引用:
原帖由 ★愛帥ζ曉 於 6-4-2008 09:37 發表 
聽日考maths啦>
考試?
還記得上一次考試入到去試場,大字形咁坐係張凳度
腳?梗係放係枱上邊啦,仲要一直un住
從來都唔會急 ╮(╯╰)╭
"考試正式開始"一聲令下,眾學生無不執筆提字
希望可以係有限既時間入邊,為係佢地以後既人生路途上,發揮無限異彩,而埋頭苦幹著
我嘛,當然係最強的一名學生
咁急做咩呢,卷?
又唔會有腳走左去既
感受一下考試既氣紛,哼下歌,舒緩一下緊張既情緒,咁先可以有好狀態嫁嘛
眼見時間過左15分鐘,開始覺得悶
咪開始呀,睇下份卷呀,咁囉...
不過因為唔想做,都唔會落筆住
睇下份卷,眼見咁淺,不禁對身邊咁多名死讀書唔識變通既學生嘆息嘆息
在普通學生眼中,時間一分一秒咁過,一種光陰似箭,日月如梭既感覺相信都會係心頭盪漾著
大約到左25分鐘
見d呀sir係隔離行行企企,雙眼望下你又望下你份卷
而當你一望向佢雙眼佢又會好不其然地避開,好似求緊你做咁
個陣呢,我就覺得係我開始做既時候喇
執起支筆,不過都唔好寫住喎,所謂慾禽先縱,有經驗既人都知道,要吊下佢條癮先啦
轉下筆咁又過多5分鐘
好喇,開始做喇
當然都唔可以急啦,慢慢咁寫,從黎都唔需要急既
要有一副"分,我拎梗"既態度同神情
試場既miss呀sir無不為你既從容不逼而驚訝
筆隨意走,眼看筆杆一揮
從眼旁接近死角處映入一名態度比我入場時更為悠閒既學生
我相信如果你係我你都會深感不忿,唯我獨尊既感覺完全被破壞
帶黎既...當然係無限既怨念
我決定將佢化為呢場考試既一號祭品...
然而,還未有機會下手...過左5分鐘我都搵唔到機會,可惜可惜
不過我都唔會因此而心急...最多咪唔放佢上神枱住囉...
如有神助地,大約做左10~15分鐘就做完份卷啦
淨低既時間嘛
我會靜靜地坐係度,睇住隔離d人百思不得其解既表情
用我隻閒著的左手與右手
點支煙下,回復番去一入試場既姿態
再感受一下眾生受難而自己已經得道既快樂
慢慢地嘆呢一口煙,靜靜地望著煙圈升至天花板既時候
突然記得那個祭品一號
月黑風高,一股邪惡既意志支配住我既身驅
無限既靈感突然由湧泉穴沖至百會穴
靈機一觸,決定用一個萬惡既導彈結束此祭品既餘生
右手結印,將煙頭一彈
未熄滅既煙頭帶住我無限既怨恨與紅紅既烈火劃破長空
向住此祭品既耳背直飛
導彈爆發既一刻亦係佢圓寂之時
說時遲,那時快
火光與耳仔融為一體既一瞬間"呀"字由此祭品口中轟向天花板,直入場中每個人的內心
如此悽勵既叫聲令我萬分興奮
場內無一不望向此祭品
帶住呢一份喜悅,即使未聽到停筆收卷四字我都已經想開始大聲咁笑出黎
終於完場了,我將我份卷交左比收卷既老師
然後用一副不可一世既表情,鼻哥窿向天個種...
再用眼角瞄佢一瞄
知道佢而家既憤怒比我當時的更為深
可惜佢都無可奈何的看著我拂袖離場
[
本帖最後由 cocacola_ 於 2008-4-8 11:21 編輯 ]
