IPvE vLan 遊戲平台|網吧系統 - Powered by Discuz! Board

標題: [挑戰] 同楓霜團的所有人講十萬個對唔住！ [打印本頁]

作者: 楓霜～本多 時間: 2007-7-19 00:07 標題: 同楓霜團的所有人講十萬個對唔住！

致給敬愛的團友們,團長同採花團的人:
  係7月18日夜晚,楓霜團友們同採花團d人一定知道發生左咩事,我係果晚同楓團d團友一齊參與左一埸苦戰,敵人係採花團,人地採花團佔優勢係因為我唔夠合作,全因為我,我地先會唔夠打,就呢個事,我首先對我的團友致歉.但係到左之後打打下,我就突然中離,為其他人打下一個問號,我係到就係想給其他人一個完整的答案:
  我呀媽係我打機期間突然間發癲,佢話立即叫我唔好打,佢話我如果打落去,佢就用杯打我同個電腦,佢唔係講笑:我呀媽之前試過一次,佢真係用個杯飛去個mon到,我而家用緊個mon,係新嫁,我係用左我自己d零用錢買的.我因為怕左我阿媽,我情不自願咁同其他人講左我要走,之後我先中離.
  你地試想像:如果係打緊團戰期間,有個新手因為唔夠合作,令到敵人佔了上風,到左之後,果個新手突然間走了,做為團長的你們,會有什麼反應呢?我知道我自己都兇多吉少,團長大有可能會踢我,但係,我真係捨不得楓霜團,呢個團係我第一個入的團,我仲記得,我入左楓霜團後,我不斷咁問團長幾時有得打團戰?我係期間唔敢玩信長,因為我怕會突然間有團戰打,到時我只可以做中離狗...我等,我一等就等左一個夜晚,加一個早晨,期間我放棄一切,為的?為的是為了等有團戰.可能團長你都記得果陣時發生的情形,對唔住果陣時每5分鐘就add你一次,但係我真係好想玩團戰,所以先咁做.之後有得打團戰,我開心到不得了!我之前成日都見到花錢多打團戰,佢係打團戰時仲串我,問我幾時搵番個團打團戰?自從果時開始,我就想打團戰,想搵番一個團加入,我想有一d真心對我的團友,我想搵番信長果種溫暖...
  楓霜,我真的捨不得你,你係我第一個入的團;你係我放棄玩ggc的動力;你令我知道咩叫信長入面的溫暖...我對楓霜入面d人都好敬畏,證據?我同你講,我之前個ac叫做可愛的狗維,同我打過d人都知我成日係到串人,仲會爆粗,但係我同團友講野時,我係唔敢用d較粗俗的語言講野,我當團友係自己親人,但係對佢地好敬畏,所以,我做為呢個團的新人,我見到團友,我都會親切地專稱佢地為"團友",因為我怕叫佢個名,佢地會唔鐘意.我仲記得我第一次接觸"姬姬"之前,我係問左團長好多野先敢叫佢個名,我之後正係敢叫佢個名,而其他人?我都用團友來稱呼.
  當然,我講幾多野都好,無人會信相我中離係因為我呀媽,我諗團友們你地當會相信我中離係因為唔夠人打吧!是嗎?講到底,我係一個從小玩ggc大的人,玩過ggc的人一定知道,係ggc中離,係無經驗值的,所以,我徙小就倍育出小中離的習慣,唔夠打?爆下粗,串下人,完埸,輸左,再來過,何必中離呢?何況,果晚同採花團打果埸,係團戰(雖然係友誼賽),我點敢因為唔夠打就中離?有人可能反駁話:你可能真係唔夠打而中離,你中離完之後就作呢個故仔昆下人,咁就得囉!你根本就係唔夠打,唔係怪你呀媽.
  大佬!!係咁多種中離方法之中,我呢種中離方法係最差的,同人講完因為呀媽,所以要走,邊個信?我記得有一種中離方法係最好,就係扮斷線,呢種方法係可以令到人地真係以為你斷左線,所以走左.咁why我唔用呢種方法呢?一句話:我根本就唔係唔夠打先中離,係我呀媽煩住,我先走渣!!!!!!!!!
  請相信我,我真係因為呀媽發癲,我先走埸,我在這裡首先對團長,團友同採花團的人對唔住,可能文字唔夠清楚,我地可以約一個地方慢慢講,我係住元朗,msn..
waikautang@yahoo.com.hk
  楓霜,我真的捨不得你,你係我第一個入的團;你係我放棄玩ggc的動力;你令我知道咩叫信長入面的溫暖...

作者: 楓霜～本多 時間: 2007-7-19 00:10

我為左呢個事,我同我呀媽反左面,我特登晚上11點跑去天堂寫呢個文章,係為左團長,團友同採花團d人原諒我...

作者: 戀星_秋風 時間: 2007-7-19 00:10

比呀媽迫呢d...

真係情有可願....

我都好同情你...

因為好多時侯我都會咁....

但係我唔會中離.....最多掛機

作者: 團＊RIckY 時間: 2007-7-19 00:16

好可惜..

如果我個團有多幾個你呢d人就好啦

作者: dAvEE 時間: 2007-7-19 00:31

我橕你

唔明點解d ar媽可以咁煩

作者: 清翎帥 時間: 2007-7-19 00:52

見到你幅相．．．我都同情埋你喇

作者: 城西 時間: 2007-7-19 01:15

我都係住元朗區嫁
走場唔緊要.識認就好

識英雄重英雄

作者: 夜靈殿_豪 時間: 2007-7-19 03:37

十卜十卜睇完篇野我支持你

作者: 楓霜～本多 時間: 2007-7-19 08:13

我呀媽係有少少精神病,佢試過真係打機...我個mon新買嫁.佢發火,咩都做得出,邊個唔怕?

複製內容到剪貼板

代碼:

見到你幅相．．．我都同情埋你喇

果副相係松島楓,唔好誤會...

作者: KaiBer 時間: 2007-7-19 10:08 標題: 回復 #9 楓霜～本多的帖子

松島楓，我鐘意　

作者: 楓。葉 時間: 2007-7-19 10:08 標題: 回復 #10 KaiBer 的帖子

死咸濕仔

作者: 花戀楓 時間: 2007-7-19 10:34

變態佬

作者: 楓霜～本多 時間: 2007-7-19 11:13

松島楓渣,大把人鐘意啦,十個男仔見到佢副相有7個都迷上佢,呢d係男仔正常反應

作者: 燕鈴帥 時間: 2007-7-19 11:17

同樣經歷
我了解你xddd
~

作者: 塞特 時間: 2007-7-19 12:45

我都好同情你t.t

比牙媽爆mon 真係好慘ge~

又要哂錢買過~

你特登出黎講返比大家知~ 就知你係好玩家la

同埋我諗你團長都明白事理ge^_^

元朗都幾多人玩信長ga wo

作者: 欠噯一滴淚 時間: 2007-7-19 14:23

元朗天堂???..........me刀係元朗

作者: srxsammas 時間: 2007-7-19 14:45

= ="呢個咩世界= ="話阿媽叫你唔好打機係瘋婆= ="還要咁多人話支持= ="冇眼睇= ="你唔係打得狼你阿媽點會唔比你打= =", 一開機玩成日,食飯又唔願食= ="如果比你生左件咁的野,你會唔會發火丫= =",與其話你阿媽倒不如你自己玩小些啦= ="還有唔好講到你口6威自己買= ="羊毛出左羊身上,你的錢未又係你父母,就算當你搵食,你都起碼還在佢地投資係你身上先好講野。

[ 本帖最後由 srxsammas 於 2007-7-19 14:47 編輯 ]

作者: 四聖堂§澈 時間: 2007-7-19 17:54

引用:

原帖由 srxsammas 於 2007-7-19 14:45 發表
= ="呢個咩世界= ="話阿媽叫你唔好打機係瘋婆= ="還要咁多人話支持= ="冇眼睇= ="你唔係打得狼你阿媽點會唔比你打= =", 一開機玩成日,食飯又唔願食= ="如果比你生左件咁的野,你會唔會發火丫= =",與其話你阿媽倒不如 ...

世界變了

作者: 香蕉哥哥 時間: 2007-7-19 18:49

引用:

原帖由 楓霜～本多 於 2007-7-19 00:10 發表
我為左呢個事,我同我呀媽反左面,我特登晚上11點跑去天堂寫呢個文章,係為左團長,團友同採花團d人原諒我...

元朗天堂-.-"???

作者: 香蕉哥哥 時間: 2007-7-19 18:51

引用:

原帖由 srxsammas 於 2007-7-19 14:45 發表
= ="呢個咩世界= ="話阿媽叫你唔好打機係瘋婆= ="還要咁多人話支持= ="冇眼睇= ="你唔係打得狼你阿媽點會唔比你打= =", 一開機玩成日,食飯又唔願食= ="如果比你生左件咁的野,你會唔會發火丫= =",與其話你阿媽倒不如 ...

有d你打一個鐘都話你過份咖//..........

你知人地媽點解咁嬲咩?你係佢牙媽?

作者: 楓霜～本多 時間: 2007-7-19 19:38

係元朗的天堂.........

歡迎光臨 IPvE vLan 遊戲平台|網吧系統 (https://www.ipve.com/bbs/)