[Open]
[Close]
村屋經歷
想講下自己曾經住過村屋既經歷....
6 年前左右.. 我同當時女友搬左去清水灣,一個叫檳榔X村既地方度住, 因為有車,, 所以都唔覺得有咩唔方便, 因為個度要行一條大斜路先可以出入,, 夜晚冇咩人行,, 而且會有偷渡者係個邊..多數村民都會行出去或渣車出去接自己屋企人番黎.而該村好怪, 因為有一撻空地, 而入面只係樹林, 再落去就有兩間,應該係先人住既地方, 平時都唔會行入去. 因為裡面冇燈.
第一次搬出黎, 好多時同自己伴侶都會發生好多問題, 我亦唔例外, 久而久之, 關係愈來愈唔好, 而我同佢既脾氣都係一樣. 都係倔強既人,
有一晚, 我12點左右先番黎, 咁我收到電話都會出去接佢, 個晚個的士司機好PK, 話唔想行倔頭路, 所以就係斜路頂,即村口放低佢, 仲話唔收佢錢, 咁冇辦法, 我渣車上去接佢, 但上到去. 唔見佢個人, 打電話亦冇人聽. 而個條路係單程, 基本上,我行上, 佢行落都一定見到, 愈等愈心急, 打電話都係冇人聽, 所以我就落車去搵,,,,
一落車, 我見到佢係路口, 佢喊緊, 而我當時其實好鍾意佢, 只係脾氣面子問題, 但當時環境, 我冇理由繼續同佢鬥, 只好認錯, 當我行到埋佢身邊, 一陣風吹來, 佢突然擰轉面, 講左一句" 唔好理我" 就向村方向行落去番屋企, , 而我亦冇理到架車. 由得佢放係村口,
當時好怪, 我點追都追佢唔到, 更何況佢著既係高爭鞋. 行左3分鐘左右, 一轉灣就唔見左佢, 心想冇可能咁快.....當我在想如何是好的時候, 聽到村內那撻空地傳來喊聲, 當時電筒都冇, 行左入去兩步,喊聲愈來愈大,, 心裡面都好寒, 因為個種喊聲係好慘...令人好心酸. 我叫左幾聲都係冇人理我....
因為個度真係一支燈都冇.. 所以我決定上番斜路渣車入去搵....而我行上去既時候, 喊聲依然存在, 心想, 平時行路大聲D 都會出黎DYLM 既村民, 今晚去晒邊.....上左車. 第一時間衝落去, 期間不停打電話俾我女朋友, 但都係冇人聽....
入到樹林, 好黑. 只係見到車頭燈既方向, 我不停叫佢名... 不停咁去講對不起. 但本來有既喊聲, 都沒有了, 變得好靜.. 好靜.. 一個人係樹木, 只有車頭燈既光令我望到前面.... 怎麼都沒有... 但突破感覺背後有人..... 聽到一把女人聲,, 講左一句"你來啦"......
那把聲音不是我女朋友... 我肯定.....更肯定的是. 那把聲音係車廂內傳到我耳邊.....
我好驚.. 立即掉頭出番樹林... 去到廟前的停車場.... 好驚... 打電話女朋友又唔聽.... 想下想下... 就好像睡了.....
好像過了好久.... 有人拍我車窗,, 見到我女朋友. 我不停流眼淚, 因為剛才我花了太多時間去找她.. 突然的出現令我感動...
我問她為何在村口等佢既時候. 只係講句唔好理我就衝左落黎,, 我搵你搵左好耐.. 我以為你入左樹林喊.... 對唔住.... 老婆.....
但我估唔到既係....
佢話"原來佢一直都係村口等我.. 但都唔見我....只係見到部車......等左兩個字都唔見我.當有其他村民渣車番黎既時候, 佢就坐左人部車落去.. 當落去個陣. 見我一直跑上去. 叫極唔停..... 本來想係屋前等我 ,但見我渣車入左樹林, 自己一個女仔. 所以冇跟入去...過左一陣.就見我一去到廟前的停車場, 就訓左.. 所以就拍我車了)
我聽到既時候好驚.. 因為佢所講既野.. 同我所做既野完全唔同........究竟我做左D 咩....
