Board logo

標題: [閒聊] 有錢仔講風涼話，真係想一巴掌車過去！！！ [打印本頁]
作者: 熾烈紫龍    時間: 2010-11-3 18:04     標題: 有錢仔講風涼話，真係想一巴掌車過去！！！

蔡加讚:成功需苦幹





玩具大王蔡志明擁有逾百億身家，其孻子蔡加讚（Karson）天生注定被人眼紅，言行容易招人詬病。訪問前，他講明拒絕再影他那部價值二千萬的林寶堅尼超級跑車，「我是鍾意車，但不想被人覺得我扮嘢，成日拎車出來晒。」

三年前父親出動林寶堅尼作餌，成功引誘他提早完成半個學年，畢業返港接班，正式入主旭日國際集團。

太子爺歸位，最怕被人指是二世祖，頭一年他壓力大得失眠，「別人覺得我唔使做，又話我二世祖，初時好嬲、好介意其他人怎看我；要成功，人哋做十分，我要做足二十分，要被人知我用心工作，有資格坐這個位。」

廿四歲的他，去年二月獲父親肯定，委派為集團董事，「我辛苦不是為加人工，而是希望爹哋知道這個仔不是無用。」

蔡加讚在南加州大學畢業，主修政治，「我自細對港聞和國際新聞好關心，政治和經濟是掛鈎，一個投資環境會受政治因素影響，但我無想過從政，我只想做生意人。」


阿Q精神

訪問當日，蔡加讚棄以成熟的西裝look示人，做回自己，穿上最愛的名牌Dolce & Gabbana便服和波鞋，重拾廿四歲適齡的打扮，還送上青澀的笑容，「我最鍾意着casual wear，Dolce & Gabbana簡單得來又有少少details，返工見客應酬，焗住要着西裝，我都覺得好悶。」

三年前畢業於美國南加州大學政治系的蔡加讚，返港先被委派到旭日的地產部，成功將旗下的九龍城廣場起死回生，變成潮點KCP，人流由三萬升至九萬多人次，功成身退。兩年前，又被派到玩具王國旭日國際集團擔任董事，旗下有數十萬員工，他負責見客，掌管科技部及人力資源部門。「我無想過出外闖，由中四開始，每年會返公司做暑期工，一直想早些回來幫爹哋手，公司好多元化，有玩具、地產、有廠，總有一樣啱做。」

父親催谷他接班，蔡加讚照單全收，但新手上場，每天見客，解決公司問題，香港大陸兩邊走，夜晚還要應酬，令他壓力爆燈，他歎氣說：「第一年，每一日都過得好長，好不習慣應酬，好多無形的壓力，要拿盤數給爹哋看，要計每年賺幾多錢，學識甚麼是壓力，成日失眠扎醒。」

他惟有阿Q精神，將壓力轉化為動力，又明白老臣子未必個個對他信服，惟有加倍努力，做好自己，「我成日叫自己看開些，有時聽到別人話我不用做，我現在會愈聽愈開心，幻想自己是真的就好啦。爸爸教我要親力親為，不要靠人，做人要謙虛。公司的事，我不會全部識，我會專心聽同事講完，因為公司每個決策都要使錢，我好鍾意聽人意見。」

父親奇人

蔡加讚視父親為偶像，自言學到他一半已好好，「爹哋是奇人，不喜歡放假，可以廿四小時工作，好多人有錢到一個階段，不會再見『細』客，只要是有潛力的客，爹哋都會見，做任何事都不會假手於人，每個星期有三、四晚應酬，都可以每朝九時多返到公司，好犀利。」

就算有多忙，蔡氏一家人總會星期日聚在一起，看跑馬、遊船河、遊車河和去魚排食海鮮等，「早前我們去大埔鹿頸半日，一家人各自揸住自己的跑車遊車河，成隊車隊好似做騷，爹哋揸架幽靈之子超級跑車，家姐又會爬我頭，有途人會走過來影相，好開心。」

以為生於潮州家庭，蔡加讚定是萬千寵愛在一身，事實上父親對子女一視同仁，「爹哋不是傳統的潮州佬，不是攬住個仔當寶，他好新潮，不會重男輕女，所以成功是有原因的。」唯一是要他肩負傳宗接代的責任，「他不會理我拍拖，只要不好亂來，搞個爛攤子返來，他想我將來結婚生仔，傳宗接代。」問他現階段有無拍拖？蔡加讚只說：「唔想講，現在以事業為重。」


蔡加讚有三個家姐，自小一屋都是女人，父母怕他耳濡目染，變得女性化，從而鼓勵他玩玩具車，買了千多架四驅車模型給他，他笑說：「細個玩四驅車，幾條跑道霸佔成個廳，加怡（二家姐）大我四年，有時會勉強陪我玩，我又會自己畫本十版的車雜誌，一元一本賣給屋企人，他們為應酬我至買，不知有無看。」

在美國留學的他，一到十六歲便報名考車牌，第一架車是寶馬X5，每日揸返學，「將氣喉、車胎換掉，改車改到七彩。」之後父親又送他一架保時捷，可以讓他假日去兜風。○七年底父親為獎勵他提早返公司幫手，送給他第一架夢寐以求的林寶堅尼，去年更以二千萬買下全球限量二十部，有「陸上隱形戰機」美譽的林寶堅尼Reventon，「我本身是林寶fans，好似揸未來戰車一樣，不過每次買車，媽媽都會訓話，覺得浮誇，教我們做人要謙虛，有禮貌。」

綁架陰影

其母親李蕙莉，擔心不無道理，蔡加讚十六歲時曾險遭綁架，當時離開九肚山大宅上學途中，遭兩部賊車前後夾擊截停，四匪持鐵斧頭襲擊司機及他，蔡加讚淡然說：「嗰單嘢，唔係好記得，只記得早上在車上睡覺，突然被人扑到頭暈暈，我跑返屋企，工人見到即開門，之後摸吓個頭濕濕哋，原來是血。」

他整個月不敢出街，好驚出門口，「我要合埋眼至敢上車，半年後去了美國讀書，要看心理醫生，一年之後先至OK。
蔡加讚無可避免對人提高保護意識，他說：「有時在街上，有伯伯在附近傾電話，我會懷疑是否伏緊我，現在我去到哪裏都會對着門口坐，不會被人有機會從後襲擊，對不熟的人，我會懷疑他的居心，我保護意識好強，防範好高！」
灰色攝影

前年迷上攝影的蔡加讚，愛拍攝黑白風景相，灰蒙蒙的影像，表達的每一個故事，直接反映他的內心，他苦笑說：「我的心不是灰色，只有三分一甩色，失去人與人之間的信任，講相機是我的好朋友，好似好灰，但它會令我開心。」

▼M9的Leica相機，原價五萬七千元，因為買不到，他惟有以炒價六萬多元買入。鏡頭價值九萬元，「支肥仔鏡好貴，因為它的質素破晒紀錄，光圈.95，好靚。」

http://stacylife.pixnet.net/blog/post/12106362


成功需苦幹，但係有人唔洗苦幹就成功左
有錢仔學人談苦既說服力係０
貧富懸殊全球之最，香港地窮人葡萄不無道理

作者: °★sIUChC×.    時間: 2010-11-3 18:10

有錢仔會明白人地底下層幾可憐?
作者: -hE1    時間: 2010-11-3 18:17

有錢仔講風涼話,真係想一巴掌車過去.
快d車吧,支持你98
作者: HDXZ    時間: 2010-11-3 18:18

佢老豆應該送佢去第二到住幾年比佢睇下咩叫苦
作者: C_k    時間: 2010-11-3 18:19

只對樓主標題有興趣^_^
作者: ωǒ璦yōu╋    時間: 2010-11-3 18:19     標題: 回復 1# 的帖子

額，每日1篇？
作者: ●PinK_x小新    時間: 2010-11-3 18:22

樓主講得岩
支持你一巴掌車洛去
作者: 超人迪加.    時間: 2010-11-3 18:23

有米大哂
作者: C_k    時間: 2010-11-3 18:25

樓 主 係 咪 要 交 功 課[?]

做 緊 " 每 日 一 篇 " ?
作者: 　★〝儿戲    時間: 2010-11-3 18:25

佢地呢d人剩係識話我地可憐
咁佢有冇明白到我地既慘情..
我地咁辛苦.打工.佢係屋企
飲紅酒食雪茄..
真係想車死佢.
作者: C_k    時間: 2010-11-3 18:37     標題: 回復 10# 的帖子

絕 對 同 意 ， 鬼 叫 我 地 吾 係 有 錢 仔 咩
作者: ☆聰★    時間: 2010-11-3 19:32     標題: 回復 2# 的帖子

唔會~,~
作者: 變態乂仔    時間: 2010-11-3 19:33

佢個d生活都唔係苦...
一黎就有得做太子爺...
而不過係做d比人地努力既事!
我地連太子爺都冇得做
作者: -★奶媽、    時間: 2010-11-3 19:39

有米人係咁
作者: 　★〝儿戲    時間: 2010-11-3 19:42

就算我有錢..都係突然中左六合彩..
但我唔會唔理D窮人既辛苦..
都會解決佢地既問題.
作者: MoodY-_.    時間: 2010-11-3 19:54

樓主我讚:成功需苦幹
是的
作者: Yo-Man    時間: 2010-11-3 21:38

我個同學都幾有錢 100蚊 一個禮拜塔車 佢話              
作者: ★╮JoJo-.    時間: 2010-11-3 21:40

最憎有錢人=)
旦係有錢人會好憎我地=)
作者: ☆飲奶★    時間: 2010-11-3 22:55

我地中上階層先慘...又冇人幫
見到d有錢玩iphone拎mac book ipad拎黎睇
見到自己鍾意既..買
見到自己想學既..學
但係我地想做好多野都唔得
我地得番打機黎做支柱既時候
學業又會煩..做功課又唔想..打機又唔得
作者: °★sIUCwS×.    時間: 2010-11-3 23:00

囧..
d有錢仔係鍾意扮野..
作者: 笨笨XD    時間: 2010-11-3 23:00

唉   有$仔係咁    上星期渣ma  我有個家里真係好有$既同學    小息玩電話   比miss收左部i瘋

我問題你唸住點  佢話最多咪買過部

唉   有$人永遠唔會明白我地呢d窮仔



歡迎光臨 IPvE vLan 遊戲平台|網吧系統 (https://www.ipve.com/bbs/) Powered by Discuz! 6.0.0