IPvE vLan 遊戲平台|網吧系統 - Powered by Discuz! Board

標題: [閒聊] 信長另一個騙局:今川義元冇可能玩到信長包圍網! [打印本頁]

作者: 神機．新手 時間: 2007-9-11 14:50 標題: 信長另一個騙局:今川義元冇可能玩到信長包圍網!

今川(即係肥川)有"東海第一弓"既美譽,但佢冇可能玩過"信長包圍網"!
今川生平:轉自維基
信長包圍網:轉自我另一個帖
今川義元（1519年—1560年）是鐮倉新羅八郎源義家一系的名門望族，人稱東海道第一弓的神箭手，是個愛好能劇和歌等事物，文武雙全的風雅大名。父親是今川氏親，母親正室壽桂尼，正室為武田信虎女定惠院。

年幼時出家，在長兄今川氏輝死亡時還俗，在得太原雪齋協助於花倉之亂後得權並繼承家業。

今川義元掌權後，不斷於與北條家、織田家爭權，而且勢力不斷擴大，並且於1554年訂立了今川家、武田家與北條家的同盟，史稱善德寺三國同盟。今川義元之女駿河姬嫁給武田晴信的長子武田義信為妻，北條氏康之女早川殿嫁給今川義元之子今川氏真。其後，藉以織田家攻擊松平家，今川義元先後在小豆阪之戰及安祥城之戰擊敗織田信秀將松平元康（德川家康）成為今川家的人質，巧妙地運用松平元康（德川家康）而掌控了松平家，令松平家所領的岡崎城成為今川義元的領土之一，最終擴至擁有駿河、遠江、三河的領地，成為東海大大名。

今川義元擔任今川家督後，刻意模仿京都文化，穿直衣、戴立烏帽子、塗黑齒、描蟬眉、抹脂粉、召開詩會等，將京都文化往關東地區流傳。另外今川義元又為今川氏親的《今川假名目錄》追加制定，加上重視內政、名主層的組織化、強化對工商業者的管理、建立交通制度等，並強調主從間的恩給與奉公關係。《今川假名目錄》自此凡五十四條，是東國大名中最早的分國法，也是戰國家法中最完備的一部。

到了1560年5月，今川義元動員了二萬五千人出兵上洛成為征夷大將軍今川義元派松平元康（德川家康）、朝比奈泰朝為先鋒攻下丸根、鷲津，到了5月19日，今川義元在尾張田樂桶狹間小憩，其間受到織田信長的突襲，今川義元在突圍中由於足短身長，戰馬受驚因而摔下馬來（見附註），致服部小平有機可乘，但今川義元仍重創數人，口咬敵指，最後戰死。今川義元死後，今川家督一職由其子今川氏真接任。

信長包圍網一共有兩次,係足利氏不滿信長專橫,為求重振室町幕府在應仁之亂之前既聲威,足利義昭暗中聯合左幾個戰國大名,搞左兩次,最後信長知道係背後玩野既係自己操縱既足利義昭,將佢流放左,所以,最後應該算係織田軍贏左
第一次(1570~1573)
參加者:武田信玄,朝倉義景,淺井長政,三好三人眾,毛利輝元,比叡山延曆寺・石山本願寺．一向一揆
幕後黑手:足利幕府
經過:太長,求其講d算(算喇,我個主題都唔係講呢樣,略寫啦...)
   淺井朝倉玩完
   毛利俾人打到收皮
   本願寺因為毛利收左皮,所以投降
結果:衰左
原因:武田ko左德川之後,信玄自己拉左柴,信長有時間回氣,而冇左武田既聯合軍即刻廢左,所以好快就打完
第二次(1575~1578)
參加者:上杉謙信,本願寺

(好心佢啦,做和尚就做和尚啦,打打打...),波多野秀治,毛利輝元(可能毛利元就都冇打過信長包圍網...),紀州雜賀眾(我既愛人雜仔!

),松永久秀(真係一隻松狗,此人一生背叛左n次,歷史上一個名聲好差既人)
幕後黑手:無
經過:好亂...
   信長用3000人打贏左15000人既石山軍(本願寺)
   上杉唔gr信長,所以打鑊勁佢,信長係唔夠上杉打
   松狗又玩背叛,信長執左佢一劑,打到佢玩自爆
結果:又衰左
原因:上杉無啦啦瓜左,上杉兩個契仔爭做家睿,信長可以執雞贏左

問題又黎啦...
今川,一個1560死既人,
點打1570先至發生第一次既信長包圍網?
又一次證明信長係錯既,唔好以為玩完信長識好多戰國史,
因為佢成日老點你...呢個係最後一個,再發現有錯都唔會再開...

[ 本帖最後由神機．新手於 2007-9-11 14:53 編輯 ]

作者: sonic1010 時間: 2007-9-11 14:58

講真~好多英雄都係咁架啦
例如電視劇果d唔通套套跟足晒史實咩
有娛樂性咪得
反而有d無厘頭人物出黎我真係唔知為乜
eg 湖衣姬仙石久秀

作者: 神機．新手 時間: 2007-9-11 15:26 標題: 回復 #2 sonic1010 的帖子

湖衣姬信玄個老婆,
仙石就係一個秀吉d靚,
兩個都冇咩問題...

作者: 花戀楓 時間: 2007-9-11 17:02

稻姬點出場

本多小松（1573年－1620年3月27日），是上田藩藩主（後來移封到松代藩）真田信之（信幸）之妻。她是德川家譜代家臣本多忠勝之女，母親是側室乙女。幼名叫做稻姬、於小亥等等。

道三

齋藤道三(約1494年—1556年 5月28日)，日本戰國時期美濃的大名，與北條早雲、松永久秀被後人合稱為「戰國的三梟雄」。本名勘九郎。

[ 本帖最後由花戀楓於 2007-9-11 17:07 編輯 ]

作者: 神機．新手 時間: 2007-9-11 17:04 標題: 回復 #4 花戀楓的帖子

其實好多都錯既....
伊達政宗（1567年9月5號—1636年6月27號）係伊達氏第十七代家督，安土桃山時代奧羽地方嘅「大名」，江戶時代仙台藩始祖，由於細個嗰陣因為眼疾嘅關係，冇咗隻右眼，通稱獨眼龍。佢母親係為有「美貌與謀略雙全之鬼姬」之稱嘅義姬，父親係伊達輝宗。元服後字藤次郎。其名政宗（同九代家督政宗同名，九代家督政宗稱為中興之祖）即意味能達成霸業。官位係美作守、左京大夫、待從、越前守、右近衛權少將、陸奧守、權中納言，死後贈番正二位。

又出唔到...

作者: 花戀楓 時間: 2007-9-11 17:08

遊戲而已

何必介懷呢

作者: 神機．新手 時間: 2007-9-11 17:57 標題: 回復 #6 花戀楓的帖子

嘩,你鋪話要戒啦
佢一向都懶憬多歷史咁款,人物介紹一大段歷史...
仲有d契弟打多兩場信長,就以為自己戰國史有好深既認識...
梗係要講清楚佢啦

作者: 阿町 時間: 2007-9-11 18:56

~__________~
可以分出信長中各人的年齡先後已經算勁…
你能嗎~_~?
你對戰國史認識深嗎?_?

作者: 神機．新手 時間: 2007-9-11 18:58 標題: 回復 #8 阿町的帖子

我?
我唔得點開呢個post...
大部分有參加關原既人,除左德川家康,都一定唔夠秤玩信長包圍網...
呢個係我得出黎既結論....

作者: 威力啤酒 時間: 2007-9-11 19:02

我想知樓上對戰國有幾深,睇書學定上網睇

個人見解:維基的不一定正確,他是綜合了各大網友的意見和資料而整合的

作者: 神機．新手 時間: 2007-9-11 20:29 標題: 回復 #10 威力啤酒的帖子

兩樣都有
我只係當興趣咁研究,造詣不高,
多多指教~

作者: 張仲良 時間: 2007-9-12 00:12

這個會被騙到的真的叫傻瓜 =-="
還有那些什麼騙局拜託一次過post哂~

[ 本帖最後由張仲良於 2007-9-12 00:14 編輯 ]

歡迎光臨 IPvE vLan 遊戲平台|網吧系統 (https://www.ipve.com/bbs/)