Board logo

標題: del [打印本頁]
作者: supercs92    時間: 2012-3-5 10:47     標題: del

dellllllllllllllllllllllll

[ 本帖最後由 supercs92 於 2012-3-9 20:44 編輯 ]
作者: slunmak    時間: 2012-3-5 10:57

1.我己經冇再玩left 4 dead兩年了
見過你,多人 對抗?好似係sky個場?

2.當時10場有9場最高分都係我
呢個未見過
作者: supercs92    時間: 2012-3-5 10:59

引用:
原帖由 slunmak 於 2012-3-5 10:57 發表
1.我己經冇再玩left 4 dead兩年了
見過你,多人 對抗?好似係sky個場?

2.當時10場有9場最高分都係我
呢個未見過
ching,你好!!吾緊要喇,我都吾再執着什麼..否則同兩年前既我有咩分別,可能名字相近掛??我只知道我曾經都算高手一名就好了!!你咩名??

[ 本帖最後由 supercs92 於 2012-3-5 11:00 編輯 ]
作者: ~SRW~    時間: 2012-3-5 12:01

見到個「吾」字就唔想睇……
作者: spe05066    時間: 2012-3-5 12:28

我見過你喇~
以前L4D 都見過~你真係幾勁
但我唔知高唔高手,有機會就黎番場~我叫「無我之黑疾風」
作者: johng0102    時間: 2012-3-5 12:55

(所以,切忌過份沉迷) - 絶對同意樓主.

樓主, 真係金盤洗手 ?
作者: katat1    時間: 2012-3-5 13:15

對抗.......-.-

我玩得差啦-,-........對抗我己經........退步了(沒玩左成1-2個月到)
作者: ken19281928    時間: 2012-3-5 13:40

樓主 一山還有一山高 當時仲有唔小好似你咁既青年 不過 我玩l4d既時候 只系個六年級生 我唔系一個話l4d經驗老道既神手 我只系細個4-5歲 上表哥屋企 睇佢玩cs1.6 覺得好有趣同刺激 我就開始系咁玩 ...我玩左cs1.6至今10年左右 槍法已經從時間鍛鍊出黎 果時既我 雖然可能只系得10歲 但系我已經唔知勁過幾多大過我既人 我而家仲會系d中港台ser度玩下團死/死鬥 差唔多每殺3-4個先死一次(average only,有一次1把m4 30+90彈 1條命 殺10個) 我已經唔記得左幾時..我開始接觸l4d 我從小就好怕黑 好驚玩喪屍game 怕鬼....第一次玩l4d 雖然我有良好既槍法 但系我個心依然系好驚(試過系毫不留情間屋迷失方向) 玩左一排..先至冇咁驚...於是就開始接觸街場..我部電腦好廢 雖然玩到l4d同l4d2 但一有敵人來襲 多人場 就會神lag 轉過身都狂lag 而我玩槍game既技術就系系e度鍛鍊出黎 冇一部好既電腦配合 而你都能夠玩10vs10 時 做到一般殺屍 總傷害 最多果個 咁你就系一個真既高手 (大家不妨試試自己實力,e個只系本人鍛鍊槍法同技術既方法之一) 不過 技術唔代表一切 你系槍game入面鍛鍊既技術系唔會對你真實有幫助 奉勸大家一句 打機只系一種娛樂 要見好就收  不喜別插

[ 本帖最後由 ken19281928 於 2012-3-5 13:42 編輯 ]
作者: kwi000521    時間: 2012-3-5 15:23

引用:
原帖由 supercs92 於 2012-3-5 10:47 發表
Hello! 我知道當你地一黎依個post就會問 ‘’你乜水呀? 高手?’’ 依D之類說話. 但吾緊要, 請你耐心花多分零鐘睇埋依個post, 相信你可能有些少得著.

首先我要講, 我己經冇再玩left 4 dead兩年了, 但我諗依個post即 ...
你係咪之前成日係aps8v8出沒果個?
作者: kc1911    時間: 2012-3-5 15:28

這post的確說得有道理,不過只可惜在眾多l4d機迷面前都不過是廢話連篇吧
應該有好多人都會想:你誰呀?高手?挑機!!看到這麼多字就不想看了..等等
真是可惜呀可惜呀~現在根本沒有人會多想這些問題,真是可惜呀<<一個沒什麼技術還自認新手的老手說的話
作者: supercs92    時間: 2012-3-5 15:38

引用:
原帖由 kwi000521 於 2012-3-5 15:23 發表


你係咪之前成日係aps8v8出沒果個?
你好,是我的,如之前有任何冒犯,請原諒..
作者: levinlai2008    時間: 2012-3-5 16:23

I can't agree more~相信呢番說話係大部分今屆（還有23日）以致未來DSE考生既金石良言！
希望樓主您既信息能夠傳到每位玩家:handshake

[ 本帖最後由 levinlai2008 於 2012-3-5 16:37 編輯 ]
作者: kobe_yau    時間: 2012-3-5 17:53

成篇野..其實只係你對自己既反省
打機打到天昏地暗..真係幾有問題...
不過你依家識諗就好..

一個當L4D只是娛樂的老手路過留幾句廢話
作者: bblung2468    時間: 2012-3-5 18:34

你好，好內冇見過有尼D發人深省的帖出現了。我睇到都忍唔住回帖唔理其他野住，我同樓主一樣，好內以前都係唔會點打機，會做運動的人，但係自從開始玩SD高達同L4D2之後，唔好話運動，有時連厠所都唔去，可以一早起身7點打到夜晚12點，好多時候早餐一個包，中午唔食，夜晚果餐仲要係對住部電腦食，讀書唔洗講就係超差，我有返學，但一返到屋企就係咁玩。的確，我同樓主一樣，比人稱為高手好長時間，但其實我D朋友都係間唔中玩兩三個鐘，而我就係為左有人讚而不停地玩，而家諗返起，真係覺得自己好傻，浪費左唔少時間，係，我係比人讚過好多次，但係換尼的係身體十分弱，近視超深，手指痛就未試過，就係成日病唔夠訓。而家我算係好返，可以有節制，朋友叫我玩一兩場都得，有時仲同朋友去運動場跑，打波。而家諗返，如果用打機的時間做運動溫書，身體就會健康同成績唔會咁差了，以上係我小小的感受。

[ 本帖最後由 bblung2468 於 2012-3-5 18:38 編輯 ]
作者: kilo258967    時間: 2012-3-5 19:01

引用:
原帖由 supercs92 於 2012-3-5 10:47 發表
Hello! 我知道當你地一黎依個post就會問 ‘’你乜水呀? 高手?’’ 依D之類說話. 但吾緊要, 請你耐心花多分零鐘睇埋依個post, 相信你可能有些少得著.

首先我要講, 我己經冇再玩left 4 dead兩年了, 但我諗依個post即 ...
唉,我都係岩岩玩L4D2,之前玩左好多online game,cs1.6都有玩,平時我都唔會早上10點之前起身,放假個時仲要唔刷牙,唔洗臉=]就開左個機打,有時我呀媽叫我玩2個鐘就""""休30X鐘""""只係30X鐘,我都唔放過,到左e+ 我先11 years old,我岩岩睇左你個個回,我先知我有咁多野講出來,但係自己唔知..........我e+先知,我之前,識唔到咁多朋友,怕同人講野,小同 校朋講野,只係同機友講野,就係因為咁樣
作者: 呀澄    時間: 2012-3-5 19:11

其實隻隻GAME都可以做到咁樣
作者: Leon_S_Kennedy    時間: 2012-3-5 19:46

其實又唔係剩係l4d既
l4d只係其中一隻game
所有野過份沉迷都唔好架啦 好似毒癮咁 好難戒架
細個沉打機 大個沉賭搏
好似我尼d兩樣都沉就扔晒野
道理個個都明 但做到既又有幾個?
有d人自制能力好好有分寸 冇問題 有d人好似樓主咁痛過識醒 知錯能改
最後一種就係我尼d廢柴 衰過好多次都仲係控制唔到 晒米飯錢?
作者: 22029205    時間: 2012-3-5 19:59

2年後識你老鼠..現實又何嘗唔係?
除非你做到李+X地步
打機都未必一定比人忘記
好似我就好清楚記得l4d1時3哥依個人
依D野 睇你點選擇既姐
人生唔同階段有唔同選擇
你之前階段鍾意同機友玩
但你的確係開心過所以我唔覺有咩損失
而家階段你覺得現實朋友先滿足到你
咁咪識番D朋友囉 無咩野既
作者: 420.jun    時間: 2012-3-5 20:14

樓主點解當時l4d1我係vlan日玩夜玩都好似冇咩點見過你 ?
你係咪肯定自己已在高手之列 -_-

同埋除左你話要打比賽就話姐, 真係會去練習隻game既人, 應該係少之又少
大部份人既目的係娛樂, 唔係好似你咁為左想俾人叫聲高手丫嘛.
再者高唔高手同玩既時間真係關係不算太大,
我眼見有人玩左短時間已經好勁, 又有人玩左勁耐都仲係"最不想跟他同隊的玩家"之一.

不過打機既時間可以做好多更有用既野, 當然係事實,
但老老實實, 有邊個唔知邊d野係對人生有益, 邊d係冇乜益,
個個都知每日溫幾個鐘書緊係可以確保考試冇A都有B, 只係乖乖地做到既人, 唔多囉

仲有樣野, 冇錯打l4d2 的確係浪費左好多重要既時間, 我唔肯定當中既時間係咪真係過得咁開心
你問我, 我都會話非常後悔, 但我都識左班朋友同埋叫做留低左人生中一段不容易忘懷的2年零碎回億,
當中仲有好多外國朋友傾計傾左幾年, 起碼精神上唔係話一無所得.

[ 本帖最後由 420.jun 於 2012-3-6 01:03 編輯 ]
作者: supercs92    時間: 2012-3-5 21:15

哈哈,,首先多謝大家留言,真係估吾到迴響咁大,其實今次我開post目的係咁的....

   (一):切忌太沉迷一隻game,無論係left 4 dead 定其他,
   (二):係想穩番以前玩開既機友,睇下你地仲有冇玩
   (三):如果當時曾經冒犯過既玩家,我係到真心道歉.

BTW,其實你地識吾識我真係吾重要,畢竟我太耐冇玩,吾識我吾記得我真係好平常,L4D我叫''二太子''L4D2''我先叫''avatar''希望係到提醒大家,當你玩得愈高層次,技術愈好,你就愈難抽身吾玩...回想當時既我,刪完又裝 裝完又刪,

[ 本帖最後由 supercs92 於 2012-3-5 21:29 編輯 ]
作者: albert1995    時間: 2012-3-5 22:57

係
講真呢隻GAME有層出無窮既玩法
有人認可你,甚至係入面識左一大班朋友
你會沉醉左入去
你冇玩兩年
而我就兩年內不停斷斷續續咁玩
到以家都一有閒都會去玩
以家好D 諗返起以前自己真係好頹
我為求更多歡樂 令我係GAME得到神馳
特登整個難玩既SERVER 用足幾粒鐘 有冇諗到果幾粒鐘其實可以做好多野
冇錯 識到好多人同我玩 認可我既場 但係勢頭一過 都嫌悶了
倒頭來我都係獨自留守係個難玩既SERVER 自己又放棄唔到 強迫玩只係痳醉自己
開場等人 等到人又嬴唔到 嬴到果D又遇唔返
個SERVER同GAME OVER冇分別
個人實在好頹廢 打機真係要識抽離
當你有一刻用左十二分心機落隻GAME到 你就要警惕自己值得嗎?
當你玩到達至茶飯不思都要玩既時候 諗下你又會在人生中耗多少時間?
唔係話唔好玩 適可而止
要懂得凌駕於一隻遊戲 而唔係比遊戲操縱住自己!!
作者: gckart1234    時間: 2012-3-6 00:09

我見過你,果時比你sm的,你e種感覺,我之前打機鋪都有,同個fd win16,後面成班人無個落場,果時真係好high,e家以經收哂皮
作者: orangejuice    時間: 2012-3-6 00:33

勢不可使盡，話不可說盡，福不可享盡，規矩不可行盡，凡事太盡，緣分勢必早盡
睇風雲有教落


[ 本帖最後由 orangejuice 於 2012-3-6 00:40 編輯 ]
作者: 420.jun    時間: 2012-3-6 01:09

引用:
原帖由 supercs92 於 2012-3-5 21:15 發表
哈哈,,首先多謝大家留言,真係估吾到迴響咁大,其實今次我開post目的係咁的....

   (一):切忌太沉迷一隻game,無論係left 4 dead 定其他,
   (二):係想穩番以前玩開既機友,睇下你地仲有冇玩
   (三):如果當時曾經冒犯 ...
你果陣係咪玩cevo versus ?
我當時冇野做真係成日都玩架喎, 玩開versus最活躍同比較勁果班人我都幾乎識晒, 但又唔記得有見過你 ==
調轉頭你有冇見過條友仔叫 "jun -_-" ?  只係好奇 .........  絕無其他意思.
如果冇都幾離奇, vlan咁細都撞唔到.

[ 本帖最後由 420.jun 於 2012-3-6 01:14 編輯 ]
作者: sesameOwO    時間: 2012-3-6 03:15

引用:
原帖由 22029205 於 2012-3-5 19:59 發表
2年後識你老鼠..現實又何嘗唔係?
除非你做到李+X地步
打機都未必一定比人忘記
好似我就好清楚記得l4d1時3哥依個人
依D野 睇你點選擇既姐
人生唔同階段有唔同選擇
你之前階段鍾意同機友玩
但你的確係 ...
我都仲得得3哥=D
當時D人叫佢No.3
後來佢都冇玩嚕
作者: supercs92    時間: 2012-3-6 09:41

引用:
原帖由 420.jun 於 2012-3-6 01:09 發表


你果陣係咪玩cevo versus ?
我當時冇野做真係成日都玩架喎, 玩開versus最活躍同比較勁果班人我都幾乎識晒, 但又唔記得有見過你 ==
調轉頭你有冇見過條友仔叫 "jun -_-" ?  只係好奇 .........  絕無其他意思.
如 ...
哈,其實係l4d我己經經常打4,4versus,去l4d2後期先走去玩8.8versus埸,可能本身我低調,又吾太鐘意開mic,個陣我都有份打4,4比賽,但臨比賽同隊友意見不合先吾打,我之前玩4,4埸,通常都係圍圍圍玩,好少同35識7既人,好憎個D少少事嘈嘈閉,爆晒粗d人..你少見我絕對common,除非見到個真係撩挑機同想玩,我先打4,4
     回想以前,一起身,就開ser放hunter放witch放tank,練槍推hunter,又叫fd同我練近武爆charger,真係乜都走去練,講到未都想要虛榮感,可能我形容詞錯左喇,算我老手喇,總之玩4,4埸,我一定吾會拖累人先....我個陣成個人好自負,不屑同以為自己好勁既人打,所以,經常得失人,,都係個句,當你玩得愈精,玩得愈強,你就吾想放棄你宜家擁有既技術,就好難抽身,但要知道遊戲有終止一日,個D所謂終身免費,係遊戲,吾係你,,,有冇諗過當遊戲停左一日,你地d高手會點??吾玩?玩其他game?我曾幾可以同你地全部人一樣,dowl最新板本,識好多機友,但兩年後問心仲有人記得我咩?
   宜家既我,同幾個fd上網吧玩,我一個跟3 bot同佢地4個玩,都贏吾少分D朋友問我,''點解咁屈?"' 我未話玩得多姐;;
吾通我同佢講,''以前既我,每日玩10幾鐘,乜都都去練,吾勁就假喇'' L4D依樣野,真係比吾少樂趣我,Anyway,有得有失.希望個post可以俾多D人見到,哪怕得幾個真係諗諗我所表達意思...

[ 本帖最後由 supercs92 於 2012-3-6 10:02 編輯 ]
作者: 420.jun    時間: 2012-3-6 17:43

引用:
原帖由 supercs92 於 2012-3-6 09:41 發表

哈,其實係l4d我己經經常打4,4versus,去l4d2後期先走去玩8.8versus埸,可能本身我低調,又吾太鐘意開mic,個陣我都有份打4,4比賽,但臨比賽同隊友意見不合先吾打,我之前玩4,4埸,通常都係圍圍圍玩,好少同35識7既人,好憎個 ...
原來係咁 ........  
但當時l4d1中後期我地已經vlan咩隊都打晒 ........  日日狂搵44, 搵極都搵唔到 ....... 幾乎冇人肯同我地打
如果我地打少左幾隊, 我會好驚訝 .. 你d隊友係 ??  話唔定其他人就遇過
作者: 蛇仔_明    時間: 2012-3-6 17:49

點解呢D時間一定有一要暗示自己係強呢?
冇錯 你可以話到自己有幾威有幾勁
但呢D野重要嗎?  付合呢個主題嗎?
可能你真係有料  但這止不過表示隻GAME以經玩勝過你
你只是一個可憐人
請尊重一下別人 請尊重一下自己
用理性的方法念清楚

[ 本帖最後由 蛇仔_明 於 2012-3-6 17:53 編輯 ]
作者: supercs92    時間: 2012-3-6 19:16

引用:
原帖由 蛇仔_明 於 2012-3-6 17:49 發表
點解呢D時間一定有一要暗示自己係強呢?
冇錯 你可以話到自己有幾威有幾勁
但呢D野重要嗎?  付合呢個主題嗎?
可能你真係有料  但這止不過表示隻GAME以經玩勝過你
你只是一個可憐人
請尊重一下別人 請尊重一下自己
用 ...
哈哈 無可否認我的確係可憐蟲 但係之前既事 另外 我相信我說話絕對符合我主題 試想象 如果由一個玩左個幾星期left 4 dead既人打依篇野 你地肯睇咩？佢會有動機打依篇野？我打依篇野 主要針對玩緊left4 dead所有玩家 尤其所謂高手 我好興幸我可以及時抽身 正代表我不再靠遊戲麻醉自己 請問我點樣吾尊重人？ 我吾尊重人我洗打甘長野俾你地插？冇所謂的 關公都有對頭人 我預左俾人插 岩睇就睇 岩聽就聽 當中實有人吾順的 另外 我多次強調我係高手 吾係想認屎認屁 我係想以過去老手說話同大家講 有資格講依翻廢話 最後 如果就因為我冇同你地認為主流高手玩過 而吾認同我 我都無話可說 但我相信過去所付出時間 苦練既野 絕對吾會比你地認為主流高手少 小圈子我經以厭倦

[ 本帖最後由 supercs92 於 2012-3-6 19:20 編輯 ]
作者: Hunter!    時間: 2012-3-6 19:30

樓主個陣比人叫高手，會唔會因隊友廢而罵佢地？
作者: supercs92    時間: 2012-3-6 20:01

算喇 依個post經如我所願 如果你明白我講咩 肯戒機 恭喜你 但如果你睇完都冇乜感覺 冇問題的 終有一日你會明白 再以高手名銜綁住自己 到頭來受傷係自己
作者: leolabte    時間: 2012-3-6 21:27

引用:
原帖由 supercs92 於 2012-3-6 19:16 發表

哈哈 無可否認我的確係可憐蟲 但係之前既事 另外 我相信我說話絕對符合我主題 試想象 如果由一個玩左個幾星期left 4 dead既人打依篇野 你地肯睇咩？佢會有動機打依篇野？我打依篇野 主要針對玩緊left4 dead所有玩家 尤 ...
我諗佢唔係講緊你

不過我都明樓主講GE野...勁GE隊友又遇唔番,亦都唔會有人一直肯陪你玩隻GAME到老,到頭黎受傷GE都係自己,最後...咪就變到好似樓主而家咁,真係得閒冇野做..開黎玩下LO...純粹休閒...自己懷念一下從前.無他了...

其實邊止L4D?網戰形式的遊戲都係咁...策略型...FPS...全部都係...

諗深一層,話唔定哥D係高手眼中玩極都係咁上下的人...反而仲幸福...佢可能冇其他人咁勁,但佢反而冇我地咁悲哀

[ 本帖最後由 leolabte 於 2012-3-6 21:32 編輯 ]
作者: §鬼§姬§    時間: 2012-3-6 22:39

想當年 我同你一樣
日日都玩 食野都唔想食
玩L4D 係上哂引
當我見到1個係vlan玩既hunter 高手 我仲記得佢叫咩名
我當時我就要好似佢咁 玩花色 25 hunter 玩得好勁
當時佢個名叫黑鬼...
我每日我都苦練我既hunter  因為當時係L4D 1個時 係好抽到Hunter
我日日都係咁苦練hunter 由好低既地方 慢慢咁跑上去好高既地方 就去高撲25人
但有1日我記到有人可以背牆跳又好快手咁上到好高既地方 就25人
當時我就慢慢去練習背牆跳 我當時好似已經係rose團既人 (唔知仲有冇人記得個名)
一路練一路練 我已經係可以80%高撲命中 但我覺得唔多型 後來我上網搵D 外國玩Hunter既高手睇片 一路睇一路練 我慢慢開始 玩我既花色25hunter 講左咁耐我都未講我最開頭個名 我開頭個名叫鬼姬....當我1日1日咁去玩街埸去訓練我既花色hunter  慢慢我d 花色hunter已經玩到出神入化 後來我玩L4D 識左個朋友 佢叫fire 我同佢慢慢玩 我同佢就開左個團
叫自強皇宮  我就已經改左名叫七皇爺 fire 就叫4元帥
慢慢我就係vlan開始拍片 每日不停拍片
開始我係vlan 有小小名氣 有d人都會識得七皇爺依個人
我每次入親d街埸 嘩 七爺 唔好25我...我當時覺得自己好型
又有次試過 係網吧到玩  我隔離又係玩vlan 我入左隔離個個人既埸 佢一見到我入到佢
當然冇咩野啦 佢可能覺得有人假扮七皇爺依個名 但我每次都係要花色25佢既時間 佢都會有冇咁準呀 佢開始信我係真正既七皇爺
到左l4d2 我又開始我既花色25 hunter 我又拍片 我已經覺得悶
我就練爆char 依樣野  慢慢練下練下 又埋片
玩左大約3年l4d1+2  我冇玩l4d 大約10個月
已經冇人最記得七皇爺依個人
但起碼 我當時係威過 有人記得七皇爺依個人
諗返當時既我  真係好開心
但我依家當然都會玩返啦
叫佢冇再叫七皇爺  改左名叫Se7eN

[ 本帖最後由 §鬼§姬§ 於 2012-3-6 22:42 編輯 ]
作者: L4D湘湘    時間: 2012-3-6 23:34

woo 樓上有d人都幾mean下....其實樓主只係想開post 寫下心情o者...大家唔洗咁串


可能我係女仔...我最癲都係玩半日…真係頂唔順~玩3場, 已經無精神繼續

而且我不嬲都唔玩vs, 因為我就係知道一玩, 會永無止境地追求技術…

打得game既, 特別係對戰, 始終都會有勝負心。

對比我其他女仔fd, 佢地都唔會打線上game.;..

對於d正常人黎講…會花4小時以上去打機既人, 已經係好沉迷了。

以前l4d1, 我都係一放學就返黎打機....玩到訓覺...
當人越大, 就越成熟~唔可以再好似以前十幾歲咁hea無腦...
都要出去返工、同朋友見面、做d充實既野…
真係有多餘時間, 無野做的, 先去打下game..咁樣先對得住呢個年紀。

而家...我大概一星期先玩1~2次。

電腦又好, game又好, 只係娛樂既一種。
係我地要去控制玩幾耐…而唔係比電腦控制返我地既人生。

[ 本帖最後由 L4D湘湘 於 2012-3-6 23:39 編輯 ]
作者: levinlai2008    時間: 2012-3-7 00:39

引用:
原帖由 Hunter! 於 2012-3-6 19:30 發表
樓主個陣比人叫高手，會唔會因隊友廢而罵佢地？
你問來做咩
作者: tan99898989    時間: 2012-3-7 02:57

Avatar ?

係我 tan  面前，你都唔算係最高分遮
其實我記得你嫁，果時好鐘同你做對家，因為無高手真係唔好玩
我果陣成日頭五都係我
作者: supercs92    時間: 2012-3-7 10:14

引用:
原帖由 tan9988989 於 2012-3-7 02:57 發表
Avatar ?

係我 tan  面前，你都唔算係最高分遮
其實我記得你嫁，果時好鐘同你做對家，因為無高手真係唔好玩
我果陣成日頭五都係我
哈哈,我記得你...你都蠻強的說
作者: climbz218914    時間: 2012-3-7 12:25

Left 4 Dead 2's coop,confogl just for fun
Joker:Why so serious?
作者: jackywin816    時間: 2012-3-7 15:09

我cs玩到打wcg..仲有名次...曾經既隊有鬼佬...但又點丫....我打左CS 6 年,但係..換黎的只係幾句野..."WOWWWWWWWWW,又ACE ,PRO LA","ON FIRE AR" "咁勁既"..

我人生最後悔就係當時我細個我表哥黎我屋企幫我下載cs,自個次,我就哂左6年係cs入面,,

唉,希望大家5好太要面,太好勝,我cs就係太好勝,愈練愈勁,但哂既時間係2次方成正比...

我呢家間5中都有玩l4d2 名叫 "STFU!"
作者: slunmak    時間: 2012-3-7 16:10

引用:
原帖由 jackywin816 於 2012-3-7 15:09 發表
自個次,我就哂左6年係cs入面
l4d,bf,cod,coh
呢4隻game
我玩到上曬腦 XD
作者: §鬼§姬§    時間: 2012-3-7 16:27

我已經用左2年半既時間係l4d到
工都5反 學都無反
如果可以用反2年半既時間黎反工
應該可以識到更多既朋友同知識
2年半們個朋友叫我去街 都無去
所以個時真係無咩朋友
5開心都5知搵邊個去so苦
所以5好太沉迷
L4d事實係好玩
但一定5可以玩得太過份
作者: katat1    時間: 2012-3-7 17:48

L4D玩到悶-,-
沒再玩囉
對抗方面........退步哂-,-
都不再玩,現家我都轉向改插件方面吧=.=
作者: gckart1234    時間: 2012-3-7 17:54

一句講哂:水能載舟亦能覆舟,真係睇你點處理.
作者: katat1    時間: 2012-3-7 18:10

回樓上.....

說得好.....
作者: gckart1234    時間: 2012-3-7 18:41

引用:
原帖由 katat1 於 2012-3-7 18:10 發表
回樓上.....

說得好.....
多謝你~~~~~~~~~~~~
作者: 蛇仔_明    時間: 2012-3-7 19:11     標題: 回復 29# 的帖子

引用:
原帖由 supercs92 於 2012-3-6 09:41 發表 [url=redirect.php?goto=findpost&pid=5071291&ptid=516615][/url]

哈,其實係l4d我己經經常打4,4versus,去l4d2後期先走去玩8.8versus埸,可能本身我低調,又吾太鐘意開mic,個陣我都有份打4,4比賽,但臨比賽同隊友意見不合先吾打,我之前玩4,4埸,通常都係圍圍圍玩,好少同35識7既人,好憎個 ...
好明顯我唔係講緊你- -

[ 本帖最後由 蛇仔_明 於 2012-3-7 19:17 編輯 ]
作者: 小傻瓜囧    時間: 2012-3-7 19:24

各位要明白,所有事都有個限度,打機打到好似樓主咁已經好過份,遊戲只係娛樂,唔係一個享受榮譽既地方,我成日都同人講:打機勁有咩用?你做人勁先得嫁! 樓主係一個好好既示範,見人衰過一次,自己唔好再衰 打機勿沉迷
作者: pk00b    時間: 2012-3-7 19:31

一路睇呢個POST,一路見到大部分人都係支持樓主,但總有D人係 係咁問樓主係唔係真係到左高手呢個地步,係咁話冇見過樓主,唔知佢乜料,但樓主開呢個POST係為左講自己係勁人?係想你地讚佢?樓主開POST唔係為左比你地插.

唔係,佢只係將佢呢幾年既野打出黎,將佢後悔既野打出黎,並唔係想表示自己係勁,即使佢唔係高手又點?佢起馬識得迷途知返,識得改過,反而有D人見到樓主既金石良言 無動於衷 不特只,仲係到話咩咩唔識人,比你識又點,你唔識又點? 你唔中意可以唔睇,唔好阻住樓主黎教導D迷左途既人,E家好似樓主呢D人真係小之有小.

有D人話樓主自己攞黎,話係佢問題,但起馬佢E家呢一刻改過左,起馬佢返回正路.
六國論:"假使擁有天下這廣大領土的國家、卻重蹈六國滅亡的覆轍、這又更比不上從前的六國了。"

就算樓主真係廢過你又點,如果呢一刻你見到樓主良言你都唔改過,遲d就同樓主一樣,比樓主更差
樓主可能係l4d上唔係真係一個高手,但佢係現實中,已經成為一個高手

無論如何,樓主 我支持你

[ 本帖最後由 pk00b 於 2012-3-7 19:36 編輯 ]
作者: 55331200    時間: 2012-3-7 20:11

引用:
原帖由 supercs92 於 2012-3-5 15:38 發表

你好,是我的,如之前有任何冒犯,請原諒..
二太尉系咪你
作者: supercs92    時間: 2012-3-7 20:22

引用:
原帖由 蛇仔_明 於 2012-3-7 19:11 發表

好明顯我唔係講緊你- -
哈哈 吾好意思添 仲之人地點諗點睇 我左右吾到 若然睇完仲無動於衷 那就祝他好運吧
作者: supercs92    時間: 2012-3-7 20:48

引用:
原帖由 pk00b 於 2012-3-7 19:31 發表
一路睇呢個POST,一路見到大部分人都係支持樓主,但總有D人係 係咁問樓主係唔係真係到左高手呢個地步,係咁話冇見過樓主,唔知佢乜料,但樓主開呢個POST係為左講自己係勁人?係想你地讚佢?樓主開POST唔係為左比你地插.

唔 ...
好多謝你先 睇完真的感動 個post真係俾到有心人睇到 我好開心 但請師兄你又吾好講到我依種人少之又少 畢竟我又吾係咩聖人 真係冇乜資格教人 我俾人疾兩句 我都會炆 但既然開得post就預左 人人都有言論自由 無話邊個可以干涉邊個既 我以前都好似某些人 係left 4 dead都吾太想承認邊個邊個 以前 有機友同我講，牙邊個邊個好勁 穩日挑埸， 我都會話，下，邊個黎^_^我吾識喎。個陣成個人自負傲慢 久之 不但得失機友 連真實朋友都冇埋 現實愈寂寞苦悶 就愈係打機麻醉自己 以虛擬遊戲世界成功感 填補真實世界既失敗挫折 就甘惡性循環 愈踩愈深 所以 我絕對明白依到某d人心情 吾鐘意承認人 擺到自己係遊戲界高高在上 無人可侵 我以前就甘 其實勁吾勁 真係見人見智 在乎大家點睇 人人標準吾同 但起碼係我心入面覺得我玩得吾差 , 4 .4場都吾係話輸得太多xd 希望個post可以有得俾你地思考空間 說教就不敢

[ 本帖最後由 supercs92 於 2012-3-7 21:10 編輯 ]
作者: pk00b    時間: 2012-3-7 21:08

引用:
原帖由 supercs92 於 2012-3-7 20:48 發表

好多謝你先 睇完真的感動 個post真係俾到有心人睇到 我好開心 但請師兄你又吾好講到我依種人少之又少 畢竟我又吾係咩聖人 真係冇乜資格教人 我俾人疾兩句 我都會炆 但既然開得post就預左 人人都有言論自由 無話邊個 ...
你已經盡左你既力,睇到既人接受/唔接受就由佢自己揀
作者: 420.jun    時間: 2012-3-7 22:03

引用:
原帖由 蛇仔_明 於 2012-3-6 17:49 發表
點解呢D時間一定有一要暗示自己係強呢?
冇錯 你可以話到自己有幾威有幾勁
但呢D野重要嗎?  付合呢個主題嗎?
可能你真係有料  但這止不過表示隻GAME以經玩勝過你
你只是一個可憐人
請尊重一下別人 請尊重一下自己
用 ...
你冇需要咁大反應喎, 我都唔知你咁激動做乜 ?
你睇睇上頁我reply啦, 我冇話過樓主講既野係錯, 從來都冇反對過.
正常識中文既都睇得出樓主出既係一篇出於肺腑, 用之真心既發文, 根本係警世良言.  
我只係想講, 樓主發自用心所發既呢一篇文, 大部份人睇完, 十居其九既人都會將佢拋諸腦後, 浪費晒佢一篇苦心.  
與其後悔, 不如將佢當成一個回憶啦.  

仲有我冇暗示喎 ....  講到咁明都叫暗示 ??  唔通d人唔同我地打係因為太弱 ?
同埋當時真係日打夜打, 係咁搵44係咁搵, 搵極都搵唔到, 我以為玩開l4d1 vlan versus既人當中我已經認識最少9成. 唔識都見過啦下話, 仲要係個唔錯既玩家 ?  我唔識佢的話, 我真係會好驚訝wo, 咁樣反而先會令我覺得值得後悔"當時打l4d打咁多時間, 都打得唔全面既?", 而後悔打過l4d係唔值得架囉. 咁樣根本同後悔"細個冇每日讀書幾十分鐘, 如果唔係就考唔到第一就第二啦"冇分別.
我純粹問佢有冇見過我, 佢唔答我都算, 你又係度覺得我係度懶勁.

既然我一早就同意左樓主所講既野, 其他野根本就係題外話, 符唔符合主題又有幾緊要呀. 我都唔知你咁執著果少少野做乜 ?
所有覺得我串緊樓主既人, 包括樓主如果你覺得我串緊你, 咁樣既思想都唔係好健康咋喎 ....

[ 本帖最後由 420.jun 於 2012-3-7 22:12 編輯 ]
作者: windsang    時間: 2012-3-7 22:04

只能說你是一個熱愛玩l4d 的玩家

但你所謂叫’’Avatar’’ 和’’ 二太子’’

以前只係 比人爽既對象  多過 係高手

所以唔好蒙騙而家既玩家

[ 本帖最後由 windsang 於 2012-3-7 22:08 編輯 ]
作者: 420.jun    時間: 2012-3-7 22:15

引用:
原帖由 windsang 於 2012-3-7 22:04 發表
只能說你是一個熱愛玩l4d 的玩家

但你所謂叫’’Avatar’’ 和’’ 二太子’’

以前只係 比人爽既對象  多過 係高手

所以唔好蒙騙而家既玩家
雖然三哥你咁樣講(睇落)係好小人之心, 亦好陰謀論, 班冇理性既理性友一定群起攻之, 但我卻不由得地有少少讚同.
點都好, 樓主個post既重點好似唔係呢個, 又唔好蒙騙咁難聽.

[ 本帖最後由 420.jun 於 2012-3-7 22:17 編輯 ]
作者: windsang    時間: 2012-3-7 22:21

引用:
原帖由 420.jun 於 2012-3-7 22:15 發表


雖然三哥你咁樣講(睇落)係好小人之心, 亦好陰謀論, 班冇理性既理性友一定群起攻之, 但我卻不由得地有少少讚同.
點都好, 樓主個post既重點好似唔係呢個, 又唔好蒙騙咁難聽. ...
一位過氣既老手對你們既說話

同

一位過氣既高手對你們既說話

你覺得邊個比較令我值得尊重?

[ 本帖最後由 windsang 於 2012-3-7 22:22 編輯 ]
作者: 420.jun    時間: 2012-3-7 22:38

引用:
原帖由 supercs92 於 2012-3-7 20:48 發表
好多謝你先 睇完真的感動 個post真係俾到有心人睇到 我好開心 但請師兄你又吾好講到我依種人少之又少 畢竟我又吾係咩聖人 真係冇乜資格教人 我俾人疾兩句 我都會炆 但既然開得post就預左 人人都有言論自由 無話邊個可以干涉邊個既 我以前都好似某些人 係left 4 dead都吾太想承認邊個邊個 以前 有機友同我講，牙邊個邊個好勁 穩日挑埸， 我都會話，下，邊個黎^_^我吾識喎。個陣成個人自負傲慢 久之 不但得失機友 連真實朋友都冇埋 現實愈寂寞苦悶 就愈係打機麻醉自己 以虛擬遊戲世界成功感 填補真實世界既失敗挫折 就甘惡性循環 愈踩愈深 所以 我絕對明白依到某d人心情 吾鐘意承認人 擺到自己係遊戲界高高在上 無人可侵 我以前就甘 其實勁吾勁 真係見人見智 在乎大家點睇 人人標準吾同 但起碼係我心入面覺得我玩得吾差 , 4 .4場都吾係話輸得太多xd 希望個post可以有得俾你地思考空間 說教就不敢
我唔知樓主你既情況係點樣啦.
但唔係個個都好似你咁打機打到好似好追求高層次(雖然好似都係追求失敗), 仲有你所講既
"個陣成個人自負傲慢 久之 不但得失機友 連真實朋友都冇埋 現實愈寂寞苦悶 就愈係打機麻醉自己 以虛擬遊戲世界成功感 填補真實世界既失敗挫折 就甘惡性循環 愈踩愈深 所以 我絕對明白依到某d人心情 吾鐘意承認人 擺到自己係遊戲界高高在上 無人可侵",
我唔知你入面係咪話緊我啦.
咁我假設, ok ? 假設.  假設成段野都都係對我講, 所謂某d人都係話緊我.
咁我會答你, 我l4d1識既朋友從來大部份人都係一齊打機have fun為開心, 好少會話邊個得失邊個. 友誼亦唔止於l4d, 當中當然唔少得深夜聊天談心, 吃飯聚會.  打l4d亦都唔見得會失去埋真實朋友, 係老友既, 就一世係老友.  
唔好怪我咁講, 用打機黎麻醉自己, 以當中成功感黎滿足自己既人, 難聽少少, 我覺得係低能仔.  我打左10幾年機都唔會將打機既任何成功同自己現實世界既成就掛勾.  
總結上面, 我係有少少想講, 樓主如果你連打機都可以打到咁眾叛親離, 勸你要正視既唔係後悔, 係改下自己性格先, 肺腑之言. 你唔接受的話又如何教人服你警世良言 ?

咁到最後, 似乎你到最後都係想補番句心入面覺得自己玩得唔差, 亦都唔係輸好多44, 但我可以客觀地講個事實俾你聽, 你的確係玩得非常差.
點都好啦, 呢個都唔係重點 ......  ;D
引用:
原帖由 windsang 於 2012-3-7 22:21 發表


一位過氣既老手對你們既說話

同

一位過氣既高手對你們既說話

你覺得邊個比較令我值得尊重?
你講得岩.  
其實我中途都有少少覺得自己講野太過, 但回完一個之後睇到樓主篇野,
從佢中間所講既打機大量既不良影響佢最後都打算咩唔好都掉晒落我個身到, 講到我, 丫sorry唔係, 係話某d人姐, 以至大部份打機既人都係咁, 我就真係開始覺得佢用意不明, 到最後讀到佢堅持補一句心中覺得自己唔差, 再望番上面佢話果陣自負傲慢, 符合! 不得不令人相信有問題既係樓主性格, 睇來亦都未放得開當年既所謂"風光"日子.

想殘酷d同樓主講句, 你冇even係遊戲入面風光過, 而你冇晒朋友甚麼的種種失敗都係因為你呢種性格而非隻game,
我識好一些人都由l4d1開頭打到依家, 但當中有大學生, 自己開店既老闆, 總之現實生活比較失敗既只有極少數, 我係其一.

點都好啦 .....  樓主重點可能真的不在此 ;DDDDDDDDDDDD

[ 本帖最後由 420.jun 於 2012-3-7 22:54 編輯 ]
作者: 22029205    時間: 2012-3-7 22:41

引用:
原帖由 supercs92 於 2012-3-7 20:48 發表

好多謝你先 睇完真的感動 個post真係俾到有心人睇到 我好開心 但請師兄你又吾好講到我依種人少之又少 畢竟我又吾係咩聖人 真係冇乜資格教人 我俾人疾兩句 我都會炆 但既然開得post就預左 人人都有言論自由 無話邊個 ...
都係果句  現實其實咪一樣
我覺得 點解你地講打機唔係現實
打機咪又係現實世界既活動一種
我當你唔係遊戲界  係事業界
你係點既人 上到事業界頂峰一樣變番點既人
依d係態度問題 唔關咩虛擬現實事
作者: 420.jun    時間: 2012-3-7 22:57

引用:
原帖由 22029205 於 2012-3-7 22:41 發表

都係果句  現實其實咪一樣
我覺得 點解你地講打機唔係現實
打機咪又係現實世界既活動一種
我當你唔係遊戲界  係事業界
你係點既人 上到事業界頂峰一樣變番點既人
依d係態度問題 唔關咩虛擬現實事 ...
你真係中point, 我發現我表達能力真係有d問題 .......
作者: 紀敏    時間: 2012-3-7 23:18

希望各位言詞不要過激 此帖已在審核當中
作者: supercs92    時間: 2012-3-7 23:20

請樓上冷靜 我出此post絕無挑釁成份 我只想良性討論 並無話針對邊個 請各方冷靜 可能我用詞有不妥當地方 但我係前post幾頁已更生老手之言 但依個post完全出自真心 我一諗到咩就打落去 當中有任何地方有冒犯請原諒  我只能講當時大家玩既時間甘耐 你地有你地玩開圈子高手 我亦我有玩開圈子高手 正如你地吾識我avatar 我同樣吾識邊個叫no.3 只講大家無緣 但有ching講到當中機友都做到fd 當然 我不能排除 只講你夠運 但我個人而言 我真係未試過 所以先勸大家要有正常社交生活為妙 當中係肺腑之言 有bug之處而冒犯 請原諒

[ 本帖最後由 supercs92 於 2012-3-7 23:21 編輯 ]
作者: 紀敏    時間: 2012-3-7 23:24

引用:
原帖由 supercs92 於 7-3-2012 11:20 PM 發表
請樓上冷靜 我出此post絕無挑釁成份 我只想良性討論 並無話針對邊個 請各方冷靜 可能我用詞有不妥當地方 但我係前post幾頁已更生老手之言 但依個post完全出自真心 我一諗到咩就打落去 當中有任何地方有冒犯請原諒   ...
嗯 沒有不冷靜 純粹版主回報看一下而己

但在此事先聲明一點 如任何人作出挑釁行為驅使他人作出違規反應

即使挑釁者沒有使用違規用詞亦會以 統一版規2-1 挑釁字詞 作出處分

如該人士為長期於版上對不同人作出挑釁行為則有可能直接永久封鎖帳號或IP處理

請各位自重

不打擾各位閒聊 我先睡了^^
作者: supercs92    時間: 2012-3-7 23:34

此外 我絶對尊重你地圈子認為既高手 畢竟你地所付出對遊戲既努力同熱誠係比他人高 所以 被人尊稱高手之榮銜 同樣地 請不要惡意抺殺我對lfd既努力同熱誠 可能我口吻太剛猛 但我係過去玩開圈子 我敢言輸少嬴多 當然也靠隊友 重申 絶無挑釁 其實 每人開得post都帶有主觀性 好難10個人睇 10個都buy 我尊重你地圈子認為你地既高手 痳煩你地都尊重一下你地圏子認為我依個老手
作者: 420.jun    時間: 2012-3-8 02:03

引用:
原帖由 supercs92 於 2012-3-7 23:20 發表
請樓上冷靜 我出此post絕無挑釁成份 我只想良性討論 並無話針對邊個 請各方冷靜 可能我用詞有不妥當地方 但我係前post幾頁已更生老手之言 但依個post完全出自真心 我一諗到咩就打落去 當中有任何地方有冒犯請原諒  我只能講當時大家玩既時間甘耐 你地有你地玩開圈子高手 我亦我有玩開圈子高手 正如你地吾識我avatar 我同樣吾識邊個叫no.3 只講大家無緣 但有ching講到當中機友都做到fd 當然 我不能排除 只講你夠運 但我個人而言 我真係未試過 所以先勸大家要有正常社交生活為妙 當中係肺腑之言 有bug之處而冒犯 請原諒
其實的確冇人唔冷靜, 都係講打下真心話討論下姐, 可能我有D字句係尖酸刻薄D, 但亦都沒有講D甚麼人身攻擊既說話, 樓主你亦都好斯文丫.  我都係純粹講出我既諗法, 同時亦都有話自己係失敗者其一.  我唔覺得我有挑釁你, 或者係所謂惡性討論緊喎.

至於你所指既所謂機友frd, 其實都唔係話非常熟絡, 但當然唔會好似你所講咁機友就唔算係frd咁丫.  大家都係住香港架咋, 都係地球人黎架.  其他亞洲既朋友仔, 根本可以熟到去佢地國家佢地一定會帶你去玩果隻.  你好似假定左所謂機友就唔可以好frd咁, 呢個會唔會係你咁樣先係你識唔到朋友既原因, 而唔係你所講既唔夠運呀 ?
引用:
原帖由 supercs92 於 2012-3-7 23:34 發表
此外 我絶對尊重你地圈子認為既高手 畢竟你地所付出對遊戲既努力同熱誠係比他人高 所以 被人尊稱高手之榮銜 同樣地 請不要惡意抺殺我對lfd既努力同熱誠 可能我口吻太剛猛 但我係過去玩開圈子 我敢言輸少嬴多 當然也靠隊友 重申 絶無挑釁 其實 每人開得post都帶有主觀性 好難10個人睇 10個都buy 我尊重你地圈子認為你地既高手 痳煩你地都尊重一下你地圏子認為我依個老手
假如啦. 假如, 我同我圈子既朋友係你講緊既高手啦. 但我冇付出過任何努力喎 ....  你講既熱誠亦都聽落不太恰當, 打機除左係打職業比賽賺錢既姐, 唔係邊會付出辛勞. 根本打機就是hea, 娛樂, 享受, 其實好似你講到當時訓練咁辛苦都係為左俾人叫一聲高手既, 呢個諗法真係有d問題 .....  
講番去開頭, 我認為你既用心良苦, 幾乎係唔會有人因為睇你篇文而唔會再打l4d, 唔係講我, 係講d人.
同埋我真係冇抺殺你既努力同熱誠, 可能三哥係講得難聽d, 但如果客觀評估果時既玩家實力概況, 你好大機會係比較弱, 即係佢所講既俾人爽的一群.  無挑釁, 只係好老實咁話你知你既努力可能白費, 亦都錯估自己當時既實力了.

[ 本帖最後由 420.jun 於 2012-3-8 02:15 編輯 ]
作者: 878140    時間: 2012-3-8 02:42

其實打機都係競技活動既一種,有追求係好正常,有競爭既心態就自然想進步,就算讀書都係咁,我唔明點解樓主你要將長時間打機同現實生活失敗掛勾,咁即係否認左其他人對隻game既熱誠,每個人都有權利去追求自已想要既野,無可能會人人都鐘意讀書,打波,你追求過,但現實生活失敗,唔代表其他人都係咁  就算佢地現實生活不如意,只要無影響到其他人就得,況且在下以前打l4d個陣,見到有唔少玩家都係現實互相認識的朋友(本人係朋友介紹下一齊玩l4d)

其二,我都明白樓主你係真心抒發感想而唔係強調自已的實力,但係你打得出個咁既topic就預左有人會暗串/抽水,須知道人既心態係唔會隨便承認別人,特別係有咁上下水平既人.....況且技術水平係好主觀既野,除非你己經係世界級的高手,否則都係收歛o的好,無謂惹人非議,俾o的難聽的說話你聽  真係要比既話,就同最top的比,唔係就無乜意思

講到尾,我都係想重申對於打機的追求并唔係錯,長時間打機就係沉迷遊戲,咁又唔見有人話沉迷讀書?只不過係潛移默化下的影響,其實本質都係一樣,都係對事物既追求,無話邊樣岩邊樣錯  現實世界得唔到肯定所以寄情打機去搵成功感? 如果你係現實世界付出的努力有打機咁多,每日讀十幾個鐘,CE無25都有20分啦掛?拎到咁既成績你屋企人,朋友都會肯定你啦下話,我覺得根本就唔係虛擬世界容唔容易獲得成功感既問題,而係虛擬世界比現實世界更吸引,新鮮咁解 現實o的講句,就算係打機都唔係話咁簡單,放眼世界,有大把你想像唔到既神手

不過,我都好高興你抽身到,回歸正常生活,祝生活愉快,身體健康,事事順利
作者: milkchan    時間: 2012-3-8 03:30

的確好似係一篇語重心長既帖
連topic都打"高手"尼引人注意
叫人唔好沉迷
係有D道理既
但係係你字裡行間只令我覺得
你只係一個玩厭左L4D但又拋唔開以前既努力
所以臨走係度放個響屁既"高手"LO
420.jun雖然串左D
但都比你有說服力
作者: 420.jun    時間: 2012-3-8 11:58

引用:
原帖由 878140 於 2012-3-8 02:42 發表
其實打機都係競技活動既一種,有追求係好正常,有競爭既心態就自然想進步,就算讀書都係咁,我唔明點解樓主你要將長時間打機同現實生活失敗掛勾,咁即係否認左其他人對隻game既熱誠,每個人都有權利去追求自已想要既野,無 ...
你講得非常好, 再一次令我發現自己既表達能力好差.

但你所講的暗串抽水就好似不太適當, d說話可能係幾難聽, 不過所講既大概都係事實, 都只係想話俾樓主知佢當時並唔係佢心目中既高手, 佢一直誤會了.  所以會做成成篇文章既方向個說服力最少大減一半.   

而其他樓主所講所諗既野有d咩聽落唔係咁合理果方面, 你所講既大部份就係我所想既野, 只係我講得難聽d, 同埋你表達得更好, 意思大同小異. 樓主最好參考佢既說話多於我廢up.
引用:
原帖由 milkchan 於 2012-3-8 03:30 發表
的確好似係一篇語重心長既帖
連topic都打"高手"尼引人注意
叫人唔好沉迷
係有D道理既
但係係你字裡行間只令我覺得
你只係一個玩厭左L4D但又拋唔開以前既努力
所以臨走係度放個響屁既"高手"LO
420.ju ...
睇到去中段我的確有同你一樣既感覺, 但我地姑且當樓主係一番苦心 .... 只係不由得洩左一個嚮屁出來.
作者: windsang    時間: 2012-3-8 22:32

引用:
原帖由 紀敏 於 2012-3-7 23:24 發表


嗯 沒有不冷靜 純粹版主回報看一下而己

但在此事先聲明一點 如任何人作出挑釁行為驅使他人作出違規反應

即使挑釁者沒有使用違規用詞亦會以 統一版規2-1 挑釁字詞 作出處分

如該人士為長期於版上對不同人作出挑 ...
好耐冇見  有2年?

先拆一拆文 只係想唔玩 但係又想公告比大家聽 我是高手


而我不知道 幾年前既 二三流玩家 可以稱為高手

都係既 又有個高手要離開  

等以為冇晒老手既時候 就出黎充大頭鬼
作者: 紀敏    時間: 2012-3-8 23:18

引用:
原帖由 windsang 於 8-3-2012 10:32 PM 發表



好耐冇見  有2年?

先拆一拆文 只係想唔玩 但係又想公告比大家聽 我是高手


而我不知道 幾年前既 二三流玩家 可以稱為高手

都係既 又有個高手要離開  

等以為冇晒老手既時候 就出黎充大頭鬼 ...
三哥 留d餘地
作者: orangejuice    時間: 2012-3-8 23:33

高手要係咁既台型, 我先會承認
[youtube]F18ja9JHIzc[/youtube]
作者: supercs92    時間: 2012-3-9 08:52

delllllllllllll

[ 本帖最後由 supercs92 於 2012-3-9 20:44 編輯 ]
作者: 420.jun    時間: 2012-3-9 21:04

引用:
原帖由 supercs92 於 2012-3-9 08:52 發表
算喇 有咩所謂姐 高手定老手^_^ 宜家既我生活快樂就好了 如果去到幾十歲人 仲沉迷打機 係forum串下咀 黎滿足自己既優越感 我真係明的^^ 你識吾識我 我識吾識你 有咩相干 自以為高人一等 現實生活未過著傻仔般日子 ^_^我真的明白^^ 冇工開 冇學番 淨依賴同樣遭遇既機友既扶持 麻醉自己 以為嬴盡天下人 實質係傻仔 我真的明白^^ 唉 而我都吾知你乜水 可能 大家都冇知名度 以為兩三個機友話自己玩得吾錯 就當自己特別突出 零舍不同..我真的明白^^
果然係性格問題 ......    唉
本性表露無遺  ......  本來我都覺得可能你真係真心勸導, 緬懷之中無心扮勁 ...
依家綜合你咁多個reply .. 你果種主觀霸道既口吻, 同長期將打機同現實失敗掛鉤(亦即係賴地硬, 自己唔掂就講到打親機既都撈唔掂)既負面性格 .. 真係好難唔令人懷疑你開post既真正目的   就算你點樣講自己開post重點唔係高手 ......  明眼人一樣會從你字裡行間睇得出你係一個點既人   
你呢段咁"串"既reply真係好難令人信服你係一個岩岩悔改完既人   

再者, 唔係全世界都好似我同你咁失敗架 ....  
之前圍內朋友當中大把人玩得好好(憑三哥既reply, 粗略估計最少有8成人高於你既高手level), 亦都係成日玩, 人數數以十計.
當中有 : 成熟男士, 各種在職人士, 好幾個前途無限既大學生, 將會成材既中學生, 已婚媽媽, 音樂人, 生意人 .........
但當中現實生活比較頹廢, 或你所妄言既失敗者, 真係5隻手指數得晒, 我係其一.

唔好講到打機打得好就一定係廢柴條先得架, 若你因打機打得"好"而變成一條, 樓主 ..  你自己既問題黎架咋
引用:
原帖由 supercs92 於 2012-3-9 08:52 發表
delllllllllllll
[ 本帖最後由 supercs92 於 2012-3-9 20:44 編輯 ]
點解要del ? 只會令你睇落更作賊心虛 ...  
我好認真, 唔係串你 ... 樓主若你要(已?)痛改前非, 你要正視一下自己既性格 ..
引用:
原帖由 milkchan 於 2012-3-8 03:30 發表
的確好似係一篇語重心長既帖
連topic都打"高手"尼引人注意
叫人唔好沉迷
係有D道理既
但係係你字裡行間只令我覺得
你只係一個玩厭左L4D但又拋唔開以前既努力
所以臨走係度放個響屁既"高手"LO
420.jun雖然串左D
但都比你有說服力
都係你講得岩, 係我咁戇居對樓主抱有一絲希望

[ 本帖最後由 420.jun 於 2012-3-9 21:12 編輯 ]



歡迎光臨 IPvE vLan 遊戲平台|網吧系統 (https://www.ipve.com/bbs/) Powered by Discuz! 6.0.0