IPvE vLan 遊戲平台|網吧系統 - Powered by Discuz! Board

標題: [知識] 尋日發生左兩件事，冇晒心機 [打印本頁]

作者: 紀敏 時間: 2010-6-13 16:34 標題: 尋日發生左兩件事，冇晒心機

今時今日，以我的觀點不單要對會員負責任，還得對版主們負責任，不論是從誰的口中得知

事情，我亦會去憑眼見的事實看清楚真相。自問除了剛上任的見習期那段時間有點叛逆，其後一直都很乖很聽話。

三管說一，我不會說二；事實如何，我不會歪曲。昨日發生兩宗申訴事件，令我感到很憤怒及無奈。

一：

一名見習版主上任不足一星期，他心裡的那把尺跟其他版主不一樣，而且他很容易會"走溜眼"，需要時間去改正，一個人管治該版並不足夠，所以才會有兩名見習版主同時在任於該版塊，但碰巧遇上考試期，另一名見習版主已經請假，而該名版主堅持繼續做下去，不請假，一名見習版主能力有限，一時疏忽沒有及時對另一位會員處分，便讓會員堅持說他偏私，要求我們去解僱一名盡責、努力、有心的見習版主。

其實他在操作上並沒有犯錯，見習版主沒權利去決定會員該受到何等處分，作出決定的人是分區版主，但上報的人卻是見習版主，他只是沒注意到另一位會員的發言有引發罵戰的成份，而導致今次所謂的不公平對待。

如果硬要說疏忽，是我們沒把該帖逐個回覆檢查，但同時發生問題的並不止一個版區，該區分區版主只有二人，如何一日處理那麼多問題？我們缺乏的是人手，可以成為出色版主的材料。

二：

會員發佈一段未經證實的對話紀錄，質疑該版資深版主的人格。事實該種對話紀錄並不屬於VLAN處理範圍以內，作出處理已經是超過了。

在此事上我發現自己仍然有不成熟的地方，其實根本完全無需要理會該申訴，因為它與本論壇完全無關。

為什麼我還要站出來處理？我想知道我所教出來的版主有沒有真的做錯，我想聽到更多會員的聲音。

我下了判斷，結果被當成是偏幫的一份子。

────────────────────────

本人作為版主所做出的事，其實早已超過版主應該做的範圍，我會去加很多很多屬於會員的Ｍ群，其他版的Ｍ群，想知道他們對本論壇有什麼意見，有什麼我可以做得到，有什麼可以代他們向管理員回報。

例如，某位會員曾多次發表相同建議，但經我們查證過後，都是不可行的建議，那麼為何他要把同樣的事重複發佈多次，執著於同一點的位置？我想去知道，所以親自去問他，而不是在論壇聽完了，說句不行便草草了事。

我很執著一件事，我所處理的、所做的、都不應該為了幾個會員，又或者是一塊版，這一點是半年前小飛豬教我的，然後我轉了方向，循著版區發展的指標去作出決定，而不再是單一版塊發展。

於是，我聽從小飛豬的話，乖乖地退到幕後，以培訓版主為主要職責，有心的版主可遇不可求，有心的版主辭職之後可能會做出惡劣的事，我看過了，認清了，心淡了，但仍然要保有期望去接納新的見習版主，就算他們不聽，我也要很用心去講，講完，聽不聽是他們的事，但至少我有用心教過。

漸漸，哪一種版主有心，哪一種版主為人正直，哪一個不知悔改，我看得很清楚。

他們做錯了，我罵得很徹底，什至有時連粗言穢語都罵了出來，可以完全不留情面在版主群、當著所有同區版主面前罵任何一位犯錯的版主，即使是我所教過裡面最資深的那幾位也是一樣，從來沒有不平等的對待。

─────────────────────────────

哪一個有上進心，有在改變，我也看得很清楚。

涉案的兩位版主，其中一位已經做了不短的時間，他的表現是有目共睹，我什至有時認為他比我更適合擔當超級版主這個位置，因為他的熱心比我強悍，他連更新檔都接手了，處事亦很公正，當他被投訴說他跟會員同流合污，我當場嚇了一跳，會員們和我都對他有信心，不能單單以一句從其他人口中、而不是從他口中發出的所謂對話內容，就能令我們覺得他真的會這樣做。

另一位，我平心而論，他是見習版主，人誰無過，我當見習的時候我也錯過，我也跟某人談論過版主責任上的問題，當時我很生氣也很反叛，今時今日我回望過去，他有說得對的地方，也有說錯的地方，但他所說的話裡面仍然有很多值得學習的道理。

是不是一次小錯誤，不足以影響他人的錯誤，就要趕絕一個還沒懂世事的見習版主？

我敢說他真的連很基本的事情都不知道，他給我的感覺完全沒有絲毫版主經驗，就直接踩入了風氣最惡劣的版塊，就像一個還沒學會穿避彈衣的小孩子踩上了戰場，雖然他不是一位完整的版主，但他一上場就把所有事情自己承擔起來，很盡責，這是一個版主必須要有的條件，為何不給他機會？

結果是他被射到一身都是蜜蜂窩。

以上純發洩及觀點，本人為字海深感抱歉。

各位會員在抱怨之前，煩請想想別人的感受，版主是人，會員也是人，當你受到誣蔑，你會有什麼感覺？

[ 本帖最後由紀敏於 2010-6-13 16:42 編輯 ]

作者: ME]Fel 時間: 2010-6-13 16:45

吾洗甘灰既
話哂過左去既都過左去
出現左呢d事件大家都吾想
最緊要係防止第2次發生

作者: 紀敏 時間: 2010-6-13 16:46

引用:

原帖由 ME]Fel 於 13-6-2010 04:45 PM 發表
吾洗甘灰既
話哂過左去既都過左去
出現左呢d事件大家都吾想
最緊要係防止第2次發生

我把公正兩個字看得太重，把本壇看得太重，這一點早已經被責怪過很多次，什至被會員稱為包大人= =

作者: ﹑VAE 時間: 2010-6-13 16:46

紀敏說這兩件申訴事情我也有看見及在場

而兩位申訴當事人說話及語氣也是情緒達到高漲

還對很多人說出無禮的說話

他們根本就不願意受版主處分

作者: 紀敏 時間: 2010-6-13 16:48

引用:

原帖由 ﹑VAE 於 13-6-2010 04:46 PM 發表
紀敏說這兩件申訴事情我也有看見及在場

而兩位申訴當事人說話及語氣也是情緒達到高漲

還對很多人說出無禮的說話

他們根本就不願意受版主處分 ...

我無法勉強他們學懂一個道理一一得饒人處且饒人，退一步海闊天空

作者: W_a 時間: 2010-6-13 16:59

把口係人地到佢地鐘意點講咪點講

有時對得佢地多我都覺得累 , 真係費鬼事理佢地

佢地當版主萬能 , 又想版主幫佢地處理不公 , 又想版主幫佢地做野 , 又想版主點點點

一時就話版主要黎都廢 , 但係到頭黎又話個區無版主唔得

得閒無事投訴你 , 比人扣分投訴你 , 又話咩包庇 , 官官相衞

其實有冇諗過做版主的難處? 真係好似班人講到咁叻比個官佢做囉 ,

其身不正仲要聲大夾惡上黎嘈人 , 投訴人 , 倒不如先正其身 , 自律下 , 反思下先

我出得篇野就預左你班無聊人黎插我 , 隨你個便。

作者: fatfat1000 時間: 2010-6-13 17:06

既然超出了vlan管理範圍,我也只能無奈接受
但會員的雪亮眼光自然會分得出誰是誰非

作者: ﹑VAE 時間: 2010-6-13 17:07

引用:

原帖由紀敏於 2010-6-13 16:48 發表

我無法勉強他們學懂一個道理一一得饒人處且饒人，退一步海闊天空

＂本來無一物，何處惹塵埃＂

作者: 紀敏 時間: 2010-6-13 17:11

引用:

原帖由 ﹑VAE 於 13-6-2010 05:07 PM 發表

＂本來無一物，何處惹塵埃＂

可惜鑽牛角尖的人永遠看不清現實

[ 本帖最後由紀敏於 2010-6-13 17:14 編輯 ]

作者: W_a 時間: 2010-6-13 17:14

引用:

原帖由紀敏於 2010-6-13 17:11 發表

可惜鑽牛角尖的人永遠看不清現實

逃大雨:我沒說是我 , 那是我朋友...

當中意思 , 請當事人深思 , 明白者自笑不言好了。

作者: pokhh2006 時間: 2010-6-13 17:17

人生有好多唔如意既事,我以前成日都遇到唔開心既事,
之後我學會左,開心定唔開心都係要面對,點解唔選擇開
心呢,加上件事已經過左,但係可以用呢兩件事做一個檢
討,而呢個檢討唔係要黎自責,係要黎做得更好。
仲有呀紀敏,你係時候要減下壓

作者: 【細賢】 時間: 2010-6-13 17:22

其實呢d人..為玩野而去玩野..講d道理比佢地聽..佢地係唔會聽得入耳..仲會話返你轉頭......

到呢d人大個左..要出黎搵野做..or個人成熟左之後...諗返起自己果陣點白痴..上網上到上哂腦

[ 本帖最後由【細賢】於 2010-6-13 17:27 編輯 ]

作者: 小御 時間: 2010-6-13 17:29

遊戲區入面大把___
(遊戲區定義為信長區所有版塊 CS L4D etc.)
係呀係一大堆___呀
就算有d上到中學果d 佢地既智商仍然停留於小學雞既階段

自己個個唔理掂自己
係度周圍賴
問心果句你冇做錯野怕咩比人罰?
就算該區版主真係睇錯你有你既道理
你大可以據理力爭(唔該你地班小學雞咪斷章取義)

同埋呢度既版主
冇義務同你搞咁多野
又咩載點又乜又剩
佢地幫你地解決問題完全係出於自發性同埋好心
你地憑咩黎嘈佢地???

可能你地班___話我憑咩咁話你地
但係講罰果方面
我相信全vLan冇邊幾個罰得會重過我
我之前加加埋埋比人扣左差唔多八百幾分
我都冇開post嘈
咁你地憑乜野
你地班食飽冇屎屙
係屋企要風得風要雨得雨
日日落街蒲網吧小朋友反省下啦

最後一句
我話知你地係其他區嘈成點唔關我事
你咪搞到水區

作者: 火月. 時間: 2010-6-13 17:33

罵也罵過
做也做過

盡左力就好

[ 本帖最後由火月. 於 2010-6-13 17:34 編輯 ]

作者: W_a 時間: 2010-6-13 17:33

引用:

原帖由小御於 2010-6-13 17:29 發表
遊戲區入面大把小學雞
(遊戲區定義為信長區所有版塊 CS L4D etc.)
係呀係一大堆小學雞呀
就算有d上到中學果d 佢地既智商仍然停留於小學雞既階段

自己個個唔理掂自己
係度周圍賴
問心果句你冇做錯野怕咩比人罰? ...

講得實在太好

我以前做會員果時? 比人扣扣埋埋唔見左成千以上啦

比人扣得果幾分就搵哂成班fd上黎嘈

嘈完又點? 現實世界上有信心D? 型D?

仲有 , 你講到自己好偉大咁又話怕咩vLan會比人講獨裁 , 官官相衛

我諗係得你地班人會咁諗 , 同時係得你班人先會咁講

[ 本帖最後由 W_a 於 2010-6-13 17:36 編輯 ]

作者: 紀敏 時間: 2010-6-13 17:39

班版主入黎做冇一個本身係互相認識.

全部都係~從版區裡面見到佢地屬於表現好守禮既會員~

又或者佢地有志願走黎申請~

我地卑機會

冇任何人著緊黃馬掛，冇任何人有免死金牌，我上報炒過既版主都唔少

我真係唔明咩叫做黑箱作業．．．見到呢４個字好灰．．

作者: 682 時間: 2010-6-13 17:44

紀敏,我明白你既,自己負出左咁多心血係呢到,人地唔明白你
,呢種感覺好難受,而且佢地根本唔會聽人講野,佢地既世界只係得自己
唔會理人地,你同佢地講黎都晒氣,任何事都以自己為中心,佢地呢D咁自私既人,
你唔駛同佢地勞氣喎

作者: 絕夜s劍乂 時間: 2010-6-13 17:57

真係黑箱既仲有得佢地開post嘈麼?

作者: 紀敏 時間: 2010-6-13 18:21

派糖果給小孩的人永遠無私，可是收到糖果的小孩，會以為糖果免費派給他們，就代表糖果在沒有任何人付出的情況下無端出現於世，然後又會打派糖果的人

作者: ✿FreEsTYLeζ 時間: 2010-6-13 18:48

說話的人從不換轉角度去看整件事件
往往顧著自己的角度去考慮　其實我們真的盡心為會員
做好每一件事　但是看到會員的無理申訴　作為該版的版主　都應該會感到傷心
做錯了下次做番好咪得囉　幾分換個教訓　何必為了區區幾分嘈嘈共呢
p.s　只是個人意見　希望有心既會員可以為vLan出力　作出貢獻

作者: kaka123 時間: 2010-6-13 18:54

算啦,"靜坐常思己過,閒談莫論人非"有幾多人明?

作者: 借粟一燒._. 時間: 2010-6-13 18:59

第一件事過去左...

但係好似又有個人入黎火上加油..

作者: xX神風Xx 時間: 2010-6-13 19:02

包紀敏

作者: FaTe‧達 時間: 2010-6-13 20:00

太長沒心機睇幫推一下

作者: 花戀楓 時間: 2010-6-13 20:18

還想不到那件事會被提及
哈一笑置之便好了

作者: 紀敏 時間: 2010-6-13 20:18

引用:

原帖由 花戀楓 於 13-6-2010 08:18 PM 發表
還想不到那件事會被提及
哈一笑置之便好了

立場不一樣了，道理自然套用了。

無論如何，感恩。

作者: 花戀楓 時間: 2010-6-13 20:26 標題: 回復 26# 的帖子

哈回想當日說的說話也是有著過份的地方
說話總需留有餘地

你說起兩件令你困擾的事情令我想起一句古語"人生不如意事,十常八九"
有很多事也難以握在手中這種無力感是常在我們的人生上習慣了便沒事了

作者: 紀敏 時間: 2010-6-13 20:39

引用:

原帖由 花戀楓 於 13-6-2010 08:26 PM 發表
哈回想當日說的說話也是有著過份的地方
說話總需留有餘地

你說起兩件令你困擾的事情令我想起一句古語"人生不如意事,十常八九"
有很多事也難以握在手中這種無力感是常在我們的人生上習慣了便沒事了 ...

其實我呻完~隔兩三日就冇事架喇

但係好多朋友仔睇完呢張帖~以為我想唔做~走黎開解我

多謝各位關心

作者: HaagenDazs 時間: 2010-6-13 22:25

引用:

原帖由 借粟一燒._. 於 2010-6-13 18:59 發表
第一件事過去左...

但係好似又有個人入黎火上加油..

我地一齊黎寬恕佢

作者: 7171 時間: 2010-6-13 22:34

版主的確係一份吃力不討好的工作

無論做得幾好,都會被存心搞事或初初來到vlan而又很咀炮的會員投訴

周不時娘親都會受害

'大部份認為版主處理任何事都一定要岩

錯就會被炮轟

奈何版主只係義務

有會員,版主先會有價值存在

版主有時做錯亦係無可厚非

只要會員同版主溝通清楚,我相信大部份事都能解決

[ 本帖最後由 7171 於 2010-6-13 22:37 編輯 ]

作者: HaagenDazs 時間: 2010-6-13 22:37

引用:

原帖由 7171 於 2010-6-13 22:34 發表
版主的確係一份吃力不討好的工作

無論做得幾好,都會被存心搞事或初初來到vlan而又很咀炮的會員投訴

周不時娘親都會受害

'大部份認為版主處理任何事都一定要岩

錯就會被炮轟 ...

而家d人係"只要你唔係企嚮佢果邊"~就算你係中立都好~佢就會覺得你係錯

作者: ﹏冰天。 時間: 2010-6-14 04:49

紀敏...好老實講...我睇完你呢篇我自己都角得有d吾開心
正如當初我中學生百厭老師最後語重心腸對我說一番肺苦之言
我同eddie本身打l4d識...我亦吾知佢係板主去識佢...
我好清楚佢為人....我亦角得佢做板主做得好好...
佢做哂佢要做既野...仲要做得好好...我d 朋友想問我點裝l4d..
我只要一sd佢整既教學網比佢地就已經可以短短幾個中玩到l4d
好祥盡...對我而言係一個好出色既板主....
佢亦吾會介意付出時間心血...整一個咁祥盡既教學出泥
佢仲要好有心同耐性去幫一d想玩l4d既人攪l4d..仲遠端幫佢地整...
佢有時間其實可以做好多自己想做既野....
吾需要咁哂時間去做一d對自己冇好處既事...
我本身係電腦白痴....攪到個l4d吾知點咁又玩吾到...佢用左2日時間幫我搵問題...
仲幫我最後攪得返個l4d...今時今日我先可以話想玩就玩...
每人都角得...佢地今時今日玩到l4d...係必然....係應該....
背後有幾多人辛苦努力...從來有幾多人會去感恩...
飲水要思源...聖人都有錯....正如秦始皇都有受現代人既批評,,,
但佢對中國既功勞功積亦是功不可沒不能夠被抹殺...
凡事有2面睇......人有錯...不要求被原諒....
當做一個教訓....但有冇人諗過佢對我地既恩有幾多?
今時今日講錯一句野....被抹殺佢過往既付出...過往既努力...
自問比著係你自己....你條氣順吾順?....
我諗可能要你做板主義務為會員付出都未必肯
我吾會無端白事為義氣為埋堆去幫朋友...
即使係我識左4-5年既好兄弟...佢有錯我一定會話....
我亦好希望會有朋友會話我既錯處...要改善既地方...
比著係咁多位對本壇有意見既會員...
你做錯一件事....被眾人臭罵...你過往既義務性質既付出都被人抹殺話你係一個衰人
你會吾會心淡...你仲會吾會有心機去做一樣自己得吾到回報既工作!?

[ 本帖最後由﹏冰天。於 2010-6-14 04:51 編輯 ]

作者: EDDIE6446 時間: 2010-6-14 04:51

( 如果你覺得呢篇野係我造作、想扮野博同情既話，麻煩你跳過唔好睇 )

我比你呢篇野搞喊左

我只是想大家知道　版主都係有血有肉既人黎　都會有壓力

由第１日做版主開始　紀敏教我既野我都銘記於心

昨天發生的事是我上任以來最唔開心既一次

又一次諗不如唔好做　咁辛苦為咩？

坦白說做版主真係好易灰心　每天遇到不同既問題要見招拆招

你做得好無人會感激你　你做得唔好就遺臭萬年

尋晚發生件事既時候我已經諗住唔做　但如果就咁唔做我真係好唔甘心

事件發生得不明不白　案中人針對本人嚴重誇張失實既指控　令我覺得非常心淡

坦白說我肯繼續堅持到呢一刻　紀敏真係鼓勵我、教識我最多

我唔希望因為我個人既事情令到大家不公平地認為紀敏係一個公私不分既人

如果你地真係要咁諗佢　我寧願請辭　亦都唔希望比你地覺得係佢包庇我

你地要誤會我人格無所謂　但唔可以誤會紀敏品格

慾加之罪　何患無詞？　因為一件咁既事而連累紀敏於管理蒙上污點

我實在難辭其疚　我只想講

不在其位　不知其難　你地明白嗎？

作者: 我要殺人 時間: 2010-6-14 06:47

旁觀者清,當事者迷

作者: 我要殺人 時間: 2010-6-14 06:51

引用:

原帖由 EDDIE6446 於 2010-6-14 04:51 發表
( 如果你覺得呢篇野係我造作、想扮野博同情既話，麻煩你跳過唔好睇 )

我比你呢篇野搞喊左

我只是想大家知道　版主都係有血有肉既人黎　都會有壓力

由第１日做版主開始　紀敏教我既野我都銘記於心

昨天發生的事是我 ...

論壇人千千萬萬,不可能每個人都能照顧,難道說唐朝就沒有人說太宗做得不好嗎?別讓一粒老鼠屎攪和了一鍋上品湯

作者: 紀敏 時間: 2010-6-14 09:40

引用:

原帖由 EDDIE6446 於 14-6-2010 04:51 AM 發表
( 如果你覺得呢篇野係我造作、想扮野博同情既話，麻煩你跳過唔好睇 )

我比你呢篇野搞喊左

我只是想大家知道　版主都係有血有肉既人黎　都會有壓力

由第１日做版主開始　紀敏教我既野我都銘記於心

昨天發生的事是我 ...

別人的想法並不是你說請辭就能改變，要令作惡的人啞口無言，你今日就要站住立場，給我站穩！日後花多點時間去檢討有什麼地方可以做得更好，當你表現得更好，自然沒人有辦法找到去評擊你的理據。

如今這一件事，最令我不滿意的地方是：「明明理據不足，憑什麼指責？控訴？憑什麼認定別人有錯？」

每個人都有心，好似其中一位投訴者，在他的這件事裡，我反覆思考過，為什麼他要執著於一個小錯誤便要求解僱？當事人於冷靜過後亦表明了，他是與該見習版主於很久之前有過磨擦，對他有偏見才會言詞及觀點偏激。其實事情根本沒有嚴重到需要解僱的地步。

你要明白無風不會起浪，事出必有因，正如樓裡其中一位會員的回覆所及「本來無一物，何處惹塵埃？」

人受情緒支配，特別是網絡世界更容易造成不顧及別人感受的情況，因為他們認為做完壞事不需要負責任，可以放膽去中傷你，結果我們都太認真了！愈認真的人愈容易受到情緒支配。

曾幾何時我有一句頭口憚：你認真你就輸了！

另外，昨天版主群有人說：『點解搞到紀敏變左我地媽媽咁？』

其實認識我時間比較長的版主或會員都好，都知我把大家全當成孩子看待了，還出現一堆人會這樣稱呼我：『敏媽，敏媽～』

我希望每一個我教過的版主都知道的一件事——敏媽真係好長氣，好煩，但係敏媽真係為左你地好

但願各位版主能夠自製出一個無風環境

[ 本帖最後由紀敏於 2010-6-14 09:44 編輯 ]

作者: W_a 時間: 2010-6-14 10:35

引用:

原帖由紀敏於 2010-6-14 09:40 發表

別人的想法並不是你說請辭就能改變，要令作惡的人啞口無言，你今日就要站住立場，給我站穩！日後花多點時間去檢討有什麼地方可以做得更好，當你表現得更好，自然沒人有辦法找到去評擊你的理據。

如今這一件事，最令我不滿意的地 ...

[亂入mode]我叫紀媽的[/亂入mode]

我現在學會一律無視任何無理的投訴 , 他們硬是要投訴就隨他

作者: NiGhTskY_ 時間: 2010-6-14 11:38

算啦吾好咁灰

作者: 死肥老蕭 時間: 2010-6-14 12:08

大家真係好有心,我真係要代三管多謝各位支持.....

坦白講,VLAN 所有版主都係義工黎,仲有不少係學生,處理上可能有不足,

尤其不懂面對部份思想偏激,開口埋口都滿口汚言既網友,

但VLAN 亦有投訴機制比大家上訴,照道理亦算公平公正.

站在管理層,衹會根據事實,版主出錯,處分當然會被取消,

但問題出於會員身上的話,無論壓力多大,都會支持執法版主,

本壇並唔係一個收費網站,亦無能力聘請專業版主,希望大家多一點包容,

唔好憑自己喜愛,執意違規,我相信無一個版主會針對任何人....

作者: kaka123 時間: 2010-6-14 12:11

唔好為一少撮人既攻擊而放棄幫助大部分人

作者: 死肥老蕭 時間: 2010-6-14 12:16

引用:

原帖由 kaka123 於 2010-6-14 12:11 發表
唔好為一少撮人既攻擊而放棄幫助大部分人

經過幾年沉淫,已經無視果D思想極端,無理取鬧之輩之言,

佢地連家中父母之言都當廢話,又點會聽我地肺腑之言.....

作者: 31D659B 時間: 2010-6-14 13:27

版主有權利就有義務盡自己能力去做到最好
版主都做不好怎能去服眾

作者: 紀敏 時間: 2010-6-14 14:06

引用:

原帖由 31D659B 於 14-6-2010 01:27 PM 發表
版主有權利就有義務盡自己能力去做到最好
版主都做不好怎能去服眾

從閣下一事中我發覺了一些問題，不如你先心平氣和地看看這張帖，是我剛發表的公告。
http://www.ipve.com/bbs/viewthread.php?tid=235680

作者: 31D659B 時間: 2010-6-14 16:49

引用:

原帖由紀敏於 2010-6-14 14:06 發表

從閣下一事中我發覺了一些問題，不如你先心平氣和地看看這張帖，是我剛發表的公告。
http://www.ipve.com/bbs/viewthread.php?tid=235680

一直都心平氣和中
只是以事論事

作者: ★凍檸茶™ 時間: 2010-6-14 20:54

盡過力就好
盡過力就好

作者: J.ChuN 時間: 2010-6-14 22:24

唉...版主也是人阿

作者: 小飛豬 時間: 2010-6-15 10:00

最近都是睇多回少，因論壇已經屹立數年，有一班可靠執法人員，
事情已過不再作評論。
版主執法人員們辛苦了，看看今天論壇的成就，歸功於你們，不要氣餒。

作者: RDiver 時間: 2010-6-15 15:00

版主們 , 相信自己既能力 , 相信自己既決定 , 相信自己既眼光 , 認為係岩既就去做 , 唔好為左形式,程序而忽略真相 .

對於無理取鬧既會員 , 根本無須浪費口水 , 亦無須交代 , 快刀亂斬麻 , 咁處理任何事先有效率 , 才能果斷 .

歡迎光臨 IPvE vLan 遊戲平台|網吧系統 (https://www.ipve.com/bbs/)