IPvE vLan 遊戲平台|網吧系統 - Powered by Discuz! Board

標題: [閒聊] 而家D父母個個都貪錢,狗眼看人低,唔怪得咁多女仔嫁唔出啦 [打印本頁]

作者: 流精花苑 時間: 2010-2-1 18:09 標題: 而家D父母個個都貪錢,狗眼看人低,唔怪得咁多女仔嫁唔出啦

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你揾幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,食完呢餐飯好走啦,唔好再揾我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

作者: 一世 時間: 2010-2-1 18:14

人不為己天殊地滅
人為錢亡
係人都係咁嫁啦

錢可以出賣人的所有

別太傷心吧....

作者: vincenttsui 時間: 2010-2-1 18:37

其實佢地都係想個女過得舒服d.....
唔想佢過d辛苦既生活..
因為佢地都窮過
你試下代入佢父母既心態想一下吧

作者: mIRacLe_DeLiCT 時間: 2010-2-1 18:56

人為財死...鳥為死亡

作者: 小御 時間: 2010-2-1 19:03

是咁的
感想呢???????

作者: ●PinK_x森美 時間: 2010-2-1 19:05

社會變質...不予罝評...

但係雙方既態度都有問題
一方面你女朋友個阿媽真係好XX
不過你都唔應該係女朋友面前鬧返佢...

唔同人既立場都唔同...
佢重視個女同埋錢
你重視既係愛
只可以講無救....

但事實就係咁殘酷
N0 M0NEY N0 TALK

作者: 流精花苑 時間: 2010-2-1 22:32

我都覺係NO MONEY NO TALK

作者: ※KAI爺※ 時間: 2010-2-2 08:51

咁你應該以傷心化為動力!!發奮途強!!NO咩都好!!最緊要搵到大錢!但唔好衰用下個屎腦天無絕人之路唔好死估估諗埋一邊

我BUY你嫁!!加油

作者: 流精花苑 時間: 2010-2-2 12:29 標題: 回復 8# 的帖子

真係咁就得嫁啦???

作者: 殘劍飛星 時間: 2010-2-2 15:30

咩父母黎

小弟以家幫你招人斬佢父母

[ 本帖最後由殘劍飛星於 2010-2-2 15:33 編輯 ]

作者: 流精花苑 時間: 2010-2-2 17:34 標題: 回復 10# 的帖子

你係至好講喎

作者: ●PinK_x森美 時間: 2010-2-2 18:10

引用:

原帖由 流精花苑 於 2010-2-2 17:34 發表
你係至好講喎

你居然會咁講...
我有一點兒無奈...

如果你父母拒絕你同女朋友交往...
你女朋友搵人斬你老豆老母你會點??

你到時仲會唔會答到同一句話?

請你唔好諗得咁簡單...
殺左佢地我諗你女朋友更加唔會同你一齊
自己無左父母既依靠...
講真...咁第時靠邊個???

凡事先設身處地...去諗諗人地點睇..
自己改變唔到佢父母...
又真係好想同你女朋友一齊
咁就不如改變自己
改變到人地可以接受你.認同你
並改變你宜家既人生態度

作者: 流精花苑 時間: 2010-2-20 00:42 標題: 回復 12# 的帖子

我而家要點改變先得呀??

作者: 小御 時間: 2010-2-20 01:53

沉左就由佢沉啦又推番上黎

作者: Naliorz 時間: 2010-2-21 11:29

引用:

原帖由小御於 2010-2-20 01:53 發表
沉左就由佢沉啦又推番上黎

凸

係囉,我都唔知d xx仔做乜係都要推o_o

作者: 小飛豬 時間: 2010-2-21 16:39

樓主所言,我非常明白同了解,因為我都是過來人..發生在你身上的事情.同樣的在我身上發生過.不過.語言可能無你激動,.

感想阿..
恩.不會怪對方家長.要求高.只會怪自己能力不足而已.

作者: 死肥老蕭 時間: 2010-2-21 17:14

引用:

原帖由 ●PinK_x森美 於 2010-2-2 18:10 發表

你居然會咁講...
我有一點兒無奈...

如果你父母拒絕你同女朋友交往...
你女朋友搵人斬你老豆老母你會點??

你到時仲會唔會答到同一句話?

請你唔好諗得咁簡單...
殺左佢地我諗你女朋友更加唔會同你一齊
自己無左父 ...

晒氣啦,佢都唔係當事人,佢轉貼返黎,吹都無月....

所以我都唔想比意見....

作者: [山羊座]魔 時間: 2010-2-21 18:30

拖照拍
唔洗理果兩件老餅

作者: 夜鬼．王神 時間: 2010-2-21 20:50

這post之前看過了......

作者: [X]巴﹏tD 時間: 2010-2-22 12:24

這是現實...
年輕人...依家仲早
快d努力讀書第時搵份好工

作者: 流精花苑 時間: 2010-2-23 00:39

我幾時有話過自己係當事人呀???

作者: 牙俊 時間: 2010-2-27 01:49

引用:

原帖由 流精花苑 於 2010-2-23 00:39 發表
我幾時有話過自己係當事人呀???

高明-.-"
我笑左-______-

作者: ★情流×豬- 時間: 2010-3-1 14:18

e加d人係咁架啦樓主加油我支持你

作者: ●欣婷●旭 時間: 2010-3-1 15:23

D父母本來系咁嘎啦-- 節哀順變

作者: hydraco 時間: 2010-3-3 01:42

宜家e個世界d人都話$$係重要ga la

作者: 死肥老蕭 時間: 2010-3-3 11:13

引用:

原帖由 流精花苑 於 2010-2-23 00:39 發表
我幾時有話過自己係當事人呀???

如果你唔係當事人,點解唔註明轉貼,唔加自己意見,咁係犯板規的,我就比時間你改正,

今晚零晨前請加返,否則我就要執行板規....

作者: ME]Fel 時間: 2010-3-3 17:02

引用:

原帖由 死肥老蕭 於 2010-3-3 11:13 發表

如果你唔係當事人,點解唔註明轉貼,唔加自己意見,咁係犯板規的,我就比時間你改正,

今晚零晨前請加返,否則我就要執行板規....

肥老..
你睇下佢幾時發貼.....

作者: ″七夜￡斷 時間: 2010-3-3 17:08

父母日日話你中意咪得.不過都係講$.講到賣女禁

作者: ＷHITE﹏智 時間: 2010-3-3 19:16

其實個個人既目標都係錢姐

作者: hydraco 時間: 2010-3-4 00:08

引用:

原帖由 死肥老蕭 於 2010-3-3 11:13 發表

如果你唔係當事人,點解唔註明轉貼,唔加自己意見,咁係犯板規的,我就比時間你改正,

今晚零晨前請加返,否則我就要執行板規....

喂樓主凌晨前好加返ar
宜家凌晨都未加
等d人仲以為係你所發生既真人真事ar

作者: windsang 時間: 2010-3-4 00:45

呢個係uwants 之前有人post過

最尾係個男比人狂插

點解呢到好多人都講到社會問題, 父母問題, 錢問題

=,= 首先係個男既問題...

28歲都係搵8000 ... 都唔怪得人地父母擔心-,-

而且仲要話冇計劃得個8000點養....家

比人疾幾句就講粗口講人地阿媽-,- 仲要鬧自己條女鑲金

邊個錯邊個岩都未睇得出

講幾句就甘激動結左婚就係郁d就打人

作者: MisGrasx2 時間: 2010-3-4 01:29

咩屋企人黎嫁
好lun19
睇到都嬲埋你果份

作者: 大曲奇 時間: 2010-3-4 02:53

冷靜少少慢慢諗下唔好對酒住

目前你同你女友個關係已經變差? um.. 或者已經 *散左?

希望以上兩者都唔係;

ok,咁講下關於佢屋企人 ↓
                                 佢呀媽靠佢個女養返佢地,, 而你就得8千蚊一個月加上你冇樓
→ 自然就會佢理虧D去做呢個小丑分開你地

以上係從佢屋企人既角度去睇 ↑

但係,我唔排除佢屋企人咁對你係為左試你

      ★ 如果真係為左試你, [sor] 你已經過唔到關 Game Over ★

但係我都係老實講句  你行出街冇十個人有九個都係好現實起碼廿個啦

打完上面呢句我都唔知可以再講啲咩幫你 ,, (默.....

作者: 死肥老蕭 時間: 2010-3-4 08:10

引用:

原帖由 ME]Fel 於 2010-3-3 17:02 發表

肥老..
你睇下佢幾時發貼.....

咁又如何,犯規就係犯規,依家一樣要罰......

作者: 流精花苑 時間: 2010-3-18 12:32

唔好意思呀,係我錯,係轉貼黎架....各位,SORRY呀

作者: ﹏NaTuRe乂傑 時間: 2010-3-18 13:51

大家唔洗驚~~我知青山電話幾多號~~

歡迎光臨 IPvE vLan 遊戲平台|網吧系統 (https://www.ipve.com/bbs/)