IPvE vLan 遊戲平台|網吧系統 - Powered by Discuz! Board

標題: [討論] 阻大家少少時間，關於冒名問題(內含長文花生) [打印本頁]

作者: teddy0116 時間: 2020-6-5 04:43 標題: 阻大家少少時間，關於冒名問題(內含長文花生)

阻大家少少時間

幾個月因為同一個以前中學同學割左蓆，佢居然申請左個AC冒認我周圍吠去撩是鬥非，所以特此聲明呢個人唔係我.
以下係我同佢之間GE個人恩怨，有興趣就睇埋落去啦

佢係vlan用緊3個名,W_T_F,vcfung1130,高調低手同埋最新果個teddy0116；我同佢係中4左右開始一齊打機，因為當時信長已經開始沒落，好自然仲有玩緊GE人會抱團一齊打機，就係咁樣開始同佢熟，當年我仲捉佢一齊操卷

，最後我入左asso，佢下年都入埋同一間asso，我地又做多左2年ge同學

以前同佢做得朋友，係因為佢算係會當你係朋友，我算係果一種只要你當我係朋友我就會當你係朋友果種，因為自己本新就唔係果種鍾意周圍識朋友ge人，所以我其實一直幾珍惜自己身邊ge朋友,呢個人同佢打親機佢都唔知點解好似成個轉變到痴哂線咁，而且成個人勁負面，幾個朋友拉埋佢一齊玩，佢可以因為比人汁左個頭特登troll輸場game，以前玩得差果陣，我同個朋友比個意見佢佢又覺得話嫌佢廢，成日係到講"唉我廢丫嘛""都輸架啦"，"汁我頭唔值得贏"乜乜物物咁，而且每一次都係重複呢幾個說話，最神奇係，當幾次頂唔順佢D態度扔佢去對面果陣，佢戰鬥力可以勁左一半以上，就算未至於carry,起碼可以正正常常咁幫手接下技呀，唔送頭呀，殺下人咁。所以我同個fd研究左好耐，討論過啦，得出一個結論就係，佢係純粹想troll隊友.....

就係咁樣，我同佢就一直打機打到asso完，都唔講佢平時打機成日明明troll左都要講大話去掩飾，比如話係隔離望住佢打機佢冇接到技係要話自己cd緊，2v2內戰隊友丁佢佢唔接，殺唔到果陣比人鬧，反問返你丁緊我呀?......朋友呢D野，忍下咪算，因為除左打機，我地都會食下飯，我自己本人住離島，佢都會入下黎玩下，我都會請下佢地食野咁，又或者hehe睇戲，睇黃子華咁。但人忍耐ge限度，唔係個個都可以無上限咁包容。

前1,2年開始，有時同佢打機打到燥底果陣，已經講到明如果你個態度再咁落去，我無辦法再繼續同佢打機，我自己同班朋友打機求開心，學業呀，工作壓力大想打機渲洩下，打機勁唔勁其次啦，打左咁耐總有贏輸，問題對住佢，無論你贏輸都好都會係你身邊瘋狂放負，係咁係到煩住哂，初頭係有次燥到下定決心，以後唔同佢玩啦，佢就係你身邊自己玩，一邊玩一邊煩住你，然後過左一段時間我同我個Fd就會心軟，到最後就會一齊玩返，初頭會改下ge，起碼唔會特登係到troll,至少會努力一下，然後過幾個又troll返，不斷係咁loop呢個循環

其實去到呢到本來都冇野，我自己覺得，打機唔岩打，咪唔好打機囉，做朋友唔定係要一齊打機，一齊食下飯唱下K，一樣得，但係幾個月前佢唔知點解愈黎愈痴線，佢開始有事冇事都針住我黎疾，已經唔係果種玩笑果種疾，係無論你講咩都好，那怕佢根本唔知到個話題講緊咩都要插把口入黎**不雅**我2句，幾個月前我仲想透過我朋友想知佢係咩事，佢完全冇原因，就係睇我唔順眼，去到一個我問朋友屋企條充電線幾長，佢都可以插把口話咪家用線原裝咁長，你係唔係**謾罵**架?咁ge地步，其他我都唔講，太多太雜唔記得，我淨係記得最後一次同佢真正反面果時我同個朋友晏就係ione，開左1部垃圾機，開機果陣解像hand左變左800*600，我試過整但係整完最後藍左mon，岩我地食完晚飯佢後join果陣，我提起呢件事，佢好自然就話解像度有得自己較，你係咪**謾罵**，然後果陣我都冇駁，我同佢講，我晏就試過，有機會藍mon，可能我唔識整，你去整下，然後佢就不斷嘈9我**謾罵**，果下因為直以黎忍耐唔到，真係爆左直接拍枱鬧9佢，佢竟然同我講，咁唔妥我隻揪lo，果下我真係想笑出聲，原來我身邊ge朋友，係d咁ge人，之後我再無留戀，憤而離場，同另外2個朋友交代2句就走左

初頭都唔係話有咩特別，道不同咪不相為謀囉，以後你走你的陽關路，我行我的獨木橋。原來唔係ge，我都唔知到佢憑乜野懷恨在心不斷係其他地方叫d人唔好識我呀(佢入左個信長GP,因為緣份打過1,2場，有人覺得大家岩玩wo想識下，add左我之後講我知有咁ge事)，最近居然新開個帳冒我名買vip去周圍炮人，前果排仲有人話我走場

。我自問我平時打機最多覺得你有問題鬧你2句**謾罵**，都唔會再多講，因為自己本新唔係話勁，邊個岩有時真係打過先知，唔岩打咪下場對面，而且最基本有品，有時有得打45都同你打埋佢，真係冇諗過會有人cheap到用d咁低莊ge方法去報複我

最後，呢到講咁多只係希望向大家澄清一下，等大家知道teddy0116呢個人，唔算太勁，唔會太炮，但會有品，我另外個帳都係，叫絕對．新手(中二開，而家個名覺得7到唔敢再用

)同時警誡一下世人小心識朋友，順便講多句，識著佢呢個朋友，而且同佢深交，係我人生之中最後悔ge其中一件事

以上

作者: teddy0116 時間: 2020-6-5 04:51

以下係我之前搵到ge撩事鬧非內容，前果排屋企搞白事，冇心機再關注呢D19野
**謾罵**=6uo

[ 本帖最後由 teddy0116 於 2020-6-5 04:54 編輯 ]

作者: 寫下愛情歌 時間: 2020-6-5 19:26

曾經無所不談、糖痴豆般日見夜見，在別人眼裡親如兄弟，但隨著asso選科不同，開始分道揚鑣，各有各朋友圈，更遑論踏入社會後的生活方式之不同。你可能還懷念以前的情誼，也許她也曾經想念過你，但你們都因現在不同的生活、經歷和想法，深知回不了當初那純粹的友誼。

好感人

期望你地有一日能破鏡重圓一齊征戰vlan

作者: 口肥料口 時間: 2020-6-5 23:34

人生就是一場旅行，經過不同村落，越過高山低谷，當然最重要是旅途中遇到的志同道合之友。雖說是朋友，但始終只能是生命中的過客，相遇就像各個大俠在客棧休息一般偶遇而相識一樣，大家能夠結成兄弟之情，卻不一定能夠目標一致，大家在客棧休息夠了之後，又繼續各自的旅程。所以說，你們能成為朋友，已經是難能可貴了的，有所爭執也是難免之事，只希望你們能夠好好了解大家，即使人各有志，亦不要忘記這朋友之證，友誼之結。如果還有一絲的希望，你們可以談談。明月幾時有？把酒問青天，兩兄弟一飲而盡，在這紅塵世俗之地重連朋友兄弟之紅線。
祝你們白頭到老，永結同心．

華盛頓：「友情像一棵樹木,要慢慢的栽培,才能成長真的友誼,要經過困難考驗,才可友誼永固」

[ 本帖最後由口肥料口於 2020-6-5 23:36 編輯 ]

作者: teddy0116 時間: 2020-6-6 00:51

其實可能上面我寫太多美好ge野令人有d誤會，只係佢衰果面我唔想講太多。或者前果幾年我同佢都算係fd，但呢2年真係唔算，至少我睇唔到佢有任何一方面係當過我係朋友，佢對我最好果次係之前留左張黃子華飛比我買，其他真係諗唔到啦，我本來都唔想講咁多，但那怕佢係曾經當過我係佢朋友，佢都唔會開過假AC做9我啦?真係當我仇人咁，佢憑咩呀?道不同不相為謀，佢唔係搞咁大周圍整臭我個名我都唔會摷哂出黎公審，我係屋企打打下ps4都會突然收到消息有人睇直播見到我個名，咁岩我屋企有人岩岩過身，我搞白事都要比佢煩住哂，我當年佢生日借埋部psv佢拎返去玩左幾個月，我欠左佢?我對佢，仁至義盡，佢咁ge人品，做朋友?不了。

[ 本帖最後由 teddy0116 於 2020-6-9 19:35 編輯 ]

作者: 狗官落地獄 時間: 2020-6-6 03:36

係咪網絡小說? 而家第幾篇? 想追落去

作者: 御公子. 時間: 2020-6-6 07:52

引用:

原帖由 狗官落地獄 於 2020-6-6 03:36 發表
係咪網絡小說? 而家第幾篇? 想追落去

我都想追

作者: 墮天金智秀 時間: 2020-6-6 17:44

無人想知呢d野日日周圍都發生架啦

作者: 雞米花 時間: 2020-6-6 18:04

引用:

原帖由 墮天金智秀 於 2020-6-6 17:44 發表
無人想知呢d野日日周圍都發生架啦

你唔想知咪唔好入黎睇

歡迎光臨 IPvE vLan 遊戲平台|網吧系統 (https://www.ipve.com/bbs/)