IPvE vLan 遊戲平台|網吧系統 - Powered by Discuz! Board

標題: 我係到諗 [打印本頁]

作者: ×LiGhT°影 時間: 2012-2-2 01:25 標題: 我係到諗

我係到諗...我每日不分晝夜都係到打機有咩用呢
我得番兩年時間就要考DSE...
當初我話過中三完左
我就會修心養性專心讀書
但係我真係下定唔到決心
打機的誘惑真係好大
但是打機真係可以搵到飯食?
可能有..但係絕無僅有..

近排我成績退步左很多
我成日都係到諗打機真係有乜用
無數次想將打機而個習慣戒左佢
但係我真係戒唔到
我想控制自己打機的時間
但係永遠都一打就打到好夜
無論信長或者LOL都好
而家對我黎講都唔係最重要
最重要的係要入到大學
將來搵到份好工

我差唔多都係時候要開始發憤努力讀書
每天都只掛住打機我的人生有用嗎
好多人都同我講而家辛苦幾年
之後果幾廿年唔洗辛苦我明知道而個係真的
點解我仲要忠言逆耳呢..點解我仲要堅持自己的玩樂呢
當我放底自己認為重視的野我就可以得到另一樣重要的野
而句說話我埋藏左係心中好耐亦都係時候等我真真正正咁去實踐而句說話
我唔希望將來用我的勞力去換取我的人生
我希望我係指人做野果個而唔係永遠都係比人點果個
有時候人一定要犧牲一D野先可以換取另外一樣野
而家我就係要犧牲我的玩樂換取我的成績我的將來

無人能夠阻擋我的決心
我亦都唔會受到任何人的挽留
如果你真心當我係你的朋友的話
就祝福我可以順利入到大學
真真正正咁放棄所有的野

有時候我真係好羨慕祥樂
你有多過我的時間去做自己鍾意的事情
而我就用盡了係時候要修心養性做個讀書的乖仔
如果我再繼續咁樣的生活恐怕笫時你見到的只係一個毫無學歷的我
我走左之後好多好多的野我都再陪唔到你有時候
你真係要靠自己走過一段路但係你都真係認真讀書啦
唔好再留班啦時間真係好寶貴過去左就拿唔番黎
但係將來的就等住自己去改變..

昇仔你都仲有一年的時間去玩
玩埋今年都好修心養性啦
當你失去左寶貴的野的時候
你先去珍惜的話就真係太遲
我唔想當我成為一件垃圾的時候先黎後悔
原諒我對你所講的大話未能再次同你玩一場信長
無遵守到四月再次同你一齊玩信長的承諾
但係我真係唔想到時比人睇少我都有我自己的目標
我都有自己想做的事我都有自己的理想

秋你都係時候要發憤讀書
你有其他的夢想唔係唔好
但係而家個個出黎都係睇你張沙紙
你無果張野真係比起人地差好遠
個個都為左個張野拼命如果我地都仲繼續係到玩
只會白白咁斷送自己的前途
但係最終都係睇番你自己想點
如果你真係想跳舞的話就朝住你的夢想進發
我相信你一定可以做到!

潘對唔住.
係你去外國之前我都陪唔到你玩信長
當初仲約定好左話要拿到信七名次比你睇
但係我卻未能打就已經要退下來了
你去到外國要小心阿無人無物
真係加油讀書如果唔係笫時真係無人可憐你

樂生你都好好讀書啦
我地打左咁多年機都差唔多時間
要停落黎去向自己的理想進發
唔好再比打機拖住自己的前路
但係我都好多謝你陪我過左咁多年的歲月
比左我咁多美好的回憶而d回憶我會永遠收埋係我的心入面

雄你都唔好再做毒_啦
多d努力讀書就算讀唔成書
都讀d課程拿番小小學歷啦
如果唔係到時做野真係會好辛苦
而家發憤都仲趕得到
好多好多事只要我們去努力就會做到

兔你都加油讀書啦
唔好再沉迷打機啦
好多時候有好多野比起打機更加重要
從前的我就係為左打機失去左好多的野
如今我要將佢地全部都追番哂黎
加油阿

泡可能你而家睇唔到而個帖啦
但係我都未係到打d野多謝你
多謝你比左我咁多無窮的喜樂
多謝你每次係我絕望的時候比左希望我
多謝你比左我無數的關懷同埋支持
好多好多好多的野都盡在我的心中
你要加油考好個DSE 阿你得番差唔多一年渣
我永遠都會支持你架!

涼子可能我係而到打你未必睇到啦
但係我都知你有時會偷偷地入黎團版睇下
我多謝你每次係我唔知道做咩的時候
比我指示話比我知正確的道路
儘管我的牌氣就像小孩一樣
但是你亦是包容著我
你都差唔多時間要放底打機了
讀書真係好重要我唔想到時先識後悔先識得分輕重

世傑你可能唔係讀書的材料
你同我都講過會努力讀書
但係我做唔到但係我而家希望可以再次握緊而個承諾
再次去做一次去努力追番我所失去的知識
同秋一樣想要去做就要盡自己的全力去做到
唔好令我失望阿

細杰可能我同你嘈左交咁耐
你都唔再當我係你既朋友但係我仲當你係我的朋友
當初可能真係激嬲左你對唔住
但係事到如今我都唔知可以講D咩
只希望祝你早日做到自己想做的事同埋瘋貓更上一屠樓

KIT 我都唔見左你成個幾兩個月lu
係咪去左努力讀書你都知道中四好緊要
你都知道唔再努力讀書就無咩機會去努力
所以加油阿我地一齊向DSE 前進
一齊考入大學啦

HOU 我應承左你同你LOL 遲D同你一齊雙排
但係我未做到我就唔玩隻GAME 真係對唔住
我唔想背負所有人對我的期望我父母的愛
希望你真係可以係LOL方面變得更加強
可以成為一等一的高手啦

蕉同你其實都唔係識左好耐
你一直以黎可能以為我成績好好
無錯我係成績曾經好好不過係以前的事
我唔想到時先黎後悔你都加油讀書啦
好多野唔係話自己想做咩就做咩
好多野都係身不由己的加油阿

我好多謝一直以黎大家對我的支持同埋厚愛
當我係一個朋友一起開心一起玩一起嬴
可能如今既NIGHTMOON 已經係散沙一盤
打機其實唔難戒最難的就去失去一班好似知己的朋友
如果真係當我係朋友的真係唔好留我比我做而個決定
你同我都知道而個決定係正確的你為我好既真係放我走吧
我希望自己可以做一個有用的人而唔係一件垃圾

可能我唔會留係而個vLan 什至網絡世界
我會消失直至到我考完公開試為止
兩年的時間話長唔長話短唔短
但係我都下定左決心要努力堅持自己的目標

NIGHTMOON 既話
而家既然已經一盤散沙
不如解散可能會更加好吧
從此的夜月可能會變得暗淡無光
但係我地的心永遠都會連埋一齊
我地的友誼永遠都會長久

我會將你地既MSN都刪哂佢
我唔想有任何野再次阻止我番去讀書的旅途上面
最後真係多謝大家一直以NightMooN作為自己的團隊自己的家
再次原諒我這個不負責任的團長...

作者: 夜夢§秋葉 時間: 2012-2-2 18:59

睇完想喊
我最後要求齊人打多最後最後最後一場團戰可唔可以

我好支持銘你去讀書但係真係唔好DEL哂我地MSN
我唔想無左回憶同我團長
仲有吹到你知我曉跳舞...

作者: -_小昇ヾ★ 時間: 2012-2-2 19:36

點會唔知你信6個陣成日唔練信長都要去跳舞=.=

作者: SpaWN★ 時間: 2012-2-4 00:06

銘
您msn中毒啦

作者: Mikuv3v 時間: 2012-2-6 16:59

hi

作者: tk.k 時間: 2012-2-25 14:43

我黎緊就要考dse.
之前5努力依家預左衰
定左目標想做就去做吧.
如果自己真系讀5黎依家快d去做自己中2做既野.
大過左可能辛苦. 但系人生就緊要既就系開心 .
祝福你.

歡迎光臨 IPvE vLan 遊戲平台|網吧系統 (https://www.ipve.com/bbs/)