[由於內容太多本人決定分開幾篇寫]
本人近排開場時~次次都有新手係度搞搞陣而一向都係一對N教學既我教教下都FEEL到唔係路所以就正左個教學出黎
第一篇[生存篇]
首先玩這個遊戲既目的多數都係想爆機而佢既爆機既條件都十分之簡單就係[捱時間!!!!]只係開場咁多人入邊有一個人捱到夠鐘就得
天真模式[捱60分鐘](有20分鐘的新手時間~等同不死)
現實模式[捱90分鐘](主要分別就係冇左新手時間同晚上來襲的怪物係天真模式的3~4倍)
魔幻模式[捱120分鐘]←個好難的......(晚上來襲的是遠攻魔物~由於這不再屬於新手範圍所以在此不作詳談)
以上模式於每一晚入夜後都會有野去襲擊玩家(例:狼)
係角色方面呢一開始時個個人都係有350血同350魔法(以上2項都會隨時間慢慢消耗的)
大家可以係自己身上邊睇到有好多技能啦而技能就會留返[技能篇]講既
好多人都問我:[點先頂到咁耐呀!!]
這個遊戲大約有2種最有效既玩法 1.搵個位守好
2.bug位引怪(唔係個個位都做到同埋於魔幻模式無效)
好~首先講左1.果個方法先啦
好多時地圖比你既位都係有3個出口既而你一定唔可以開曬3個出口你要用建築物封左其中2個出口~咁你就可以係中間守喇
(又有人問我~喂喂我封口間野都比d怪打爆喇點好呀!!!!):係呢個時候你就可以用你有既野去引d怪返返去剩下既出口度喇(例如:用石頭丟一隻怪~咁就多數成功將怪引回)
玩呢個方法既人都係直得敬佩既人= =因為要有好強既合作性~要有人頂門等後邊玩遠攻型武器既人可以打怪
(注意:頂門既人最好有2組人2個人一組~因為第一組人d血就快死時第二組人就要頂上當二組人係度頂緊時等於幫第一組人爭取回血既時間)
好喇到方法2.bug位引怪
這個方法係非常之無賴既~因為佢可以一下都唔比怪打就殺曬d怪~呢個玩法仲非常之適合單機同埋新手用
首先最重要就係搵到個可以bug既位(可以bug到既位通常都只有一個出口):如圖一當然唔只等呢一個既
第2就係要正一個建築物叫[帳蓬]佢係之後係有好大既用途 佢既合成方法係由:任何一種皮毛+木棒x2 玩家開始時就要合到所以要打一隻鹿[開頭得佢打完有皮爆出來]
到左你搵到既位後就將你合左既帳蓬起係個出入口度(緊記:要封緊一小格都唔可以留)之後你就要走到去帳蓬的對邊唔好出去
到左晚上怪物們就會想先攻擊你個人而不攻擊係的建築物(帳蓬)如圖二係e個時候最好就有遠攻型武器(例:法杖)
當你打死曬來襲擊你既怪物後多剩既時間就係你架喇你想做咩都得~不過我多數都係出去汁野(晚上汁野好難最好加多個火把)
順帶一提:鹿佢行得好快架最好就帶一粒石先好打咁會打得快D P.S打完記得收集屍體呀而收集既方法係身上既技能就有收集完拎返去火旁邊就可以製作出回血的烤肉了
冇魔點好!! :有唔同既建築物都幫到你回魔(例如:冰屋)
小小既秘密:於遊戲開始數分鐘時系統會問題一條問題 而係果條問題既答案就係[babujie
www.dmsir.cn （xxxx）]打完系統就會送你一D野
密技: -xuedixingcunzhe 呢個係出馬仔指令 (天真模式先用到)
本人都唔可能講係神手 但都都可以同d相熟既朋友過左3~4次過魔幻模式既 有興趣既朋友可以平時係綜合見到我開場架
第一次貼寫得唔好都唔好插~平時口多多~自知得罪人多~係度講[SOR]
[
本帖最後由 dakar135 於 2014-5-6 19:18 編輯 ]
