標題: [轉帖] gag 題(已增加大量) 不過要連posat [打印本頁]

---

作者: 扮野四小城    時間: 2007-6-22 16:41     標題: gag 題(已增加大量) 不過要連posat

由於純轉貼無加自己意見,本來要扣五分,念你初犯,取消閣下之前所加兩分,以示警告,希望下次小心一d...



０１＿＿＿＿＿＿＿＿＿＿
巴斯光年殺左條龍之後變左咩？　殺龍巴斯。

０２＿＿＿＿＿＿＿＿＿＿
條蟲爬去皇帝條ｊ度你估係咩？　爬龍舟囉。

０３＿＿＿＿＿＿＿＿＿＿
有一日公仔軟糖行行下路，行左一陣，佢話：「我隻腳好軟」

０４＿＿＿＿＿＿＿＿＿＿
當你看完A片後要作什麼？看B片！VCD是分開兩隻的唷~~!!

０５＿＿＿＿＿＿＿＿＿＿
有一日小明行行下街果時覺得隻腳好酸，原來小明踩中左舊檸檬。

０６＿＿＿＿＿＿＿＿＿＿
國際機場男廁......................乜能都有

０７＿＿＿＿＿＿＿＿＿＿
從前有個gag掉左落地.........無爛到

０８＿＿＿＿＿＿＿＿＿＿
咩植物識溜冰？花，因為花式(識)溜冰

０９＿＿＿＿＿＿＿＿＿＿
皇后似咩？似廣場，因為皇后像廣場

１０＿＿＿＿＿＿＿＿＿＿
咩玩具唔可以係船玩？爆旋陀螺

１１＿＿＿＿＿＿＿＿＿＿
有乜野慘過食屎？食兩舊屎

１２＿＿＿＿＿＿＿＿＿＿
郭富城唱咩歌？唱"這歌"；去中國唱咩？"唱"人民幣

１３＿＿＿＿＿＿＿＿＿＿
You go to a ball, but you do nothing , what do you do? Whole night stand

１４＿＿＿＿＿＿＿＿＿＿
小明成日上甜網，搞到成部電腦都係蟻

１５＿＿＿＿＿＿＿＿＿＿
有一塊火腿同一條腸仔放左落同一隻鑊度，點解佢地唔傾計？因為佢地未熟

１６＿＿＿＿＿＿＿＿＿＿
讀完中五讀乜？讀下午

１７＿＿＿＿＿＿＿＿＿＿
點解唔可以係船上講笑話？因為個海聽到會笑，咁就會引起海嘯

１８＿＿＿＿＿＿＿＿＿＿
食乜野昆蟲會瘦？蟻...因為食蟻瘦

１９＿＿＿＿＿＿＿＿＿＿
用身體上邊樣野可以修飾雙手？答案係毛髮（毛髮可修飾的一對手）

２０＿＿＿＿＿＿＿＿＿＿
機械人最鐘意扮咩？扮焦

２１＿＿＿＿＿＿＿＿＿＿
1+1 幾時會=3？錯個陣

４７＿＿＿＿＿＿＿＿＿＿
去小明屋企禁極門鐘佢都唔開，最後講左一句乜小明先去開門？「我來自德成」

４８＿＿＿＿＿＿＿＿＿＿
樹邊部份最得閒？葉！因為「葉得閒」～

４９＿＿＿＿＿＿＿＿＿＿
微分 sin 同 積分 sin 分別係咩呢？係「設計」同「入面」（d-sin 同 in-sin）

５０＿＿＿＿＿＿＿＿＿＿
原來「瑜珈」的創辦人係兩個中國人，但係佢地只係創立左一大堆理論，佢地究竟係邊個呢？孔子、孟子

５１＿＿＿＿＿＿＿＿＿＿
從前有個人便秘，過左幾日.....佢柯到好似開左花灑咁

５３＿＿＿＿＿＿＿＿＿＿
月經來為什麼不能吃健達出奇蛋呢？因為會讓你驚奇不斷...

５４＿＿＿＿＿＿＿＿＿＿
達文西密碼上面是什麼？達文西帳號...

５５＿＿＿＿＿＿＿＿＿＿
為什麼小紅帽的胸部這麼小呢？因為她奶奶被大野狼吃掉了...

５８＿＿＿＿＿＿＿＿＿＿
世界上最貴既係咩菜？係「巴菜」

５９＿＿＿＿＿＿＿＿＿＿
食得檸檬多會傷架喎，傷咩呀？傷心囉

６０＿＿＿＿＿＿＿＿＿＿
豬肉榮賣豬肉，菠菜蓮賣菠菜；咁衛蘭賣咩？「My love my fate」

１１２＿＿＿＿＿＿＿＿＿＿
追加：咁吳卓羲賣乜？　飛佛

６８＊＿＿＿＿＿＿＿＿＿
鯊魚食左紅豆會變咩？紅豆沙～

７１＿＿＿＿＿＿＿＿＿＿
檸檬最怕咩生果呢？柑！（柑桔檸檬）

７２＿＿＿＿＿＿＿＿＿＿
估一句英文：「ABAABBBBBBBBABABAAAAAAAAABBBBBBBBBBBBABABAAABAAAAAA」。（Long time no C）

８３＿＿＿＿＿＿＿＿＿＿
窩打老道的老豆叫咩名？窩打老豆。

８４＿＿＿＿＿＿＿＿＿＿
從前，有一個好好味牌果汁喱，包裝上寫住「警告：不可食用!」，最後，王子同公主就過住好幸福既生活啦。

８５＿＿＿＿＿＿＿＿＿＿
王子吻了公主，王子變了冬菇，公主變了雲腿，他們從此係煲仔入面，過住好焗既生活。

８６＿＿＿＿＿＿＿＿＿＿
有一日，火柴人行行下街覺得個頭好痕，跟住ＲＲ佢，
之後個頭著火～咁就死左lu～

８７＿＿＿＿＿＿＿＿＿＿
小明自己做暑期作業，第二日，佢死左，因為自作業，不可活。

８８＿＿＿＿＿＿＿＿＿＿
M記寫住「笑容免費供應」，小明就去同佢講：「唔該三個笑容拎走。」

８９＿＿＿＿＿＿＿＿＿＿
兩條蕉係到行街，其中一條好熱除衫，另一條就咁扒街。

８９＿＿＿＿＿＿＿＿＿＿
小明係20樓跳落街...佢無死到...但係點解死左隻雞？因為佢呀媽雞還神。

９０＿＿＿＿＿＿＿＿＿＿
士多同邊個最老友？係葉文輝

９１＿＿＿＿＿＿＿＿＿＿
咩爐係最臭？多士爐

９２＿＿＿＿＿＿＿＿＿＿
最咸濕既粥？及第粥（因為gup底）

９３＿＿＿＿＿＿＿＿＿＿
究竟益力多係咩味架呢？係「你今日飲左未」

９４＿＿＿＿＿＿＿＿＿＿
有個癲佬係架飛機度dum左個滅火筒落黎，點解？因為佢癲既

１００＿＿＿＿＿＿＿＿＿＿
香港邊度既人最鍾意搞爛gag？打鼓嶺（夠哂凍）

１０１＿＿＿＿＿＿＿＿＿＿
張祟基同張崇德個哥叫咩名？...張崇肯

１０２＿＿＿＿＿＿＿＿＿＿
為什麼姚明要抓皮卡超？因為他是火箭隊的。

１０６＿＿＿＿＿＿＿＿＿＿
剛剛食完杯紅豆冰講在個笑話，咁呢個笑話咪就係冷笑話～

１０７＿＿＿＿＿＿＿＿＿＿
咩生果唔打字？　蕉，因為不打自招

１０８＿＿＿＿＿＿＿＿＿＿
人肉眼可以望萬里外既野，果樣係咩？　花生（金龜麥萬里望花生）

１０９＿＿＿＿＿＿＿＿＿＿
咩文具最正義？　筆！因為見死不救

１１１＿＿＿＿＿＿＿＿＿＿
當你唔識答問題你會諗到乜動物？　係冇眼既鹿（no-eye deer）

１１５＿＿＿＿＿＿＿＿＿＿
係邊度減肥難ｄ？　倫敦（慢瘦倫敦）

１１６＿＿＿＿＿＿＿＿＿＿
多啦Ａ夢入面，有邊個角色長大後會成為醫生？ 　小夫

ＮｅＷ！１１８＿＿＿＿＿＿＿＿＿＿
鄭成功的母親之名為？　　失敗)

ＮｅＷ！１１９＿＿＿＿＿＿＿＿＿＿
蝦究竟冇乜？　太郎。

ＮｅＷ！１２０＿＿＿＿＿＿＿＿＿＿
西餐廳餐牌上面，有邊種食物係由三個姓氏組成？　羅宋湯。

ＮｅＷ！１２１＿＿＿＿＿＿＿＿＿＿
叉雞同鵝少分６支可樂，點解分唔均？　因為鵝多支。

ＮｅＷ！１２２＿＿＿＿＿＿＿＿＿＿
咩人會睇過龍？　眼大既人，因為「眼大睇過龍」。

[ 本帖最後由 死肥老蕭 於 2007-6-22 18:11 編輯 ]

---

作者: 死肥老蕭    時間: 2007-6-22 16:45

雖然以前睇過，依家睇番都覺好笑．．．

---

作者: 扮野四小城    時間: 2007-6-22 16:50

外加
《對話篇》
２２＿＿＿＿＿＿＿＿＿＿
a,b ：我地都係文商人
c 　：我係威尼斯商人

２３＿＿＿＿＿＿＿＿＿＿
我：咦,點解咁靜
佢：靜過靜宜

２４＿＿＿＿＿＿＿＿＿＿
我：佢做咩啤住我地
佢：因為佢係熊仁

２５＿＿＿＿＿＿＿＿＿＿
A：我地依家係邊?
B：北京
A：我地唔係去東京嫁咩?
A：指南針壞左掛.......

２６＿＿＿＿＿＿＿＿＿＿
明仔：爸爸，點解會有兩個朗拿度？
爸爸：一個係朗拿度，一個係 C.朗拿度
明仔：咦，三國時代都有兩個馬昭喎
爸爸：邊度有呀？
明仔：一個係馬昭, 一個係司馬昭...

２７＿＿＿＿＿＿＿＿＿＿
老師叫同學們畫畫，落堂時，小明只交了一張白紙
老師：你幅畫叫咩
小明：牛吃草
老師：咁草呢
小明：被牛吃了
老師：咁牛呢
小明：牛吃完草走了

２８＿＿＿＿＿＿＿＿＿＿
左：我０分添
右：咦！我又０分喎！一齊坐又０分，會唔會比人話作弊架？
左：係喎...我地錯埋d題一樣既...

４３＿＿＿＿＿＿＿＿＿＿
同學：我冇帶上～我帶錯左下書..
老師：你真係「出此下策,方為上策!!」

６３＿＿＿＿＿＿＿＿＿＿
男：小姐貴姓call機主？
我：栗子頭call...(平時都係留呢個名)
男：豬頭？
我：唔係呀～係栗子頭...
男：淥豬頭？
我：唔係呀...係栗子頭呀...
男：淥豬頭丫嘛...岩丫...
我：唔係呀...係栗子個栗...人頭個頭呀...

６４＿＿＿＿＿＿＿＿＿＿
我：你同你女朋友去邊度玩呀？
佢：我地上山頂...(其他對話)...仲見到個索女添呀。
我：有幾索呀？
佢：總之就係索啦...我咁大個仔第一次係扯旗山頂扯旗。

６６＿＿＿＿＿＿＿＿＿＿
媽媽：小明，過呢條馬路要望住右邊呀。
小明：望左。
媽媽：你聽唔到我叫你望住右邊咩？
小明：都話望左囉！
（結果小明臉上留下個個無辜既掌印）

６９＊＿＿＿＿＿＿＿＿＿
甲：喂！咁樣唔oｋ喎！
乙：唔oｋ呀？咁７仔囉！

７０＊＿＿＿＿＿＿＿＿＿
駱駝小弟：媽媽，我們的腳為什麼有厚厚的蹄？
駱駝媽媽：傻孩子，那是為了我們在沙漠中方便行走呀。
駱駝小弟：那為什麼我們的皮也這麼厚呢？
駱駝媽媽：這樣才不會在沙漠中曬傷嘛。
駱駝小弟：喔，那我們背上這兩駝又在幹嘛的呢？
駱駝媽媽：因為沙漠中水源很少，所以用來儲存水份好渡過沙漠，還有問題嗎？
駱駝小弟：原來如此，那媽媽，我們在動物園幹嘛？
駱駝媽媽：...

７６＿＿＿＿＿＿＿＿＿＿
Ａ：哎呀，今晚要染髮啦，勁多白頭髮。
Ｂ：染咩色？
Ａ：白色。

８２＿＿＿＿＿＿＿＿＿＿
Ａ：點解佢地仲未放學架？
Ｂ：佢地未落堂丫嘛。
Ａ：係喎。

７５＿＿＿＿＿＿＿＿＿＿
病人：我近來很不正常，吃什麼拉什麼， 吃黃瓜拉黃瓜，吃西瓜拉西瓜，怎樣才能恢復正常呢？
醫生：你只能吃屎了

９８＿＿＿＿＿＿＿＿＿＿
Ａ：嘩～好臭呀！
Ｂ：真係臭味相投！
Ａ：係咪有人用左「臭味箱頭筆」？
Ｂ：多啦b夢出招...

９９＿＿＿＿＿＿＿＿＿＿
Ａ：做咩咁傷心
Ｂ：我死左老公
Ａ：咁人總有一死架啦
Ｂ：咁我沒諗過咁快離開我
Ａ：咁係你沒諗到咁周詳姐

１０５＿＿＿＿＿＿＿＿＿＿
小明：我黎黃先生架
秘書：黃生今日冇約人喎
小明：真係？
秘書：係呀。
小明：唔該... 我想請問你有冇搞錯呀？
秘書：...

---

作者: 扮野四小城    時間: 2007-6-22 16:52     標題: 我可以連post嗎 唔夠字數 你唔會怪我ga可

《故事篇》
２９＿＿＿＿＿＿＿＿＿＿
點解d雀跌左落海3次唔死，一跌第4次就即刻死？
因為「有隻雀仔(1)跌落水、(2)跌落水、(3)跌落水，
有隻雀仔(4)跌落水，被水沖去」

３０＿＿＿＿＿＿＿＿＿＿
有一日，新聞及傳理系既莊係學校做宣傳，有人行過講左句：
「Survival department攪宣傳？」

３１＿＿＿＿＿＿＿＿＿＿
唐僧西行遇一女妖，觀其乳豐臀肥，故欲行房事。
女妖見狀驚呼：長老！小女月經在身恐有行房不便！
唐僧聽罷雙手合一道：貧僧正為取經而來！

３２＿＿＿＿＿＿＿＿＿＿
話說熊貓哥哥同兔仔妹妹拍緊拖，但係屋企人都反對。
熊貓爸：你女朋友唔係好女仔黎架，飛左佢啦
熊貓　：點解咁講呀老豆?
熊貓爸：我上次睇playboy果時就見到你女朋友....

３３＿＿＿＿＿＿＿＿＿＿
福爾摩斯同華生去露營，帳篷搭好後，他們就入去訓覺，
到了半夜，福爾摩斯突然把華生搖醒，
並且指著滿天星星對華生講：「華生，你望著滿天星星有咩感想？」
華生看後就說：「睇到滿天星星，令我覺得人類真是渺小...
我地應該好好珍惜我地的生命...造福社會....為世界盡一份心力 !!!
咁福爾摩斯，你呢？」
福爾摩斯瞪著滿天星星，佢話：「我地個帳幕被人笠左呀...」

３４＿＿＿＿＿＿＿＿＿＿
拜天放假，蚯蚓兒子閒著沒事，就把自己切成兩段，對打羽毛球去；
蚯蚓媽媽看到，就把自己切成四段自個兒打麻將去。
無聊爸爸受到兒子與老婆的啟發刺激，卻把自己剁碎在砧板上奄奄一息了...
蚯蚓媽媽聞訊趕來，驚訝又傷心地說：「老公，你這是幹嘛呀！」
蚯蚓爸爸虛弱地說：「我.......想 ...想...踢場足球」

３５＿＿＿＿＿＿＿＿＿＿
有兩個年糕黏在一起,有一天他們終於分開了,
他們高興地說：「Give me five!」
結果又黏起來了.........

３６＿＿＿＿＿＿＿＿＿＿
從前有一個王國有個公主，雙手無論放咩野上去都會溶化，
咁個國王就下左一道聖旨，
如果有人可以俾到公主一樣野係唔溶既就可以娶公主。
A國王子俾左粒鑽石公主，但一放係公主手上就溶左，
B國王子俾左粒黃金公主，但同樣地一放係公主手上就溶左。
有一個年青人，放左一樣野係公主手上，竟然冇溶到，結果佢就娶左公主。
究竟個樣野係咩呢？
係 M & M（m&m只溶係口 唔溶係手）

３７＿＿＿＿＿＿＿＿＿＿
華盛頓砍底左佢老豆既樹，點解佢老豆冇鬧佢，仲讚佢乖，話佢誠實？
因為華盛頓果時仲拎住個斧頭

３８＿＿＿＿＿＿＿＿＿＿
america(美國)這個字的由來：哥倫布有一次出海，佢ｄ水手見到一片新大陸，就大嗌：
「呀！咩黎咖？」
所以個片大陸就叫做a me ri ca

４６＿＿＿＿＿＿＿＿＿＿
從前，貓同狗係一對好朋友。
有一日，貓跌左落河,，狗奮不顧身跳入河救左貓，
貓好感激狗，就同佢講：「喵~」

７３＿＿＿＿＿＿＿＿＿＿
有一日小明返鄉下，佢見到隻雞好得意，同隻雞講：「你好得意啊」，
雞話：「多謝！」
小明好驚訝話：「點解公雞識講野架」，
隔離隻雞話：「唔好意思， 佢係母雞黎架」。

７４＿＿＿＿＿＿＿＿＿＿
有一天，有一個人出車禍了，他就跑去找醫生。
醫生幫他看完之後，就對他說：「你的脖子骨頭脫臼，你暫時不能動脖子，否則你就會死」
那人就點頭，結果他就他就死了。

７７＿＿＿＿＿＿＿＿＿＿
有一隻住在北極的北極熊，
他覺的自己身上的毛太多，
所以他開始拔毛，拔到最後～他的毛全部沒了！
結果他說：「好冷喔～！」

７８＿＿＿＿＿＿＿＿＿＿
小明有部機械人，當小明屋企人食飯既時候，機械人向旁邊食3A電芯。
機械人見到小明ｄ野食好多好靚好好味，但係自己食左又會壞機，一直都好唔開心。
小明發現左機械人唔開心，問佢咩事，機械人就講哂俾佢聽，話成日食3A電芯好悶，好羡慕佢地。
小明諗左陣，好開心好開心咁同機械人講：「我聽日買2A電俾你食丫^^」

７９＿＿＿＿＿＿＿＿＿＿
杜牧清明節果日去柴灣華人永遠墳場掃墓，
掃完墓就諗住去酒樓食野，
點知柴灣無酒家喎，
剛剛黎左個牧童，佢就問：「細路，請問邊度有酒家呀？」，
牧童就指向遠方答佢：「呢，杏花村果邊大把呀！你行過一個地鐵站就係啦！」
杜牧心感點解柴灣無酒家，要行去杏花村，所以就作了千古名誦《清明》。

９５＿＿＿＿＿＿＿＿＿＿
從前有個胸部好細既女仔走去相睇，
有個男人問：「你個胸有幾細？有冇饅頭咁大？」，
女仔答：「有」，之後佢地兩個結左婚。
洞房花燭夜，男生哭跑出房間大叫：「旺仔小饅頭！」

９６＿＿＿＿＿＿＿＿＿＿
一男女朋友睡在同一房間，
女的畫了條線說：「過線的是禽獸」，
醒來發現男的真的沒有過線，
女的狠狠打了男的一巴掌說：「你真是禽獸不如！」

９７＿＿＿＿＿＿＿＿＿＿
有一日老虎同白兔一齊去開大，
開開下老虎問白兔：「即係呢～你開大之後呢～介唔介意有小小大便痴左落d毛度？」
白兔答：「唔介意，我咁多毛，痴左大便好自然架啦～」
跟住老虎就一手抓起白兔擦屁屁...

１０３＿＿＿＿＿＿＿＿＿＿
有一天，小明被土人捉了，他們把小明掛在一棵樹上，
繩子再連到下一棵樹，繩子下是一枝蠟燭。
剛巧樹下有隻老虎經過，如果蠟燭燒斷了繩子，小明便會掉下。
請問小明怎樣解圍呢？　　小明向老虎唱生日歌～老虎便把蠟燭吹熄了

１０４＿＿＿＿＿＿＿＿＿＿
百貨公司一折優惠，一名婦人急不及待衝進去，買完東西後便死去。
究竟她是怎樣死的呢？　　抵死。

[ 本帖最後由 扮野四小城 於 2007-6-22 17:10 編輯 ]

---

作者: 扮野四小城    時間: 2007-6-22 16:53     標題: 再連吧 要................................. 我唔想 佢過左1m字

《事件篇》
３９＿＿＿＿＿＿＿＿＿＿
長頸鹿條頸咁長係因為佢要食樹上既草，越食越高，條頸越伸越長。
咁猩猩個鼻哥窿點解會咁大？
因為佢D手指好粗

４０＿＿＿＿＿＿＿＿＿＿
有個人係辦公室成日放響屁，同事忍唔住話：「你可唔可以唔出聲？」
然後就見佢坐係度搖黎搖去打冷震，同事就問：「做乜呀你？」
佢話：......................「我較左做震機」

４１＿＿＿＿＿＿＿＿＿＿
一天，阿雪婆婆搭飛機去美國玩，
下飛機時有個外國人和他搭訕，
那外國人向阿雪婆婆說：What's your name？
阿雪婆婆心想...她又沒有英文名字，一時間又想不出用什麼名字好，
乾脆講自己的台語名字好了，
阿雪婆婆想了想，就說了......
..."call me shit " （郭美雪）

４２＿＿＿＿＿＿＿＿＿＿
從前有個小朋友去左食pizza，點知pizza hut d pizza 加左檻藍，
之後個細路話比佢名媽知：
「禁撚（檻藍）難食ga ,唔好食ar !」

４４＿＿＿＿＿＿＿＿＿＿
有咩食物係睇落去一樣，但係食落又唔一樣？旺仔小饅頭！
（看起來一樣，食來就是不一樣，旺仔旺仔，旺仔小饅頭）

４５＿＿＿＿＿＿＿＿＿＿
一部收爆晒既電話，佢既功能係打電話；
咁一部收唔到既電話，佢既功能又係咩呢？
學語文（靈格風）

５２＿＿＿＿＿＿＿＿＿＿
宅男+宅女＝宅配，沒錯吧！
話說宅男和宅女就從此在一起「宅」，
一天，宅男和宅女突然都肚子痛在搶廁所，就叫做...「宅急便」

５６＿＿＿＿＿＿＿＿＿＿
有個女生跟同學慶祝生日，但吃的是麻辣火鍋，因那女生不吃辣，故她很不開心。
回到家裡，她的母親便安慰她。究竟她母親說了甚麼？
「怕辣就食原味唔辣架啦～」

６１＿＿＿＿＿＿＿＿＿＿
小明很調皮，跑到鄰居家的草莓園偷吃草莓，結果被發現了.
鄰居阿姨問：「你叫什麼名字？我要告訴你的家長！」
小明神情自若地說：「不用了！我的爸爸媽媽都知道我叫什麼名字。」

６２＿＿＿＿＿＿＿＿＿＿
話說結他條Jet線(結他駁喇叭既線)壞左
小明就落街買過條新啦
去到間VCD鋪，諗住影音地方會有呢D野啦
小明就去問個職員：請問有冇Jet線賣呀？
職員：咩咩線話？
小明：Jet線呀～
職員：哦哦，有呀，你跟我黎
跟住個職員俾左隻碟佢
隻碟叫"雀聖"...

６５＿＿＿＿＿＿＿＿＿＿
有一日小明係屋企附近踢波，踢爛左人地個玻璃窗，
咁果間屋個師奶就走出黎要小明賠錢。
小明話：「我老豆係做整窗工人，我叫佢幫你整返唔收錢」咁師奶就應承左。
小明跟住就帶左個男人黎整窗，整到一半，小明就同師奶講：「我出去玩先啦」就出左去。
個男人整完窗，同師奶講：「盛惠五百」
師奶好驚奇咁話：「乜你唔係佢老豆咩？」
個男人話：「乜你唔係佢老母咩？」

６７＿＿＿＿＿＿＿＿＿＿
有一日，小明家門外來了個男人，媽媽去了和那男人談了一會兒話，然後說：「叫爸爸呀。」
小明猶疑，媽媽見狀，再叫道：「叫爸爸呀。」
小明不明白，媽媽有點發怒了：「叫爸爸呀。」
小明想哭了，媽媽大叫：「到房間叫爸爸過來呀！哭個什麼！」

８０＿＿＿＿＿＿＿＿＿＿
有一個壞學生，佢抄功課抄左一個鐘，但係自己做既話明明可以半個鐘做完。
咁有人就問佢啦：「點解你唔自己做呀。」
佢就答：「我壞學生黎架嘛。」

８１＿＿＿＿＿＿＿＿＿＿
有一日，係時代廣場，見到一對男女嗌緊交
女仔：「點解你要同我分手？」
男仔：「因為對豬扒有敏感...」

１１０＿＿＿＿＿＿＿＿＿＿
中史九大遺言：
一、周渝　：既生渝，何生亮？
二、項羽　：時不利兮騅不逝，虞姬虞姬奈若何？　
三、譚嗣同：有心殺賊，無力回天！
四、陸游　：王師北定中原日，家祭勿忘告乃翁。
五、孫文　：革命尚未成功，同志仍需努力。
六、文天祥：人生自古誰無死，留取丹心照汗青？
七、屈原　：舉世皆濁我獨清，眾人皆醉我獨醒。
八、阮玲玉：不死不足以明我冤！
九、神農氏：這草有毒！

１１３＿＿＿＿＿＿＿＿＿＿
小明剪左個新頭，
返到學校比人話佢個新髮型似風箏，
放學之後.......小明飛起左

１１４＿＿＿＿＿＿＿＿＿＿
食人族族長會食人，點知佢有一日病左，
醫生話佢食ｄ人有病，叫佢食齋，
咁族長去左食咩野呢？　　植物人

１１７＿＿＿＿＿＿＿＿＿＿
三國個時，諸葛亮約左幾個人睇大戲：關羽、張飛、劉備、趙雲。
不過最後邊個無得去呢？　關羽！（因為關羽張飛留比趙雲...）

---

作者: 扮野四小城    時間: 2007-6-22 16:53     標題: 以下係長篇

《長篇》
５７＿＿＿＿＿＿＿＿＿＿
近年經典事件：

一．主角：肥誠
幾年前暑假去長洲宿營，好不幸地我地租左六部單車，有三部比人偷左，
被偷果三部分別係我、Noel、肥誠既，我地去差館報案，警察就同我地落口供，
當同肥誠落口供時...
阿sir：黃志誠，你話當時鄭啟峰打電話比馬健聰，跟住馬健聰話你聽唔見左單車，係咪？
肥誠：係
阿sir：咁你知道後點樣？
肥誠：冇做D咩呀
阿sir：？你部單車比人偷左喎
肥誠：係呀
阿sir：咁你果時做緊咩？
肥誠：係茶餐廳睇緊波
阿sir：你知道部單車比人偷左後無其他反應，例如試下去搵咩？
肥誠：冇呀，都搵唔返架喇
阿sir：肥仔，你有冇搞錯呀... 你D朋友周圍搵緊，你就坐係到睇波，究竟係咪你部單車比人偷架...

之後
阿sir：黃志誠，請問你比人偷左部單車係點樣咩顏色既？
肥誠：係咁咁咁樣，顏色就... eh... 好似黃色... eh... 鄭啟呀，young呀，你地記唔記得我部單車係咩色？
阿sir：我再問你，究竟係咪你部單車比人偷架...


二．主角：肥誠
宿營離開時諗緊坐咩船，因為有人趕住出去，
所以打算坐飛翔船（快船），不過由於係公眾假期關係，太貴之下都係決定坐大船。
肥誠問我：鄭啟呀，大船同快船有咩唔同？
我：快船快D
肥誠：快船快幾多？
我：快船半個鐘左右出到，大船要一個鐘
肥誠：點解快船係快過大船既？
我：快船即係飛翔船，大船好大隻
肥誠：大船大隻唔係應該快D咩？佢地路線唔同架？
我：唔係，大船係呢D（我指比佢睇），快船細隻D快D的，佢地路線一樣
肥誠：啊，咁我地而家坐咩船呀？
我：大船
肥誠：點解唔坐快船既？
我：都話快船貴唔坐囉...


三．主角：嘉賢
嘉賢轉述我地聽既，有晚差唔多零時，佢由青衣城行返去長發，
佢一路行緊時，前面有個女仔都同一方向行緊；
行到長發，個女仔入左棟樓，剛巧係嘉賢住果棟；
入到大堂，個女仔入左部lift，剛巧嘉賢都係用果部返上樓；
個女仔同嘉賢都開始覺得唔對路，個女仔按下層數 31，
剛巧... 嘉賢都係住 31；
個女仔開始好驚，因為嘉賢當時著到好似個變態佬咁；
嘉賢都好驚，因為佢好驚比個女仔誤會佢；
到左，lift門一開，個女仔即刻跑返自己屋企，佢好驚嘉賢追住佢；
嘉賢亦都跑出去，佢好想快過女仔返到去以示自己係住果到；
個女仔不斷拍門叫屋企人快D開門；
嘉賢嘗試快D開到鐵閘；
兩個人都終於返到去啦，嘉賢聽到個女仔話佢既屋企人：
你地做咩咁遲先開門呀！我差D有事呀！


四：主角：肥誠
係今年中秋發生，我地係長發吹緊水，肥誠見到阿邦拎住本學車考筆試既書，
佢問阿邦難唔難，阿邦話：鄭啟話好易
肥誠就過黎問我...
肥誠：鄭啟，乜你有車牌咩？
我：冇呀
肥誠：咁你點解話筆試唔難既？
我：我考左筆試
（我以為佢跟住會問我幾時考路試，點知）
肥誠：咁你點解唔考埋路試呀？
...


五．主角：young
young 屋企一路都係用56k上網，早排佢終於決定轉寬頻，
但我地見咁耐都冇咩上網，就問佢轉左未，佢就話...
young：未呀，個師傅駁線時話有舊石仔阻住
我地：咁點解唔整碎舊石仔
young：唔得呀，舊石仔頂住晒，整唔爛
我地：唔係石仔咩？點解整唔爛
young：因為舊石仔係入面頂住晒

之後...
我：咁你幾時搞掂？
young：唔知呀，師傅都話搞唔掂
我：你有冇搵過其他師傅？
young：有呀，我搵左三次啦
我：咁多個都搞唔掂舊石仔？
young：唔係呀，係約左三次都冇人上黎
我：...


六．主角：邦同我
我地去長洲宿營果次，買左水槍走去沙灘玩，
射射下我支槍冇水，我就落水加水，我行返上來果時，
邦指住我隻腳大叫：鄭啟隻腳有蜘蛛呀！
跟住個個都走埋黎烏低身睇，
然後大家提議用水槍射走去，咁個個就用水槍射我隻腳，
隻蜘蛛散左，再細心望下，發現根本就唔係蜘蛛，只不過係我既腳毛...
連我自己都以為有蜘蛛...

---

作者: 死肥老蕭    時間: 2007-6-22 17:06

嘩然真係好多,要慢慢消化先得...

---

作者: mokit12345    時間: 2007-6-22 17:23

呵呵~~有咁多爛gag既........
吹水區變左爛gag區

---

作者: 死肥老蕭    時間: 2007-6-22 17:30

都唔係,有d都幾好笑...

轉貼必須加自己意見,否則要扣五分,請各網友注意....今次念你初犯扣二分

[ 本帖最後由 死肥老蕭 於 2007-6-22 17:55 編輯 ]

---

作者: 團＊RIckY    時間: 2007-6-22 17:51

D gag...爛到ar... ..

---

作者: plastic_pan    時間: 2007-6-22 17:53

我友講番過先

我今日講的gag係forget(gag)

---

作者: 張仲良    時間: 2007-6-22 17:55

爛了的gag怎麼辦？
補返佢lor~就像xx膜一樣！

---

作者: plastic_pan    時間: 2007-6-22 17:56

引用:

原帖由 張仲良 於 2007-6-22 17:55 發表
爛了的gag怎麼辦？
補返佢lor~就像xx膜一樣！

良兄d  gag  仲爛

---

作者: mokit12345    時間: 2007-6-22 17:56

引用:

原帖由 張仲良 於 2007-6-22 17:55 發表
爛了的gag怎麼辦？
補返佢lor~就像xx膜一樣！

你係唔係又講緊爛gag?= =

---

作者: 張仲良    時間: 2007-6-22 18:02

鬥爛gag不行嗎？
這可是我一心一意想出來的爛gag！
不夠爛嗎？

---

作者: 櫻雨    時間: 2007-6-22 18:10

睇完好凍,,冷氣都唔洗開

---

作者: mokit12345    時間: 2007-6-22 18:12

引用:

原帖由 張仲良 於 2007-6-22 18:02 發表
鬥爛gag不行嗎？
這可是我一心一意想出來的爛gag！
不夠爛嗎？

爛到不想笑.........

---

作者: 張仲良    時間: 2007-6-22 18:14

引用:

原帖由 mokit12345 於 2007-6-22 18:12 發表

爛到不想笑.........

爛gag不是拿笑的，是拿來冷凍自己的！

---

作者: plastic_pan    時間: 2007-6-22 18:15

引用:

原帖由 張仲良 於 2007-6-22 18:14 發表

爛gag不是拿笑的，是拿來冷凍自己的！

好凍啊!唔好在講

---

作者: 張仲良    時間: 2007-6-22 18:17

引用:

原帖由 plastic_pan 於 2007-6-22 18:15 發表

好凍啊!唔好在講

天氣熱嘛...講多d冷氣錢都省下來呢~

---

作者: mokit12345    時間: 2007-6-22 18:20

引用:

原帖由 張仲良 於 2007-6-22 18:17 發表

天氣熱嘛...講多d冷氣錢都省下來呢~

哇，又一爛gag.....
一陣陣既冷風從背後風來~~~~

---

作者: 扮野四小城    時間: 2007-6-22 18:40     標題: 回復 #21 mokit12345 的帖子

你咁樣可能係撞鬼...............

---

作者: Simon狗雪    時間: 2007-6-22 18:51

好似肥共平時爆開個d = =!!!!

---

作者: plastic_pan    時間: 2007-6-22 21:28

引用:

原帖由 Simon狗雪 於 2007-6-22 18:51 發表
好似肥共平時爆開個d = =!!!!

咩係肥共?

---

作者: 死肥老蕭    時間: 2007-6-22 21:37

vlan 網友高達貓肥龔,亦都係佢同學...

---

作者: williamkhw    時間: 2007-6-22 21:57

引用:

原帖由 張仲良 於 2007-6-22 17:55 發表
爛了的gag怎麼辦？
補返佢lor~就像xx膜一樣！

XX是代數還是變數?!

呢個貼係幾個月之一定有貼過=.=

評語:一文不值,穿穿爛爛

---

作者: plastic_pan    時間: 2007-6-22 22:21

引用:

原帖由 死肥老蕭 於 2007-6-22 21:37 發表
vlan 網友高達貓肥龔,亦都係佢同學...

我記得,我係高達貓個MSN見過lee個名

---

作者: williamkhw    時間: 2007-6-22 22:24

引用:

原帖由 張仲良 於 2007-6-22 18:17 發表

天氣熱嘛...講多d冷氣錢都省下來呢~

那你裸身再跳進冰箱內乘涼吧~

---

作者: Siu星_b    時間: 2007-6-23 00:58

大部份我都見過晒 ..

所以冇咩驚喜 ..

---

作者: 城西    時間: 2007-6-23 01:04

有d未睇過.有一個我笑左

---

作者: 死肥老蕭    時間: 2007-6-23 08:11

ok 啦,人地有心post 出來大家就不停踩,咁以後邊有人肯post,大家可以表逹唔好笑甚至唔睇,但自己唔post好過佢的嘢就話人d嘢爛,咁是否有d過份....

---

歡迎光臨 IPvE vLan 遊戲平台|網吧系統 (https://www.ipve.com/bbs/)

Powered by Discuz! 6.0.0