會只記得童年活在網吧中

起碼有段深刻的回憶 ..

總好過現在的細路
老母鬧都唔得, 打又怕佢痛
搞到佢日日去網吧葡 ..
有時係網吧見到d .. 十歲左右既細路
已經爛晒口咁爆粗X黎X去講真見到佢地咁都替佢地老豆老母幾心痛

相比之下, 我寧願要返一段比老母打大的童年

[ 本帖最後由小利於 2008-3-5 11:08 編輯 ]

作者: 生神仙 時間: 2008-3-5 11:06

我細過果陣
係我家姐抽大我的
打我都有
但唔多
因為神仙好乖乖

作者: SoRa 時間: 2008-3-5 11:11

比屋企人打係表面ga痛
阿媽眼淚係精神ga痛

但最痛ｇａ係屋企人ｇａ冷言冷語　會係內心ｇａ痛．．．　

作者: 小利 時間: 2008-3-5 11:13

屋企人冷言冷語 ...
好難想像到喎

屋企人 ... 都係為你好既姐
見你有錯, 就會直言
好少會話冷言冷語咁可怕

作者: outgoingkan 時間: 2008-3-5 11:36

其實阿媽打駡係痛，但只會痛一段時間，
時間過後，痛楚也會消去。
屋企人ｇａ冷言冷語及阿媽眼淚其實也是係精神ga痛
但當時間過後，也都會沖淡及忘記。

最慘就係家人不理不采，正所謂「哀莫大於心死」。
對你心死，你當其時可能唔覺有多痛，
但當你長大了，明白事理後，你就會開始痛。
而這種痛，是會跟你一世的，
而且無法彌補的，
因為事情可能已經過去了好耐，
當事人可能已經不在，
就算在也彌補不了甚麼！
到時只能嘆句
「此情可待成追憶，只是當時已惘然」

最後送給大家的是我以前吹水老師教的六個字

珍惜、體諒、原諒

作者: 死肥老蕭 時間: 2008-3-5 11:36

但依家一句唔啱聽D細路就駁,想理性分析都好難,佢地要受到挫折先肯後悔,但佢唔知,

父母會比機會你改,但出面社會就唔會......

作者: 櫻雨 時間: 2008-3-5 11:38

算吧..e+最好唔好生仔..下一代很慘..

作者: 小利 時間: 2008-3-5 11:40 標題: 回復 11# 的帖子

我老母都係咁成日同我講

屋企人會比機會你, 你錯會教返曉你
但出到去就冇人會直指你錯處個個想你死

作者: 死肥老蕭 時間: 2008-3-5 11:41

係架,如果係D大公司,好多辦公室政治,你行錯一步都死...

作者: 小利 時間: 2008-3-5 11:44

可惜我唔夠學歷玩辦公室政治

作者: 斷玉 時間: 2008-3-5 11:50

講真
呢一代既青年生出黎都要喊三聲
你唸下仲叫佢地將來生兒育女
唔好講話教、連照顧都唔得啦

作者: cocacola_ 時間: 2008-3-5 12:13

呀媽太膠,冇得救
佢喊,我會爽

作者: 小利 時間: 2008-3-5 12:31

恕我無禮 ...
講得出尼句 ..
證明樓上果位 ..cocacola_
你膠力爆棚

恭喜
為你老母難過

作者: jin_the_friend 時間: 2008-3-5 12:34

無論同咩人相處都要互相體諒
不過體諒從來都唔易

作者: 小利 時間: 2008-3-5 12:37 標題: 回復 19# 的帖子

認同 ..
好似耶穌話濟 .. 鬼唔知寬恕係好
但做到先得人係有感情動物唔係話體諒就體諒到
而且, 好多時都要到後悔時才會體會到他人的苦心

作者: 斷玉 時間: 2008-3-5 12:49

引用:

原帖由小利於 2008-3-5 12:37 發表
認同 ..
好似耶穌話濟 .. 鬼唔知寬恕係好
但做到先得人係有感情動物唔係話體諒就體諒到
而且, 好多時都要到後悔時才會體會到他人的苦心

搞清楚=.=
寬恕唔同體諒

耶穌要寬恕世人、我個人並唔認同做法
過分寬恕....其實係"濫"...

作者: cocacola_ 時間: 2008-3-5 13:15

引用:

原帖由小利於 2008-3-5 12:31 發表
恕我無禮 ...
講得出尼句 ..
證明樓上果位 ..cocacola_
你膠力爆棚恭喜
為你老母難過

呢d只係單方面既言詞
唔好人身攻擊

我同呀媽講電話,佢可以話我講野唔岩聽,cut我線

我係呢度,即係佢呢度,用個微波盧,佢見到個陣就拎番我叮緊個d野出來,話,個微波盧佢的,又係度搞我食個d野

從黎我同佢做同一樣野,佢會岩,我會錯

有時我係度諗,係咪真係自己問題,只係自己錯覺,唔夠客觀
一年前我決定寫低佢做乜:victory:
結果的確唔係錯覺

呀媽唔係大曬的:victory:
買隻狗比佢代替我幾好

佢又唔肯

養我個d唔駛還咩

我實會還
太多人話點還,實還唔曬
佢養我幾耐,佢點比,咪點還:victory:
還唔曬只係冇決心

之前另一個論壇都有人嘈話我觀念有問題
只不過都係字面上既野
你可以話,我呀媽對我奇差,我大個左依然會比錢孝順佢

我係極憎佢

我咁大只係憎過兩個人
第一個係胡永鏘,第二個就係我呀媽
係呢個話題我就只講第2個好了
佢做唔到所謂既公平,佢有既只係獨栽
想你好既可能都只係為左滿足佢既權慾既籍口

佢都講左...我未成年,就要聽足佢講

我呢半年都同佢有講過野
不過我講既只有一個字,每一次都係一個字,個個字就係"哦"
呢個係佢叫的:handshake

作者: jin_the_friend 時間: 2008-3-5 13:53

引用:

原帖由小利於 2008-3-5 12:37 發表
認同 ..
好似耶穌話濟 .. 鬼唔知寬恕係好
但做到先得人係有感情動物唔係話體諒就體諒到
而且, 好多時都要到後悔時才會體會到他人的苦心

寛恕唔等如體諒
做錯一件事
體諒係去理解、明白佢點咁做
唔係第一下就鬧、批評
寛恕係原諒佢
其實主耶蘇ge寛恕係指寛恕一個人
唔係寛恕佢做錯ge事

作者: cocacola_ 時間: 2008-3-5 14:20

引用:

原帖由 jin_the_friend 於 2008-3-5 13:53 發表

寛恕唔等如體諒
做錯一件事
體諒係去理解、明白佢點咁做
唔係第一下就鬧、批評
寛恕係原諒佢
其實主耶蘇ge寛恕係指寛恕一個人
唔係寛恕佢做錯ge事 ...

耶穌太狂妄
當自己係神
覺得人係有慾望之類的,所以會做壞事,就話去寬恕人

作者: jin_the_friend 時間: 2008-3-5 14:26

引用:

原帖由 cocacola_ 於 2008-3-5 14:20 發表

耶穌太狂妄
當自己係神
覺得人係有慾望之類的,所以會做壞事,就話去寬恕人

狂唔狂妄各人有唔同ge看法
不過我同意寛恕係原諒一個人
唔係原諒佢犯過ge事

作者: cocacola_ 時間: 2008-3-5 14:30

引用:

原帖由 jin_the_friend 於 2008-3-5 14:26 發表

狂唔狂妄各人有唔同ge看法
不過我同意寛恕係原諒一個人
唔係原諒佢犯過ge事

我欣賞你第一句

難得我既post你都可以搵到重心

作者: jin_the_friend 時間: 2008-3-5 14:33

引用:

原帖由 cocacola_ 於 2008-3-5 14:30 發表

我欣賞你第一句
難得我既post你都可以搵到重心

汗...
大家都理性分析同討論姐

作者: cocacola_ 時間: 2008-3-5 14:38

引用:

原帖由 jin_the_friend 於 2008-3-5 14:33 發表

汗...
大家都理性分析同討論姐

好多人會比我字面引導左去另一個方向
搵唔到膠入邊既精髓

作者: 斷玉 時間: 2008-3-5 14:57

引用:

原帖由 cocacola_ 於 2008-3-5 13:15 發表

呢d只係單方面既言詞
唔好人身攻擊

我同呀媽講電話,佢可以話我講野唔岩聽,cut我線
我係呢度,即係佢呢度,用個微波盧,佢見到個陣就拎番我叮緊個d野出來,話,個微波盧佢的,又係度搞我食個d野
...

你阿媽對你點唔好
都叫做係你阿媽
無錯
佢比幾多你
你第時依夠比返咁多佢
大家都可以無拖無欠
不過佢比左條命你
你係咪而家還返比佢？
有好多野都無得講
係咁就係咁
關係惡劣...佢對你差...你咪讓下佢...
佢唔對你盡本份....ok...fine....佢係有問題...
不過照你咁講.....你大個所謂既"養"返佢....
我都唔覺得你叫盡本份.......
甚至某程度上
你地兩個一樣...
都無資格要求對方為自己d乜

你可能覺得我講野唔岩聽
不過你咁樣根本係惡性循環
難保有日...你一樣咁對自己仔女....

作者: cocacola_ 時間: 2008-3-5 15:38

引用:

原帖由斷玉於 2008-3-5 14:57 發表

你阿媽對你點唔好
都叫做係你阿媽
無錯
佢比幾多你
你第時依夠比返咁多佢
大家都可以無拖無欠
不過佢比左條命你
你係咪而家還返比佢？
有好多野都無得講
係咁就係咁
關係惡劣...佢對你差...你咪讓下佢...
佢唔對你盡 ...

從黎所有野我唔會要求人
不過佢就好多野要我咁咁咁

比條命係意外,定係好心
抑或係責任呢
點叫比條命,點樣比

講到呢度唔駛我再多講吧

何謂盡本份呢...
本份叫責任,係應份,定係叫做偉大呢...

一隻狗冇看門口,比人掉左出街
結果變成流浪狗了...
係養既人既問題,定係隻狗既問題
覺得咁做唔好,執番黎養
係責任,定係乜呢

(慶幸狗既角色,到18就完了)

至於...點對仔女既問題...
我一直偏向自由意志,思想獨立...
人講既唔一定岩

自己識分析,乜都夠了
教既應該係思方,而唔係程序同結果

而家既教育執著於大部份人既理想,
結果就係所有人都強制向住人地既理想去做"應有"既程序...
忽略左自己本身既思想...
好既野唔一定想

想既野唔一定好

自己諗完,後果,所有野都可以承受
即係,如果你想去偷野
之後可能終身監禁
呢個結果你可以接受
考慮清楚之後,去偷吧

都係番黎正題
我呀媽只係執著於佢想既野,佢覺得好既野就一定想的
所以冇當過人會係個體
講極都唔明,每個人諗既方法都唔會一樣
佢依然係,咁樣好,去做啦
好,不過唔想,幾好都冇用

所以先會話,買隻狗比佢好過啦

==================================================
可見,我打得出黎,預左會有人講我呢樣個樣
唔緊要,我覺得要做既,依然會做
後果,都係自己承擔

==================================================
有d野,講左出黎就冇意思了

[ 本帖最後由 cocacola_ 於 2008-3-5 15:41 編輯 ]

作者: 斷玉 時間: 2008-3-5 16:17

引用:

原帖由 cocacola_ 於 2008-3-5 15:38 發表

從黎所有野我唔會要求人
不過佢就好多野要我咁咁咁

比條命係意外,定係好心
抑或係責任呢
點叫比條命,點樣比
講到呢度唔駛我再多講吧

何謂盡本份呢...
本份叫責任,係應份,定係叫做偉大呢...

一隻狗冇看門 ...

唔係大家講緊要求大家點
而係你自己都覺得佢咁做有問題
但係你自己都做緊近乎相同既野
當然你覺得無咩問題
因為你已經要做出黎

可能大部份都接受緊同一思想
覺得有d野太過迂腐
問題...責任呢樣野...係雙方既
甚至你地既母子關係...邊個都無得改變...事實就係咁

甚至從你講野中
覺得你由"排斥"到"忍受"...再到"接受"
有問題係要正視...唔係好似你講到咁...
你每處都指出你阿媽對你點不是
甚至你覺得佢養隻狗多過你
如果學你話齋...佢都叫做養大左隻狗...
佢結果點？最後咪比隻狗咬返囉...
你唔對你阿媽改變返...繼續甘心做狗既行為...
咁你阿媽就真係養大左隻狗
甚至可能你連比喻自己係隻狗都不如

算啦~~唔講lu~~
反正你都比唔少人講過
我從來唔會反對人做任何事
因為後果真係自己承受
(完全係我個名言出場時間.......

)

作者: 死肥老蕭 時間: 2008-3-5 16:57

依家D細路就係咁,無咗尊卑之分,過於自我,我行我素,以為自己已長大,有主見,其實都係自己呃自己,

你阿媽叫你正正經經食飯,你就鐘意食M記,覺得阿媽唔了解你,叫你唔好去網吧,你就會覺得佢管住晒,

連自由都唔比你,你阿媽叫你唔好同D唔三唔四的人做朋友,你又會話佢專制,連識朋友自由都冇,

你阿媽叫你讀好D書,將來可以揾多D錢,你就覺得咁煩架,第日一樣一定比錢你駛,你理得我做邊樣,

一D都唔了解父母之心,無錯,路任何人都可選,你鐘意做乞丐無人可阻,最重要將來唔好埋怨父母,

唔狠D對你,當然你依家可以耀武揚威咁話,我睬佢地都白痴,有D仲話打番佢地轉頭,但我希望各位靜

下來時撫心自問,你有冇為父母付出過,係咪每樣事都係父母錯而你啱晒...

作者: jin_the_friend 時間: 2008-3-5 18:24

細細個會覺得佢煩
而家大個左先知道佢係為我好
因為大個左就知人係有好多煩惱

作者: ★心碎_×豪 時間: 2008-3-5 20:45

引用:

原帖由 outgoingkan 於 2008-3-5 11:36 發表
其實阿媽打駡係痛，但只會痛一段時間，
時間過後，痛楚也會消去。
屋企人ｇａ冷言冷語及阿媽眼淚其實也是係精神ga痛
但當時間過後，也都會沖淡及忘記。

最慘就係家人不理不采，正所謂「哀莫大於心死」。
對你心死，你當其時可能 ...

就等於我而家個老帥對我咁........................."""""""""""""""""""""""""""""""""""""""""
哀莫大於心死.......................................................

作者: outgoingkan 時間: 2008-3-5 21:30

珍惜、體諒、原諒

希望各位都能做到

作者: jin_the_friend 時間: 2008-3-5 21:43

好似好多人生道理彈左出黎
總之珍惜眼前

作者: 7171 時間: 2008-3-5 21:55

我日日都有睇,冇買報紙

都要去睇下網文個到講咩

因為我都追貼潮流

作者: jin_the_friend 時間: 2008-3-5 21:59

我日日睇明報網囉
唔洗買啦@_@

作者: lelesee 時間: 2008-3-5 22:03

像我這樣沒有父母管時 ,,

就會想有人會管制著自己,,

不然只會令自己行差踏錯,,

錯得更嚴重,, 什至一次便沒有機會重新開始 ,,

雖然我是長年都沒有見到他們的出現 ,,

但對我來說我老師的眼淚就等於他們的眼淚 ,,

所以我也很少會做一些會令她傷心落淚的事

作者: 7171 時間: 2008-3-5 22:04

引用:

原帖由 jin_the_friend 於 2008-3-5 21:59 發表
我日日睇明報網囉
唔洗買啦@_@

睇apple呀ma

不果明報一它俾apple好
因為apple大部份都唔係講新聞

作者: 死肥老蕭 時間: 2008-3-5 22:10

引用:

原帖由 ★心碎_×豪 於 2008-3-5 20:45 發表

就等於我而家個老帥對我咁........................."""""""""""""""""""""""""""""""""""""""""
哀莫大於心死.......................................................

老師其實唔會咁輕易放棄一個學生,問題係學生想唔想老師幫而已...

作者: 櫻雨 時間: 2008-3-5 22:12

肥佬on msn..有事搵你..

作者: lelesee 時間: 2008-3-5 22:15

引用:

原帖由 死肥老蕭 於 2008-3-5 22:10 發表

老師其實唔會咁輕易放棄一個學生,問題係學生想唔想老師幫而已...

正解 =]

我也是被她慢慢感動的說 ,,,

雖然第一次看到她時感到很煩,,

但她不厭其煩地為了照顧我去學煮飯 ,, 學心理學 ,,

令我真的很感動 ,, 很想哭著對她說一聲 ,,

雖然你不是我媽,, 但你做的事比我媽更偉大,,你永遠都在我心裡排第一位

作者: 死肥老蕭 時間: 2008-3-5 22:21

引用:

原帖由 lelesee 於 2008-3-5 22:15 發表

正解 =]

我也是被她慢慢感動的說 ,,,

雖然第一次看到她時感到很煩,,

但她不厭其煩地為了照顧我去學煮飯 ,, 學心理學 ,,

令我真的很感動 ,, 很想哭著對她說一聲 ,,

雖然你不是我媽,, 但你做的事比我媽更偉大 ...

咁你真錯,唔係咁多人可以有你咁好彩.....

作者: lelesee 時間: 2008-3-5 22:24

引用:

原帖由 死肥老蕭 於 2008-3-5 22:21 發表

咁你真錯,唔係咁多人可以有你咁好彩.....

所以我對她很好呀 ,,

有什麼事也會先找她幫忙一下 ,,

有時間就我煮飯給她吃 ,,

讓她休息一下好了

作者: 死肥老蕭 時間: 2008-3-5 22:26

我打錯.係話你唔錯...唔係咁多人有你咁好彩....

作者: cocacola_ 時間: 2008-3-5 22:35

引用:

原帖由斷玉於 2008-3-5 16:17 發表

唔係大家講緊要求大家點
而係你自己都覺得佢咁做有問題
但係你自己都做緊近乎相同既野
當然你覺得無咩問題
因為你已經要做出黎

可能大部份都接受緊同一思想
覺得有d野太過迂腐
問題...責任呢樣野...係雙方既
甚至 ...

咁你覺得母子應該點

呢個答案點解,點黎既

如果每人都一樣既話,答案一樣我覺得冇咩問題
呢幾句就係我唔想講個幾句

狗,唔會養番佢吧

跟住呢度要講既野都係重覆第一段既野了

引用:

原帖由 死肥老蕭 於 2008-3-5 16:57 發表
依家D細路就係咁,無咗尊卑之分,過於自我,我行我素,以為自己已長大,有主見,其實都係自己呃自己,

你阿媽叫你正正經經食飯,你就鐘意食M記,覺得阿媽唔了解你,叫你唔好去網吧,你就會覺得佢管住晒,

連自由都唔比你,你阿 ...

睇#22既第二段,我有諗過呢個問題

對於所謂既管我一直唔會理的,佢講,我做唔做自己諗
從黎唔覺得咁樣係煩
佢要管我好清楚係責任
然而,有冇留意我既做法

你覺得,我做過d咩呢

而且...佢比你的,要還的

岩同錯,都係...

引用:

原帖由 lelesee 於 2008-3-5 22:03 發表
像我這樣沒有父母管時 ,,

就會想有人會管制著自己,,

不然只會令自己行差踏錯,,

錯得更嚴重,, 什至一次便沒有機會重新開始 ,,

雖然我是長年都沒有見到他們的出現 ,,

但對我來說我老師的眼淚就等於他們的眼 ...

管唔管只係佢地責任,大家搵食姐

知道自己想點,知道後果既話...
行差踏錯都係自己既問題了

作者: 死肥老蕭 時間: 2008-3-5 23:32

引用:

原帖由 cocacola_ 於 2008-3-5 22:35 發表

咁你覺得母子應該點
呢個答案點解,點黎既
如果每人都一樣既話,答案一樣我覺得冇咩問題
呢幾句就係我唔想講個幾句

狗,唔會養番佢吧
跟住呢度要講既野都係重覆第一段既野了

睇#22既第二段 ...

最重要係你選擇自己條路點行...

好與壞同其它人無關...

作者: jin_the_friend 時間: 2008-3-5 23:42

選擇左就勇往直前
最緊要無悔啊

作者: 死肥老蕭 時間: 2008-3-5 23:47

清兵都係好勇。。。。

作者: Erika﹏軒 時間: 2008-3-5 23:48

引用:

原帖由 cocacola_ 於 2008-3-5 22:35 發表

....

狗,唔會養番佢吧
.....

睇下果個人叫咩名啦...

如果果個人叫"大明"既話

"狗"咪會"養"返佢lor

想知點解就禁 ctrl + a 啦

久仰大名

作者: jin_the_friend 時間: 2008-3-5 23:52 標題: 回復 50# 的帖子

搞gag=-=
勇到擋大砲=-=

作者: Erika﹏軒 時間: 2008-3-5 23:55

引用:

原帖由 jin_the_friend 於 2008-3-5 23:52 發表
搞gag=-=
勇到擋大砲=-=

肥佬果d叫gag????

咁我果d叫咩...睇51樓吧

作者: jin_the_friend 時間: 2008-3-6 00:27 標題: 回復 53# 的帖子

好啦好啦
你win左啦= =

作者: 死肥老蕭 時間: 2008-3-6 07:25

我開頭都唔名佢講乜...

作者: 斷玉 時間: 2008-3-6 08:46 標題: 回復 47# 的帖子

母子應該點？
係囉~~母子應該點呀？

你本身都批評緊你阿媽點啦
呢一刻...你覺得自己都有資格咩？
仲有既係！阿媽點唔好點唔著
你都唔應該周圍唱
佢唔係一個好阿媽
但係至少你既行為都唔叫一個好仔
事件係點都好
關埋門一家人自己搞掂佢
無謂要搞到街知巷聞

你咁樣養返佢就唔叫狗？
咁佢都養大左你
你又仲想點？

你自己口口聲聲講無要求過佢d乜
呢刻你無咩？你根本就緊緊於懷、只係你唔認ja
無必要一錯再錯

有人窮一生都想有一個美滿家庭都得不到
現在有機會讓你去改變，自己都不肯做
唉~~~~~~~~~~~~~

作者: 死肥老蕭 時間: 2008-3-6 09:00

引用:

原帖由斷玉於 2008-3-6 08:46 發表
母子應該點？
係囉~~母子應該點呀？
你本身都批評緊你阿媽點啦
呢一刻...你覺得自己都有資格咩？
仲有既係！阿媽點唔好點唔著
你都唔應該周圍唱
佢唔係一個好阿媽
但係至少你既行為都唔叫一個好仔
事件係點都好
關埋門一 ...

其實家家有本難唸的經,外人好難作出評論,但現代孩子衹懂從自己方面去諗,唔會體諒父母,要長大後,

當自己做人父母先懂其中道理,可惜可能已經太遲.......

作者: 斷玉 時間: 2008-3-6 09:47

引用:

原帖由 死肥老蕭 於 2008-3-6 09:00 發表

其實家家有本難唸的經,外人好難作出評論,但現代孩子衹懂從自己方面去諗,唔會體諒父母,要長大後,

當自己做人父母先懂其中道理,可惜可能已經太遲....... ...

就係因為家家有本難唸的經
大家盡可能都唔好點"唱"自己家事
自己做仔...都唔想父母日日係街坊面前點彈點唱自己啦

太多野都會先入為主...
先入為主都算...仲要無得辯駁...
唔公平都唔尊重:L
無人唔想要一個完整既家

作者: 死肥老蕭 時間: 2008-3-6 10:03

佢可能係外國受教育,對家庭觀呢樣嘢無咁看重...

作者: cocacola_ 時間: 2008-3-6 12:06

引用:

原帖由斷玉於 2008-3-6 08:46 發表
母子應該點？
係囉~~母子應該點呀？
你本身都批評緊你阿媽點啦
呢一刻...你覺得自己都有資格咩？
仲有既係！阿媽點唔好點唔著
你都唔應該周圍唱
佢唔係一個好阿媽
但係至少你既行為都唔叫一個好仔
事件係點都好
關埋門一 ...

留意唔係話佢做呀媽個度做錯
而係我話緊佢做人既方法有問題

我認我差

我甘心咁樣既差
我享受

我話既狗,係個d淨係聽主人話而唔去諗野個d
諗完,覺得聽既去聽,我唔會話係狗

冇要求佢做乜,唔代表唔介意
就好似我唔鐘意人講粗口,不過我唔會叫人唔好講

有人窮一生都想有一個美滿家庭都得不到
有人唔想有不過有

點解你鐘意為左一d人地想既野而去努力,而唔係為左自己想既野呢?
呢個係最難理解既地方...
(我唔係唔想有,只不過都冇想過有,有同冇無影響,有冇都冇所謂)

引用:

原帖由 死肥老蕭 於 2008-3-6 10:03 發表
佢可能係外國受教育,對家庭觀呢樣嘢無咁看重...

=.=我兩年前讀書太差先比佢捉過來的
本身都以為冇乜野,不過佢做野既方法實在有問題
所謂"家"都係一群人
做野都要講禮貌,尊重
我唔會係佢面前話佢,有人係度我都唔會出聲
反正,我出到街,冇人知係我,更冇人知佢係我呀媽
我不爽,上來發洩

控制得幾好:lol

引用:

原帖由斷玉於 2008-3-6 09:47 發表

就係因為家家有本難唸的經
大家盡可能都唔好點"唱"自己家事
自己做仔...都唔想父母日日係街坊面前點彈點唱自己啦
太多野都會先入為主...
先入為主都算...仲要無得辯駁...
唔公平都唔尊重
無人唔想要一個完整 ...

佢同其他人講乜都冇咩問題...
完全唔介意人地點講我的...
我只在乎實際人地對我點做,係人地係我面前點做
係我背後做d乜,只要實際上唔會搞到我都冇所謂

先入為主個句好正
就好似係我呢個回覆既第一個部分尾二個段既最佳形容詞

[ 本帖最後由 cocacola_ 於 2008-3-6 12:08 編輯 ]

作者: 死肥老蕭 時間: 2008-3-6 15:47

總之你自己覺得享受就ＯＫ，其他嘢講來都無用，祝你生活愉快吧。。。。

作者: 天花 時間: 2008-3-6 17:30

肥老黎
你以上講既刑具
我老豆樣樣都用齊
但係你講漏左一樣
呢樣唔係人人用
我老豆試過揸刀追我黎劈
之前我剛剛升上中一
老豆比左50蚊我一日
叫我唔好用晒
咁岩有一日佢唔開心
加上我用晒果50蚊
聽日冇錢食飯
之後佢問我做咩用晒
佢月問就月激氣
之段我見佢走入廚房之後千一聲
我就知佢立刀斬我- -"
我即係走入房鎖房,,
仍刀劈落道門到
穿穿地,,,係咁打咁係踢咁斬道門
之後話我老豆我知錯啦
以後唔會用晒d錢
之後我聽到佢放返把刀係廚房
係廳睇電視
果晚我成日晚唔敢出廳
成晚鎖門..驚佢再走入黎劈我..
第二招佢放左四十蚊係電視機到//(因為佢知我一定睇完電視先返學)///
我就諗老豆真係.....

作者: 死肥老蕭 時間: 2008-3-6 18:10

如果你唔係老作的話,你老豆有病,唔該你帶佢睇醫生,燥狂症,可能更嚴重D精神病都有可能,

如果我係你,一定報警揾人送佢去醫院檢查,唔係叫你拉佢,係要醫好佢個病....

唔好諱病忌醫,唔係你等如抱住個炸彈係身邊,唔知佢又幾時再爆....

歡迎光臨 IPvE vLan 遊戲平台|網吧系統 (https://www.ipve.com/bbs/)