標題: 聯合軍 英雄玩法 [打印本頁]

---

作者: ●○凸凹○    時間: 2007-9-4 22:21     標題: 聯合軍 英雄玩法

毛利元就
點法
12互點直至lv4,lv5點天雷擊,lv6點大絕,再補滿12技後就點3,最後黃十
單人中路最好,俗稱壓線王既佢,邊隻英雄見到佢都無乎
起手褲+電捲
比小兵集中打同一隻,你打另一隻,2隻差唔多紅血一齊電
一次2隻就夠,唔好貪心...一批2隻,到犒賞個陣應該夠錢買雙回魔
唔買雙回魔會唔夠魔出技食兵,如果5lv你已經出到以下裝備:
褲+電捲+雙回魔+閃戒+豬肉
可以去清下忍團,風險大,目的只係避免本多6lv開大清
無本多留到7lv先清,有既話.....我教你5lv清下忍團(風險度60%)
條件:白天.....目的:清到所有下忍+強盜2隻+熊+中忍
血一定要100%滿,首先引中忍同熊過黎2強盜附近
再行入少少,引埋下忍團...
風險黎啦,你首先要保持黃血以上
出第1技,之後係電捲,除左2強盜之外應該全部未死
再等1技cd好(7秒),電多次,之後直接天雷擊
咁就大功告成,你會見到7x,60*n,8x(浪人唔會死,好走啦,唔好打浪人)
可能會直接6lv架,驚既帶個豬肉,就紅血個陣食
補完血返去壓線,順便買埋一個再生
6lv個陣睇下 上中下3路,有邊隻英雄黃血仲敢打兵,去招呼佢
連鎖+電捲+聖光+天雷,300get
再返去中路壓,反正遠近戰都俾你壓死,連鎖唔洗打英雄,打兵慢慢彈
9lv直至小兵第2次升級,個陣係你既優勢期,1+2技所有小兵直接歸西
賺錢速度飛咁快,信我.....一有聖光彈,睇下中路英雄d血幾多
低過黃血又殺....= ="
之後合把巨龍,中期裝備算係完成,而家整埋下
百里+巨龍+雙回魔+電捲+抗魔
睇下賺錢同埋殺人情況,賺錢賺到傻既
直接出名刀,唔係太順利,出落石,赤雷之類,再存名刀
15~18lv個陣,殺兵數通常都係家老架啦
我第一把名刀,通常係鬼丸
名刀建議順序:
輔助隊友型:鬼丸>風傷>鬼徹
自爽型:鬼徹>鬼丸>風傷
我係玩第一種....毛利殺兵快,出3把名刀唔係難
後期裝整理:
百里+抗魔+巨龍+鬼丸+鬼徹+風傷
技術佳,抗魔換吹箭,令對手食4.5秒風傷(+大絕6.5秒)
唔係太好,唔好出,不過可以巨龍換吹箭,隨便你
(天敵:道雪.佢一舉盾你咩技都廢)
法型鬼小島
點法
騎術點1,法盾點1,之後鳳凰火(唔識打新名)騎術互點,有大點大,補返法盾,最後黃十字
上路/下路佳,起手褲,電捲,開騎兵衝去吸第一批小兵,
配合埋電捲,起碼4隻兵入面殺2隻兵,我最多試過係全部殺晒
殺兵殺到有650立即補回魔,再有900補法鋼,咁就應該6lv啦
6lv殺人簡單到死:
陰暗處衝出去>鳳火>大絕>電捲>唔死開騎術斬斬斬>300get
濃姬,稻姬,森仔個d會當場歸西,大部份英雄要係殺之前削一削血
大絕cd120,用得就用......一出手,配隊友通常殺到人
之後存錢買落石,巨龍,+血+攻,cp/普攻汁兵都有幫助,
直出妖弓唔係唔得,不過...只靠電捲汁到5050....(唔計殺人)
鬼小島優點就係佢既機動性,絕對可以3路打遊擊,長時間唔壓線
d人會驚你,因為唔需要大絕,單靠鳳火既2.5秒,足夠隊友殺
第二優點係大絕,1000範圍-50%移速,仲要係9秒.....敵人想追殺/逃走都唔得
傷害又唔係話低.......
步入中後期,整理配裝
百里+落石+巨龍+電捲+抗魔+(有錢應該出埋妖弓)
中後期會戰頻密,未必次次有大絕
所以要靠自己身上既本錢幫助隊友啦
佢有既係機動性,係會戰左穿右插都唔係問題
專門打d無抗魔既,連技連落去,通常會退
之後落石換鬼徹,後期裝完成
百里+鬼徹+妖弓+巨龍+電捲(赤雷)+抗魔
你話轉魔法戰士唔係唔得.......電捲換陣太啦
(天敵:道雪....理由同毛利元就)
櫻雨流菊姬
點法
12互點,有大點大,之後3,最後黃十字
起手有4種:褲+再生/褲+電捲/褲+回魔/回魔+電捲
後3種係初期食兵型既起手,最前係用櫻雨既cp型
櫻雨高傷害,5lv配電捲可以食晒兵= =....只限小兵未進化,小兵進左化,立即換!
食兵會比較快,6lv~7lv可能已經出到能量鋼,甚至陣太刀....(真係見過)
一有少少裝備,回魔,電捲之類既物品立刻換左佢
買定抗魔水,再撐少少全能力物品,就踏入殺人旅程,請旅客跟隨以下步驟~
我地一係唔開分身,食抗魔打,一係就開分身唔食抗魔
自己選擇,你要殺既人有高傷害技,牽制技,請選擇前者
用後者....除非你好有把握殺到
我打食抗魔既殺法:
開抗>行埋去(有抗,點緩你呢?除非有無視魔免緩)>鎖>打夠幾秒>暈>就死櫻雨>300get
配隊友仲簡單,直接開分身,抗魔錢都省,鎖住就得
不斷重覆配合隊友殺人,偶然cp+殺兵,步入中期
整理配裝:
疾風+陣太+抗魔+金牌x2+空格(菊姬睇情況,打得順甚至出埋和泉)
有4倍爆擊,殺人技巧唔多洗教
只教配裝......
第一把建議菊一,全能,敏捷,攻擊力都唔係差,只係要6千幾蚊
第二把建議御神,只係因為佢既50攻+25全能力
當有埋第三把名刀,村正個陣,配御神招技
分身差唔多可以達到本尊80%......
好恐怖....唔可以再靠技能知道邊隻係本尊
(天敵:所有壓線強力,cp強力既英雄)
雜賀孫市
點法
雨鐵炮,雜賀眾互點,當雜賀眾2lv個陣,雨鐵炮同狙擊互點,有大點大,最後黃十字.再之後補返2
起手褲+再生+1豬肉,下路
一開波就召雜賀仔幫手打兵,賺錢好快
唔建議拎去做眼線,少左一隻,賺錢速度差好遠
雜賀眾升到2lv,汁兵3隻就夠
6lv起碼要買一個閃戒同埋一枝抗魔/一枝清酒
雜賀係"後期英",唔該你特別注重呢點
前期想殺人只可以靠會戰/汁雞
不過大絕三段cd只不過係一百幾秒,6lv個陣,三段7秒又未必殺到人
就可以拎三段去爆塔
另一個情況就係人地想同你硬碰硬,
我敢講,除左前田利家之外,無人可以係你開三段之下殺到你
前提係你有食抗魔= =....
之後賺多d錢,合一把和泉出黎,咁可以從6格滿晒變成仲有幾個空格
可以俾你塞多d武器同保命工具
和泉攻擊力已經幾高下,不過仲建議合多把陣太,+攻+血+防
之後塞d基本裝,再上名刀
而家整理中期,同埋中後期配裝
中期:和泉+疾風+陣太+抗魔+閃戒+"太刀"
無錯就係太刀,因為大絕既三段係敏捷加成,多10敏,攻會高少少
中後期:和泉+疾風+陣太+抗魔+閃戒+長船
爆擊可以同雨鐵共存,所以買長船絕對物超所值
會戰殺人有2種方法
1:係自方英雄既保護下逐一將英雄射殺
呢種方法比較安全,不過追殺同逃走就有d= =......
2.係敵方英雄後面爆三段將英雄射殺
呢種危險度120%,不過一俾你成功,對面一定死2~3隻英雄
一俾敵人發現你先,你就係咁先架啦
後期神裝,第一把長船(之前寫左),一把禦神,再有後後期,一把村正
(大絕ing既天敵:前田利家,佢大絕幾十秒,你得13秒,1on1好難講邊個贏)
(無大絕個陣既天敵:高法傷英雄,阻礙你爆塔/汁兵既英
風魔小太郎
點法
3點1下,之後迷蹤步黃十字互點,有大點大,補完黃十字再補3,最後火步
起手褲+再生+1豬肉,上路佳
打兵靠普攻,要有少少技術,賺到600蚊買3個+5敏既鞋
汁兵方便,+防+攻.....
之後再補毒戒,咁樣攻擊力已經唔低,
而家配裝應該係:褲+再生+3對敏鞋+毒戒
大約6lv左右,個陣係時侯開大殺人
睇下有無抗魔,睇下佢有幾血
無抗魔,直接開迷蹤步>衝過去打2~3下>網+大絕>打>大絕應該開始電>300
視乎殺咩英,如果要殺好似濃姬之類既,買抗魔
之後將3對敏鞋,一個換金牌,一個換寶石,一個換打刀,最後合和泉出黎
合左和泉之後可以睇下賣唔賣毒戒,因為攻擊力已經好夠
合唔合河毒就見仁見智
如果唔合,就拎d錢去合疾風,合左河毒就遲d先再合(應該會唔夠錢)
我就係賣毒戒既,整理中期配裝
疾風+和泉+抗魔+空格x3......呢3個格建議塞敏鞋
塞左既,打得順既話就可以直出名刀
唔順既都可以換能量鋼/陣太刀再出
中後期個個帶抗,大絕已經無咩用,
如果一定要用大絕殺,呃左佢抗魔先再出
第一把名刀......我建議妖弓- -
5050元,30敏,造成560傷,之後1秒50
唔錯唔錯= =岩晒要殺人既風魔
之後有2個選擇
睇下要菊一定長船啦
如果仲有錢買,建議禦神,25全能力,岩晒貧血風魔=0=
後期配裝整理
疾風+和泉+妖弓+菊一/長船+抗魔+禦神/雪走
無禦神撐血,有雪走撐攻同攻速都唔錯=,=
(天敵:抗魔水)

---

作者: ●○凸凹○    時間: 2007-9-4 22:21

拆塔型真田幸村
點法
13互點,有大點大,之後黃十字,最後2(你倒轉都得既.....)
起手褲+回血+1~2豬肉,走上路
因為上路cp怪易清少少......
買燒酒,疾速衣,因為有真田勇士+攻,攻擊力唔差得去邊
雙人撐線起碼撐到5lv先好去cp,1lv去,講真....唔符合效益
單人撐線,就連cp都唔洗去,打兵賺錢
6lv前一定要有:褲+疾速+燒酒+回血+2敏鞋(+攻速用)
6lv去偷爆帳蓬,之後一有大絕就偷爆,錢賺得都幾快下
爆完帳蓬,如果仲有大絕,拎去cp都得,反正行得返去打兵個大絕都差唔多無
之後出陣太1~2把,反正真田幸村唔缺攻擊力
只缺攻速,陣太好似約4千蚊把,岩晒拆塔型真田用
出和泉都ok,之後將疾速合成疾風衣,唔合既話會唔夠位
中後期配裝整理整理~
疾風衣+抗魔+燒酒+陣太1~2把+和泉
如果已經有陣太1把,燒酒,抗魔同埋疾風衣
唔洗再爆帳蓬啦,得150
直接爆箭塔/騎營,好賺好多,爆完就去cp
不過因為太張揚,d人見你偷爆第一時間一定出技阻止你
所以要係敵人回防之前爆左你想爆既野,爆唔到唔緊要
你寧願遲d再爆,定係想無300蚊?
一見到人黎,食抗魔走人
後期名刀篇.......
第一把有幾個建議:
轉玩殺人型:長船,菊一
拆塔/會戰專門追殺:9100,禦神
我一向唔玩殺人~"~所以我第一把通常係禦神
第2先係9100
如果仲夠錢買名刀,出埋村正
咁樣神裝幸村就完成,殺人偷爆都得
後期配裝整理:
疾風衣+禦神+9100+抗魔+燒酒+和泉
天敵:寧寧= =2個觀月睇到3800範圍,要偷拆有難度

---

作者: apple9394    時間: 2007-9-4 22:22

支持轉貼

---

作者: 忍者﹏忽傾    時間: 2007-9-4 22:22

太好la,講得太好la,太佩服la

---

作者: 呆呆飛飛糖    時間: 2007-9-12 18:42

多謝曬啦,我之前聯合d人一個都唔識玩,e家有d人玩下,十萬個多謝

---

作者: 20ghjsty    時間: 2007-9-12 18:50

妖...
咪搶我飯食啦
我轉帖d帖好快冇嫁啦

---

歡迎光臨 IPvE vLan 遊戲平台|網吧系統 (https://www.ipve.com/bbs/)

Powered by Discuz! 6.0.0