IPvE vLan 遊戲平台|網吧系統 - Powered by Discuz! Board

標題: [閒聊] 一個曾踏足菲國的我對事件的看法 [打印本頁]

作者: CoOLtSanG_ 時間: 2010-8-28 11:47 標題: 一個曾踏足菲國的我對事件的看法

在過去的日子,發生了一件令港人會討厭菲律賓政府的事件以下是我個人的[看法]之我見。
香港一般人看到琴晚的 live，都會侘異菲律賓警察的救人表現及裝備如斯不濟，其實只要你知道當地實際情況，你就會明白，今天這個悲劇是一個正常的結果。(但正常不等於正確，不要把它合理化就是了)

重點是：不要用香港的水平去比較，background 係，你真係要親身去過，你就會明白，一個貪污貪到連警署都無錢交電費的首都，其實臨時組到個 SWAT team，已經好好運，你亦唔可以 expect 佢 D policeman 會好認真做好救人工作。當你長期被拖糧時，你會唔會用條命去搏？
我在歐洲的地點出生,很清楚菲律賓國家的運作.警察長期被拖糧係我從當地司機口中得知的，然後佢就同我講左好多這個城市的警察如何公然受賄，當地的士司機長期都被警察敲詐等云云。
但當你無糧出，你要點先可以有錢過活？你只可以貪啦。歡迎你來到一個貪污貪到連警署都無錢交電費的城市，一個由警察到總統都貪污的國家。
我記得，一年前我搭的士由馬尼拉 airport 去 downtown hotel，途中經過一個燈位，對面有幅「亞羅約夫人」的畫像 (就好像民建聯那些：劉光華 + 一兩個區議員的「膽拖腳」宣傳 banner)

我問個司機: do you like her?
司機: (呆左呆) no, no good, corruption
友人問，為何不先瞞騙著槍手承諾給予復職，誘使其放人結束事件？

我的看法是，技術上可行，但政治上不行。因為:

1. 槍手一定迫你在官方電視發表承諾 (由總統／市長)，而官方發表係代表緊國家，一般都唔可以反口 (北韓除外)。
2. 一個如斯混亂的國家，如果在談判中屈服，就會有無數對現實不滿者仿傚，成為不穩定因素。
我的看法是：這絕對是一件政治事件。我的大膽假設是：其實跟本佢地主要都係想滅口，多過救人。

知唔知點解槍手個細佬會係 TV live 時被捕？明明勸大佬勸得好好地，仲要係 police 個邊請佢到現場勸大佬的。

外電話：係個槍手知道自己死梗，所以想借細佬把口，爆佢前老細大獲，所以有人見到唔對路，即刻下逮捕令。

當一件「工具」唔 function，甚至會傷害到自己，就要除之而後快～客觀 D 諗下：如果唔係當權者身有屎，當住電視直播，你點敢當面拉人封艇？
仲有其實個槍手解開司機手扣，叫佢喳走架車個原因係：佢個時都未有想殺晒 D 人，槍手轉地點，你 D police 所有 setup (燈光，command post，snipers etc...) 同 plan 都要 reset -> 我認為實情係：槍手其實想 buy time 再傾！！！

點知 police 個邊就射爆條呔，敢槍手都做過 police, 佢下意識明白到有人要 take action，加上係個 TV 度睇到細佬被逮捕，細佬同傳媒爆料個 plan 已經失敗，所以就開始發惡殺人，司機就係個時走甩左....

其實，不幸及不值的是：我認為 D 人其實係死係一個「不能爆的祕密」
有網友問為何白天有那麼多的機會「滅口」，警察卻沒執行？

我唔熟悉馬尼拉警力的資源分配如何。不過我認為，事件的嚴重性在萌芽期被嚴重低估：

1. 當時無人知槍手是何許人也，情報未到位，槍手訴求不清悉，這些都可以令指揮官初期嚴重錯判形勢。到知道槍手身份，情報到位後 (包括會被爆料的影響「範圍」)，再召集同 deploy sniper team，可能最佳時機已過了

2. 當時無人諗過槍手真係會殺人

再客觀想想，槍手以前也是警察，他應該十分清楚警方的處理程序 (例如出動 sniper team 條件及召集 sniper team 的需時)，所以佢夠膽係初期曝露於車門車窗

我建議各位唔好用香港警隊的規模同效率去跟菲國的比較，可能佢地無電腦要去檔案部人手找槍手的檔案資料，亦可能跟本市內無 sniper team standby 都唔定～我希望提供多一個角度去討論，繼而引發更多調查的可能性～我信真理會越辯越明，我不希望逝者死得不明不白，我個人的想法對錯並不重要，因為在這特大事故下，個人榮辱跟本就顯得相當卑微，我在想，能給逝者及家屬最大告慰的，就是真相～

我一直抑制自己，不要把個人感情放進「我見」，就是希望無論甚麼立場的人看到這帖時，都不會撩動情緒，都可以持平看完這帖，都可以有一個思考的空間～

不要種族仇恨，極端的民族主義是很危險的，也是最容易使人淪為政治工具的
By. CoOLtSanG_ 如有雷同實屬巧合

[ 本帖最後由 CoOLtSanG_ 於 2010-8-28 18:09 編輯 ]

作者: ●沁痛﹏狗 時間: 2010-8-28 11:48

字海
純想留名拎2$$
頭香