話說小弟仲讀緊唔知form4定form5嗰陣,有個同班中學生得特別矮(唔過165cm)
可能係自尊心作祟,所以佢成日都講粗口
通常佢.....
寸人嗰陣佢會話:『你條X樣丫...』
畀人寸嗰陣佢會話:『仆X啦你!』
無啦啦畀人打嗰陣佢會話:『X你個嘴牙!!』(←呢句超經典...我從來未聽過呢句粗口...)

有一日轉堂又幾條友走出位吹水,佢又慣常咁唔夠十句就爆粗...
佢:『你條X樣丫...(下略)』
點知佢又畀人寸返轉頭話佢矮仔
佢:『仆X啦你!(下略)』
就喺佢鬧得好HIGH嗰陣有人離遠見到個MISS行緊去我哋課室上堂
某人就睇準時機大力打佢背脊一搥
然後佢又好慣常又好火滾咁轉身去後面鬧咗句...
『X你個嘴牙!!』
MISS(啱啱入咗課室門口):『.......』
最後條白痴仔畀人『的』出班房插咗好耐,而成班娃鬼無啦啦又多咗半堂黎攪屎棍
．
．
．
男校學生之間犧牲小你完成大我嘅友情真係令人欽敬!