IPvE vLan 遊戲平台|網吧系統 - Powered by Discuz! Board

標題: [討論] 《善良的死神新編》新手入門攻略 [打印本頁]

作者: .SaKel 時間: 2011-1-10 15:45 標題: 《善良的死神新編》新手入門攻略

大家好,我係因為見有人放E個圖既攻略,我先放一個詳細D既版本,如果果個人不滿,同我講聲,我會DEL左E個貼

有關卡BOSS黎果陣,搶打,之於點解搶打,睇中期區你就明
____________________________________________________________

前期(前期最好全部人一齊守)
____________________________________________________________
首先,開頭有8隻英雄比你選擇(另外有6個隱藏英雄,密碼會在此貼最低話比大定知)

個人認為玩近英較好,因為基本裝(姐係神秘手套/天使之弓,神秘之盾)2套+9會有神秘效果,近攻先有

當你選左英雄之後,馬上走去跑錢任,任務係基地最右邊,錢任就係任務人第一行第一個
禁左個任後個人會飛左去中右上位置,鏡頭落小小見到終點,跑過去就ok
注:跑道最下面有D火,唔好行宏近,如果太近,會秒左你,因為D火一下扣15000血

正常係一選完英雄後去跑錢任跑夠2次D怪岩岩好黎到基地(一定跑到1次先),所以大家唔洗驚跑第2次趕唔到,如果驚,咁跑1次先,打完第1波怪再跑

當你跑緊任時,大家可以叫你隻助手去買野,開頭買防先,4件買晒,傳比個人(一選完英之後隻英會有一件攻裝,留起佢)

跑完第1次之後 , 通常D人都會養動物賺錢 , E個方法係得 ,  但係我唔會咁做 , 我會升甲果D野先(本身個人有件攻裝,你可以選擇升血甲先定武器先)

之後你可以選擇跑多次錢任,亦可以選擇去賺錢場打怪升LV賺錢(唔夠打就跑多次),之後賺到一定金錢,換,升4件甲MAX,合神秘之盾(需要10木)

合完神盾合神攻(神秘手套/天使之弓),合法一樣,4件攻SET MAX用10木合

2件野都合左就買合成石等級1 X 2 , 等級2 X 2 , 走去基地右上角升2件野,升到等級2
(等級1石1粒5木,等級2石1粒10木,升級1個等級要10木,加埋需要50木)
如果你有更多木,買埋3-5LV石都ok,買既地方係基地右下

之後合天使左右翼,合法:4件基本MAX(攻甲一樣),唔好成佢做神秘SET,走去綜合店買相關野合做攻使材料
(合成例子:血甲MAX+血符=天使右翼材料之一)  (綜合店有3行,第1行可以合武器類,第2行可以合防守類)

合成方面,先合右翼先(姐係防守類)再合左翼(武器類),4件基本MAX升做天使材料,另外要安其拉之心(獲得方法,打10個安其拉之心碎片自動合成一個心)

合成位置:地圖左上方有個天使,走過去合就ok,合完2件有神秘效果(合成地點:任務區第3任,禁左行去最入有個天使,搵助手去都得)

係而加最好打埋2套套裝(暝想套裝同庸兵套裝)

這時打多D木啊升多D LV,升到70LV去基地右下有個人,70LV去閉關區升LV打6-8LV石(過了100LV先好走),有好多木時買埋9LV合成石,+9基本套裝就可以完成
____________________________________________________________________________________________________

中期(到左E個時候,守基地方法改變,每1波2-3人,守既人以最低LV果2-3位作準,有錢既人唔該升基地甲)
____________________________________________________________________________________________________

係E個貼既開頭我有講過點解最好搶打BOSS,因為打死左關卡BOSS會有寶箱,有機會開到神器材料

E個時候你應該已經有6件裝先,2件基本+9,天使左右翼,2套套裝,同埋應該過左100LV

而加就可以開始打神器

開頭合既第一把神器最好係神劍,最易合,又快
之後合神甲,第2好合,再合介子,最後合爆箭

材料地方:
風暴之鎚:任務區,第3個任,禁左會去左地圖左上,打D樹人會掉一個普通鎚仔,殺夠60隻怪(含賺錢木區怪),自動升
天外隕石:任務區,第4個任,禁左會去地圖左下,一直行一直殺怪,之後去到一座野果到,爆佢,會出一隻綠色野,殺死佢會就有
巨靈蛇甲:同天外隕石一樣,只係唔係打座野先出,係果個區域既最低左邊有門,爆門入去殺蛇就有
祭肉:任務區,第5個任,禁左會去左地圖右邊,之後果到右下有個機械人,佢有把野賣,請用個人買之後爆附近D木會出往生神果,用助手汁去地圖右上有個人,閃過去就變
天材地寶:同祭肉一樣,爆木先有
未知神石:同上面兩個一樣,不過要往上打,打到頂打死個神就掉
半截弓身:同上面一樣係第5任既第2區,打死晒D怪第2區左上有個制,打佢有隻BOSS出黎,打死佢就有
神之心:任務區,第5任,神界區域果到所有怪,打死有機會掉出神之心碎片,集齊20個會變神之心
合成之石:係挑戰區,有個挑戰叫挑戰狄斯,打死佢即有(注:買左攻血水先好打,太強,攻血水係藥水店最後一個)

注:第5任神界第3區打死之後果區左下同右下有個制,每邊打3下,就開到機關(例:左左左,右右右)

合成方法:

神劍:神秘手套+風暴之鎚+天外隕石+合成之石
神甲:神秘之盾+風暴之鎚+巨靈蛇甲+合成之石
介子:祭肉+天材地寶+未知神石+合成之石
爆箭:神之心+半截弓身+未知神石+合成之石

注:合左神劍神甲介子會有神秘效果

以上4件合晒後去挑戰打3神(挑戰第2行最後1個同第3行頭2個),打死之後囉左件野,合寶物3合1

合左寶物3合1後,把天使左右翼同埋3合1放埋一齊,行去合天使翼果到自動合成

之後去任務區到打以1敵3任,打左之後會加500全屬同70萬經驗
____________________________________________________________________________________________________

後期(到勁人守,未齊野既打野)
____________________________________________________________________________________________________

已經就到打最終BOSS,只要個場有2個人做齊所有野,WIN梗

未打完野既,快D打,第30波怪後怪勁左

齊野既可以選擇到出怪區打塔(敵方塔30波怪前係無敵,30波自先可以打),地點係基地上方

齊野 = 4件神器,天使之翼(最終神之一),2件+9,2套套裝

+9同套裝可以放係助手到,另外5件野要跟身

上去爆左塔,可以係右邊上去爆敵城,爆左城就可以打終極合成之石(係挑戰區第3行最後,一定要爆左敵城先打得)

打終極合石前,請先把所有野放係助手到,之後入去打,入去之後再用助手送果4件神比自己,打死之後會掉終極合石

此時人身上一定要有4神+終極合石+一件裝(咩都得),助手要有其他野

之後上去敵城果到行入去,一入直沖,沖到有2間藥店,第1間唔洗理佢,落小小去第2間買作者的靈感(要用人買)

買左之後4件神器,終極合石,作者的靈感,禁粒終極合石會合左原創之魂(最終神器之一)

之後把所有野放番係身(天使之翼,2件基本+9,2套套裝)

加埋岩岩好6件野,之後行過去(注:必須要暝想套裝,有魔免,唔會比火燒)

過左火再行,打晒D怪再行,之後有2邊行既,得一邊行到去打最終BOSS,行上面,下面係出秒殺怪(齊裝唔覺秒殺)

行左上面去左地圖右下,再行打死晒D怪,之後會出幾隻BOSS,請係15內打死,唔係會不停重生

打死晒之後出最終BOSS,打死佢就WIN

打完之後快極都應該用左2個鍾先打完
____________________________________________________________________________________________________

稱號系統 : 一囉到稱號之後(500殺就囉到),同個賣等級一稱號技既人買技(只可買3技)
            個人認為買  全屬性  血攻 3個較好選擇(個人意見,唔一定要跟)

稱號的相關指令'-z'查看稱號等級和屬性，'-x'顯示稱號，'-c'隱藏稱號。

____________________________________________________________________________________________________

隱藏英雄密碼:

超人:我要拯救地球
蟲蟲:我們的隊伍很強大
十一:干掉歐文
魔師:天金帝國國師
玄遠:天罡剑圣 (簡繁問題可能打唔到)
狄斯: (因為網上找不到密碼,唔好意思)
____________________________________________________________________________________________________

以上方法係我同朋友既新手打法,新手專用
我同朋友仲有個方法打極快,高手專用

我既另一種打法太長,唔想打出黎,我E種打法可以係1個鍾內打完,有齊裝

如果你咁有耐性睇我E個文,真係多謝你

作者: dododo123 時間: 2011-1-10 17:37

我想問你可唔可以post張圖上黎我想玩下

作者: ★SκY§蠍〞 時間: 2011-1-11 16:35

支持教學字海有心THX

歡迎光臨 IPvE vLan 遊戲平台|網吧系統 (https://www.ipve.com/bbs/)