IPvE vLan 遊戲平台|網吧系統 - Powered by Discuz! Board

標題: [轉帖] 尋日同女朋友去電腦節,佢要我買部手提電腦俾佢喎.... [打印本頁]

作者: 流精花苑 時間: 2010-1-17 22:40 標題: 尋日同女朋友去電腦節,佢要我買部手提電腦俾佢喎....

呢兩日屋企部手提電腦壞左,真係好鬼死唔方便,好彩由尋日開始有兩個電腦節係同一區度搞,
咁先冇咁頭痕....好似而家咁樣,就要上朋友屋企用機,真係好鬼死唔方便..咁尋日咪打電話俾女朋友
同佢講叫佢收左工陪我一齊去睇下囉,順便可以睇下有d咩平野執囉,話唔定有d咩筍野執到,係咪先???
咁尋晚兩條友匆匆咁質飽左個肚之後,就衝左去睇下有咩買啦...嘩,我地都搞左成個鐘頭先入到去,
梗係老high都買返夠本啦,係咪先???行下行下,都見唔到有咩心水喎,本來都諗住走架啦....點知臨尾都俾我揾到
部同我壞左果部差唔多ge,聽介紹講仲己經比起我之前果部己經upgrade左添,咁死人都買啦,而且個價錢都己經跌左,
唔買就笨啦....本來都想俾錢架啦,點知我女朋友同我講話叫我買多部送俾佢喎,吓???唔係卦???咁我咪同佢講佢果部都
仲未壞,使咩買喎??點知佢聽之後就即時扁晒咀,話我剩係顧住自己,唔理下佢感受喎..仲話因為佢自己部機因為冇cam
因為想同我傾計見到我,所以先叫我買俾佢咁話喎....我心諗,使唔使呀???為左想見到我,就要我買多部俾佢..講真,
話貴唔貴,都要成三千幾蚊架,係咪先??我點可能買多部俾佢咁嘥錢喎,尤其仲係d咁無聊ge理由,係咪先???點知佢聽
完我咁講之後就即時嬲爆爆咁,話我唔體貼佢咁話,仲話佢d fd d男朋友好好咁話喎,唉...佢都俾佢d fd講到佢上晒腦
架啦...本來都想開聲話佢架啦...但係自己又話唔落喎.......咪好聲好氣咁同佢講囉...點知佢唔聽我講不特止,仲嬲爆爆咁走左去.........咁我梗係追上去架啦,點知我就見到佢係度打電話喎,我以為打俾邊個啦...一聽之下,原來佢竟然打俾d fd數臭我喎,
真係激死我.....咁我就一手搶左佢電話,同佢講話走啦...點知佢即時發晒老皮咁,仲同我講話你走咪走囉,冇人留你呀咁樣..
嘩,真係聽到我....咁講野都得,好,走咪走............你到時咪哎返我添呀..講真,同佢拍拖兩年,我就忍足佢兩年,我都唔知幾時
會爆煲啦............到時點算好呢???就係咁,今日成日都冇俾過電話我,買又買唔成,搞到而家要去fd 度用電腦,真係好慘,唉...........

作者: 垃圾焚化盧 時間: 2010-1-17 23:03

你次次開post 都係關於女朋友既= =

作者: 死肥老蕭 時間: 2010-1-18 00:12

樓主多次轉貼唔加自己感想意見,....