武霸

係呢幾年入面 我已經唔知自己係為咩而生活 點解每日要行屍走肉咁生活
17歲仔已經咁諗 係咪注定我將來都係會咁
曾經我都有1段美好,滿足既生活 就係我小學個陣時 亦都係17歲人入面最快樂既1段時間
成日跟住阿哥,同隔離鄰舍d細路仔1齊落街玩,上大家屋企玩 鬥獸棋呀,象棋,捉e因,踢波,巨商,彩虹等等數之不盡既玩意 個陣時生活真係無憂無慮 有好既伙伴 好既生活 玩到勊就番屋企
我阿哥同我細個感情都好 乜都傾1餐咁制
到呢家為止我都好懷念呢段時光 想有部時光機番去再黎過
但係點解呢家會變成咁
同阿哥冷戰左5,6年冇傾計冇盛 交到心既朋友又唔多個 加上細個成日打機打到隻眼虧虧地 成日都會眼痛 對我生活造成好大影響
1番到屋企好似對住個陌生人咁 由中學開始我阿哥就成個人變哂
郁d就發睥氣(到呢家都係)成日都大大聲鬧
佢成日都唔識笑 板起塊面 黑口黑面 好似冇左快樂呢種感情咁
因為咁 搞到我地全家人都充滿負能量咁
我諗呢家得番部電腦陪到我 有咩感受都只可以係度講
同埋 上左中學後 開始見得到咩叫現實
最簡單 就係以貌取人先 個個簡friend都係睇樣為先
你個樣樣衰,毒 就已經會比人淘汰
曾經既我都試過被人欺凌 分組永遠得番自己1個 跟住1轉堂冇老師就過黎整我 自此成個人充滿自卑感 可能因為咁搞到我好驚進入一個社交群體
唔知呢種算唔算社交困難症 同d唔熟既人1齊就唔敢講野 所以我社交能力好差
導致冇乜朋友
讀書又差 出年dse完之後都唔知去邊好 呢家個人充滿負能量 唔知有咩可以比我做,岩我做

愛影。揚仔

讀好d書入返間大學, 新學年新開始
如果有機會去到新環境讀書, 就重新黎過
唔好再咁陰暗走埋一角毒, 多d同人傾計
呢加你都已經中六了, 專心讀書吧
你班中學同學要同你做好朋友既, 都會一早做左, 好難再有改變
所以專心讀書吧, 你有料, 一定會有人同你做朋友

至於你屋企人, 我唔太清楚樓主你因咩事同哥哥冷戰啦
但都祝你同屋企人關係快d好返
你試下主動少少, 比返少少笑容搵你哥哥傾計吧
或者星期六日同下父母食飯
有錢就約下朋友出街或者一齊溫書, 唔好比自己成日對住部電腦就可以了
總之完左Dse之後既路, 大把你有得行, 呢加好好享受下專心讀書既時間吧

安非他命.

咁又真係幾悲下
如果唔介意 一齊出黎玩下
打下乒乓球咁

[ 本帖最後由 安非他命. 於 2014-11-16 13:55 編輯 ]

prIC女

我擁有好多朋友 我擁有美好既回憶 但我既人生好似仲有d野未夠 就係興趣 好似你所講咁 行屍走肉 我就真係無異 我講下我既心路歷程 我認為讀書對我來講 只係一個袋住先既方案 由細到大 老豆老母都係咁講 讀好d書就搵到$架啦 你唔讀有咩做啊 讀住先啦  但係我讀左十幾年 我真係唔覺自己係讀書既材料 點努力都只係中上 唔係我果飯 加上社會流動性咁低 大學生都好難搵好工 唔通成世都做打工仔咩(可能有人唔認同) 袋左十幾年 白活左十幾年 係時候認真搵下自己興趣 但我既興趣都受好多野既限制 eg:從政 太危險(你懂的) 唉 所以我都唔知而家點算

殺老師

WOW PC女從政

SpaWN★

上面有人天真到以為入到大學就解決哂一切人生問題

供樓啦 香港人

WINer★雨

仲諗住咁大篇文 有幾慘添
對我黎講你呢D只係普通料
唔係串你, 我真係咁諗

17歲仲好年輕, 雙手可改變未來, 只要有心, 其實唔難

利申: 慘過你2百倍