IPvE vLan 遊戲平台|網吧系統 - Powered by Discuz! Board

標題: [閒聊] 有冇人覺得窮人生仔係迫下一代受苦 [打印本頁]

作者: ☆咖啡》〝 時間: 2014-12-30 21:18 標題: 有冇人覺得窮人生仔係迫下一代受苦

窮人家庭出世
成日聽人講咩知識改變命運
係香港根本冇可能脫貧咁制
一出世就注定你要做樓奴打工打一世

由細到大真係比享受玩既時間有幾多?
讀完書就要做野日日返工放工
辛苦成世
好似機械人咁
但你唔做機械人又唔得wo

辛辛苦苦打工打返黎既錢
要黎供樓草錢結婚養屋企人
真正比你享受用既有幾多?
同埋而家d拜金港女
你冇錢都唔洗諗溝女(當然唔係全部)
如果比我簡我寧願冇出世過

相反如果我出生於富裕家庭可能會慶幸自己出左世

大家有咩睇法

作者: 野小孩 時間: 2014-12-30 22:06

你的命題默認了窮人命運的堪虞，但也就謹止於此吧了。

出生背景是命運的惡作劇，無論妳是來自任何的背景家庭，都是惡作劇之神種下的果子。那怕妳是富家出身還是窮人出身，生命的軌跡上都是佈滿了沙石。

請不要埋怨自己的出身，因為這無疑是逗惡作劇之神的歡喜，結果，妳的命途只會更加荊棘難堪。

快樂從來就不是命運去決定，世界上最可憐的人、傷殘人士和怪胎，都會來取笑我們這些無病呻吟的城市人，如此容易就被命運的鴻流打敗，只是一則新聞也懶得報的小故事。

[ 本帖最後由野小孩於 2014-12-30 22:07 編輯 ]

作者: CoMboBB 時間: 2014-12-30 22:59

關於機器人，你仿佛講出了我的心聲
不過我相信你努力的話一定有出頭天
所以唔洗灰心繼續做好自己就可以了

最緊要人窮志不窮

作者: oleole 時間: 2014-12-30 23:08

窮人生仔唔係迫下一代受苦

不過就唔好生咁多件囉

作者: 3.14 時間: 2014-12-31 01:24

你講機械人我認同。
唔係番工就放工成個機械人甘,我份份工都做唔長。
頂唔順d甘既生活。
but唔番工成日又冇所事事甘。
又冇乜朋友,0活動。
走番去讀書又要比錢。

作者: kaka123 時間: 2014-12-31 10:40

幸與不幸都是福

作者: 野小孩 時間: 2014-12-31 11:37

在社會上~誰都是過得像機械人，那怕你富得像李嘉誠啊~
不過呢~......沒沒地捱的確是一種苦，工作日復日地沒完沒了，卻又不能因此而有所得益，行屍走肉的感覺。
跟朋友去打個波，找個興趣在空餘的時間挽，也算是頗高尚的「忙裡偷閒」了。

作者: 一人一個 時間: 2014-12-31 13:10

咁非洲人係唔係要絕種？
身中福中不知福！？

作者: ［輝頭］ 時間: 2014-12-31 13:11

其實用另一個角度睇.我地出世係香港比起其他國家算幸運.至少香港無天災,亦無非洲甘貧困。

作者: 野小孩 時間: 2014-12-31 13:48

引用:

原帖由 ［輝頭］ 於 2014-12-31 13:11 發表
其實用另一個角度睇.我地出世係香港比起其他國家算幸運.至少香港無天災,亦無非洲甘貧困。

這是個好的想法~ 畢竟一山還有一山高，如果總是將自己的不幸置於太高，跌下來還是會痛的。
不過有趣的是，非洲貧困的人，他們喜歡仰望我們城市人，卻不會怨天尤人。

作者: ［輝頭］ 時間: 2014-12-31 14:11

引用:

原帖由 野小孩 於 2014-12-31 13:48 發表

這是個好的想法~ 畢竟一山還有一山高，如果總是將自己的不幸置於太高，跌下來還是會痛的。
不過有趣的是，非洲貧困的人，他們喜歡仰望我們城市人，卻不會怨天尤人。 ...

可能非洲人覺得已經無野可以再輸呢個念頭。

作者: 野小孩 時間: 2014-12-31 14:24

引用:

原帖由 ［輝頭］ 於 2014-12-31 14:11 發表

可能非洲人覺得已經無野可以再輸呢個念頭。

因為佢地的字典很少內容，佢地的內心也沒有這麼豐富~所以才不會和城市人一樣煩這個煩那個

城市人想要這個幸福~可難了

作者: 古物.帝 時間: 2014-12-31 19:19

當自己係城市人就會想得到自由奔放既社會

但當自己得到自由奔放既社會又會懷念番之前好似機械人咁既生活(可能)

總結:唔好話仲有好多人辛苦過自己人既慾望係無限的即係話人本應唔會知足

以上廢話

以下更加廢話

有冇人會想生存係死後既世界呢
既然生存係城市都係做成世機械人

[ 本帖最後由古物.帝於 2014-12-31 19:20 編輯 ]

作者: -★軒x0┐〥 時間: 2015-1-1 02:21

吾好甘灰比心機現在先

......

作者: 獨愛喵 時間: 2015-1-1 14:14

其實你正途搵唔到錢
咁咪試下其他方法，梗有一種啱你

作者: 神fake 時間: 2015-1-1 16:38

你唔好結婚生仔下一代咪唔會受苦

作者: 【走+ 時間: 2015-1-1 17:40

死亡是解脫?

你所講既野已經係哲學
為何生存?

算啦自己想做咩咪做咩囉你仲有60年命玩定係剩返60年命玩? 心態完全不同
用你既生命去感受呢個世界窮有窮玩嫁姐一樣可以環遊世界做你想做既事
只係睇你可唔可以捨棄其他野

有得必有失

作者: 好鬼衰 時間: 2015-1-1 20:20

甘就睇樓主你番咩工啦 = = ......

同埋年青果陣既發展係點- -

香港地8成都係機械人想發達基本上係做生意  但都只係無壓力人士

有壓力人士供樓成30年唔供又唔得想結婚生仔?? 無錢就咪發夢  就算生左出黎未一樣苦到爆炸  所謂港女全部整係識講錢  自己連搵錢能力都未識  個個想嫁個有錢老公結果有幾多個係真係結到婚曬氣啦-  -

以家講緊最平既樓都要成4百幾萬(全新/二手樓)  同銀行借90% 自己仲要一按 +二按  屋企人比到10%出黎甘都話可以供下樓唔係連供樓都無資啦計埋銀行 1.9-2.15利息  月供30年每月平均都要成1萬6千幾蚊(400萬) 仲要加埋樓既管理$(每月都3.x元 x番實用面積 ) 月入無4萬蚊都唔洗念 50%用黎供樓  50%用黎屋企洗用仲要成30年都係甘 -.-...

其實講成因其實都可以講係大陸人炒樓做成  佢地自己係大陸有地之後被政府收購左成幾千萬身家  落到黎瘋狂買樓真係多謝曬  我到以家都未買到樓  我真係爆曬粗口

以家想佢樓價下跌基本上都無乜可能 -.-7年黎升到爆炸  下年將軍澳同元朗成萬伙  到時真係做到我xx啦

唔該果d小朋友連社會都未接觸過既人士  就咪亂出字啦 = =

[ 本帖最後由好鬼衰於 2015-1-1 20:33 編輯 ]

作者: oleole 時間: 2015-1-2 19:29

咩野叫做「正途搵唔到錢咁咪試下其他方法」

係咪暗示叫人做d非正途既工啊

想係香港有間屬於自己既屋？

睇下老豆爭唔爭氣啦

作者: ㄗsメ小KiTˇ 時間: 2015-1-4 22:08

開通未?有幾多錢先唔叫窮人?
呢個世界無窮人的話
邊個做地盤起屋比你住?
邊個去掃街搞好個清潔?
邊個去耕田種米比你食?
邊個去開食肆為你醫肚?
邊個去做侍應黎服務你?
邊個去做司機去接載你?
自己諗深一屠,百樣人食一樣米
你阿媽生你出黎應該感謝,唔係埋怨
世界上既八二定律係由你自己去分

作者: 獨愛喵 時間: 2015-1-4 22:58

點解一定要老豆爭氣先會有屋
唔通你想個仔第時又咁諗?
我覺得老豆的確可以俾到幫助，但你唔爭氣都無用架

作者: Crazy【賢】 時間: 2015-1-4 23:57

咁係咪有錢先比到樂趣你?
你點解唔問下啲有錢人佢地有幾快樂?
知唔知佢地一輸就輸哂成富身家?
到時要佢地打工仲慘過你啦

作者: 凌總 時間: 2015-1-5 00:04

窮人家庭出世                                                    除左富二代有家族生意基本上大把人都係普通家庭出生
成日聽人講咩知識改變命運                               知識未必可以改變命運大把廢青讀完大學都唔做野還錢比政府應該學馬來西亞學制咁借完錢讀完書唔還慘過食屎
係香港根本冇可能脫貧咁制                               冇可能脫貧咁制命運掌握自己手  睇你懂唔懂發揮雖然香港好現實係東南亞算係一個冇咁殘酷既社會香港講機遇人事  關系除非你有特殊能力可以白手興家
一出世就注定你要做樓奴打工打一世                正常樓奴呢個就笑話冇人叫你做樓奴你要買樓吃得苦中苦方為人上人你想擁有就要爭取自願性  有得比你供算汁到香港樓價幾貴

由細到大真係比享受玩既時間有幾多?             時間冇話多唔多你努力都係比自己一種享受包括你下一代諗法唔長遠永遠都比人遺忘懂享受生活的燦爛先要懂得如何可以擁有
讀完書就要做野日日返工放工                         讀完書返工係正常屋企冇支援下需靠自己草錢想拼出自己天地就要比其他人更加學懂耐勞忍耐
辛苦成世                                                          香港澳門有錢排首幾名以前都係辛苦人抓緊機遇方可成就大業
好似機械人咁                                                    學識享受自然就唔會比你一種感覺似機械人
但你唔做機械人又唔得wo

辛辛苦苦打工打返黎既錢
要黎供樓草錢結婚養屋企人                            記住供樓結婚都係你自己既事養屋企只係少部分
真正比你享受用既有幾多?                               到低用幾多有得計LA已經樓供完自己婚結完自己日常生活又係自己用幾多
同埋而家d拜金港女                                        港女係多拜金  相反男性亦都多玩弄感情  唔怪得晒女
你冇錢都唔洗諗溝女(當然唔係全部)                香港係咁現實有錢的確比做任何都有優勢
如果比我簡我寧願冇出世過

                     呢D就係幼稚思想  天生我才必有用  永久睇少自己怨天怨地又眼紅人妒忌只會永遠做低下層就算心中富有只係苦中作樂
相反如果我出生於富裕家庭可能會慶幸自己出左世       我識好多富二代屋企眼見  除左玩女溝女用屋企人錢買車買船開P 玩靚模  做二世祖做屋企人頂心杉  冇乜大作為
                                                                                       做人知足常樂唔好要求太多  做唔到最有錢都唔可以做最窮果個

作者: 獨愛喵 時間: 2015-1-5 00:44

識好多富二代已經有好多機會

作者: ★SKy_Tai 時間: 2015-1-5 21:21

做唔到最有錢都唔可以做最窮果個!!!
有機會既!

作者: oleole 時間: 2015-1-8 01:17

好心你地唔好講咁多咩知足啦

人類今時今日有咁多科技同成就完全係因為唔知足同貪心

如果唔係邊得黎智能電話用d老蓮咁大既大哥大就夠啦係咪啊

要知足啊嗎打到電話咪得囉洗鬼要細d功能多d 仲要影相上網？

Are you kidding me?

成日叫人知足呢樣都算我最憎就係個d成日搵第三世界黎比既個d人

又唔見你搵好過你既國家黎比？

成日係到打飛機自我安慰搵d藉口比自己原地踏步

你DSE拎22111會唔會同你老母講「你睇下人地啦人地拎得11111炸」

你睇下你老母會唔會打死你個打靶仔

個政府廢淨係識係到忍歪曲自己既思想黎迎合呢舊屎

之後仲覺得自己好威威

會唔會嘔心左少少啊

作者: 一人一個 時間: 2015-1-8 17:54

回應28樓

咁你依加仲唔快D跳樓死左去，既然生存係世上都無意義，受苦，加上你自己唔想出世，死係你最佳選擇！

ps:香港大把窮人啦，得你一個咩？

作者: Misuki 時間: 2015-1-8 19:52

我識唔少朋友都係公屋出身

讀大學讀到碩士, 唔係話好威, 至少高過我

唔講錢先喇

至少覺得佢地好快樂

每一個人生出黎都唔會係完美

但每一個人都應該盡力將自己做到最好

作者: 魔法稻草人 時間: 2015-1-8 20:23

講真. 窮真係咩都做吾到我覺得 .

作者: 【走+ 時間: 2015-1-8 22:58

引用:

原帖由 ☆咖啡》〝 於 2015-1-8 17:01 發表
生我出黎就要感謝佢
咁我比屎你食你都要感謝我? 講到我好想出世咁

你係非洲出世睇你會唔會多謝你老母

你估你老母想生你呀? 掉轉黎講?

作者: 【走+ 時間: 2015-1-8 22:59

引用:

原帖由 魔法稻草人 於 2015-1-8 20:23 發表
講真. 窮真係咩都做吾到我覺得 .

其他地方唔認同但係香港就一定係

作者: 魔法稻草人 時間: 2015-1-9 20:20

引用:

原帖由 【走+ 於 2015-1-8 22:59 發表

其他地方唔認同但係香港就一定係

係香港就一定係其他國家我都吾認同

作者: 曼聯 時間: 2015-1-9 22:27

引用:

原帖由 ☆咖啡》〝 於 2014-12-30 21:18 發表
窮人家庭出世
成日聽人講咩知識改變命運
係香港根本冇可能脫貧咁制
一出世就注定你要做樓奴打工打一世

由細到大真係比享受玩既時間有幾多?
讀完書就要做野日日返工放工
辛苦成世
好似機械人咁
但你唔做機械人又 ...

講經咩，你up咁多廢話托
條命係你既，你想點做咪點做囉
我攞把槍篤**粗口**住你個頭叫你翻工？

作者: 曼聯 時間: 2015-1-9 22:33

送比樓豬

作者: RedWrite 時間: 2015-1-10 13:18

一句講哂身在福中不知福

作者: yauchunwong 時間: 2015-1-11 15:55

其實你明唔明令你受苦最重要既唔係生你果個，而係你既慾望，你父母根本無諗過要你受苦，只係社會既背景令佢係處在一個比其他人貧困既局面，繼而你的生活素質比他人低

而你所謂既受苦，只係你得唔到一些你無能力得到既野，所謂知足常樂，你都有聽過d有錢人為左得到更多錢不擇手段，好似陳振X咁，佢又咪係受緊苦，佢唔窮呀，咁又因為d咩

又有d人佢好窮，但佢日日都笑得好燦爛，咁又係因為咩

最重要既其實係你自己既心態，知足常樂，就好似炮姐d妹妹咁，佢地整出來目的就係比人殺，但係佢地都無怪到炮姐，因為無佢既基因，佢地根本連體驗世界既機會都無，唔理你父母點解要生你，但至少因為生左你先可以知道苦樂為何，至少咁你都唔應該怪佢地

怪就怪自己慾望太多，不自量力，而又唔發奮

歡迎光臨 IPvE vLan 遊戲平台|網吧系統 (https://www.ipve.com/bbs/)