IPvE vLan 遊戲平台|網吧系統 - Powered by Discuz! Board

標題: [知識] 對中大果份學生報點睇? [打印本頁]

作者: FD3S 時間: 2007-5-11 17:42 標題: 對中大果份學生報點睇?

香港中文大學學生會今日（7日）開會後認為，中大學生報情色版內容過火，影響校譽，雖然明白學生報的原意是希望學生可以公開討論性方面的問題，不過，手法值得商榷。

中大學生報是在去年12月開始設立情色版，內容涉及亂倫、性虐待等被指露骨，有學生批評內容猥瑣，渲染色情，學生報副總編輯強調，設立情色版的原意並非想嘩眾取寵。學生報編輯部表示，會盡快開會商討事件，又強調，情色版內容並非要渲染色情，又指性是生活一部份，希望能開放討論。

中大發表聲明，指絕不容許學生以不雅及色情的方式出版刊物，希望學生採用理性及學術角度，嚴肅處理有關性的題材。聲明又表示，中大學生事務處已就事件與學生報編委會會面，並表明學生必須承擔道德及社會責任，大學已成立調查委員會了解事件，並按調查結果作適當處理。

中大學生報由直屬學生會的報社主理，主要負責該報的編採工作，運作全部由學生負責，校方並無參與，每月出版一次，印製1萬份，在校園內免費派發。
------------------------------------------------------------------------------------------------------------------------------------------------------------------------------------
我覺得呢d野好正常. 但係獸交同亂倫有點太過分了!!!
發表下你地對依宗新聞有咩意見@@?

作者: 死肥老蕭 時間: 2007-5-11 17:53

我地無睇過份報紙，點評論，不過如果真係有色情，獸交同亂倫嘢，我贊成校方干預，因為佢地用緊中文大學個名出校報，唔可亂來．．．．

做一Ｄ有損校譽的嘢，校方點解唔可干預，不過應該先商量才處理，否則就變成妨礙新聞自由．．．

作者: kelvin19250 時間: 2007-5-11 18:22

引用:

原帖由 死肥老蕭 於 2007-5-11 05:53 PM 發表
我地無睇過份報紙，點評論，不過如果真係有色情，獸交同亂倫嘢，我贊成校方干預，因為佢地用緊中文大學個名出校報，唔可亂來．．．．做一Ｄ有損校譽的嘢，校方點解唔可干預，不過應該先商量才處理，否則就變成妨礙新聞自由．．． ...

不過已經去到色情，獸交同亂倫
呢D好似唔可以用妨礙新聞自由
黎當理由
所以我覺得佢出呢份報紙果D學生
都有D問題...仲話大學生...
都唔知係咪讀書讀到 "shot" 左
我就接受唔到...話哂都大學丫...
出色情都好少少
佢出埋獸交同亂倫就真係...

( 言語激動左少少...勿插 )

p.s:剛剛去左有關網站睇左關於呢D新聞...好多都係有彈冇讚

[ 本帖最後由 kelvin19250 於 2007-5-11 19:16 編輯 ]

作者: kaka123 時間: 2007-5-11 18:50

係問卷有問題關於,唔係圖片!!!!!!!!!

作者: kelvin19250 時間: 2007-5-11 18:55 標題: 回復 #4 kaka123 的帖子

但係好露骨...呢...
內容就唔講啦 ( 驚比人扣分 )

作者: SmileBoy 時間: 2007-5-11 18:56

根本係嘩眾取寵..  為求吸引注意

係事件發生之後  有某位女性既編輯被電台訪問

係初初既對答  佢因為有預備過所以答得還過得去(甚麼是為打破舊有觀念、開拓討論空間不斷重複)

之後都係被問到口啞啞

畢竟啦..  就是理虧

畢竟啦..  就有點把歪理當道理

作者: kelvin19250 時間: 2007-5-11 19:01 標題: 回復 #6 SmileBoy 的帖子

無錯...依家唔只細路
就連大學生都唔肯認錯....

如果佢地肯認...
我相信會有好多人原諒佢 (包括我)
但依家死都唔認錯
真係有點那過

好難想像一班大學生會講d咁低俗既野囉~
話哂都叫知識份子
唔該佢地post果時諗下d讀者既感受啦~
唔該佢地唔好係度濫用言論自由~~言論自由都要為其他人著想~
佢地咁同d色情雜誌有咩分別?

佢地讀左咁耐書知唔知咩叫道德倫常?
唉....究竟呢個社會遲d會變成點??

[ 本帖最後由 kelvin19250 於 2007-5-11 19:04 編輯 ]

作者: SmileBoy 時間: 2007-5-11 19:10

岩先頭條新聞有提及過下此事件..

其實好多野係做之前  批判一下自己所做既事  係咪對身邊既人、社群沒影響就好

佢地堅決話「唔會認錯」  因為他們認為「自己沒有錯」  真是有點囧..

就算自己真係無錯  但令到社會產生咁多厭惡  甚至對中大批評  都好應該道個歉了

但佢地不單止唔認錯  仲反咬一下傳媒、社會大眾  話大家太敏感  甚至稱大家對佢地既打壓係更唔正常

作者: kelvin19250 時間: 2007-5-11 19:15

引用:

原帖由 SmileBoy 於 2007-5-11 07:10 PM 發表
岩先頭條新聞有提及過下此事件..

其實好多野係做之前  批判一下自己所做既事  係咪對身邊既人、社群沒影響就好

佢地堅決話「唔會認錯」  因為他們認為「自己沒有錯」  真是有點囧..

就算自己真係無錯  但令到 ...

大學生的學生報有自由談性.......
但唔代表佢地可以放縱情慾隨便咁講.......
佢地自己有自由去講去討論...
並不等於佢地可以將呢D內容放到面對公眾的報章上......
即係好似你有權係自己屋企唔著衫....
但咁並唔代表你可以係公眾場所露體.....因為你咁會影響其他人........
野蠻的人才會辯駁話其他人可以唔理個露體狂.....

但問題係社會既道德水平根本未低到咁.....
就好似而家大部分人都唔認同學生報既內容
就可見大部分人都接受唔到用咁既角度去談性......

所以呢d學生亦只好似一d野蠻的露體狂一樣......
冇理會社會上既人既諗法同感受........咁做係無知同自私既行為........
而家咁多人話佢地仲係度死撐....死唔認錯.....睇黎要趕佢地出校先識驚.....

咁大個人....唔應該用"自由"作為自己"放縱"的藉口

p.s : 我發覺宜家D人好鍾意用自由言論黎做藉口

[ 本帖最後由 kelvin19250 於 2007-5-11 19:18 編輯 ]

作者: SmileBoy 時間: 2007-5-11 19:17

咁做錯事要搵藉口..

就當然係拎人權丫.. 自由丫

夠方便又加上看似沒錯嘛

作者: kelvin19250 時間: 2007-5-11 19:19 標題: 回復 #10 SmileBoy 的帖子

算啦...我覺得唔趕佢地出校
佢地都唔會認錯

作者: SmileBoy 時間: 2007-5-11 19:21

正所謂.. 丁丁是人才啦

這句很管用的

校方好似仲未有任何處罰仲要留意下個結局

作者: kelvin19250 時間: 2007-5-11 19:24 標題: 回復 #12 SmileBoy 的帖子

我覺得校方未必趕佢地出校
因為做到咁...即係證明佢地有錯
而且錯得緊要...咁樣會影響校喻

所以應該只會嚴重警告

作者: SmileBoy 時間: 2007-5-11 19:26

趕出校..  我諗就應該唔會

如果校方真係認為程度咁嚴重  我諗一早就會發出聲明之類

但最少會要求佢地作出道歉?

但佢地又死口唔認

作者: kelvin19250 時間: 2007-5-11 19:28 標題: 回復 #14 SmileBoy 的帖子

55...
擔定椅子睇好戲啦

作者: 締ξ死神ψ 時間: 2007-5-11 19:35 標題: 以下乃明報社評，感覺客觀中肯。

意欲風流一番慎防下流收場 2007年5月8日

【明報專訊】中文大學學生報最近5期新加入情色版，起初是點到即止，其後口味愈來愈「出位」，發展到被認為引導、鼓吹亂倫、人獸交、集體性交等內容，終於惹來反彈，被批評淫褻、低俗。這類討論，經過切割、聚焦，會出現只見樹木不見森林的情色，人們眼中只看到學生做得不對的一面，然後大肆鞭撻；不過，如果把事態放在較完整的脈絡去檢視，可能會得出較恰當結論。

惹起爭議的內容，確實是過了「火位」，用字粗鄙、露骨，已經逾乎探討性知識、普及性教育之旨，與渲染色情無異；以現今香港社會的道德標準，大多數人無法接受，此事昨日成為電台一些「烽煙」節目的熱門話題，許多人都表達失望甚而憤怒，這種反應完全正常，學生報負責人宜放開胸懷，聆聽意見，接受批評。社會是互動的，盲目的我行我素本身就是一個錯誤。

最近5期中文大學學生報，情色內容每期只佔一小部分，其他內容例如探討禁煙、財政預算案、有機種植等，都符合大學生關心社會角色，也具有批判精神，因此，不能指摘學生一味刻意販賣色情。

不過，學生用衝撞手法處理有關情色內容，挑戰傳統道德規範的心態，至為明顯，大有語不驚人死不休之慨。學生在中文大學學生報享有編輯獨立、自主，只要不牴觸相關出版法例，中大校方或其他人，不會過問其編務，經過這次事件，學生應該知道在不受約制之時，自由的行使要倍加小心，如果未能善用自由，顧及一定社會責任，最終只會淪為濫用自由，對社會構成損害。

在大學探討性知識、宣揚性教育，內容和層次當然有別於中學、小學，但是無論怎樣，內容不應該與坊間一些風月版看齊，為了標奇立異，「鹽花」甚而過之，更是不應該。例如發問卷調查，問學生「會唔會幻想過同阿爸阿媽兄弟姊妹做愛？」、「有否裝過佢沖涼、換衫、自慰、做愛？」、「最想同咩動物做愛？」等，這些問題很不恰當，對於一些心智不健全者，會起引導、鼓吹效果，如果認為「純粹問性幻想，可以天花龍鳳，只要你不付諸實行、不侵犯人就OK」，這就大錯特錯了，因為身為編輯人員，不可能知道會否有人按你的引導付諸實行，編輯人員的責任，絕對不能以「玩玩下」或見仁見智搪塞過去。這些內容，使我們驚覺大學生對於色情的尺度，竟然是那麼無知，間接說明教授正確性知識和建立性態度，實在是刻不容緩。

學生報編輯加入情色內容，出發點可能想風流一番，豈料拿扼不準，變為下流。以「風流而不下流」的高標準要求學生，或有點過分；但我們希望大學生也應自尊自重自愛，人可風流，但勿下流。

身為大學生，辦學生報包括情色內容，我們不會懷疑其動機在渲染色情，但是客觀效果使得許多人不快，卻是事實；學生們無必要硬拗，坦然承認顧慮不周，從錯誤中改進，對自己和對社會都會較好。

中大校方聲言要嚴正處理，約晤學生報編輯，調查情況。作為校方，學生鬧出「醜聞」，當然有責任介入處理，不過此事之實質，是學生「玩過籠」而已，不應該嚴厲懲處。負責中大學生報的同學，由全體中大同學選舉產生，如果他們的做法真的使中大蒙羞，就讓中大同學在下次選舉時，不要再選對情色內容情有獨鍾的人主編中大學生報好了。

[ 本帖最後由締ξ死神ψ 於 2007-5-11 19:41 編輯 ]

作者: 死肥老蕭 時間: 2007-5-11 19:47

明報果然客觀，我無嘢講了．．．

作者: 締ξ死神ψ 時間: 2007-5-11 19:54

討論這類敏感問題本來是沒有錯的，

要打破舊有觀念、開拓討論空間是可以的。

可惜表達的方式卻過於低俗，

低俗討論這類敏感問題就很容易引起迅速而強烈的反應。

之前也曾聽聞大學學生會常強逼學生做些不當行為，

經此事後對這學生會更為失望。

[ 本帖最後由締ξ死神ψ 於 2007-5-11 19:59 編輯 ]

作者: kelvin19250 時間: 2007-5-11 19:56

太多...我冇睇哂
不過都係果句
做錯野就要認
一味話言論自由果d人
根本就係膚淺

作者: kaka123 時間: 2007-5-11 20:15

這類討論，經過切割、聚焦，會出現只見樹木不見森林的情色，人們眼中只看到學生做得不對的一面，然後大肆鞭撻!!!!!!

贊成!!!!!!成堆抽水小丸子

[ 本帖最後由 kaka123 於 2007-5-11 20:17 編輯 ]

作者: 光劍滅殺 時間: 2007-5-11 20:19

d人膠膠地冇野搵野來搞呀ma

係要衰過先得

作者: kelvin19250 時間: 2007-5-11 20:26 標題: 回復 #21 光劍滅殺的帖子

完全讚同
我估係細佬先至唔三思而後行姐
估唔到連大學生都係咁

仲要中大

望就望冇外國人睇到呢段生聞啦
如果唔係真係比人笑死

今次唔單只影衰中大
仲影衰埋香港,...

作者: 締ξ死神ψ 時間: 2007-5-11 20:26

引用:

原帖由 光劍滅殺 於 2007-5-11 20:19 發表
d人膠膠地冇野搵野來搞呀ma

係要衰過先得

冇野搵野黎搞有咩問題...

盲目跟隨舊有的傳統，只會沒有進步。

[ 本帖最後由締ξ死神ψ 於 2007-5-11 20:30 編輯 ]

作者: kelvin19250 時間: 2007-5-11 20:29 標題: 回復 #21 光劍滅殺的帖子

咁又係喎
死神講得岩喎

其實佢地出呢份新聞係冇問題
只係內容有問題

作者: 死肥老蕭 時間: 2007-5-11 21:39

乜版主咁無性格架,比人講幾講就縮沙．．．

其實最大問題係Ｄ學生太自大，自以為是，想到乜就做乜，完全不顧後果，如果份校報加有老師做顧問，我相信應該會好Ｄ，但佢地咁大過人梗係唔想比人管，本來可以自律當然好，但人就是喜歡挑戰尺度，挑戰成功咪得吋進尺，失敗咪由頭開始個囉，但佢地無想過會影響前人所爭取番呢的嘢，香港道德標準不嬲都高，你要挑越無人話你，但唔可以過份而行，應該以尊重心態而行，有限度拾級而上，但個個都上一步登天，咁咪攪個大頭佛出來囉．．．上次新生已令中大蒙羞，黃子華都講足幾年，估唔到．．．

大學生喎．．

作者: kelvin19250 時間: 2007-5-11 21:56 標題: 回復 #25 死肥老蕭的帖子

我幾時縮沙呀??
只係同意佢講

冇野搵野黎搞有咩問題...
盲目跟隨舊有的傳統，只會沒有進步。

作者: 死肥老蕭 時間: 2007-5-11 22:12

引用:

原帖由 kelvin19250 於 2007-5-11 21:56 發表

我幾時縮沙呀??
只係同意佢講

冇野搵野黎搞有咩問題...
盲目跟隨舊有的傳統，只會沒有進步。

有時傳統嘢唔一定唔好,好似孝順父母,尊敬師長,唔通就會冇進步嗎...

要改革,要創新,邊個話唔好,但做任何事之前,要先考慮清楚,咁做會唔會影響其它人,如果唔會當然可隨意而行,但如果會就要資詢其它人,希望將影響減到最低,咁先係負責任的人,但衹求一己私慾,任意妄為,出事又死不悔改,死雞撑飯壼,講成言論自由,新聞自由,咁就可逃避責任嗎...

作者: kelvin19250 時間: 2007-5-11 22:34

引用:

原帖由 死肥老蕭 於 2007-5-11 10:12 PM 發表

有時傳統嘢唔一定唔好,好似孝順父母,尊敬師長,唔通就會冇進步嗎...
要改革,要創新,邊個話唔好,但做任何事之前,要先考慮清楚,咁做會唔會影響其它人,如果唔會當然可隨意而行,但如果會就要資詢其它人,希望將影 ...

哈~~今次終於捉到你錯處啦
死神只係話盲目跟隨舊有的傳統
並唔係話傳統唔好
只係唔係咩傳統都踢

正如考順一樣...
考順都唔可以盲目考順
盲目考順只是愚考...
一樣道理

作者: 死肥老蕭 時間: 2007-5-11 22:45

我有講死神嗎,我一開始講有時傳統嘢唔一定唔好,無話死神講啱與唔啱,同埋是孝順....

作者: 小飛豬 時間: 2007-5-12 13:07

每個人心中都有一把尺..度數去到邊,因人而異

此事件..的確.反應左一個問題/...性教育缺乏問題..

作者: kelvin19250 時間: 2007-5-12 13:21 標題: 回復 #30 小飛豬的帖子

咁小飛豬
你覺得今次中大學生有冇錯呢??

作者: 死肥老蕭 時間: 2007-5-12 17:12

佢似乎己經講咗佢立場了．．．

作者: 神魔︳WAI 時間: 2007-5-12 21:38

小小H野姐五洗搞甘多野牙

作者: kelvin19250 時間: 2007-5-12 23:11 標題: 回復 #33 神魔︳WAI 的帖子

本身H野係冇問題
由報紙發出都冇問題
問題係呢份報紙係大學出...
咁就大問題

不過都算...

人總有錯..
大學生都唔例外
不過佢錯又唔認...
呢個先大問題

作者: 締ξ死神ψ 時間: 2007-5-14 22:05 標題: 新消息

中大學生報情色版被評為第二類不雅物品
2007-05-12

據中大學生報的了解，淫褻物品審裁處初步將學生報二月號及三月號的「情色版」，評為第二類不雅物品，學生報負責人可能面臨起訴。

法例規定這類物品在發行時，必須遵守一定限制。影視處至今收到五十一宗投訴。

淫褻物品審裁處審裁了中大學生報二月、三月及四月，合共三期的情色版，審裁的結果會在星期二正式公布。據學生報方面了解，處方已初步評定學生報的二月號及三月號，為第二類不雅物品；至於四月號，就初步評為第一類物品，再轉交影視處決定是否提出起訴。

學生報的上任及現任總編輯可能會負上刑事責任：「對於他們的裁決，我們會有少許震驚。對於評定我們的刊物，應該是一整份去了解，而不是看一部分情色版，因為我們的刊物亦包括不同版面。」

中大學生報已要求審裁處重新審視整份學生報內容。但有審裁員指，一份刊物內，就算只是有部分內容不雅，就可以定為第二類刊物：「一套電影可能有個半小時的時間，但入面可能有十多二十秒是顯示一些性愛，又或者男女演員主角是裸體，或是有粗口出現，那套電影自然被評為三級。」

如果學生報不服，可以在五個工作天內上訴，審裁處會展開公開聆訊。

中大發言人表示，要等審裁處公布正式裁決才能作出回應，校方會繼續輔導及教育學生。

根據淫褻及不雅物品管制條例，刊物的評級分為三類，第二類屬於不雅，發布時有一定管制，例如要用膠袋套著及印上警告字句。第三類屬於淫褻刊物，不能發布。違規發布第二類不雅刊物，首次被定罪，最高可罰款四十萬元及監禁一年。

到現在學生報負責人還不了解他們錯在哪......

作者: SmileBoy 時間: 2007-5-14 22:32

一個情色版連累整份學生報連累整間學校..

一個不慎既抉擇影響甚深呢..

作者: 死肥老蕭 時間: 2007-5-14 22:43

唔想再講呢班所謂大學生，一Ｄ腦袋都唔知擺咗響邊．．

作者: 締ξ死神ψ 時間: 2007-5-14 22:44

出事的原因主要是學生報編者「眼高手低」。

能勇於接受這些問題，開放空間討論，的確會令社會跨進一大步。

可惜他們沒有從歷史、心理、文化等等題目上探討這類問題，

加上有頭沒尾，只提出一些涉及情色的膚淺問題，手法實在低劣。

作者: 死肥老蕭 時間: 2007-5-14 22:50

我都希望佢地快Ｄ出來道歉，快快平息此事，唔好再死撑．．．做個勇敢中文大學大學生．．

作者: kelvin19250 時間: 2007-5-14 23:33

好野

...抵死...
死口唔認都冇用...始終逃不了法律制裁

唔知會罰幾重呢??
呢D就係
唔三思的後果

作者: 死肥老蕭 時間: 2007-5-15 01:13

始終係學生,比個機會佢地啦..

作者: 締ξ死神ψ 時間: 2007-5-24 12:28

其實，我不認同淫褻物品審裁處的審判。

有點矛盾？不是。

對人沒禮貌、對父母說粗口、親身見到有犯罪事件不報警袖手旁觀．．．等等是否犯罪？不是。

但是否有錯？本人認為有錯。

作者: 死肥老蕭 時間: 2007-5-24 13:58

咁就係,有錯並不代表犯罪...

但亦有無錯但係犯法的例子喎...

作者: SmileBoy 時間: 2007-5-24 14:08

神人姐係神人.. 大個仔姐係大個仔

好在我小學就校長強調過旁觀打鬥/違規事件而不舉報=有罪

作者: 締ξ死神ψ 時間: 2007-5-24 14:26

引用:

原帖由 死肥老蕭 於 2007-5-24 13:58 發表
但亦有無錯但係犯法的例子喎...

例如？那些是錯判的案件而已？

引用:

原帖由 SmileBoy 於 2007-5-24 14:08 發表
神人姐係神人.. 大個仔姐係大個仔

好在我小學就校長強調過旁觀打鬥/違規事件而不舉報=有罪

喔原來事實又並非如此。後面有解說。
所以說校規真的不可與法律相提並論！

[ 本帖最後由締ξ死神ψ 於 2007-5-24 14:42 編輯 ]

作者: Saghk00496 時間: 2007-5-24 14:36

引用:

原帖由 SmileBoy 於 2007-5-24 14:08 發表
神人姐係神人.. 大個仔姐係大個仔

好在我小學就校長強調過旁觀打鬥/違規事件而不舉報=有罪

其實中學都有....不過你無留意ja

作者: 締ξ死神ψ 時間: 2007-5-24 14:38

要罪成需具備以下所有元素:
-- 首先你知道這個人犯了法或有理由相信他已做了犯法的事;
-- 你所提供的資料有關鍵性的幫助;
-- 收取了對方利益不舉報他或提供資料或 -- 接受任何不披露該資料的代價

注意: 收取利益或代價不需要金錢上, 其他利益或代價也可以.
同意收取利益或代價, 但最終/實際上沒有收到也算是達成以上條件.

私下約定要隱瞞該資料或接受任何報酬以換取不披露該資料的代價.

這條罪的意思是要「接受代價」或「收取利益」下不舉報才算犯罪,

只是單純的「知情不報」不會觸犯法例.

quoted from yahoo 知識+
根據第221章
刑事訴訟程序條例
第91節隱瞞罪行的罰則
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
(1) 如某人犯可逮捕的罪行，而任何其他人知悉或相信有人已犯該罪行或另一可逮捕的罪行，並知悉或相信他有在確保罪犯就該罪行而被檢控或定罪方面可能有關鍵性幫助的資料，但接受或同意接受任何不披露該資料的代價，即屬有罪，如循公訴程序定罪，可處監禁2年。
(2) 如某人明知而向任何人作出虛報，內容傾向於顯示已有人犯某罪行，或傾向於對任何人或財產的安全引起憂慮，或傾向顯示他有對警方的調查具關鍵作用的資料，因而導致任何警力的浪費，即屬有罪，一經定罪，可處罰款$2000及監禁6個月。
(3) 除經律政司司長同意外，不得就第(1)款所訂的罪行提起法律程序。 (由1997年第362號法律公告修訂)
(4) 除本條所訂者外，有代價地就罪行(叛逆罪除外)不予檢控或作出任何妨礙檢控的行為，並非一項罪行。
(5) (由1991年第50號第4條廢除)

(由1971年第5號第7條代替)
[比照1967 c. 58 s. 5 U.K.]

請大家不要把學校的事全信以為真！

單純旁觀打鬥/違規事件而不舉報=無罪！

[ 本帖最後由締ξ死神ψ 於 2007-5-24 14:50 編輯 ]

作者: kelvin19250 時間: 2007-5-26 00:09

引用:

原帖由 締ξ死神ψ 於 2007-5-24 02:26 PM 發表

例如？那些是錯判的案件而已？

你錯啦...你理解錯左...
肥蕭話無錯但係犯法
那些例子並不是錯判
而是灰色地帶...
我比個 e.g 你
有一個爸爸...佢好窮...窮到連飯都冇得開...
佢個女餓到快要死...
咁佢就去偷野...

咁你話佢有冇錯??? 冇人知... ( 灰色地帶...)
不過佢一定有罪...

作者: 締ξ死神ψ 時間: 2007-5-26 00:17 標題: 回復 #48 kelvin19250 的帖子

你的例子：偷竊 = 對他人財物、心靈有所損失。這．不算錯？

作者: kelvin19250 時間: 2007-5-26 00:40 標題: 回復 #49 締ξ死神ψ 的帖子

但佢出發點係為左佢個女...

不過你唔洗同我嘈...

呢個係真實個案..幾年前明珠台做個...
呢個真係灰色地帶黎...
如果只係談論佢有冇錯...
就一定冇絕對答案...
有人話對...有人話錯...
在乎你點睇...

我覺得佢做啱...
佢出發點只係為佢個女...
不過佢最後都自首...

作者: 締ξ死神ψ 時間: 2007-5-26 02:50 標題: 回復 #50 kelvin19250 的帖子

你認為「為左個女」就可以殺人放火也是沒錯的話，在下無話可說。

我認為這裏所謂的對與錯，視乎會否使別人有所損失(可以是心靈、物質、甚至其他)。

看的是整體，而不是單看「出發點」。

[ 本帖最後由締ξ死神ψ 於 2007-5-26 02:52 編輯 ]

作者: 死肥老蕭 時間: 2007-5-26 08:26

法律精神一定無可置疑，講法律點講都無錯，但人唔一定犯法先有罪，唉！是乎你係咪教徒，仲要屬何教，美國總統有冇罪？？？拉登有冇罪？？？毛澤東有冇罪？？？六四北京學生有冇罪？？？學校犯校規當然無犯法，但唔代表無罪，唔好將犯法等同犯罪．．

作者: 締ξ死神ψ 時間: 2007-5-26 10:51

我地講緊唔係宗教所講的sins，而係法律上的犯罪 (CRIME)(Guilty)。

呢個情況，犯法等同犯罪。

一個正常的社會擁有的法律制度，有錯才有機會犯罪的。

宗教想提出甚麼有罪也可以，以前羅馬教庭認為貪污是可以的，又說人一出生已經是有「罪」，那麼有何討論的意義？

有些宗教說吃動物就已經有「罪」，

有些宗教認為女性唔包住個頭又是「罪」，

你現在創立一個新宗教，也可提出「上網」是「罪」啊！

宗教所謂的「罪」並不在我們討論範圍之內。

[ 本帖最後由締ξ死神ψ 於 2007-5-26 11:11 編輯 ]

歡迎光臨 IPvE vLan 遊戲平台|網吧系統 (https://www.ipve.com/bbs/)