IPvE vLan 遊戲平台|網吧系統 - Powered by Discuz! Board

標題: 打信經歷 [打印本頁]

作者: Fracture.闇 時間: 2013-1-21 21:36 標題: 打信經歷

是咁的我是一位寂寂無名的毒_  日日落網吧打機
日出而打機日入又打機除左打機都係打機
身邊D人都係度打LOL 今日既我同往常既我一樣
落網吧繼續打機比人屠
同平時唔一樣既係我身邊D人竟然唔係打LOL
竟然係一堆LoL海之中見到有一男一女係度打信長
我腦海入面不斷咁浮現那一日深刻在我腦海中既事件

話說那一日孤獨的我依舊落網吧打機
突然之間聽到[砰]一聲巨響
單機緊既我當堂嚇疾左細心聆聽巨響的來源望下發生咩事
一轉過去的時間一個男人拎住盒豬扒飯好雷好霸氣咁講:
「廿蚊,兩個1粒鐘唔洗找有多比你買雪糕」
我果陣心諗傻的嗎?
正所謂聚沙成塔積少成多世界有咁多的貧窮國家
你寧願請個網吧職員食雪糕都唔幫助貧窮地區既人們你有常識的嗎??
隨即果個男人同一個女人坐左系我格尼
本來我唔會理會我身邊既人係度做乜野
我有我生活佢地有佢地忙碌
但係我見佢咁雷咁霸氣睇下有咩料
我望左一望原來條友用槍神條女用狗女係度打信
我心諗嘩咩時代呀,竟然仲有人打信
頃刻, 條女無啦啦係度問:「點解望月叫狗女既?」
條友就答:唔知
條女就話:你個槍神過黎我度啦
我都唔知咩事  我剩系見到隻狗女係溫泉隻槍神係中路食緊兵
槍神係中路於是隻槍就去溫泉搵佢啦.
到左之後條女就向左走向右走咁淫笑住講:依家明未?
但係隻槍依然唔明條女就話:
我係望月你咪係我隻狗囉釣(厹) 狗公
聽到尼一句之後我心知不妙我既耐力十分之低但笑出黎又怕唔好意思
唯有強忍心中既笑意繼續食花生去
隻槍即刻開南哥mode 屠殺左對面
呢個時候條女好似心知不妙
就錫左條友一下倏地有個黑影飄過
我咁岩望到個黑影係度唔知做乜
個黑影應該係佢地既朋友我就繼續擔任食花生既角色繼續花生下去
我眼見黑影利用非常好既時機又以高超既手法再充分利用機與機之間既暗位  偷偷咁剪斷左男人既mouse線
由於mouse線斷左  個mouse冇反應令槍神神走位唔到  搞到佢死左毫無人際關係既男人又唔識R水吹
又無野好做就打開佢已經凍哂既豬扒飯
食到一半條女就問我靚唔靚姐我心諗:當女人問到尼一個問題時男人永遠會係不知不覺之間中伏
佢:靚既條女再問:有幾靚先
條友竟然又淫笑住又舉住手咁答佢:
好似我食緊呢盒豬扒飯塊豬扒咁靚
有多年花生經驗既我聽到果個男咁樣問答,我已經感受到那條女發出的殺氣
條女怒火中燒用如來神掌摑左佢一巴  此時此地既我已經後退了兩個身位
根據我既第六感女方既攻勢一定未完結所以我已經用我自豪走位技術逃脫
逃脫既同時再轉向案發現場  不出我所料女方果然持續住佢既攻勢
女方再用男人未食完果盒自己兜野com落去 OH! 正中紅心飯盒華麗地沿住完美既路線擊中男方
又正當我強忍笑意時黑影竟然再次出去汁個神助攻熄左佢部機
豬女: no fd do , 於是佢地就分道揚鑣
就在男方走之際我聽到黑影既主人講:我終於完成任務!!
在這麼混亂既場面之中亦不慌不忘汁了一記漂亮的助攻  我頓時感到神輔手既實力
而且黑影義不容辭不求回報咁去幫助女方實在令我欽佩
而神輔手亦踏出網吧的門口
隨住夜幕的臨近
他的影子亦漸漸地消失
而孤獨的我仍在一個人繼續單機.........................