IPvE vLan 遊戲平台|網吧系統 - Powered by Discuz! Board

標題: (分享)榴彈應用 [打印本頁]

作者: leolabte 時間: 2011-9-27 02:48 標題: (分享)榴彈應用

之前有人問榴彈點用…見冇人應佢...我當係討論又好，分享又好，係度講下，有錯請指出。以下分享以專家寫實難度作準。
首先要澄清一點，好多人會將榴彈當做其他主武器咁用(新手居多)，見到前面幾隻屍仔又射一鎗，哥邊幾隻屍仔又射一鎗，冇效率之餘又浪費子彈。其實榴彈因為其特點，注定佢係遊戲入面的定位係輔助型武器多於主攻型武器，係多數時候都係揸住副武黎打，榴彈係需要時先攞出黎。

榴彈主要有以下特點:冇得補彈(彈少)，一次只可開一鎗(換彈時間長)，威力強(單發最強威力鎗)，有爆風(呢點好重要，下面會詳述)。

1.彈少:其實榴彈三十粒絕對吾會少，識用榴彈的人係吾會揸住榴彈周圍行的，因為本身清屍用唔著，而且免得突然見到面前有屍，反應過快結果一鎗打係自己面前，專家黎講都幾痛，更可能會傷到隊友。個人建議榴彈最好配銀雞，清屍快，而且配合爆風打特感效果好好(下面會講)，配近武吾係吾得，但效果冇銀雞咁好，特別係對特感，近身未斬到就好易被佢抽到水，尤其係hunter，打一下吾少血。最吾好就係配雞仔鎗，俾夠兩支你都係得三十粒，威力又差，訓低左都難清屍，當然如果你係神手鎗鎗爆頭咁冇所謂啦，一支雞仔鎗都夠。

2.只有一發:由於一次只有一發，所以要求鎗法要準，而且要準確預測到榴彈拋物線的距離，其實榴彈的拋物線吾算真係好彎，基本上你直射都可以射到幾遠，至於實際瞄準只可以靠自己練，冇人幫到你。如果真係打吾中敵人唯有即刻轉番副武自保，有機會再reload，切忌射完即reload，除非確認附近安全，否則硬值太長好危險。

3.威力強:打tank利器，鎗法準每鎗對tank可以造成過千點傷害，配合其他隊友，最快十幾秒左右已經可以殺專家寫實tank，亦都係打tank時榴彈先會完全轉為主攻型武器，其餘時間大部分都係作為輔助型武器。不過雖然榴彈威力強，但反而佢比起其他槍例如散彈or狙仲安全，除非係特登或吾小心，否則近身一鎗都仲打吾低隊友，有人話用黎tk，其實都有d難度，tk的話一支單散仲快過榴彈。

*4.爆風:呢點打左星，因為最重要，榴彈嘅精髓就係爆風，識吾識用榴彈好大程度就取決於識吾識利用爆風，拎住榴彈其實就等於拎住三十個會即時爆的pb(pipebomb)，雖然吾識引怪，但你可以拎住佢周圍走，「射係你想射的地方」XD。講番正題，爆風係榴彈最重要的特點，識得用會覺得好好玩，而且好有用。

作者: leolabte 時間: 2011-9-27 02:50

(承上)

爆風可以有以下兩大作用，(1)救人 (2)打怪。

救人:好多特感捉住人時其實只要受到衝擊就會放左人，亦都係因為咁所以特感捉人時我地都係優先推而吾係優先開鎗，因為開鎗吾一定即時救到人，如果開左兩三鎗都救吾到人(尤其遠距離)咁哥個人都差吾多88了。而爆風作用其實同推差吾多，但爆風吾使行到佢隔離，好遠已經可以救前/後面被特感捉住的人，例如總有d人中意甩隊or9沖，但有時太遠連狙都吾一定救到佢，而且狙一下都吾一定殺到特感，殺得黎都扣左吾少血，專家寫實更加係冇乜人揸狙，此時榴彈一槍就可以救到佢，如果打中特感隔離分分中可以殺埋特感，而且只要吾會隔太遠基本上都可以救到佢，殺吾到特感吾緊要，至少已經救到人，被救哥個如果未訓低仲可以殺埋個特感，如果訓低左咁至少都吾使俾特感打落去(呢度有個例子...琴日玩passing專家，到第二關準備入下水道哥幢大廈時，有個人落單仲留左係後面大廈二樓，點知被smoke捉住，哥時如果掉番轉頭入後面大廈再上番二樓哥條友一定死硬，然後我靈機一動係對面門口對住二樓個窗射左粒榴彈，由於睇吾到smo準確位置，雖然殺吾到佢但總算震開左smo救左人)其實爆風救人仲有好多用法，例如轉角位有人被特感捉住，而你又吾係佢身邊吾可以即時救到佢，用榴彈射佢旁邊牆一樣可以即時幫佢脫險。同理仲有好多類似情況，諗得出的情況基本上都可以用得著，實際情況用慣左你會發覺好有用。呢度有一個特別的例子就係charger，charger唔可以被推開，同理榴彈的爆風都震唔開佢，所以遇到人被charger捉住只能老實打。

另外，有人話榴彈近身廢…其實都唔會，有D特別情況下榴彈唔止救到人，自己都救到，當income如果被屍圍，其本上可以注定訓低，但都可以博下…用榴彈開一槍，自己無左二三十血，但身旁的屍清晒，總好過被屍圍到訓低，而其他槍可能清屍同時都會打中被圍的人，同樣亦可以用係被屍圍的人身上，但可能人地唔諒解，會小你都唔定…總之仲有好多救人情況，要實踐先會遇到。

[ 本帖最後由 leolabte 於 2011-9-27 03:11 編輯 ]

作者: leolabte 時間: 2011-9-27 02:51

(承上)

打怪:呢度有一個前提，就係要識聽聲，無論係income定特感，尤其係2代income音樂比1代細聲左(個人覺得)，如果income都唔知，用榴彈作主武器的你會比較危險…如上一點所述，爆風可以震開特感，呢點除左可以攞黎救人，同時可以攞黎殺特感，唔計witch,tank呢2個特別例子，除左charger外，其他特感都可以被爆風震開，槍法準可以直接秒殺，就算秒唔到都可以即時轉副武殺，所以上面講左最好配銀雞(有人話銀雞income埋身怕清唔到屍，其實不然…只要瞄得準，換彈時間掌握得好，銀雞清income完全冇問題，而且income來臨時有番d資歷都應該識得搵位守，冇咩機會被屍圍到，就算係空曠地方都可以邊退邊射，因為income多數都只由一個位出，如果真係不幸被圍，咁我諗比近武你都冇咩大作用，因為已經被圍，裡裡外外都係屍，頂多遲d訓低)；近武呢方面就比較難了,遠距離射左仲要走過去先斬到，近距離又會炸到自己(雖然唔係好多血)。其實榴彈配銀雞係打特感方面比其他主武器反而會更有效率(用慣用熟的前提下)，而且安全性要比較高，因為特感被爆風震開後會失去行動力成秒有突，足夠即時轉銀雞殺之，例如打jockey，行路唔規則好難速殺，近距離佢個跳捉有時都幾屈機，但榴彈可以震開，避免佢過黎；同理其實爆風震開後唔一定要自己打，假如自己只有近武，震開之後可以俾隊友殺，不失為合作的一部分。其次係打怪方面其實仲有好多玩法…例如有時知道tank係前面某d狹小空間，又唔想過去(有時過左去番唔到轉頭)，明明知道tank呢左係前面，被野遮住左其他槍又打唔到，榴彈一樣可以藉爆風射佢旁邊位置繼而令佢主動上門；仲有好多好多玩法，實際情況遇到先知。以上所講其實都需要一定的實力基礎…如果連聲都唔識聽，可以話連自己都保護唔到，更遑論救人…所以必須要有良好的聽覺…無論救人定殺怪都要先知道前面有咩，呢點用咩武器都要識。

其實大家如果睇完上面2點，應該明白點解我話榴彈係輔助型武器而唔係主攻型武器，因為大部分時間佢都係作為輔助之用，無論殺屍殺特感都倚賴副武居多，除左打tank時為主攻型武器。另外都講下，即使用熟左完全冇問題，救人殺怪完全handle到，但榴彈始終作為玩味性質比較重的武器，可有可無，唔同散彈，冇左唔方便，所以並唔係所有場都適宜用榴彈，比較多可以執到榴彈的戰役有沼澤，暴雨，教區，其中最唔方便用榴彈就係暴雨哥關，因為多witch，好容易唔小心就爆風中左witch，咁樣就自求多福吧…而其他關都會出榴彈，不過機會比較少。我執榴彈多數為左好玩，雖然效率有時比散彈+銀雞仲要好，但始終用咩武器都要睇下隊友，如果隊友實力較弱，咁我寧願渣番散彈，免得為左好玩而誤左成個遊戲進度。除非大家都實力相若，咁到時榴彈確實好玩又好用…爆風係優點有時亦係缺點…例如有時自己旁邊有油箱，就要小心開槍，不然榴彈係面前爆開→爆左個油→直接team kill，唔死得晒都剩唔番幾多，到時少不了被人一番問候。

一句講晒，咩槍都係，唔識用唔好用。

暫時就講到呢度，唔經唔覺都打多好多，此post唔敢講心得，只為拋磚引玉之用，純作分享與討論，如果有錯有更高見不妨直言，同時亦力證榴彈並唔係廢，我好多時渣榴彈，一樣殺最多特感同最多屍…冇最強武器，只有最強玩家(當然唔係指我)……玩得好，雞仔槍都過到…

反而對比起榴彈，我比較想知道電鋸除左守門口仲有咩用…求指教。

作者: orangejuice 時間: 2011-9-27 07:34

其實打專家, 渣麥林都夠做,(當然四人都渣麥林又唔係一條好事)

有時玩下榴彈砲係好玩既, 通常係高處同埋屍潮出沒的地方都會見到有榴彈砲提供....
明眼人一睇就知係點用
而電鋸可以用黎衝入屍潮, 幫隊友開路, 當然隊友要醒水識睇後路
有一關有條長巷, 又係屍潮大量出現的地方, 塞滿成條巷, 就係用電鋸的好時機

作者: leolabte 時間: 2011-9-27 11:52

樓上講緊遊樂場第四關？哥關好似冇電鋸執....而且哥條路揸電鋸好易鋸到人，不過如果有用黎開路都吾錯
另外我冇記錯有得執榴彈嘅地方都吾算係咩高處...而且income並吾係用榴彈的好時機，亦吾一定每次income都用得著...始終都係要睇情況...
＞＞「明眼人一睇就知點用」
你呢句都ok王道...

作者: kenies 時間: 2011-9-27 13:20

哇,,終於有人答我啦^^ 真係感謝萬分~!!

作者: orangejuice 時間: 2011-9-27 14:23

Cool stream巴士上, 嘉連華尾關高台上都唔叫高處? 你有無玩過架??

作者: leolabte 時間: 2011-9-27 15:43

Cold stream嚴格意義上根本吾叫官方場...無論從風格上定設計上都同其他圖有好大出入，只算係個套左官方皮的非官方場，你見vlan有幾多人開呢個圖就知，而遊樂場最後，吾知你幾耐冇玩過，前幾次更新已經將個榴彈去除左，總計黎講計埋未更新的遊樂場都係得兩個地方比較高。最後，我想問高吾高處冇咩所謂？吾通榴彈高處先用得？

作者: 22029205 時間: 2011-9-27 18:39

講起比屍圍依個問題
我覺得好多人都忽視左「推」既威力

作者: orangejuice 時間: 2011-9-27 21:26

引用:

原帖由 leolabte 於 2011-9-27 15:43 發表
Cold stream嚴格意義上根本吾叫官方場...無論從風格上定設計上都同其他圖有好大出入，只算係個套左官方皮的非官方場，你見vlan有幾多人開呢個圖就知，而遊樂場最後，吾知你幾耐冇玩過，前幾次更新已經將個榴彈去除左，總計黎講計 ...

你唔高處都得, 你想用黎救隊友丫麻, 一隊人唔會淨係得你一個想救隊友,
你一炮打埋去被擒的隊友, 其他想救隊友的人就會比你打中, 跟住訓晒地(你粒彈打出去會飛一段時間, 見隊友行過去想收都收唔切)

仲有, 如果你諗住向前射, 隊友係你面前擋一擋或者屍仔係你面前突襲, 跟住就係自己訓地
你最後咪又話要向高少少射, 咁不如係高處用吧喇, 仲方便wo, 高處你可以睇到晒邊度多屍, 邊到少屍,
太近用黎救隊友, 又驚打傷自己, 換手槍又射得慢....
太遠可以震退特感, 不過你打唔中又要慢慢換第二粒, 或者用手槍慢慢打

打tank又扣唔多血, 所以話用黎打income先係王道

[ 本帖最後由 orangejuice 於 2011-9-27 22:02 編輯 ]

作者: orangejuice 時間: 2011-9-27 21:39

引用:

原帖由 leolabte 於 2011-9-27 02:50 發表
例如總有d人中意甩隊or9沖

玩得勁自然會9沖, 玩得差既人想9沖都比屍仔揼幾拳,
當然有時比hunter擒中是難免....究竟你見過9沖高手未嫁??

唔好見人地9沖就話人地唔識玩, 人地只不過係玩到厭要9沖尋找新刺激

作者: leolabte 時間: 2011-9-28 00:03

引用:

原帖由 orangejuice 於 2011-9-27 21:39 發表

玩得勁自然會9沖, 玩得差既人想9沖都比屍仔揼幾拳,
當然有時比hunter擒中是難免....究竟你見過9沖高手未嫁??
唔好見人地9沖就話人地唔識玩, 人地只不過係玩到厭要9沖尋找新刺激 ...

我完全唔明你想講D咩,我亦都覺得你根本唔明我想講D咩,我係話榴彈可以救到前面被特感捉住9沖的人.並無特意指9沖係點係點,不過大部份情況下,9沖都只會累己累人,"玩得勁自然會9沖"?咁我睇你真係一個"高手"

作者: leolabte 時間: 2011-9-28 00:09

引用:

原帖由 orangejuice 於 2011-9-27 21:26 發表

你唔高處都得, 你想用黎救隊友丫麻, 一隊人唔會淨係得你一個想救隊友,
你一炮打埋去被擒的隊友, 其他想救隊友的人就會比你打中, 跟住訓晒地(你粒彈打出去會飛一段時間, 見隊友行過去想收都收唔切)

仲有, 如果 ...

只可以話你根本唔識用榴彈...我甚至懷疑你識唔識玩...你知唔知榴彈係唔會打到人趴低...0距離一下頂多就扣你個二三十血...稍為隔遠少少都扣唔到咩血..同埋...唔通你見到人地走緊過去諗住推你都仲射粒榴彈出去?

同埋爆風加銀雞打特感絕對唔慢...唔好將你自己實力套落人身上

作者: leolabte 時間: 2011-9-28 00:15

岩先實測過,專家寫實難度下...榴彈0距離扣唔超過30血,我真係想知你點樣可以射到人趴低...如果你見到個個都低過30血(包括你自己),都唔識搵個人補血,仲要係個個咁血量的情況下射到正人地...咁我都冇野好講...

而且"榴彈飛都要時間"...我實在係唔明你個理解...如果榴彈射出去叫慢..咁你綠血時跑步係咪應該叫龜速?

[ 本帖最後由 leolabte 於 2011-9-28 00:17 編輯 ]

作者: orangejuice 時間: 2011-9-28 00:54 標題: 回復 12# 的帖子

9 衝係好玩的, 唔會累人, 我都玩過不少寫實專家, 未見過有人玩榴彈好似你講到咁勁

得閒比我見識下

作者: 22029205 時間: 2011-9-28 01:01

引用:

原帖由 leolabte 於 2011-9-28 00:03 發表
我完全唔明你想講D咩,我亦都覺得你根本唔明我想講D咩,我係話榴彈可以救到前面被特感捉住9沖的人.並無特意指9沖係點係點,不過大部份情況下,9沖都只會累己累人,"玩得勁自然會9沖"?咁我睇你真係一個"高手" ...

我諗佢意思係玩得勁既人會因為玩到悶想尋求刺激而玩沖
當然唔一定沖親既都係高手
識點沖既人亦唔多
沖既精髓在於點沖而不失動力..
唔一定要係話沖去安全室
有時比屍群圍　你只要識得「沖而不失動力」
加上１００％專注力　其實唔扣血唔係奇事

作者: abcmacao 時間: 2011-9-28 01:05 標題: 回復 9# 的帖子

推GE威力固然係勁,當有人所講係條窄巷度一隊人被尸堵死住,電鋸威力就係度出現(尤其甘岩你行正狗屎運比SPITTER噴正),就可以及時開路帶隊友衝出口水池

作者: orangejuice 時間: 2011-9-28 01:10

引用:

原帖由 22029205 於 2011-9-28 01:01 發表

我諗佢意思係玩得勁既人會因為玩到悶想尋求刺激而玩沖
當然唔一定沖親既都係高手
識點沖既人亦唔多
沖既精髓在於點沖而不失動力..
唔一定要係話沖去安全室
有時比屍群圍　你只要識得「沖而不失動力」
加上１００％專注力　 ...

原來閣下都係識沖之人

作者: 22029205 時間: 2011-9-28 01:11

引用:

原帖由 abcmacao 於 2011-9-28 01:05 發表
推GE威力固然係勁,當有人所講係條窄巷度一隊人被尸堵死住,電鋸威力就係度出現(尤其甘岩你行正狗屎運比SPITTER噴正),就可以及時開路帶隊友衝出口水池 ...

推好用既地方係快　同可以甩推
只要掌握到甩推配合散彈
加上100%專注度其實面對住屍仔可以係無敵

作者: orangejuice 時間: 2011-9-28 01:20

引用:

原帖由 22029205 於 2011-9-28 01:11 發表

推好用既地方係快　同可以甩推
只要掌握到甩推配合散彈
加上100%專注度其實面對住屍仔可以係無敵

係, 用把電鋸開路, 個準星keep住左右移動, 屍仔埋唔到你身, 好用過普通近武, 又輕鬆
另外我常見有人射完一下散彈習慣性會推一下, 我不喜歡這做法, 但又說不出原因
大概我認為一個真實世界的人, 不會這樣做吧

[ 本帖最後由 orangejuice 於 2011-9-28 01:22 編輯 ]

作者: god2006ster 時間: 2011-10-6 18:32

很詳細的講解,感謝樓主分享

作者: kakabbhk 時間: 2011-10-7 18:02

榴彈自殺用的

作者: katat1 時間: 2011-10-11 14:59

樓上說的野我不同意
如果是自殺用的,那拿來做咩
是我就用來清場加help人,自殺?不用那的必要呀吧

作者: 為我而生 時間: 2011-11-6 16:52

我覺得榴彈係一件好武器不過要睇下楂住個個人識唔識判斷係幾時用就好似樓主所講
但係有d唔識判斷幾時使用榴彈的人就覺得佢廢
另外強調一下如果榴彈射得準打tank一彈係扣好多嫁

作者: ngtszho 時間: 2011-11-7 20:22

榴彈只要有技術,不失為一件好武器
但判斷力和應變能力是必要的
判斷力是判斷什麼時候開槍
應變能力是在特感出現時的應變能力
因為吾可能次次都用榴彈打特感/救人
我試過5,6次因為用榴彈個個不知點用導致全軍覆沒

作者: 乂艾洛峰乂 時間: 2011-11-10 20:53

我試過同fd玩l4d
佢拎榴彈...我比隻jocky騎住...
佢成粒榴彈飛埋黎-.-

作者: kin001314 時間: 2011-11-12 11:36

其實榴炮都好好用.....係有D人唔識用姐

作者: orangejuice 時間: 2011-11-12 18:31

引用:

原帖由 kin001314 於 2011-11-12 11:36 發表
其實榴炮都好好用.....係有D人唔識用姐

咁你試下用黎玩寫實, 睇下你用默林多定係榴炮多

用得咁少話好用?

作者: leolabte 時間: 2011-11-13 01:11

引用:

原帖由 orangejuice 於 2011-11-12 18:31 發表

咁你試下用黎玩寫實, 睇下你用默林多定係榴炮多
用得咁少話好用?

好唔好用同用的時間多定少冇咩關係...唔通我全程用銀雞唔用散彈就代表散彈唔好用?

作者: 22029205 時間: 2011-11-13 08:44

引用:

原帖由 leolabte 於 2011-11-13 01:11 發表
好唔好用同用的時間多定少冇咩關係...唔通我全程用銀雞唔用散彈就代表散彈唔好用?

唔係但代表你覺得銀雞好用過散彈

作者: leolabte 時間: 2011-11-13 18:52

引用:

原帖由 22029205 於 2011-11-13 08:44 發表

唔係但代表你覺得銀雞好用過散彈

一件武器本身好唔好用,同自己覺得好唔好用,其實係兩回事...每個人都有選擇佢中意用哥種武器的理由,有人鐘意用狙,有人鐘意用M16,有人鐘意用散彈,但唔通我唔鐘意用狙就可以話狙唔好用...?
我個人覺得根本唔存在所謂"唔好用"的武器...每樣武器都有佢特性同優缺點,不能一概而論,或者話某某武器唔好用。自己覺得唔好用,可能係用唔慣/唔識用,但唔代表件武器唔好用...
而且每個人都有佢習慣...可能人地覺得用銀雞爽OR純粹中意佢大口俓手鎗哥種感覺,但唔代表佢就覺得散彈冇銀雞好用...各有各優點姐
另外,每件武器都有其優缺點,講番榴彈,只有30粒,唔通會渣住佢全場殺小屍?咁多數情況梗係用副武清場,但都唔代表佢本身唔好用,睇人姐。
正如就算m60比其他機槍射得爽d,都唔會無啦啦用佢射小屍啦,道理一樣。

作者: slim_AHH 時間: 2011-11-18 00:56

再加上有子彈限制當然銀雞用時間長樓主發帖咁用心講重引用例子的確值得支持我覺得大家觀點唔同唔好批死樓主

作者: 龍知鎮紅 時間: 2011-11-18 18:05

以前我就真係唔知點用榴彈..淨係識幫d比忍潮圍住既隊友,同埋我都冇配銀雞用,當左佢主武...依家聽完你講..等我執到把個陣試下先

歡迎光臨 IPvE vLan 遊戲平台|網吧系統 (https://www.ipve.com/bbs/)