IPvE vLan 遊戲平台|網吧系統 - Powered by Discuz! Board

標題: [閒聊] 塊面成日都好多油,點算好? [打印本頁]

作者: 花刀 時間: 2012-9-3 14:12 標題: 塊面成日都好多油,點算好?

如題.成日副眼鏡都會'sir'左洛黎/_\.勁多油,洗完冇幾耐又係咁
聽人講面油紙反而會令塊面愈來愈多油

作者: 海葵 時間: 2012-9-3 14:27

用洗面奶啦

雖然我唔知油性皮膚用有冇分別，
但我哥用左有明顯的改善

作者: simonshih 時間: 2012-9-3 14:59

青春期係禁,你每日洗2次面其實好足夠,每次用一d去油污的洗面乳.洗太多次反而令油分秘更多.眼鏡都sir左落泥,就真係有d問題

會唔會係你眼鏡松?

作者: 碎雨牙﹒ 時間: 2012-9-3 15:41

做多D控油護理

作者: 花刀 時間: 2012-9-3 15:47 標題: 回復 3# 的帖子

點會松...副眼鏡買左個幾月...有咩洗面乳牌子推介?@@

作者: 珍珠。奶茶 時間: 2012-9-3 15:49

引用:

原帖由花刀於 2012-9-3 15:47 發表
點會松...副眼鏡買左個幾月...有咩洗面乳牌子推介?@@

我都係用緊e隻
[youtube]5jmv1gwb9BA[/youtube]
1~可以洗面或者用面油紙

要令皮膚減少面油，最正確的方法，是減低皮脂囊的工作量和活躍度，皮脂囊懶惰時，它製造皮脂的數量和速度，會變得少和慢，即是面油分泌減少，要減低皮脂囊的活躍度和工作量，便是盡量減低洗面的次數（每天早晚各 1 次便足夠），有好多面油分泌多的人，經常每天多次性洗面或十分頻密地用吸面油紙，這些做法，不但沒有減低面油分泌，反而令皮脂囊加速製造面油。

其實適量的面油，是對皮膚有益的，皮膚表面上是有一層薄薄的酸膜，酸膜的成分，是由汗、面油和氯空氣的氫結合而成，面油的多少，會直接影響酸膜的酸鹼度，過多酸會令皮膚乾和流失水份容易出現乾紋（面油分泌少），多鹼會失法抗菌保護能力容易受細菌感染令毛囊和皮脂囊發炎含（面油分泌多），適量的面油是有抗菌和保護皮護的功能。

面部缺乏水份亦是導致面油多的原因. 因為當面部缺乏水份,毛孔便會自動擴張嘗試吸收空氣中的水份以補不足, 並同時分泌油脂試圖滋潤皮膚而導致面油過多. 可嘗試每隔2 天做一次簡單的磨沙後即時做一個水份臉膜補充水份! 效果不錯!

2~有暗瘡可以試o下搽米水（會好得快D），

你搽了米水後如果你有留意，應該一至兩天會見到果效！

因為糙米和紅米的表層含有鉻和維他命ｂ

把皮膚的糖分代謝掉，細菌沒有了生存的環境，暗瘡就自然痊癒

http://hk.knowledge.yahoo.com/question/?qid=7007042206064

潔面和護膚品可試用水之道產品（令皮膚有足夠水份不會亂出油），

收細毛孔可以敷冷水（不過要有耐性，過一段日子會見效的）

和用海洋離子淨膚面膜（此面膜要視乎皮膚而定）。

有關生暗瘡，

只能預防，不能阻止，

只有好好護理、注意飲食和保持個人的情緒質素，

才可以保持好好的皮膚。

希望當中的經驗能夠幫到你啦！

其實你只須要選擇適合的潔膚和護膚品，

再加上自己注意一下生活小節，

便可以不用花大量金錢便可以擁有很好的皮膚！

（雖然都是要用錢，但起碼可以用少D！）

學術性的問題，我就幫不到你。

我不是專家，我只是用家。

有關暗瘡，你可以試o下搽米水，以下會介紹，

（o既經濟又便宜！貴o野未必好！平o野未必差！）

預防勝於治療，請注意以下的生活小節：

隻手污穢不會掂塊面，

千奇唔好成日摸住佢，會越整越多o架！

潔面時原來唔好用手清潔，

而是用海棉來洗面會乾淨D、少D黑頭和少D暗瘡。

但不可以大力洗，而是溫柔地輕D洗，

這才能將D污垢洗走o架！

你有冇吃油炸食物？有冇吃朱古力？

有冇吃一些脂肪性的食物？例如：果仁、花生……等等。

有冇用營養成份重的護膚品？

……

敏感皮膚，

你可以選購防敏感成份的水份或保濕潔面和護膚品，

同時暫時不要搽太多不同功能或營養成份重的的護膚品，如：美白、磨砂……等，

以免再引起敏感。

只需每天簡單潔面、搽化妝水和水份或保濕的乳液（夏天）或面霜（冬天），

可以敷水份或保濕成份的面膜，但要問清楚化妝小姐或專櫃小姐此產品的用法，

直至皮膚不再敏感為止。

我當初都是用了不適合的產品，

所以搞到皮膚敏感，用什麼產品都會紅，

後來到莎莎買了水之道防敏感系列來用，

我已用了一年多，現在皮膚都很好。

我現在仍選用水之道產品，因為此產品幫我度過皮膚敏感的日子。

讓我不再搽什麼都紅，你可以試試！

我亦有在莎莎買花果美肌茶，可去暗粒。

不過你也可以照以上原理去買適合你的其他牌子。

經常有暗瘡、黑頭、粉刺或面出油，

最好要選擇水份或保濕成份的潔面和護膚品。

同時要注意飲食和清潔衛生等各方面。

但不代表要一日洗幾次面，

而是只需適當地每天潔面早晚兩次便足夠！

除了潔面外，

可在生暗瘡期間晚晚敷水之道水份面膜。

可助皮膚不再亂出油。

久不久睇中醫，因為可以調理你身體的體質，

體質好o左，皮膚自然會好的。

老生常談：多飲水（最少八杯），少吃煎炸食物，吃得清淡些。

最好吃多D唔同顏色的蔬果，可在晚飯前或後吃生果，皮膚都會靚D！

記住要早睡早起，不要挨夜，

因為晚上十一時至二時是皮膚修補的最佳時間。

唔好噴噴髮膠，要噴最好用手遮住塊面才可以噴，

因為這樣會讓塊面生很多暗瘡。

頭髮最好唔好成日遮住塊面，這樣又會生暗瘡的。

因為我以前試過係咁。

市面的暗瘡產品大部份開初用是有效，

但用耐了便失去效力！

我試過用痘立消都唔得，

有暗瘡也未必一定要用暗瘡膏，

看你的情況，可以試o下用米水：

（這是一個很安全又經濟的方法）

拿一個細樽，內放上一D米和加少許水，

（注意：未煮過o既紅米及糙米，份量：少少就夠，

　　　　水是超過大半樽少少，米是少過樽的一半

　因為糙米和紅米的表層含有鉻和維他命ｂ

　把皮膚的糖分代謝掉，細菌沒有了生存的環境，暗瘡就自然痊癒

　http://hk.knowledge.yahoo.com/question/?qid=7007042206064）

最好熱水，（或未煮好飯的熱米水代替亦可以）

不要第一次的水，只要第二次的米水

記住用前搖混佢和攤凍少許才用！

（即不要太熱，暖暖o地或凍都可以。）

每次潔面及用爽膚水後，

拿綿花棒（如果範圍大可以改用化妝棉）浸在米水裡，

將浸了米水的綿花棒搽在暗瘡上，

然後照平日護膚程序處理便可。

若你有留意的話，過一至兩天便會見到果效，同埋暗瘡較快消減。

連高起個D都會降番，有疤都好得快D。

[ 本帖最後由珍珠。奶茶於 2012-9-3 15:52 編輯 ]

作者: 珍珠。奶茶 時間: 2012-9-3 15:52

請注意：

1. 如果你D暗瘡有膿，都可以搽，它會慢慢好的。

2. 如果你D暗瘡是「酒米」，

　你可以先潔面，然後用熱毛巾放大毛孔，

　（不過範圍只集中暗瘡的位置，不要殃及其他面部）

　拿用點了米水的棉花棒輕輕搽佢，「酒米」會慢慢走出來，

　然後用冷水敷面一兩分鐘（要日子久了才見效的！），讓毛孔收細，

　（聽說：用冷水是最經濟和有效的收毛孔方法）

　收毛孔後，搽完化妝水後便再搽米，然後便繼續護膚程序。

但記住除水份或保濕成份的護膚產品可以用外，

暫時不要搽太營養豐富或太潤的面霜或敷類似面膜。

如果唔後，又會起番！

它的原理是：米水具有營養和消炎殺菌的作用

此方法是由

老人家常說：「口角生瘡最好搽熱米水就會好！」

想出來，

所以我便決定試o下用來搽暗瘡，

況且，它是很安全的，用了也不會有副作用。

我自己用過是有效。

記住搽米水時不要讓米水暴露在室溫太久，

一用完便要立即放入雪櫃，可用多次。

用前要用鼻聞一聞，若沒有怪味則可以放心用，

但如果發覺拿出來時有異味，便要掉o左佢。

若還未好番，可再做一樽，重複處理！

我有見過網友說過有關米水的處理，

但用他們的方法只能用一次，

而我的處理方法是可以用多次的。

面勁多油

你塊面多油，可能是因為缺水，

皮膚為了保護皮膚，所以分泌油份來保護皮膚。

所以只要皮膚夠水份便不會再油，毛孔都細D！

最好唔用那些吸油紙或控油產品，因為會越用越多油。

本來是缺水才出油，但你不斷吸油，令皮膚更乾，

到最後皮膚會繼續出油來保護皮膚，便成弄巧反拙了！

同埋你試用以下產品，看看是否適合你用啦！

SaSa有得買的海洋離子淨膚面膜（此面膜不是天天用，只在有需要時才用）

和水之道防敏感水份面膜（此面膜可以日日用，皮膚好了便改每星期一至兩次）

1. 潔面後敷海洋離子淨膚面膜，

2. 然後用水洗面後搽水之道的Mild Lotion有助吸收，

3. 最後才塗一層略厚的水之道防敏感水份面膜約20分鐘，

4. 然後才繼續護膚程序。

這樣處理要視乎你的膚質而定，

平時你可以潔面後跟程序2-4護膚。

過一段日子你會發覺皮膚會有所改善。

海洋離子淨膚面膜 Masque Purifiant Purifying mask

(不過此產品好像只有在九龍灣分店才有得賣）

此面膜我只用過一次，但已經發覺毛孔細o左好多，很有效！

此產品要HK$360.- 當初是化妝小姐給我試用，很有效的，

但我覺它貴，唔捨得買來用，你可以試o下！

我處理自己的皮膚是用以上的方法。

至於暗瘡印，

皮膚科醫生話除了彩光或煥膚外，還可以搽維他命A酸，

但以上三種方法全部都要經皮膚科醫生診斷和處方才會較安全！

如果真有產品是很有效的話，

那麼一定賣斷市！網上留言一定不停介紹這些產品！

並且大家一致讚好！！！

所以還是靠自己的新陳代謝慢慢好較安全！

同時有暗瘡期間不要飲用有色的飲料（如：喝茶）或調味料（如：豉油）

你只能盡量預防暗瘡好了！

希望以下的經驗可以幫到你啦！

你D暗瘡唔可以全靠美容院幫你處理，

試問你的人生咁長，只要你還在，都會有機會生暗瘡！

你還是先檢討自己的生活習慣，

看看那一方面是根源，就在那一方面處理，

才能不需大花金錢去美容，

其實你學多D護膚知識，自己盡量做好護理。

你也能有很好的膚質！

你要學多D護膚知識，

你便可以交少D學費，

當你了解皮膚、體質和生活小節，

你便有能力去選擇適合自己的潔膚和護膚品，

而不會盲目地用了太多營養成份重的護膚品，

搞到塊面不受控制。

因為皮膚科醫生都勸我們其實不須用太多的護膚品，

最重要是：要做足防曬功夫，皮膚要有足夠水份。

要用得適當，你的皮膚便已經可以好好。

希望可以幫到你啦！

作者: 花刀 時間: 2012-9-3 17:30

thx大大
但我想問下用水沖1沖塊面算唔算洗面?因為我沖涼果陣成日用個花哂射落塊面到

[ 本帖最後由花刀於 2012-9-3 17:32 編輯 ]

作者: [深邃]AE86 時間: 2012-9-3 17:46

我都係每日隔幾個鐘就洗一次面...減少左好多油

作者: 燄、 時間: 2012-9-3 17:49 標題: 回復 9# 的帖子

洗得面多原來會令d油愈來愈多.....

[ 本帖最後由燄、於 2012-9-3 17:51 編輯 ]

作者: C_k 時間: 2012-9-3 18:00

引用:

原帖由 [深邃]AE86 於 2012-9-3 17:46 發表
我都係每日隔幾個鐘就洗一次面...減少左好多油

有你都洗走哂啦...

作者: hkl0vekk 時間: 2012-9-3 18:08

引用:

原帖由 [深邃]AE86 於 2012-9-3 05:46 PM 發表
我都係每日隔幾個鐘就洗一次面...減少左好多油

有冇咁誇張..

我冇乜油就要洗臉沖涼都係林兩下算數..

作者: Win:D 時間: 2012-9-3 18:24

反學日子就五多反到屋企就多

我同樓主都幾似都係會SIR落黎

作者: [深邃]AE86 時間: 2012-9-3 18:28

引用:

原帖由 hkl0vekk 於 2012-9-3 18:08 發表

有冇咁誇張..

我冇乜油就要洗臉沖涼都係林兩下算數..

有幾誇張= =?幾個鐘去一次廁所順便洗一洗一日洗幾次甘都吾乾淨?定係根本個人係吾整理儀容既人黎?

作者: 小白^^囡囡 時間: 2012-9-3 18:35

清水洗吧

冷熱交沖,重複幾次.一次幾十秒,

洗臉用品係幾重要.但聽左咁多人意見之後都係覺得早上吾好用潔臉用品.清潔皮膚

因為你愈洗愈油.晚上用吧.

皮膚出油有3大原因,遺傳,飲食.同埋你睡眠質素,!!!

如果真係冇錢.既話.基本上你飲食偏素.訓多D.吾好打咁多FLY機.IS OK:handshake :handshake (內分秘失調,)

origins佢戈d野都ok嫁.不過偏貴.......如果想了解去專門店自己試下啦.

[ 本帖最後由小白^^囡囡於 2012-9-3 18:37 編輯 ]

作者: °★LITTLEκ. 時間: 2012-9-3 18:35

番學反而要3-4個中洗一洗
番到屋企就唔覺油-.-

作者: 珍珠。奶茶 時間: 2012-9-3 18:58

引用:

原帖由花刀於 2012-9-3 17:30 發表
thx大大
但我想問下用水沖1沖塊面算唔算洗面?因為我沖涼果陣成日用個花哂射落塊面到

我個人意見係
其實唔洗咁變態,因為面油一定有,冇果d會死得快d

認真
只要你每日7牙,中午,沖涼,3次認真咁洗走面上既油,
用水沖一沖唔係唔得,你應該知道油林林係咩感覺?,你每次洗到冇咁既感覺就得,
如果用洗面奶仲會有清涼既感覺

作者: simonshih 時間: 2012-9-3 19:23

引用:

原帖由 珍珠。奶茶 於 2012-9-3 18:58 發表

我個人意見係
其實唔洗咁變態,因為面油一定有,冇果d會死得快d 認真
只要你每日7牙,中午,沖涼,3次認真咁洗走面上既油,
用水沖一沖唔係唔得,你應該知道油林林係咩感覺?,你每次洗到冇咁既感覺就得,
如果用洗 ...

你d資料好詳細!樓主應該會多謝你

作者: Stabber.Mystic 時間: 2012-9-6 17:24

汗分泌.油就會多 2日冼一次就夠用D控油冼面冼完用番爽膚水保持乾爽

作者: poing.DaL 時間: 2012-9-6 18:08

我覺得多d洗面就得

作者: 月夜戀人曲 時間: 2012-9-6 18:17

引用:

原帖由 C_k 於 2012-9-3 18:00 發表
有你都洗走哂啦...

油脂分泌係因為你臉部缺水..所以釋放油脂黎增加水分

假如你有足夠水分,會分泌油脂嗎....?

作者: 千島冰冰 時間: 2012-9-6 18:17

我正系晚上沖涼會用洗面奶

同埋朝早起身用毛巾洗臉

番學校就間唔中去wc洗臉爽一爽

作者: poing.DaL 時間: 2012-9-6 18:23

引用:

原帖由 千島冰冰 於 2012-9-6 18:17 發表
我正系晚上沖涼會用洗面奶

同埋朝早起身用毛巾洗臉

番學校就間唔中去wc洗臉爽一爽

最慘我地暖水..次次洗臉反而仲燥

作者: loveyou1314 時間: 2012-9-6 19:33

多d洗面.
如果吾得米去買d去油果d野擦下

作者: 月殘乂蝕 時間: 2012-9-6 19:37

引用:

原帖由 珍珠。奶茶 於 2012-9-3 15:52 發表
請注意：

1. 如果你D暗瘡有膿，都可以搽，它會慢慢好的。

2. 如果你D暗瘡是「酒米」，

　你可以先潔面，然後用熱毛巾放大毛孔，

　（不過範圍只集中暗瘡的位置，不要殃及其他面部）

　拿用點了米水的棉花棒輕輕搽佢，「酒米」會 ...

正野,like

作者: F.U.NG_shyshy:$ 時間: 2012-9-6 19:58

洗面奶

作者: 神聰 時間: 2012-9-6 20:10

引用:

原帖由 月殘乂蝕 於 2012-9-6 19:37 發表
正野,like

我都like爆佢

作者: ☠PuiLam✖™ 時間: 2012-9-6 22:08

你係咪長時間坐係電腦面前

??
如果係既話.. 多d起身用清水洗下塊面
望下出面周圍既風景xddd

歡迎光臨 IPvE vLan 遊戲平台|網吧系統 (https://www.ipve.com/bbs/)