FiNaL◎峰

呢一學年算係我讀書最用功既一年, 成績雖然唔係話特別好, 亦都可以做得更好.拋開左一班舊既友誼之後, 時間剩下來都係無無聊上下網, 拎本書讀下, 做下功課等等
望求可以增進一下知識, 彌補一下當初浪費左係遊戲既光陰.
的確剛開始其實已經知道自己比任何人都落後左好多
當初讀11年班會計 53分 勉強合格, 可以讀12年班會計
我好努力, 好努力, 每日都用幾個鐘時間黎溫每日教既野
死背哂入腦, 但係考試亦唔見得特別高分, 始終都係around 60-90分, average就75分
而到數學科, 最近更新既成績出左黎, 比舊成績高左1分, 依家97.3分
如果過埋大考, 保持到六科成績82分平均以上就可以順利入大學
雖然話唔難, 但係如果大考失準就隨時墜馬, 唔可以話唔緊張.

講返當時點解我會無左班舊既朋友, 就係因為一些小小既誤會
不過我認為自己無錯, 就唔會對呢件事下低威. 要過去的都要過去
無論友情同愛情都係一樣, 有時會因為小小既裂痕, 就令到幾結實既關係都會破裂

係朋友, 同學眼中我都係好聰明. 但自己知自己事, 我花比別人多既時間同努力
先換到比人地高優秀少許既成績.
面對住一些成績很優秀既同學, 雖然我想超越佢地, 但慚慚發覺基本上係無可能發生
原因我好自私咁歸咎於我家人方面, 為何我家人無學資, 為何我家人沒有富裕既錢
當然呢種事情我只係永遠咁埋係心裡, 但每次聽到家人用我黎比較其他人
我心入面好酸. 我只能自我安慰自己, "你比較既其他人都比我環境好."
相反同我環境差唔多既人, 我就已經勝過佢地好多了.

其實我學年仲未結束, 實際黎講仲有兩個星期, 呢個端午節食粽定跳河就睇呢個大考
壓力比邊一年都大, 因為一考得差, 我就要返香港停學一年了.
就算升讀左大學, 我究竟應唔應付得黎我都唔知
就算順利畢左業, 我未來既路又係點, 我都唔知

不過總結黎講, 呢一年, 我無後悔過, 雖然活得辛苦, 但係我感覺到我真係進步左好多.

LCF_NCL

我相信我都會慢慢咁努力
雖然係辛苦
但比啲時間
一定會見到成果……