大家好! 好耐無見啦! 今日要同大家講的係Thresh，一隻好講究互動性的Support英雄，因為真係太多人唔識玩。
~開波點技~
開波果陣點Death Sentence好D定係Dark Passage好D呢?
Death Sentence(3大用處)︰
．可以勾敵人，對佢造成傷害+暈+拉
->Leash果陣可以降低藍/紅Buff的輸出
．勾中敵人後，可以穿牆衝過去
->勾小卒或野怪甚至可以為自己逃生
．射向草叢可以試下可唔可以勾中人，作為較弱的探路
Dark Passage (5大用處)︰
一．為隊友提供護盾，以吸收傷害
二．燈籠可提供視野，以偵察地形
三．穿牆拉隊友，可以救出隊友，脫離被敵人圍毆的局面
->在Leash前，隊友去敵方JG探險都可以用佢開出新的逃脫路線
->相比Death Sentence，燈籠可實際知道草叢內的情況
四．可以讓隊友練習使用燈籠，讓佢地知道點用燈籠，提升默契
->由開波到Leash可以玩6次，足以令所有隊友至少試用1次
五．就尼食完Buff前掉燈籠，然後企到3狼附近的邊緣，有3大好處︰
->提供護盾吸收傷害
->野怪死後可汁1至3個靈魂，增加AP同裝甲
->食晒野怪後點燈籠可以拉JG傳送1500距離，節省至少4秒時間
PS︰Thresh出生1年半，除左我自己外，無見過有人玩Thresh會咁樣幫JG拉怪後走位的
所以我會覺得Dark Passage好D。
~ADC~
唔理我玩咩ADC，同埋咩人玩Thresh，玩Thresh的一定係點Death Sentence先。
佢地發夢都諗住要殺人，佢地相信Death Sentence可以達成佢地的願望，佢地對人頭的慾望已經去到失控的境界，越早收人頭，就越開心越過癮，所以1Lv殺到人就最好不過。
但係依班小朋友大多數都係過份進擊，假設佢地次次拉中敵將，拉中咁又點呢? 都唔痛的。你估你係機械人咩? 拉得有幾遠? 仲要係慢慢拉喎。除非你拉佢入塔底啦。
拉還拉，無人叫你衝過去嘛，佢地就係鍾意衝過去......送頭，之後就喊。唉...
之後? 佢地一定主點Death Sentence，Dark Passage就唔到4Lv都唔點，仲要只係點1下，所以係對線期間，我永遠係見得勁多飛勾，但係就無咩點見到燈籠。我只係想用燈籠姐，點解都可以咁困難架? 唔通連放燈籠的按鈕都唔識禁? 飛勾又要瞄準又要眼界我真心覺得好難用啊，但係燈籠呢? 唔好話識唔識放，或者放得好唔好，佢地係直頭放都唔放，想善用Thresh專有的燈籠都無機會。
有時我想上前Poke一野即走，唔好意思，用自己對腳走啦；有時我想炸塔，見有人尼即走，對唔住，用自己對腳走啦；有時有人係河尼緊，我未必走得切，Sorry，你咪去死囉! 唉，明明有咁好的拯救能力，偏偏比E班小朋友就咁樣破壞左。
地下有靈魂，唔會汁；燈籠可以汁靈魂，佢地又唔識，有D仲要唔知。
佢地對我的小卒不知所謂咁貪婪，但係對小卒死後的靈魂就一點點的貪婪都無，姐係寧願要洗錢的AP裝甲，都唔想要免費的AP裝甲? (姐係日常生活寧願去高級餐廳食飯，都唔想係自己學校/公司的餐廳食飯)
~Support~
我見人玩Thresh玩到咁，我出聲佢地又話「咁叻你玩比我睇囉!」，我心諗玩Thresh輔助人係咪真係咁困難，所以我玩Thresh就一定係點Dark Passage先。
我真心發夢都諗住要全力輔助隊友，Dark Passage正好比左依個機會我，既可以幫隊友走位，也可以拯救隊友，脫離困局，有唔少隊友都比我的燈籠救返條命，對我無限感激，所以係對線期間，我用燈籠永遠都係多到洗腦，CD完就即用，隊友永遠係見到燈籠都過飛勾的。
咁我會點用Dark Passage呢? 分開Leash、對戰、後期團戰3個部份尼講。
一．開波Leash果陣已經講左，睇返上面既可。
二．對戰期間，平時我會放係卒仔附近的空地，既可以收集靈魂，也可以隨時比隊友走位；如果係會戰，我會放係ADC的後面，務求令佢點到燈籠逃生；如果JG尼Gank，我會掉比佢尼拉佢過尼快速Gank，或者Gank完後逃生。
三．後期團戰，我一定企最後放燈籠，有時仲會隔牆放添。
PS︰每次放完燈籠，我都一定會企係邊緣，以達到拉人的最大距離；另外係安全情況下，我一定會等足6秒(燈籠消失後)或者有人用左燈籠後我先會離開個圈，因為你唔會知道隊友幾時會用燈籠，同埋會唔會用燈籠，作為Support的你一定要相信隊友，絕對唔可以估隊友唔會用燈籠而自行提早離開範圍。
~總結~
如果ADC可以善用燈籠，相信燈籠多過相信自己；如果Support可以狂用燈籠，造就大量逃生機會。咁下路就係小人心中最夢寐以求的完美組合，不用質疑。
好啦! 講完啦! 附送10張圖比你地過夜，係咁
[
本帖最後由 spiker 於 2014-8-8 08:58 編輯 ]
