標題: [交流] [未解決]惡之華漫畫動畫既問題(唔睇動畫了) [打印本頁]
作者: bmbm0606 時間: 2013-5-14 17:07 標題: [未解決]惡之華漫畫動畫既問題(唔睇動畫了)
惡之華漫畫動畫既問題
我睇左漫畫之後咁就帶住好開心既心情睇動畫
之後動畫頭5秒..係到挑戰緊個急耐力...
畫風唔同左...咁都算...我等其中一位女主角..佐柏....
O MY GOD....漫畫好似靚D...
不過值得一讚係佢動畫方面係顯得現實...條條友都勁肥....(現實邊似D動畫咁..胸大腰小)
之後套野...第一集嚴重浪費左我D時間...
我依家挑戰動畫第2集...有睇過既人討論下...
自行反白劇透
套野變左D咩....點解男主角一開波偷左佐柏件運動褲? 惡之華既作怪?
[ 本帖最後由 bmbm0606 於 2013-5-14 23:46 編輯 ]
作者: bmbm0606 時間: 2013-5-14 17:40
自行反白劇透
睇完第二集...
仲村勁變態....之後同漫畫差唔多..只係畫風奇奇怪怪
第三集..
男主角比人除衫...個到有D 變態既感覺...之後著左佐伯既衫
第四集..第一次約會...著住佐伯件衫去
第五集估計倒水...都係唔睇動畫..完
[ 本帖最後由 bmbm0606 於 2013-5-14 23:38 編輯 ]
作者: R-果然翁 時間: 2013-5-14 22:06
最後標題打住劇透慎入
作者: bmbm0606 時間: 2013-5-14 23:45
引用:
原帖由 R-果然翁 於 2013-5-14 22:06 發表 
最後標題打住劇透慎入
我睇到漫畫第45話有好多地方唔明
自行反白劇透
首先係男主角春日佢轉左校之後識左條女...叫常盤...好似仲村..但係比較美..
之後係聖誕節個日見返佐伯....之後佐伯都變左，(好恐怖)
去到第45話...真係睇到R爆頭，無啦啦男主角諗左一大輪野之後就去返間店
之後係人地男朋友面前同人講 我喜歡你...請同我交住........
真係R爆頭，點解男主角既行為咁怪...
咁重點係呢到...佢講左請交給靈魂我...唔明講緊D咩..無啦啦常盤同佢一齊痴線...個樣喊晒...佢男朋友都呆左...
咁就帶去常盤去左條橋之後抱抱...完全R爆頭
首先春日係一開始已經搞到佐伯由乖乖女變左痴線婆...(好彩佐伯有根底...最後變返正常人)
之後男主角春日其實一開始都好正常..因為係偷運動衫之後(惡之花引導)
因為仲村強迫而變左同佢一樣變態痴線...本身佢喜歡佐伯..無啦啦鐘意SM女仲村
咁都算...最後自焚點解仲村推開春日?
一連串既事...之後...常盤既表情..真係睇到R爆頭....點解常盤寫既小說咁似春日?
講返之前...44話...春日佢將惡之花渣爆左....變血...
45話朵花好似係被遺棄在地上...意思HAPPY END?
常盤最後同春日交住之後HAPPY END? 唔會好似佐伯咁BAD END?
[ 本帖最後由 bmbm0606 於 2013-5-14 23:51 編輯 ]
作者: R-果然翁 時間: 2013-5-15 12:37
字海及劇透 慎入引用:
原帖由 bmbm0606 於 2013-5-14 23:45 發表
之後係人地男朋友面前同人講 我喜歡你...請同我交住........
真係R爆頭，點解男主角既行為咁怪...
咁重點係呢到...佢講左請交給靈魂我...唔明講緊D咩..無啦啦常盤同佢一齊痴線...個樣喊晒...佢男朋友都呆左...
咁就帶去常盤去左條橋之後抱抱...完全R爆頭
以下係我自己推測既 不能作實
春日表白講既係請與我一起活下去 由我來殺掉你的靈魂 下來吧 從這條路上
春日一早就已經唔再係正常人 俾流氓打個陣佢都講過自己日日行屍走肉 同死左冇分別
由此推測佢行既路已經係崩壞路線 佢話[下來吧] 而唔係講[下去吧] 姐係叫常盤同佢一齊行個條路
由於春日推介左好多書都係常盤睇過既 姐係話佢地睇既書幾乎係同一類型
所以常盤縱使冇睇過惡之花 但係佢心入面都有一朵
另外 44話個到春日係sms打唔出之後 影子同佢講野個一幕 佢清楚知道自己係需要一個同類作為支柱
而e+仲村已經唔係身邊
根住有一幕係間大屋入面 個窗口企住自己同常盤 兩個都係冇靈魂 意思可能係指兩個人歸宿都一樣
當春日領悟左呢樣野之後 佢唔想再行屍走肉 所以搵常盤 殺死佢既靈魂 回到同一歸宿
同常盤表左白之後 晃司(常盤前男友)話未見過佢咁既樣 姐係話個一刻 常盤既靈魂已經死左 同春日係同一條路上
所以之後出左間店 佢地心有靈犀 唔洗講野
引用:
原帖由bmbm0606於 2013-5-14 23:45 發表
首先春日係一開始已經搞到佐伯由乖乖女變左痴線婆...(好彩佐伯有根底...最後變返正常人)
佐伯未變番正常 佢一直都係崩壞緊
引用:
原帖由bmbm0606於 2013-5-14 23:45 發表
因為仲村強迫而變左同佢一樣變態痴線...本身佢喜歡佐伯..無啦啦鐘意SM女仲村
仲村幫春日萌發左佢心入面既惡之花 所以先鐘意佢掛
引用:
原帖由bmbm0606於 2013-5-14 23:45 發表
咁都算...最後自焚點解仲村推開春日?
其實從墨水戰課室個到開始已經知道 仲村一直係想維護住春日
如果佢係作為正常人而言既話 佢一定知道自己係鐘意春日 可惜佢唔係 所以唔知
到最後祭典前一晚 仲村都講明左自己知道冇山既另一邊(姐係暗指成個世界都係混濁既)
係個陣佢都知自己其實係鐘意春日 所以到祭典 佢出於正常人既反應 唔希望鐘意既人死
至於會係bad ending定good ending就真係唔清楚 我都解釋唔到惡之花其實係代表咩(罪惡定
仲村 又或者過去?)
[ 本帖最後由 R-果然翁 於 2013-5-15 12:43 編輯 ]
作者: bmbm0606 時間: 2013-5-15 12:40
引用:
原帖由 R-果然翁 於 2013-5-15 12:37 發表
字海及劇透 慎入
以下係我自己推測既 不能作實
春日表白講既係請與我一起活下去 由我來殺掉你的靈魂 下來吧 從這條路上
春日一早就已經唔再係正常人 俾流氓打個陣佢都講過自己日日行屍走肉 同死左冇分別
...
反白
姐係仲村同佐伯係過渡期?
作者: R-果然翁 時間: 2013-5-15 12:45
唔算係
仲村算係過去
但係佐伯就仍然係現在
作者: bmbm0606 時間: 2013-5-15 14:23
引用:
原帖由 R-果然翁 於 2013-5-15 12:45 發表
唔算係
仲村算係過去
但係佐伯就仍然係現在
| 歡迎光臨 IPvE vLan 遊戲平台|網吧系統 (https://www.ipve.com/bbs/) |
Powered by Discuz! 6.0.0 |