IPvE vLan 遊戲平台|網吧系統 - Powered by Discuz! Board

標題: [閒聊] 人生第1單可以報警的事件 [打印本頁]

作者: spiker 時間: 2012-11-11 23:03 標題: 人生第1單可以報警的事件

~簡介~
今日下午5點到6點，我去到單車公園睇人踏單車，係果到留左一陣，之後我拎部手機出尼玩，故事係到開始

。

~開始~
係我拎部手機出尼之後大約1至2分鐘之後，有個印尼女人見到我部手機，就話「部手機係佢的，話我搶左佢部手機」，之後就走過尼用力搶我手上果部手機(當然連我隻手都渣實)，之後我又見到多1個印尼女人過尼幫手圍我，比佢推左埋牆，之後又多1個男人走過尼圍我，最後終於尼左個保安員。

~講解一下位置~
．係比人圍既時候，我既圓形有2個印尼女人+1個男人+1個垃圾筒+1位保安員+1面墻︰
．搶我電話個女人係我前面
．另一個女人係我10點鐘方向
．個男人係我後面，用右手撘住我肩頭，我話「唔好店我!」
．垃圾筒係我11點鐘方向
．保安員係前面，企係個女人後面
．墻係我右面

~由比人圍既開始到結束~
．當時個印尼女人係咁話「部手機係我既、佢搶左我部手機」，之後就係咁搶我手上部手機。
．保安員當時不斷叫個女人「唔好搶!」
．個男人話「部手機唔係你既話比返人啦!」
．當時我講左一句︰「我講一句，部手機係我既，我冇偷過。」
．保安員都不斷話「唔好話人搶，只係汁姐。」
．保安員同個男人都話一係就報警
．我就話︰「報警啦!」
．個女人話部手機裏面有佢既相，混亂當中有人叫我比相佢睇，咁我就開左個「開始背景」同「相簿」比佢睇，但係佢E個時候又試尼搶，連睇都未睇，個保安員都話「你唔可以睇人D相架」
．之後個保安員叫佢打電話比果部手機，佢竟然話「通架！部手機通架！」，但係我部手機既冇響過又冇陣過，甚至連一D反應都冇。
．旁邊又有另外一個男人都話叫佢打電話比部手機
．我問個位男人︰「你係咪警察?」佢話唔係。
．搞左好耐，個保安員先開始做野，用對講機講件事件，但未有報警既行為

~最後~
．之後個女人係自己渣住個膠袋到搵返屬於佢部手機，証實我一直渣注果部手機係我既，証實我係無辜的。
．個男人都話手機顏色都唔同。
．到E個時候保安員都仲未報警。
．個女人同我多次點頭道歉。
．我問果位男人︰「請問可唔可以告佢誹謗?」佢話差佬尼到都只係和解
．我又問咁E件事會唔會拉返差館，佢話唔會。
．之後我多次要求保安員報警，但係都最後都冇咁做
．個保安員不斷勸我︰「算啦！」
．旁觀既男人都係話差佬尼到都只係和解
．旁觀既男人之後話個女人「人地唔見左銀包，都唔代表可以打開你個銀包尼睇」
．個女人話佢唔見左野果陣佢好驚，所以先會咁
．旁觀既男人就話下次要冷靜D
．到最後我放走佢
．離開既時候我跟住旁觀既男人，同佢傾左陣計

~感想~
．E件事算大件事，無啦啦比人屈搶手機，冇啦啦比人搶手機，仲要比3條友圍，真係第1次見。
．成個過程，我一直諗既係「誹謗罪」。
．其實諗諗下，我係可以唔洗比佢睇我既相簿，不過我好人D比左佢睇。
．比人屈同圍果下，真係好驚，明明冇做過D咩又要比人咁對待。
．最後，你地覺得我係咪應該報警呢?
．如果有人影左或者拍左整個或者部份事件的過程，我唔介意上載任何地區。

作者: 呀東☆ 時間: 2012-11-11 23:13 標題: 回復 1# 的帖子

總之就係智................

作者: W_a 時間: 2012-11-11 23:22

其實你一開始大叫自己會報警就搞掂

作者: 囧-神 時間: 2012-11-11 23:24

如果無啦啦比人走過來搶部手機,.. 我覺得我會直接打佢囉. 無啦啦搶你部手機, 點知佢真係唔見, 定係扮野想偷你部野搶完即跑,

我岩岩一開頭遂行睇. 係以為佢搶完之後.... 走左= =

作者: spiker 時間: 2012-11-11 23:28

引用:

原帖由 囧-神 於 11-11-2012 23:24 發表
如果無啦啦比人走過來搶部手機,.. 我覺得我會直接打佢囉. 無啦啦搶你部手機, 點知佢真係唔見, 定係扮野想偷你部野搶完即跑,

我岩岩一開頭遂行睇. 係以為佢搶完之後.... 走左= = ...

我第1個感覺，真係覺得佢搵籍口搶我部手機

E+諗返起，佢可能突登袋定一部手機，搵到似樣既就搶，搶唔到既就話原來自己大矇，咁就咩事都冇

作者: 假神父 時間: 2012-11-12 00:29

gag.....第一時間報警la

作者: 呀東☆ 時間: 2012-11-12 00:31 標題: 回復 6# 的帖子

假神父同神父咩關系

作者: spiker 時間: 2012-11-12 00:33

引用:

原帖由 假神父 於 12-11-2012 00:29 發表
gag.....第一時間報警la

好難! 就算報警都只係當場和解，連拉返差館都唔會

作者: 花文. 時間: 2012-11-12 00:43

自己報警IS OK

作者: ★﹑nIgHT 時間: 2012-11-12 00:44

O左

宜家乜野人都有
見到格離條友部電話同你一樣型號就話系你既
就走埋去搶人地果部

作者: siu死亡影姬 時間: 2012-11-12 00:50

個男人係印尼人?香港人?
關佢乜事?
仲同佢傾計
你冇諗過係騙局?

你一開始就可以講,你話我偷你部電話,咁報警囉

作者: spiker 時間: 2012-11-12 01:05

引用:

原帖由 siu死亡影姬 於 12-11-2012 00:50 發表
個男人係印尼人?香港人?
關佢乜事?
仲同佢傾計
你冇諗過係騙局?

你一開始就可以講,你話我偷你部電話,咁報警囉

個男人係香港人?
佢路過見到插手姐
我有諗過係騙局，但冇得証實

作者: siu死亡影姬 時間: 2012-11-12 02:14

部電話係你既,一句報警就gg佢地la

作者: spiker 時間: 2012-11-12 03:19

引用:

原帖由 siu死亡影姬 於 12-11-2012 02:14 發表
部電話係你既,一句報警就gg佢地la

我夠知LO，我咪話報警LO，之後佢就搵返部電話

作者: [SincR].CRazY 時間: 2012-11-12 17:09

擺到明個女人有預謀,e個世界真係乜人都有

作者: -KswAI★ 時間: 2012-11-12 17:13

報警叫條友同個食蕉收嗲

作者: sWeeT★_★雷 時間: 2012-11-12 17:17

我估我會火到打7佢

作者: NighT_WG 時間: 2012-11-12 18:20

其實佢地系咪有預謀...

作者: 星幻乂夢 時間: 2012-11-12 19:51

「我好好人架，
　所以我幫你打左三條九啦

　同埋會比返部野你，不過三條九打左，就等D差人黎，搞搞D手續先好走喎～」
睇佢點死！

作者: 水瓶座 時間: 2012-11-12 21:11

如果係我我就一定係咁x果個女人...無啦啦屈人...我一定勁大聲飛口水咁罵佢
罵到佢冇哂面...叫佢醒小小...擺明有心想偷電話...之後失敗左....個男人都唔知係咪識個女人
比我 ..我一定唔會咁易比佢走...再質問返佢有咩証明係你搶佢...邊個見到...
同埋電話咩色?咩號碼?唔比佢同幾個路人諗住搶電話...果d擺明神棍黎..
我係你一定唔會放過呢d人

作者: spiker 時間: 2012-11-12 22:00

唉……姐係唔應該放佢走

個保安死都唔報警啊

，講左十次「報警」都冇人幫我報警

作者: ☆1.29 時間: 2012-11-12 22:04

自己都999得啦................
好似睇笑話咁點解=,=

作者: ★Yuko﹑=] 時間: 2012-11-12 22:19

如果係我 1拳打過佢訓底

作者: 乂艾洛峰乂 時間: 2012-11-13 18:42

個個都係得把口嫁啦

好多人都話一拳打埋去
你地當d印尼佬廢嫁嘛好多都好鬼大隻嫁
冇腦先會打佢囉

如果我係就直接報警
不過有保安係度就唔會啦佢做公證都睇下部手機係咪個女人
傾唔到就報警...

但係樓主最後都冇事既話我就唔會報警了

作者: ︱菊花茶︱ 時間: 2012-11-13 18:45

自己報警啦..洗鬼叫個保安咩

作者: spiker 時間: 2012-11-13 21:53

個個話報警，條友不停搶手機，你有機會報咩? 你渣個手機去咁制，你估條友會企係到等你報警? 唔會啦! 一定第1時間阻止你

作者: 極死●朽木 時間: 2012-11-13 21:56

係我就打佢

,最憎呢d扮野的人

作者: 寒蟬 時間: 2012-11-13 22:03

我係你就放手比佢拎再叫你fd/在場d人報999
告多佢條搶劫罪

作者: spiker 時間: 2012-11-13 22:05

最好既方法係旁邊既人報警，因為打緊杖既人係好忙的，根本唔會有「機會」報到警，雙方都忙著要針對手，但係唔會花時間針其他人，所以其他人報警永遠係最好的，可惜冇人咁做

歡迎光臨 IPvE vLan 遊戲平台|網吧系統 (https://www.ipve.com/bbs/)