IPvE vLan 遊戲平台|網吧系統 - Powered by Discuz! Board

標題: [閒聊] [原創]論香港教育制度 [打印本頁]

作者: 神機．新手 時間: 2007-9-11 21:58 標題: [原創]論香港教育制度

小弟我返左五日學,覺得中四,五既課程好有問題.,,,
中四五既課程主要為會考而設,你讀完,考到個試,就k了
咁就有問題了
首先,呢種課程,我地吸收到既知識一定唔會多,因為你為左應付考試只會記一d重要字眼,,,
例如:神機．新手好令仔，佢開左好多個post,有xxx,xxx...
d人如果考會考既,就只會記"神機．新手好令仔",其他因為次要,考試出既機會唔大,所以唔讀,咁又學到幾多呢?

第二,呢種課程對學生既壓力好大.雖然話你同全香港所有既考生都係考同一份卷,但係你地既學校,資質,老師,仲有學習環境都唔同,咁樣鬥法,英中既學生因為學校要保住個朵,吸引其他細路入黎,所以個個都讀咩咁;中中就因為知道自己既對手係英中,所以有兩條路,一係索性唔溫,過多排做雙失青年;又或者老豆老母仲有幾個錢,去x代,x皇度補補補,結果肥左補習社,學生又學唔到野,你試下會考之後十年再問問自己:你究竟係間補習社學左d咩?個答案一定係冇,因為佢教既野只係為考試,唔可以做長期記憶(記憶有分短期&長期,短期最長可以一個禮拜,長期可以一生都記住)

第三,填鴨式教育.我覺得中四五就好似一個勁大既廚房,入面有n個廚師一齊整北京填鴨.d老師不停俾料你,盡可能要你塞,塞到幾多就係某一日拿去俾評判,d評判有d野唔食(冷門題目),有d野好鍾意食(必出題目),你塞哂佢有所謂,所以d老師膠的,真係會要你全部讀哂.當你隻鴨塞到不能再塞個陣,爆左,咩都冇,傷心過度死左,or勁低分要做m記,咁又有咩謂...做咩要考咁多...

唔理大家認唔認同都好啦,總之緊記一樣野:
記住要回帖!

[ 本帖最後由神機．新手於 2007-9-11 22:00 編輯 ]

作者: tiger456 時間: 2007-9-11 22:03

好彩我係334,中4唔洗會考

作者: fanfanchau 時間: 2007-9-11 22:07

站在童話的角度裡~政府會跟你說:求學不是求分數!!!
但現實的社會卻反應出:社會要的是分數!!!
個個諗住駁哂咁考會考~考完之後乜都唔記得~
學習到底是為了考試,還是為了增加知識,擴闊視野?
(我自己都唔知自己講緊乜- -)

作者: 滅。小方方 時間: 2007-9-11 22:09

引用:

原帖由 tiger456 於 2007-9-11 22:03 發表
好彩我係334,中4唔洗會考

同你講

咁樣上到大學更難

會考係中五BO

[ 本帖最後由滅。小方方於 2007-9-11 22:23 編輯 ]

作者: 死肥老蕭 時間: 2007-9-11 22:22

香港d教育育屎咗咁多年,都唔想再講,唯一同大家品吓神算....

作者: 斷玉 時間: 2007-9-12 08:56

原來樓主係中四生黎...
真係睇唔出.....難得難得

作者: 死肥老蕭 時間: 2007-9-12 10:10

話時話今年中四中五真係唔少....

作者: 斷玉 時間: 2007-9-12 12:16

yaya
我都覺得呢度好多會考生
要一個"多左九條魚"既SBA呀...

作者: zero4 時間: 2007-9-12 14:59

剛剛 07 年會考

我中文小組討論都係呢個題目

不過我衰左....

作者: 新鳳帥 時間: 2007-9-12 18:27

話又唔係咁講....
經過我幾星期不斷溫地理後...真係識左好多野....

要學到野睇下有冇心機溫書嫁姐

作者: ★YAKO﹏♂ 時間: 2007-9-12 19:35

好才我係澳門仔~~
冇會考~~~

作者: 影子｜川爺 時間: 2007-9-12 20:06

依家o既香港教育制度基本上就好似一間工廠咁
會考係一個監察器,如果你考唔到會考------------出黎搵工做啦
跟住考到會考就keep住升上去
如此類推~~
跟本就冇"教育"可言..搞到d學生好似reading machine咁....

作者: flashplayer21 時間: 2007-9-12 20:13

d高官成日話對香港教育有信心
但佢地d仔女全部係外國讀書，
真係好難令人有信心

作者: 神機．新手 時間: 2007-9-12 20:27 標題: 回復 #13 flashplayer21 的帖子

唉，
有機會我都唔想係香港讀...
香港教育制度始終有中國傳統教育既影子,學生學唔到d咩....

作者: MarcoK 時間: 2007-9-12 21:12

兩個字: 失敗
我係其中一個受害者
al 填鴨式教育令人吃不消
math 吾似 math
出吾到真正天才

作者: 神機．新手 時間: 2007-9-12 21:21 標題: 回復 #15 MarcoK 的帖子

正解
呢點可以由香港學生攞獎既情況睇到...
香港學生可以拿到奧林匹克數學比賽既獎,
但係就拿極都拿唔到一d好講創意獎...
因為香港學生學野記野可以好掂,
但因為教育制度既關係,完全扼殺左創意呢樣野...
教統局成日話"多元智能發展","求學不是求分數"(考試不是求合格

)
全部都係廢話...

作者: ddieyn 時間: 2007-9-13 00:11

我覺得香港既教育都算好
你努力就一定會囉到高分
向某程度來講係好公平
同埋d 學生出來做野
向知識方面有保證

作者: 花戀楓 時間: 2007-9-13 06:20

你有無參考過人地外國個種教學法

人地係著重於「多元教育」

一間大公司會請

1.香港「填鴨式」教出來,不懂變通的「碩士」

2.外國回流,靈活思考,懂活學活用的「學士」

入場券刀要睇高檔同低檔

香港既教育制度..................失敗

作者: 神機．新手 時間: 2007-9-13 07:13 標題: 回復 #18 花戀楓的帖子

因為香港始終脫離唔到傳統...
呢種教育制度係中國傳統教育既影子...
以前既人背熟"史記"都可以做官,而家你背熟history書就可以合格...
冇咩分別

作者: 死肥老蕭 時間: 2007-9-13 09:23

我反而覺得以前李局長化太多時間響攪手段上,無真心為學生著想.........

其實香港學生素質咁差,原因係d家長,老師太想迫d學生成材,日哦夜哦,d細路反叛性强，

越叫越唔做，關係亦越來越差，其實好難學外國咁，因為外國ｄ資源夠，點解，因為大部份人，

懂得取之社會，用於社會的道理，大部份財產死後都會捐比母校，所以ｄ學生唔駛死讀書，
返學都好輕鬆，讀書都易入腦，但香港ｄ有錢佬捐錢都要有條件，而且淨係學外國賺錢方法，一於賺盡．．．．．

作者: 神機．新手 時間: 2007-9-13 14:00 標題: 回復 #20 死肥老蕭的帖子

你好難怪李國章，
升官係需要手段先升到...
人之常情,...

[ 本帖最後由神機．新手於 2007-9-13 16:01 編輯 ]

作者: 死肥老蕭 時間: 2007-9-13 15:08

但辦教育同做生意唔同,唔應該祇顧名或利,依家先踼走佢遲咗d,,,,,

作者: 神機．新手 時間: 2007-9-13 16:01 標題: 回復 #22 死肥老蕭的帖子

你邊個做都有呢個心態啦~
人就係咁樣,呢d係人既劣根性~
唔可能一朝一夕變到~

作者: 死肥老蕭 時間: 2007-9-13 17:22

攪手段根本唔應攪教育,揾學生做籌碼....

作者: 神機．新手 時間: 2007-9-13 19:20

引用:

原帖由 死肥老蕭 於 2007-9-13 17:22 發表
攪手段根本唔應攪教育,揾學生做籌碼....

算喇,
佢地係咁,
講一套做一套,
講又多過做....
香港高官既弊病....
唉...

歡迎光臨 IPvE vLan 遊戲平台|網吧系統 (https://www.ipve.com/bbs/)