IPvE vLan 遊戲平台|網吧系統 - Powered by Discuz! Board

標題: 對信長各英雄的整體評級[暫時只有織田軍] [打印本頁]

作者: KaSingo 時間: 2007-6-11 22:25 標題: 對信長各英雄的整體評級[暫時只有織田軍]

大家好小弟第一次係vlan發帖請多多指教

以下係小弟同班fd一時興起做o既英雄評級+一些原因分析
呢個只係一個初步的定案歡迎大家提出意見討論修正不過請講明充足原因

http://blog.xuite.net/kasingo/war3

雖然話玩左信長差唔多一年不過我多數只係同班fd係網吧玩多
平時一個人比較少上vlan玩因為屋企部機係神機

不時因為咁做左唔少白痴野害到隊友係到講聲sorry先好多其實我都唔想

中立同聯合o既仲打緊如果大家覺得呢次唔錯o既其他遲d再貼上黎分享下

作者: 締ξ死神ψ 時間: 2007-6-11 23:31

本人十分支持，先行加10分。

請問稍後本人可否把閣下網頁連結放到問題解答專區，好讓各vLan的朋友們作個參考嗎？

作者: 嗚嗚 時間: 2007-6-11 23:48

毫無參考價值...
羽柴秀吉B級已經講唔通無S都應該A掛?
酒井忠次井伊直政石田三成C級更令在下覺得無奈
跟住再睇...原來仲講緊N年前所謂既織田鐵三角組合...
可以唔冼睇落去喇...

作者: 締ξ死神ψ 時間: 2007-6-11 23:59 標題: 回復 #3 嗚嗚的帖子

相信樓主是十分歡迎閣下提出意見的。

希望閣下能提出那些評級有何不妥以及其理由。

作者: KaSingo 時間: 2007-6-12 00:34

締ξ死神ψ>
先謝過呢個blog的資料全部公開注明出處o既話隨便用就得

其他>
可能係我打得唔夠詳細再補充下:
英雄o既評分係想反映英雄之間對比出黎o既強弱就算係C/D級都唔代表佢地廢只係對比上黎有人好過佢
而且評級係用拉curve既方法所以係一定要係有d人高有d低
裡面評級d"+""-"係想表達呢隻英有機會要升/降級因為我想收習多d意見先
仲要再講明o既係呢個只係一個初步的定案我開個標題係"討論"唔係"原創"就係想唔好改到好
認為無參考價值o既請詳細d比d原因意見出黎大家認為有o既道理一定會改改到參考價值
最重要係唔該多少都比d理由就咁講我話咩都得: 仙石秀久點可能D 唔S都有A啦
以後冇咩特別問題我唔會幾個幾個咁回因為仲要返工冇咩時間

p.s 講起仙石秀久我冇佢個頭像有冇人可以貼上來幫補? 先謝過

作者: lelesee 時間: 2007-6-12 00:39

其實呢篇野都已經算係唔錯家啦 ,,
因為都出左信長咁耐 ,,
到而家 ,,
都只係有呢一位樓主肯講出評價 ,,
而且當中有不少都係十分有用的 ,,
所以先別說錯或對 ,,
因為錯或者對都係每個人心入邊有唔同既評價 ,,
但係呢篇野都好適合新手去睇下

作者: SmileBoy 時間: 2007-6-12 10:55

可作參考..

但實際上好多評級我都唔係太贊同

同埋最重要係排版方面.. d字太密麻麻了 \

作者: 榴槤光 時間: 2007-6-12 11:53

濃姬有B+我覺得有d問題- -

隻本身冇救自身技...爆擊唔算高

除左大技叫範圍外...其他冇咩睇頭

作者: SmileBoy 時間: 2007-6-12 12:03

感覺上所講既整體評級..  好似唔太整體

輔助最強  整體稱王既羽柴竟然係B級..

仲有蜂須、黑田、寧寧、數正、井伊  其實整體上係好強

但卻只有B-C級

相反  前田利家..  稻姬竟然屬A級  真係唔係太明評分標準大約是甚麼

作者: ★RAY少☆ 時間: 2007-6-12 12:46

濃姬真係唔只b+~加長船~疊爆~加虎徹~法傷~暈刀~無視魔免暈~2技加雪走可-到極慢

作者: plastic_pan 時間: 2007-6-12 13:04

我覺得有d錯

有d英唔只得咁低級

不過都多謝你分享

作者: 締ξ死神ψ 時間: 2007-6-12 14:11

大家不要「反對」「反對」再「反對」，

要提出自己的見解、理由才是正確的討論態度。

就算是贊同，也應該提出一些意見喔。

這也是樓主所提及過的：

引用:

原帖由 KaSingo 於 2007-6-11 22:25 發表
歡迎大家提出意見討論修正不過請講明充足原因

作者: SmileBoy 時間: 2007-6-12 14:25

每個人既標準不同

所以最少樓主要提出「評審標準是甚麼」才可以討論下去

光一個「整體評級」也許要說說甚麼是樓主所言的「整體」

作者: 締ξ死神ψ 時間: 2007-6-12 14:41 標題: 回復 #13 SmileBoy 的帖子

不是這個意思。

例如閣下所提出：輔助最強整體稱王既羽柴竟然係B級..

但究竟為甚麼是「輔助最強」，為什麼「整體稱王」？

雖然我不反對，但難免很多會員(至少樓主)會不明白。

沒任何理據支持，最多只是主觀認為、類似灌水式，人人也能夠作出的回覆。

一個說「應該B級」一個說「好弱」一個說「最強」，沒理由的話實毫無討論價值可言。

作者: KaSingo 時間: 2007-6-12 18:34

引用:

原帖由 SmileBoy 於 2007-6-12 14:25 發表
每個人既標準不同

所以最少樓主要提出「評審標準是甚麼」才可以討論下去

光一個「整體評級」也許要說說甚麼是樓主所言的「整體」

真係一言驚醒夢中人呢個真係我問題
可能因為呢幾日係咁掛住打字所以連自己都開始有d唔清醒最重要個d反而提得少少

其實我同d fd開始講時好多英都係好高有成七成多係A以上
後來我地發現如果重點只放係「這隻英最強可以發揮到咩水平」結論係只要對隻英有相當經驗心得o既話要發揮出A級水平唔係難事
(舉個例我個人鐘意用寧寧雖然唔算話用到好神但係要我用到有A級一定得)
因為就算英雄本身有技能/能力o既不足但係咁多種道具下加上個人對英的認知要補救/配合係唔難o既只要有經驗心得就可以
於是我地想向一個比較公平d o既方法去評
假設一隻英可以發揮出o既強度最主要係由「英雄本身」+「使用者水平」+「使用者對該英的熟練度」組成
(當然現實唔止起碼隊友已經可以有好大影響不過以野團打野團黎講個人可以控制o既主要係呢3個因素)
要比較o既話咁使用者水平當然要一樣最好可係同一個人添
咁就只餘下「英雄本身」同「使用者對該英的熟練度」上面講過考慮埋熟練度要分都幾難並且唔可能好公平咁評
因為每個人對每個英的經驗心得都有唔同程度見解而且其他人好難百分百明白
你話你對隻英熟我話我對隻英熟咁究竟大家對「熟」o既水平程度又係點? 好難講
就算係同一個人都好難有人敢話對每個英都有相同o既熟練度
所以最後我地決定唔再主要考慮熟練度而唔考慮熟練度既話英雄本身容唔容易上手(要發揮英實力的難道)就會係一個唔細o既因素
最後我地決定用「一個中手對英雄不太熟練的情況下(例如v中)以一般打法出合理的裝備下所能發揮o既英雄實力」來評級
假設同一人在同一場中v中森仔/數正(用平衡空間去想)而佢對呢兩隻英既認識都只係一般我相信佢用森仔會發揮得比數正好
而呢個差距就大約係呢個評級o既差距英雄難唔難掌握都算在英雄整體的一部分所講o既「整體」包括埋呢樣
我地認為咁樣評會公平d

不過就算係咁都唔可以話個評級好準因為評級只係我同7個fd打完通霄機去m記吹吹下水開始評出黎
就算我地好鐘意v人/選新人黎打都唔敢講我地對所有英都熟而且我都唔相信8個人可以代表到全部
所以都係果句希望大家指點修正

對於羽柴輔助強這個我無可否認可以話同德川黎比係平分秋色各有千秋 B的確係低左d 改做B+會好d?

排版方面我會想想辦法但只係打都好用時間真係唔打過都唔知

不過我會盡量改善下

[ 本帖最後由 KaSingo 於 2007-6-12 18:37 編輯 ]

歡迎光臨 IPvE vLan 遊戲平台|網吧系統 (https://www.ipve.com/bbs/)