IPvE vLan 遊戲平台|網吧系統 - Powered by Discuz! Board

標題: 戰士型風魔玩法 [打印本頁]

作者: 曉§月ㄨ續 時間: 2007-10-18 17:12 標題: 戰士型風魔玩法

對於風魔小太郎，學技次序既重要性較高，所以今次先討論學技的次序。
學技方面：

忍法．迷蹤步（ｗ）　忍法．熾烈之徑（ｅ）　忍法．十八方手裹劍（ｒ）　忍法密傳．四方導雷（ｔ）　屬性加成（ｚ）

ＬＶ　１　／２　／３　／４　／５　／６　／７　／８　／９　／１０／１１／１２／１３／１４／１５．．．
技能　ｗ　／ｚ　／ｚ　／ｗ　／ｒ　／ｔ　／ｗ　／ｗ　／ｚ　／ｚ　／ｒ　／ｔ　／ｒ　／ｒ　／ｚ　．．．（最後才學ｅ）

點解一開始要學屬性加成（ｚ）呢？
一開始學屬性加成（ｚ）係因為比較起其他技能，屬性加性可以係初期幫助提升風魔的攻速，攻擊力，防禦力等等。
而且迷蹤步（ｗ）﹑十八方手裹劍（ｒ）呢ｄ技能在初期係唔殺人或者唔走佬都唔會用到，初期狂點係冇意義的，
倒不如將技能點投資落平時普攻拾兵這方面更為化算。
點解學迷蹤步（ｗ）比起學十八方手裹劍（ｒ）更重要？
十八方手裹劍（ｒ）每升一級就增加９０點傷害和網多０．５秒，更多耗３０點魔力；
而迷蹤步（ｗ）每升一級就增加６０點傷害和持續多５秒，多耗１０點魔力。
對於初期的風魔黎講，魔力的重要性非常高，與其用多３０魔來換９０點傷害，倒不如用１０魔來換６０傷害更好，
而且唔好忘記，十八方手裹劍（ｒ）的等待時間（即ｃｏｌｄ　ｔｉｍｅ）比起迷蹤步（ｗ）多２１秒呢！
所以以實用性來說，一定係迷蹤步（ｗ）既實力性較高。

買裝方面：

　　　　　　１　　　　２　　　　３　　　　４　　　　５　　　　６
左至右順序　毒介　　　敏鞋　　　敏鞋　　　肉　　　　褲　　　　回血
換裝　　　　毒介　　　敏鞋　　　敏鞋　　　侍章　　　褲　　　　回血
換裝　　　　毒介　　　敏鞋　　　打刀　　　侍章　　　褲　　　　回血　＜＜＜補充一下：敏鞋賣一隻就好了，不要賣兩隻
換裝　　　　毒介　　　能量鋼　　打刀　　　侍章　　　褲　　　　回血　　　　↓
換裝　　　　毒介　　　能量鋼　　和泉　　　肉／魔免　褲　　　　敏鞋　　　←因為這裡敏鞋又要用來補空位＠＠
換裝　　　　毒介　　　能量鋼　　和泉　　　肉／魔免　疾速衣　　敏鞋
　　　　　　　　　　出菊一後，戰鬥力足以四周殺人
換裝　　　　毒介　　　能量鋼　　和泉　　　肉／魔免　疾速衣　　菊一　＜＜＜魔免亦可以合成平蜘蛛釜
換裝　　　　梅鶯毒　　能量鋼　　和泉　　　肉／魔免　疾速衣　　菊一
換裝　　　　梅鶯毒　　禦神　　　和泉　　　肉／魔免　疾速衣　　菊一　＜＜＜如果對面唔多暈技﹑冇洞察寶石或者法術唔勁
換裝　　　　梅鶯毒　　禦神　　　長船　　　肉／魔免　疾速衣　　菊一　　　　可以唔要魔免。
換裝　　　　梅鶯毒　　禦神　　　長船　　　肉／魔免　神甲　　　菊一

點解要買能量鋼﹑和泉呢？
因為買能量鋼可以補救魔力﹑血不足的問題（唔好合成，因為對於初期拾兵及殺人，已經足夠了，儲錢買名刀更好）。
和泉﹑能量鋼主要係提高風魔肉博戰的持久力及續戰能力。風魔主要的弱點就係唔捱得兩招，而呢兩樣野可以將弱點掩蓋。
另外，風魔有一樣野唔係咁擅長的，就係推塔，而能量鋼及和泉就岩岩好為風魔提供足夠的推塔能力。
點解唔買雷書﹑法力鋼呀，夠魔用同埋拾到兵嗎？
一開始有毒介敏鞋，拾兵的成功率係非常高的（只要多一點用補尾刀技巧），
當你買埋侍章，拾兵回魔應該都ｏｋ了（記得要經常回家補魔）。
對風魔黎講，雷書可以話係唔需要，除非對面壓線力超強或者有極大威脅（如瀧川加阿松這一類極端的組合），
否則都唔需要用到雷書拾兵。
點解要買毒介呀，晒錢，唔勁！一開始買打刀仲好啦～
其實大家可以細心諗一諗，毒介的威力係　＋８攻擊力　和　每秒２０傷害持續５秒（唔計防禦力扣硬２０血，對英雄則每秒１４）
而打刀的威力則是　＋２５攻擊力　和　１５％攻擊速度；風魔的初始攻係84~98，
如果係買打刀對足輕的傷害係93~105(計算防禦力後)；但如果係買毒介的話，打足輕的傷害則是98~110(計算防禦力後)，
而且用黎打英雄的話，兩者傷害差距更大：以普通英雄初始40％防禦計算，用打刀對英雄的傷害係６５～７４，
而買毒介對英雄的傷害則是６９～７８，另外，只要打佢一下，佢就會自動毒多４秒（每秒１４），
比較起打刀，其實毒介一ｄ都唔廢，絕對有佢的價值存在。
點解唔一開始買褲？？？
其實你有遠擊的優勢，再加上有迷蹤步（ｗ），都唔太驚對面係１～５ＬＶ之內殺你或者令你拾唔到兵，
唔買褲的話可以一開始就用迷蹤衝出去，都唔會ｍｉｓｓ好多兵。
而且，一開始既１５００大元如果係用黎買毒介加兩隻敏鞋的話，打足輕的傷害就係１０７～１１９（已計算防禦），
但如果只係買褲再加兩隻敏鞋的話打足輕的傷害就得８０～９２（已計算防禦），
明智的你應該知道選擇買褲先，定係買毒介敏鞋先好喇。

戰術方面：

初期單機時，記得拾拾下兵要毒兩下對面英雄，佢一退後就繼續拾兵。
到６Ｌｖ就機會黎個秒殺，先隱形，等迷蹤步（ｗ）差唔多ｌｏａｄ好，再打佢兩下，大絕（ｔ），網（ｒ），繼續打，唔死既話即刻再隱形，行前多兩步再打佢，應該就ｋｏ了。
中期面對應該個個都帶晒魔免架喇，呢個時候，殺人方式就要有少少變動。
先隱形，等迷蹤步（ｗ）ｌｏａｄ好先出去，去到佢後面，打四五下，網住佢（應該會開魔免），隱形再追，見佢魔免冇左，
再打兩下然後放大絕。
如果對面３～５個人一齊行既時候，就一定要ｃａｍｐ係森林（如果對面有洞察寶石），等有隊友出黎，
敵人既ｍｏｕｓｅ都指住隊友時，先再狙殺一個易死的目標。

總括而言，呢個買裝方法絕對唔怕對面個個魔免，出左梅毒（毒名刀）之後簡直可以視魔免為無物；
初期學屬性加成係要加強風魔的拾兵能力，減少不必要的技能（初期十八方手裹劍可以話係一ｄ用都冇）。

以上純屬個人心得及經驗，如有不滿或錯漏，敬請原諒。

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

淨係紙上談兵唔夠說服力吧＠＠”
就講一下我的實戰經驗

對面有　阿松﹑佐佐木小次郎﹑島津﹑竹中半兵衛﹑果心居士
我方有　風魔﹑武田信玄﹑望月千代女﹑毛利元就﹑真田幸村
初期：
我一開始就對住阿松同島津，好彩有學屬性加成，都ｏｋ好捱（可能大家覺得多幾點能力冇乜用，但其實o係上戰場的時間耐左，
就會睇到明顯的差別）。跟住到左６ｌｖ，就放大絕落冇血既島津度（估佢冇學鐵布衫，點知有＝　＝），
再等大絕ｌｏａｄ好之後，先迷蹤走到阿松後面（當然唔比佢知道我迷蹤左，唔比佢知既方法就係入森林先迷蹤），
等迷蹤差唔多ｌｏａｄ好之後，打佢兩下，再放大絕，大絕一電就ｋｏ左＠＠
中期：
記得一次對面成班人一齊爆中，我入森林ｃａｍｐ住（阿松買左洞察寶石）有隊友出去喇，見阿松放左冰彈，在即刻衝出去打佢幾下，
網住佢（十八方手裹劍），佢開魔免走佬我就夾殺佐佐，島津果ｄ，再迷蹤追阿松，再打阿松果陣我就要開魔免，再菊一﹑大絕。
後期：
買左梅毒（毒名刀）﹑禦神果ｄ之後，亦都已經接近無敵，殺人只要用少少技巧就ｏｋ。
如果睇ｒｅｐｌａｙ，你應該注意到我的出裝速度比起其他人快（雖然呢一場冇乜心機補尾刀＝　＝）。
最後我發總攻﹑施金，雖然真田武田呢兩隻力英死左，但係照爆不誤，幫佢地屋企黎個大掃除。

作者: Mr楓 時間: 2007-10-18 17:57

好利害的說"
試試看
多謝分享

作者: 血氏名刀流 時間: 2007-10-18 18:33 標題: 回復 1# 的帖子

=.=我覺得唔用菊一
用紅雷比較好的說唔怕唔夠魔on可以一定[犯]圍暈人

(講得唔好唔好小我)

歡迎光臨 IPvE vLan 遊戲平台|網吧系統 (https://www.ipve.com/bbs/)